講到菜花，希望大家唔好聯想到第二種東西......😆
見一排冇講過健康食材，今次又可以乘機講講菜花這種蔬菜~~
菜花是種自己蠻喜歡的蔬菜，可能有些人會嫌淡口，最主要睇你點煮，如果白烚就真係淡晒口，冇乜菜味...我認為菜花比青菜有味，煮的時候調味跟配搭才是重要~~通常會加普通的雪藏雞柳肉，貪佢方便易煮~~~~
大家又知唔知，椰菜花分兩種，一種如相中球型，另一種菜柄長少少散開，好似話外地種和本地種的分別...但我比較喜歡球型那種，菜味不會太濃!!
菜花屬十字花科的蔬菜，無論是西蘭花或是椰菜花，最難搞應該係農藥方面，又要浸又要摔兩摔!!聽人講話將菜花白烚，塗些麻醬都幾好食，至簡單的做法，都幾啱懶人森整!!
我都喜歡食椰菜花, 但現在的椰菜花都唔平. 😂
回覆刪除閣下提到"菜柄長少少散開"的那一種其實都是椰菜花的其中一個品種, 有人叫它做"散花", 或者"散花菜", "福建散花", 同產地無關.
在某程度上素食一般都比較平宜實惠，而且又對身體較健康~~~
刪除原來個個都知呢種菜叫散花，我都係第一次聽，又學到野...呢種散花味道較濃不過就有菜甜味，食開會覺得好食!!
鬆散啲叫褔花，係椰菜花同西蘭花混種。佢都唔平。
回覆刪除十字花科抗癌，最啱老人家，不過，我常食抵啲嘅椰菜。
有個日本健康節目推介叫『飯非飯』，用黎代替白飯去減肥，攪碎似白飯架！原理係澱粉質令血糖飈高，招喚胰島素，將糖份化成脂肪儲存。蔬菜類嘅椰菜花係低升糖指數，唔會起咗生理反應。
你唔講唔知椰菜花都有同西蘭花混種...但個樣一啲都唔似西蘭花，係呀~~少見就自然貴，但若果食開都幾好食~~
刪除椰菜都係十字花科但我真係麻麻地，椰菜煮麵湯或者羅宋湯就幾好，唔會用佢送飯.......
你講的「飯非飯」我整過，容易食不過唔飽肚，認為不能代替飯，只要唔好食過量的米飯，其實都係身體的熱量來源~~~~~
一爺對生理反應好著重喎!!為左健康啲，我現在每餐都食多左烚菜，有時真係成碗飯都綠色!!!!!
貴夾唔飽好啱森哥『磚』貴身份。難得有空，食多幾種菜盡吸日月精華。我好貪心架，盡可能每餐食夠8種(金菇/雲耳/椰菜/蕃茄/矮瓜/洋蔥/甘筍/綠葉時菜)，佔據過半自煮飯盒。森哥每日通常食幾多種蔬瓜菇？
刪除冇生理反應就大鑊，叫胰島素抗阻，即係糖尿病。
誤會滴油不沾最健康，全部白烚清蒸，其實肥胖元兇係食醣生脂，要還脂肪一個清白。
平時都好少會食貴夾唔飽的東西，除非一爺請食就一定叫些貴夾唔飽的食物...哈哈
刪除每餐都要食8種，都唔會喇，頂多兩三樣，食物菜餚越簡單越好，菜就一定食，配多一兩樣其他，有時簡單到蕃薯飯咋!!!!
唔只胰島素，身體有很多地方冇反應都大鑊架啦，神經冇反應，觸覺冇反應，味覺冇反應......等等
滴油不沾唔會啦，油脂都好重要所以每道餸都會落油蒸或煮，不過好少量，太多油好難洗!!!!
花花世界，臨老入花叢。
刪除咁我要做 『森哥情人』 送你九百九十九朵花……………………親自下㕑整韮菜花炒蛋，芝士焗西蘭花同椰汁椰菜花飯，對我黎講佢哋都係貴夾唔飽兼可打造健康森哥，我係咪有『情』有義嘅友情人呢。
森哥有冇自己冲過玫瑰花之類嘅花茶黎飲？我又咁做喎！
我食前才落油。
家事佬話用紙張抹走大部份油污後才易洗，唔使落好多洗潔精。我用抹咀後張紙巾、廢紙、報紙。
飯後會飲半杯水，我會倒落杯碟上冲洗吓，然後飲『洗碗水』。有時會用條脷舔乾淨隻碟。哈哈！呢兩樣咁失禮當然只喺屋企獨食時才會做。森哥會唔會係同路人。
都唔算臨老，食菜花類的食物好早都有...
刪除你送的花係韮菜花...椰菜花...西蘭花...最怕係食到口花花，森伯在外要keep住沉默寡言既style...你都唔想森伯破壞個形像，雖然都冇乜~~~~
其實除了菊花茶之外，都好少飲花茶，唔係好夾本身的體質...不過有飲香片的中國茶，佢既香味有時都幾醒神!!!!
我落油唔會太多，個口太油膩...如果碗碟太多油份，會用熱水加洗潔精，立即見到啲油散開，再過一過水就搞掂!!!!!
哈哈哈，都冇所謂失唔失禮，不過你的行為好細路仔...剩下在碟的汁醬森伯多數唔要，唔會舔埋去...
我比較喜歡歡吃另一款鬆散的褔花，除了生勺、還可以加些菜寶煎蛋，又可以整椰菜花飯﹗
回覆刪除鬆散的菜花食開都唔錯...椰菜花飯我都整過，但又未試過用菜寶煎蛋，乜椰菜花唔會出水咩?!!
刪除將椰菜花切成小粒出水，之後隔水和菜寶炒香再落雞蛋就可以
刪除原來這樣，有機會都要試試...
刪除通常炒菜類都好易出水搞到一pat不成型...
現在蔬菜種類多不勝數，我們選擇也多，菜價分別也大，有機菜可以幾十天一斤，下價菜可$10三份，但我買菜都是走中間位，西蘭花和椰菜花我都經常選購。
回覆刪除好少刻意去買有機菜，如果生食當然選有機菜，不過都好少機會咁食!!!
刪除菜的選擇雖然多，但我食來食去都係幾種，白菜，菜心，生菜...一般青菜用來烚或灼，菜花類多數加些肉去炒熟或煮熟!!!
我近年在家經常都會用呢兩隻花做正餐。😁🥦
回覆刪除當諗唔到食咩的時候，我都會乾脆用菜花做餸~~哈哈
刪除麻醬? 我都試試先。
回覆刪除聽人講可以撈麻醬食，我未試過，都要搵日試吓!!
刪除椰菜花和西蘭花蟲害較多，要用麵粉加入清洗，麵粉有吸附雜物作用。我都好鍾意食菜和瓜果類。
回覆刪除對呀，所以現在食這些花菜類都浸好耐，要清農藥之餘仲有蟲害，照計現在的蔬菜都比較乾淨...夏季時節最好用多些瓜果類入饌!!!
刪除鬆散的褔花都幾好食。
回覆刪除間中都會食這種福花，幾有菜味!!
刪除我最喜歡白烚菜花🥦
回覆刪除白烚菜花有點淡口，我比較喜歡落些調味來煮熟~~~
刪除