一到過年，點都跟意頭野相關，家中有張揮春都有多個意頭字，於是森伯手痕痕，跟住個意頭字即席揮毫，寫了這個字，唔知大家又估唔估到呢個係乜字？當然呢個唔係常態字，是種有趣字體…而呢個字當然在揮春好常見啦！好簡單係個福字，在百福圖裡其中一種字體，有趣……新年福氣臨到好意頭，相信大家都喜歡！
過年總要食糕點才似過年，其實森伯除了含糯米的糕點外，其他都會食，今年食糕很喜歡點呢隻醬，甜甜辣辣又唔錯，都總算唔食得辣椒醬的一個選擇，今年芋頭糕最正，當飯餐都得！
過時過節後，都會食多了，幸好冇食滯，始終好多賀年食品都離唔開高脂，高鹽，高糖，所以大吃大喝後都會整番杯「新春特飲」甘筍，啤梨，開水攪拌一起就飲得！飲完清涼晒！！
直到寫博時，香港的疫情已達成千宗，而政府昨日推出新防疫措施，唔打針邊竄都唔去得，想買食物都唔知點算，睇嚟個「福」字要送番畀森伯，真係要自求多福！！
就算打齊三針都唔敢週圍去了！我現在都祇是隔日出街買餸，之後就宅家。
回覆刪除你打齊三針就好了，攞住電子針卡就可以去……
刪除不過呢個時勢都唔敢周圍去，就算打齊針都未必百份百安全！！
希望疫情早日遠去，咁大家都有福喇！
回覆刪除相信不只是Man Man的希望，也是大家都有的祝願！！
刪除我都打齊三針，但還是要好小心，風頭火勢，可以避免的話都盡量唔出街。嗰啲又唔肯打針，又周圍走，又話政府抗疫不力的人，都唔知佢點諗嘢嘅。
回覆刪除對呀，就算打齊三針都未必安全，在這個時期為求自保，都少些出街為宜，遲下都要買定食物儲吓糧！！
刪除啲人唔打針，又周圍去，又話政府防疫不力，好明顯又係反政府的一群，呢個時期，唯有跟住政府做……
50/60年代舊語：『無事出街小破財』，因財富等於健康。
回覆刪除到今時今日呢句話都啱聽，你掉轉講應該係健康等如財富……
刪除你呢個『行動唔方便嘅老人家』要揾代購。哈哈哈！
刪除糯米冶木蝨，蝨豆窿森森頂唔順啦！咁湯圓、糯米滋都係你嘅毒品？
咁真係冇一爺兄走動自如，打晒針！！
刪除現在唯有儲些糧，再之後可能要食蕃薯樹皮之類……
幾時森伯又變咗蝨豆窿…😀又唔需要禁絕，偷雞食少少都可以！！
查過一爺通勝：農曆一/二月 忌走動。
刪除我條邨有一幢有一個中招，另一幢有一個居家檢疫，我估係識得嘅密切接觸者，二日後都變為感染，真係社區大爆發。
我打咗針都怕麻煩呀！依家唔夠床位，如果中招要留家禁足，我糧食肉類充足，係冇得食新鮮蔬果，我屋企只有海帶同豆。
忌走動？！怕畀利是……哈哈，你仲爭森伯封虎年大利是！
刪除逢有社區大爆發，居民又要去檢測中心強檢，排一排都要幾個鐘，諗起都怕，唔知幾時輪到森伯嗰區，因為下一個唔知邊區邊座大廈！
咁你有冇中招？！住所有大爆發，真係要小心，估唔到空氣都可以傳播，所以有時都唔驚得太多！
非常時期都好難要食新鮮嘢，乾糧就可以了，有米有麵粉就得，我識整糕……
森哥硬要我做後輩，習俗係長輩派利是畀後輩喎！
刪除新聞報導改咗策略，強檢少咗，唔使排長龍。
我冇聽佢哋講閂埋向天井嘅厠厨窗口，開抽氣扇時閂窗打開門罅，但有每周倒水落個隔氣槽內。
港貨運司機中招後關口改制，影響供貨，呢幾日要捱貴菜。
話唔定森伯係你後後輩呢！新年都取個好意頭！
刪除有時從新聞睇到強檢的人龍好長，都會替當中的人感覺好難頂……
基本上呢個非常時期，都要做些預防措施，沖廁都唔敢打開廁板，窗戶都有新鮮空氣進出！
之前買定多少少菜，放雪櫃就可以食幾日！
賭王燊哥子孫會有長輩年齡細過後輩。插畫上你係我前輩。森哥唔揸定中指做我長輩？小小$20會令人改變，金錢威力強大。我心目中森哥係有原則/口齒嘅人。
刪除一但扯上疾病就辛苦。訪問者話佢老婆同個仔一齊病，安排喺戶外瞓咗兩日都未上到爆滿嘅隔離病房，又病又凍又冇啖好食，佢老婆真係喊咗出黎。快啲起方艙醫院。輕病徵留喺家居等好過，有啲似感冒一周就好翻唔使捱入院。
你都識講，賭王燊哥……現實中我係一爺的後後輩，你都係阿爺級，國內的領導層被稱為阿爺，可想而知，個爺字舉足輕重，森伯個小小小蟻民，都希望阿爺會關注到，改善基層阿伯的生活😅……
刪除原則是自己定，都冇咩所謂，睇實際情況來作調整！平時有病都唔想，呢個時候有唔舒服仲更加悲，唔好話中咗招，連平時有事去睇醫生都遭殃，所以大家都要保重身體，冇乜事就唔好周圍去！！
戰亂呢代好窮，同佢哋仔女會改個好俗套嘅名，離唔開 「發 富 貴 錢 財 金 銀 珠寶」，仔女名字係父母自己嘅願望，我都係一樣虛榮心作崇，『爺』字聽落好勁，自己弱，希望可以好威水，稱呼同實際嘅自己反轉。森哥稱呼自己用基層/小蟻民，咁實際嘅你唔係中產就係上流人士。
刪除諗落唔驚得咁多，病都係緣份，平常心做足我接受又唔極端嘅防禦功夫，要黎就要黎啦！諗太多會迫到自己神經病仲衰。我認命：人生事不如意十嘗八九，有一半我已經執到，開開心心過活。
你變咗蘇師傅，幫人改個旺名，在你提供的字現代人覺得好俗氣！森伯係基層人士，邊係中產，中坑就有份！！否則都唔會慳得一毫得一毫買野啦！
刪除你好豁達，以前的人稱小病是福，從好多方面來睇呢句說話冇錯，你強檢後冇事應該還得神落，呢個時候唔好諗住僥幸，隨時都可能奶野，去完街真係要多洗手，現在的我外表戴一個，其實戴兩個……我指係口罩，冇咩辦法，只係做得幾多得幾多……
個別案例冇強檢。
刪除打咗針唔係長期病患者感染後好似感冒咁1周後會自己好翻，唔會有事。新聞話有帶病毒港人偷渡翻大陸。呢波不合理咁狠快。習總發聲。唔通背後有勢力成機畀錢打病毒攻擊想破壞清零政策？咁就可以大大聲話你啲方法唔掂，都係佢嗰套共存才啱，叫人只聽晒佢話。
唔駛強檢，你可以鬆啖氣，可能遲吓全民檢測，始終都難避免！
刪除一下子有咁多人確診，都難免惹起大眾懷疑，不論如何自己做足防預措施，講得好聽就共存，難聽啲就攬炒，會否中招，各安天命……
有事外出，想不到市面上依然人流不絕，但氣氛顯然凝重。
回覆刪除看來都要上網購物，減少外出，自求多福。
相信有些地區仍然多人，尤其新輪措施未實行之前……過完年後社會氣氛都沉重了…
刪除我暫時都未需要考慮網購食物，要看看遲吓的情況如何！！
祝：元宵節快樂！
回覆刪除你好Man Man……
刪除我祝你元宵節快樂，事事順意！！
遲來的新年／元宵節快樂，最重要是身體健康啊。
回覆刪除有心唔怕遲，我祝你虎年快樂，你跟姑姑元宵節快樂！呢一刻最緊要身體健康！
刪除