近排天氣仍然好熱，當然唯獨最舒服就是嘆下冷氣，食下凍品...記得細個，家中都會備有啫喱粉和大菜，可以隨時整來吃，尤其是大熱天時，這類消暑品一定唔少得，而甜中帶酸的凍布甸裡通常都有人喜歡落些少花奶(即是淡奶)，對我來講都無咩所謂...有日大家食完布甸後剩餘大半罐花奶，個個都唔再要，如果掉丟真的很浪費，於是我就要了留待明日用!!
其實這些淡奶放在什麼食物上也可以，都蠻好用!!我就用來整杯朱古力，把餘下的奶加些水加熱，再放朱古力粉，很簡單又可整杯熱飲，記得有次用包裝淡奶加咖啡粉沖來飲真係好好飲，可以媲美"士打筆"一試難忘~~
現在自己都少飲奶類，見有剩餘物資就唔好浪費啦...有時人棄我取都可以係好嘢!!!唔講咁多，嘆杯嘢飲先!!!
係提升咗味道層次。
回覆刪除我兒時喺奶茶檔飲過滾水蛋同奶水蛋，森哥飲過未？
增加少少奶香味...
刪除未飲過...記得好似電視介紹過，雞蛋放杯加滾水，再落砂糖...?!!
會放煉奶代糖，因為茶檔慳住荷包唔會放罌砂糖任你落。
刪除營養師話花奶高熱量致肥，又有飽和脂肪酸，引致壞膽固醇上升、血管硬化、中風、心臟病等疾病，好在唔係剩低好多，飲少少無防。有七、八年無買過花奶， 我一年得幾次食物飲品內有用花奶咋！我好揀擇架。
未試過去茶餐廳叫這種飲品，完全唔識...
刪除現在都少了飲奶類，唯一會用少少煉奶加啲朱古力粉或好立克等...基本上都唔會甜得去邊鼠!!!飲食幾時都要小心喇!!難得一爺兄對健康飲食咁有研究!!!
好偶然或森血來潮才會買些淡奶用用，平時大多數用煉奶整食物，因為佢好方便落多落少隨森意~~~~~
唔係三合一，齋朱古力粉/好立克我咩都唔加，後生時加糖又加奶。
刪除後生仔亂食都冇問題，老嘢必需小心，間唔中放縱半下就得，我唔想病呀！
乜都唔加，唔勻循!!我加少許煉奶微甜我都OK，最近糖改為用古法紅糖，用來整色整味……我認為唔甜!!相對一小匙砂糖=5小匙紅糖，況且森伯唔會用咁多……
刪除老嘢必需要小心，你想暗示森伯?!!………收到~~
一日食5、6個生果(代零食)同3杯豆豆糖水已經好多，I'm what I eat ， 攪到(迫)D人都要話我sweet喇！夠味咪唔落啦！
刪除紅糖？未用過，唔識啦！幾$磅？我貪平買6磅裝一包嘅砂糖慢慢食。
我係森哥隨扈，清楚知道森哥好喜歡喺人哋心目中覺得自己好資深，大大聲直言啦！暗乜示啫。
你一日食生果都幾多，我基本食1-2個...又食豆粥糖水，啲糖水甜唔甜?!!我整的豆粥糖水好原味道~~~
刪除砂糖的甜好濃縮，所以少量都覺得甜，相對紅糖落極都唔覺甜，所以都有人話係糖的陷阱，基本上買得紅糖都唔會貪佢甜...
我只係在超市買的太X紅糖，形容唔到太多，搵日寫番篇BLOG講吓...
畀你咁講，唔想認資深都唔得啦!!!!!
片糖厚薄不均，介乎夠至微甜之間，無糖唔得。早餐純燕麥加蛋我接受到原味。
刪除街市食豆腐花嘅黃糖我落好多都唔覺甜。係咪片糖扑碎？
森哥呢點好特別，我都要段時間才摸清並適應到。
樣樣都講習慣，習慣唔太甜就可以在飲食上減吓糖......諗諗吓自己都食咗好耐原味道!!!
刪除黃糖同將片糖揼碎係兩種糖，片糖就算碎左都很甜!!超市現在有些健康糖，都係太X出品，天然健康糖和羅漢果糖，據佢講唔會影響血糖...唔知真定假喇!!應該比普通糖貴~~
平衡下甜蜜生活樂趣同寡淡健康生活，我仲有多餘空位可容納少少嘅。
刪除人棄我取呢題講阿富汗政權都啱。
唔止大國對手，依家連盟友都罵有關國家(唔點名)，撤退得好肉酸、求其了事，好似當年西貢。
大國最初 妄想 傀儡政府軍力會撐一年，其情報機構後來改半年，最後改至卅日，諗住有足夠時間畀佢喺911前著草。我係傀儡政府都唔會打杖，為乜自己人打自己人，幫助大國走佬又唔會有得移民，再冇利益，廿年都貪汙夠一大筆錢，不如保命自己先走一步。
試吓買些健康糖，這樣就唔需要食到「寡淡」咁悶，增加些少甜蜜味道~~
刪除阿富汗的政局，家陣係一個熱話題!!!!
某國家陣面對疫情同經濟問題，唔通仲可以猛印銀紙度日?!!撤軍都話明是遲早的事，仲想虛耗太多?!!
啲人為了趕快逃離，掹著飛機一同飛結果高空墜下，真恐怖，有乜驚都唔驚得過冇左條命!!!!好唔明~~
我未削髮出家做苦行僧，區區糖毒傷唔到我，有內功化解到，唔使森哥掛心。
刪除13年前金融風暴就有好心強國協助大國渡過難關，調高人仔價格，買好多大國國債。但係大國會用其貨幣優勢制裁他國，各國正減持其國債，發展自己貨幣系統。今時唔同往日，印錢發債都無人買，廢嘅！你都壓制強國發展高科技。傻架咩！你嘅敵人當然唔會幫助你啦！大國想強國服從自己擺報，真係痴心妄想。
班班話任你走，派定心丸，唔使心急先行一步。我估佢想靠強國發展經濟，揾錢脫窮，讓人民安定過好日子，行番強國由零開始嘅路。
目測一爺兄凡心未盡，色心常起...相信仍有一段相當長的時間未會削髮出家.....
刪除自從有親人有血糖問題，都對食糖關注多左，一爺唔驚啦，仲咁後生!!!!哈哈哈
買買埋埋的國債，分分鐘桔仔都冇隻...世事難測，往後都可能大把戲等住睇!!!係啦，塔班班都講明唔會對幫外國人做事的人作出迫害，未睇吓點都好過掹住架飛機走~~~~
森哥無咩色心，唔通已經荒廢咗，咁早！！！令人惋惜。
刪除間歇性斷食對調控血糖有幫助，而且，我日日運動架！
以前石油交易必須用美金，畀人欺騙買美債，話低風險喎！強國已釋放出組合拳，用適當步伐減低。
遇難關要鎮定面對，停一停，諗一諗，亂黎會喪失生命就唔抵啦！
我仲未戒奶。日日都飲。
回覆刪除冇諗過要戒，但唔會常常飲!!!
刪除人棄我取，只要自己用得著，何樂而不為？
回覆刪除真呀!!有時人棄我取的東西，用得著都可以很好......
刪除我間中都使用花奶吃啫喱和大菜糕，口感豐富些。
回覆刪除花奶用在啫喱上幾好，口感比較幼滑，但大菜糕我又好少落奶食.....
刪除啫喱和大菜糕都係我夏天必食的凍品。
回覆刪除大菜糕好易整，不過啫喱好少食，太多人工味道~~~~~
刪除