相信現今身處的地方，都會以兩文三語為基本，上一代的人懂得一種外語已經很吃香，冇錯，的確以前的港人都會當普通話係外語，但時至今日香港回歸祖國的日子都已有多年，普通話自然都成為香港的基本語~~
基本上森伯最流利當然係廣東話，母語關係，至於英語、普通話要講的機會唔多，所以都好一般啦!!發覺公司最為看重的，都係英語，其次係普通話，廣東話更次要...有時都好怕廣東話被邊緣化，不過現在始終都係大勢所趨，很多公司也是一樣...
其實我覺得港人都幾著數，著數在兩邊語言都可以涉獵到，基本上殖民時代會著重英語，到現在反而看重國語，現在一打開新聞，都係兩個大國對峙，相信日後呢兩種語言都是大眾必學的大熱，早學就早撈到油水吧!!!!
都順便問問大家有識之士，國語跟普通話有什麼分別，以前聽人講國語係指台灣的語言，而普通話係指中國的語言......這講法又不知對嗎??
學好口語一定要有機會用到，多聽、多講、多交流。面皮夠厚、唔怕衰，錯咗糾正，再錯再糾正，錯多幾次就講啱啦！抱著我係唔悉，講錯係應份嘅強大心態，唔驚輸。
回覆刪除因為公司主要市場係美國，又喺內地設廠，咁我咪可以練到普通話同英語，依家可以溝通到啦！
大陸同事想學，我咪定 English day，喺公司範圍講其他話罰錢，累積做年終娛樂基金，最初真係靜蠅蠅。
因為中國地方好大，喺我學普通話時都碰到一個實際問題，我試過同一個字問幾個國內同事嘅發音，畀我發現幾個都有差異，原來，來自五湖四海嘅同事都會帶有鄉音，我咪話可能我講梗係最正宗，你哋都係錯嘅，以後唔好亂咁指正我。哈哈！
講得冇錯，要學好外語，真係要臉皮夠厚要多聽多講，講錯又吸收多些經驗，下次留意吓才有改進~~~
刪除咁一爺兄都幾好野，兩文三語都隨口talk得...你公司定一日係"雞腸日"，咁都好!!!迫住大家練習一下英文，但又是否每個員工都會參予，有啲都費事睬你喎!!如果要接個客電話，唔通又講英文?!!好難做到~~~
普通話是全國通用，音都不會差太過遠，我又冇發覺呢個問題~~~森伯正所謂做到老就學到老，現在都會學下外語，相信等到不久後退休就乜語都唔學~~哈哈
外語環境同揾食強迫兩個因素，有心就森哥都得。繁、簡體字唔可以用寫來溝通，唯有迫住講，一係佢學廣東話，一係我學普通話，識多樣對我有益，我揀咗後者，讚自己好學。
刪除我講個概念，細則慢慢訂立。唔好呻無機會學，要自己爭取、制造。兩個人成組都得，面皮厚唔驚其他同事指指點點。森哥都聽過最佳學外語係揾個情人啦！一個就足夠，因為森哥會加倍用心學好外語才溝到。
平時，我都上網睇外語視頻吸收資訊，外語退休都在用。當我遇上問題要上網搜尋答案，有時都會睇吓唔同地區講法有冇差異。
人老了，學野都遲鈍些...所以要不停去學習，並不是一學就曉...出來做事就要好學不斷才可以令自己增值~~~~
刪除你咁講，一爺會有很多個情人...一個搵來學英語、一個搵來學法文、一個又搵來學國語......聯合國咁款!!!!!
其實現在都好好多，可以靠網上學習，比著以前要買些外語書送錄音帶，一味重覆又重覆咁聽，才學到多點點，但現在上網就學多了唔同的講法...
一爺又好野喎，有咩問題要跨境跨國去問......暫時我都係不斷在學習，學海無涯嘛!!!!
食NMN提升體內NAD+水平，令細胞回復青春活力，返老還童，咁咪唔怕老咗變遲鈍，學嘢好醒目。
刪除份工已經有個好好嘅學習環境，使鬼靠情人咩！森哥有需要。桃花旺自然多情人，唔旺嘅只好坐冷板凳，緣份在天。
網上最正係有埋讀音，以前係查啞老師去拼音，問個啞嘅學發音，想準都幾難啦！
我想知嘅健康營養、中美大戰時事、三級嘢啦……！維持 Balanced Life
森伯邊似一爺兄食乜都無所謂，我唔敢亂咁食野~~有時要老都撳唔住，唯有順其自然啦!!!!
刪除一爺咁講唔怪得咁多情人......
學拼音其實有用，不過小時學英文，唔會教拼音，都係靠死記死背個英文讀音，仲記得要背讀音，將個中文讀音寫在英文字附近，例如：life就會寫"拉符"...到現在都有用，相信比較易記~~~~~~~
三級野都有得問?!!...我仲以為你問到四級野個level~~~~~XXXD
佢係科研成果，有臨床數據支持。
刪除我人緣好，森哥都係我情人。愛情千百種，我哋網友情深。
中一遇到個好好嘅英文老師有教拼音，我哋叫佢大粒墨，可惜半途移民，接手嘅公式化只照課本教，冇繼續教拼音。
為咗森哥我特別降咗一級，仲估森哥會避開略過，一定係食錯藥胡言亂語。
可能森伯見識淺薄，暫時都未有聽過...據講在日常生活中少量的肉+多些素菜，就會冇咁易老，最緊要唔可以吸收太多無謂糖，糖對老化都有幾大影響~~
刪除咁我又冇一爺咁濫，乜都稱為情人...大家在網上傾下偈，好笑開心就得嘞!!!!
肯教拼音的英文老師幾好，記得上一輩的人話學校學英文會教拼音，但後來冇...靠記!!
咁真係好多謝你為森伯降左一級!!避開略過?!!...話就話駛乜避來避去咁小家!!!!
NAD+ 食物 包括 牛油果 全穀麵包 雞蛋 三文魚 菇類 碗豆 泡菜 西蘭花 火雞 雞肉 糙米 牛奶 鱈魚 蘆筍 德國酸菜 椰菜。不過，食 1 kg 只得 1mg，要劑量高達 250mg 才有效果。
刪除為咗符合森哥所講，我只能修改情人嘅定義才能滿足森哥x幻想。
唔係森哥小家，而係公開談論性尺度嘅門檻有幾闊，私談可以好闊。
你所列出的食物，森伯都有食到好幾樣~~咁一爺咪樣貌保持十八廿二...惹人羡慕又妒忌!!!
刪除你果D定義，隨時嚇C森伯伯呀~~你講番正常說話就OK!!!
你唔講都估到你對性方面一定有大把問題，而且尺度都幾大膽下，應該私談私聯很適合你!!!!!哈哈
小時候看見國語的拼音已經頭癢，加上當年沒有國語堂上，所以不會國語了！
回覆刪除係呀，諗諗吓殖民時期普通的學校真係唔會有一科堂係學普通話...如果有記拼音就會學識標準音~~
刪除普通話呢個term應該係中國大陸用。
回覆刪除我諗係嘞，因為好耐之前都聽有人講過~~
刪除當初國民政府(而家躲在台灣)定名為「國語」，意思是中國語言。共產黨接掌政權後，覺得中國民族眾多，各族人民有其不同語言，都是他們各自的不同文化，值得尊重，所以定名為「普通話」，意思是中國各族人民的普及通用語言，列作官方語言，但各族人民仍有使用自己方言的權利，也得到尊重。以前大陸封閉，我們同大陸很少交流，比較少聽到「普通話」這個叫法，因而習慣了用「國語」這個名稱。
回覆刪除但如果要比較台灣人講的「國語」同大陸人標準的「普通話」，兩者還是有些少分別的，「普通話」的捲舌音較重，台灣人講的「國語」比較"白"，香港人比較易聽得明。
順便一提，在東南亞一帶例如新加坡、馬來亞等稱之為「華語」。
多謝peace兄咁詳細解釋，又知多點點...國語聽起來代表國家的語言，個名好似比較有威信，而普通話個名聽起來又比較平實些......其實中國大陸民族多，而且每個地方都有方言，所以想語言統一都唔易，起碼有種國家的官方語言~~
刪除係呀，自己感覺上台灣人講的國語比清晰，聽起來夠響好聽些，而國內的普通話捲舌音好重，如果對方講得比較快，都未必聽得很清楚~~
「華語」多數都係一些海外的華僑稱，好似乜乜華語電視台，華語電視劇等等...
現在有工作環境的訓練，希望趁機學多點點!!!
在民國時期，以《國語注音符號》為基礎來學習國語，作為全國交流的語言。這種拼音方法延續到台灣。我參考了以下的表列，原則上國語和普通話同出一轍。
回覆刪除ㄅ; b ㄆ; p ㄇ; m ㄈ; f ㄉ; d ㄊ; t ㄋ; n ㄌ; l ㄍ; g ㄎ; k ㄏ; h (ㄓ zh, ㄔch,ㄕsh；)。ㄐㄑㄒ；ㄗㄘㄙ；ㄖ。
到了中共當政，請得“周有光”先生與瞿秋白、趙元任三人研究了三年，以拉丁文作基礎 (也便利外國人來學習)，制訂了一套《漢語拼音方案》在1958年初推出“普通話”，作為全國的共通語言。
現在全國有七成人，以普通話作為主要溝通交流的語言。
任何人都可以在日常或者聲道上學到國語(普通話)，但如有錯誤是不容易發覺的。所以可能把「水餃」變成「睡覺」；「問你」變成「吻你」。這個錯誤真是非同小可。
回覆刪除國語說的“帆船”，“帆”字是讀第二聲，普通話把“帆”字定位在第一聲，和“翻船”同音。 作為一個《普通話》教師，必須經過國家語委試的考核認可。
普通話：“帆船”與“翻船”同音= fānchuán，帆和翻字都唸第１聲。
刪除國語：“帆船”的“帆”字是唸第２聲。
謝謝秋葉資料補充，都知台灣的國語跟普通話是同出一轍，但可能長期的生活文化不同，字音腔口都有些少差別...
刪除相信對很多剛學普通話的港人來講，都是靠死背個讀音，很少講究拼音，而且講開廣東話，以為讀咩少少就係普通話，其實都漏了很多細節，我學普通話最大問題是詞彙的問題，例如常講的"出年"，普通話就要講"明年"，"的士"，就要講"計程車"，當然現在的士很多國語人都知係乜...所以詞彙要多加留意~~~~
係呀!讀錯音都幾大劑，「問你」變「吻你」...就大件事，不過對方知你唔係太識普通話，他們都明白...但讀正音幾時都是重要的!!!!
作者已經移除這則留言。
刪除記得你之前有講過教授什麼學習班的普通話，能做得導師的相信都有真材實料...對呀，台灣人仍有很多講閩南語，方言本土語等，語音聲調相信都一定有分別~~
刪除台灣女子說的國語很嬌嗲，相信現在都是，有時看台灣的電視節目，一聽她們的音調語氣，都知是台灣製作，至於國內年輕一輩他們的普通話多數有捲舌音，好明顯...
香港人說的普通話，就平鋪直述，音調比較平實...不過大致上國語人聽得明就算~~
所以學語言並不是一朝一夕的事，要多聽多練講，和多留意詞彙，這樣才能學得好，不要以為普通話跟廣東話差少少音就可以，所以我都是不斷學習和練習~~
謝謝秋葉的提醒，若有機會返國內，都必定之前要加倍練習才是!!!“粵普對照”呢樣幾適合森伯去參考~~~
有句俗語：「天不怕地不怕，最怕香港人講普通話」，咁多年，香港人講普通話毫無寸進，都唔知點解？早幾年澳門個吹水晏同今日香港個貨真平，D普通話越聽越驚，驚佢地講講下突然間口啞咗。
刪除謝謝KM先生來參予談論這個問題。我們在電視上久不久都會聽到一些知名人物 以普通話來發表報告，聽得到他/她們真是很努力地學習，才派得上用場。
刪除當時真是一面聽，一面替他們緊張的 ! 希望需要學習的人，都找到好老師，好好的努力努力吧。
作者已經移除這則留言。
刪除KM :
刪除哈哈，港人的普通話真係越聽越驚咩！如果要講好一樣語言，真要一個好的學習環境，港人唔需要講就唔會學，當有些人需要講，就用速成班，講求快速，想講得真正好都幾難……
秋葉 :
刪除聽你這樣說，秋葉真係不能看少，在港人來講，普通話算係一種易學難精的語言，看來簡單，但很多細節都要留意，有時都怕會疏於練習便忘記，所以都要多聽多講才行……
既然你有普通話的專長，為什麼要推辭工作呢？！真的不利用自己的專業來繼續謀生嗎？！不是浪費了嗎？！
作者已經移除這則留言。
刪除