現在可能是日短夜長的關係,收工時候都已經天黑黑,反而有種放鬆感,又因為接近聖誕又感受到呢排很有放假氣氛,對很多人來講一上到車,都會頭耷耷玩手機,但森伯儘量都唔會睇太多手機,通常都會望下窗景,又加上現在天朗氣清,感到天色很舒服...都已經發覺了一段時間,清空下除了見到皎潔的月亮之外,仲見到有一顆如大光燈的星星,顆星星很大很亮,而且閃亮了夜空,車子去到哪裡都會見到那顆星星跟到哪裡,仿似與星同行一樣,相信這個時期,大家也能看到的,而且見到月亮就應該見到那顆大星星在附近,又唔知大家有冇留意到??!!
不經不覺又到年尾了,聖誕都越來越接近,今年本想影些樓下的聖誕佈置放上blog,殊不知竟然乜都冇,而最叻叻就係出年又話要加管理費......真係唔知咩玩法!!!!
其實市面都唔太多聖誕氣氛,一來還是疫情關係,二來相信聖誕經濟都是一般,商家就好似森伯果類慳得就慳,所以唔會大手筆搞什麼大型佈置...有日行到某間生活百貨公司裡,都有少少聖誕佈置,順便影來增點聖誕氣氛,而且用新過一排的"拿唯"手機拍,看來質素都OK,基本上現在外出吃東西都要掃安心出行,所以智能機都要跟身,至於長者機就未必時時用到...
森伯同森blog都要放下假抖抖,祝願各位節日愉快,新年進步...
天黑行吓街就可以放鬆咁容易解決到好多人嘅難題,森哥真好。
回覆刪除喜歡街外耶誕節氣氛包圍住,咁我屋企唔使佈置(我真懶)。
森blog打算抖幾耐?
如果要等到下年,咁祝森哥聖誕及新年健康快樂!
我只話車程很輕鬆舒服,冇朝早咁人多車多……
刪除屋企都冇佈置,時間過得快,感覺果頭砌,果頭又要拆,唔想郁!
森blog抖一排,冇特定!我都祝一爺佳節快樂,年年進步,心情愉快……
做冬出街食?要全家打針同安心出行喎!
刪除咁農曆新年會佈置?
現在做節若果太多人就家裡吃,但如果係外出就唔會太多人嘞……
刪除你想問屋企定樓下管理處?屋企就慣常攞個攢盒,鮮花等,簡簡單單——
今年都好過舊年同前年了!希望慢慢好落去啦!
回覆刪除祝森伯節日愉快!身體健康!新年進步!
多謝Stella 的祝願,我都祝你身體安康,生活愉快,繼續遊樂每一區……
刪除對呀!希望今年社會環境好下去……
好多熱門商場有聖誕裝飾,就好多人去打咭,假日商場及街上都是人,好像沒有疫情一樣,反而郊外遊人少左,祝森伯聖誕愉快﹗
回覆刪除我去的商場不是太多佈置,比較簡單。較大型落本就少見,可能遊客旺區比較好吧!
刪除只要市區,通常都人來人往,不過香港十八區,總有啱自己行的地方……
我都祝羊羊,聖誕快樂,來年順暢……
放一個假期來讓自己輕鬆一下,那真是一件值得高興的事情。
回覆刪除晚上有星月相陪,但願人長久,千里共嬋娟。新年好 !
每逢年尾都總放年假,所以放假前夕的節假氣氛都很濃!
刪除近排天清氣朗,比較容易見到星星,抬頭就會看見,都總算車程有星相伴……我都祝秋葉新年愉快,生活寫意……
就係冇錢裝飾先加管理費。
回覆刪除有森伯冇錢都未到間管理公司冇錢啦……哈哈
刪除樓下唔裝飾咪好囉,慳噃啲錢,否則會加更多管理費。祝你假期愉快!
回覆刪除都唔知佢哋慳慳埋埋做乜……哈哈
刪除我都祝你生活愉快,事事順意!
聖誕節係最熱鬧及開心既節日,祝你們聖誕快樂!
回覆刪除謝謝,我都祝你聖誕及新年都開心愉快……
刪除過時過節最緊要有熱鬧的氣氛!
我都留意到有你所講的那顆星,真係比較明亮些。
回覆刪除屋企樓下大堂都係有少少聖誕節嘅佈置咋。
我相信這顆大星星很多人都會睇得見,很大很明亮~~~
刪除其實基本上一到聖誕,很多屋苑樓下都會佈置一番,可能都要睇佈置預算~~