二零二零終於到尾聲，很多人對今年流年都認為很差，的確從大圍去看又幾差，一個疫情搞到環境差，經濟差，民生差...終日惶惶恐恐怕染上瘟疫，搞到人人都罩不離口，其實無論哪一處華人都比較自律，就算外國的華埠區，唐人埠感染的人數都較少，所以口罩基本上都可能要繼續戴住...
對港人來講，除了對疫情有所關注之外，中美的角力都一樣天天上演，外使的制裁聲不絕於耳，聽得多都有點膩，當然任何角力都是領導層的事，我們作蟻民的就只有天天剝花生睇好戲，其實中美爭鬥好睇過TVB的劇集......哈哈哈
至於今年的自己，屬於一般般，因為很多時間都處於平靜中，都總算平淡的渡過，早前有幾日睡得不夠，所以導致頭赤與喉嚨痛，初時都幾驚自己染疫，當睡夠這些症狀便緩和了~~來年願望都係望自己老當益壯，呢場戰疫仲未打完，隨時都要作好防備!!!
我都祝大家新年有進步，今年比往年好!!!!
預祝你新年快樂。
回覆刪除我都祝王子他鄉平安~~
刪除祝森伯新年快樂﹗身體健康﹗
回覆刪除多謝羊羊，我都祝你有平安，有健康~~
刪除疫境年，新鮮奇怪事有：撲口罩、盲搶厠紙、超市配給限量買嘢、限聚令、鎖關封城、staycation、停課、公開試延遲、停辦奧運會。
回覆刪除生命危機，逛過一田有爆發群組，屋企隔離棟有一單確診。 就算我注重健康飲食運動睡眠，做曬應該做嘅，死神要黎攞我狗命，都無得 Say No，所以，餘生仲有咩想做就要先做咗佢喇！
因此第一滴血：捐一次血救三個人，仲收到特色小禮品，唔食補充劑嘅我都要食免費維C鐵丸補血，係我嘅新鮮事，望住小小紀念禮品令我充實內心，我會恆常做到捐血退休年。
展望未來：新冠有疫苗望2021年係盡頭，而美中大戰係冇了期？有專家話要中國實體經濟超過美國20%才有望收手，不過，科技戰(AI、6G、量子電腦、核聚變發電)、太空戰、金融戰係打唔停……
我聽話架：祝森哥有森有力！🍆💪 老如松柏！🌲🌹
哈哈，你講既疫境年，我暫時一樣都冇經歷過...我認為人生路上都總會遇上一些事件，當為人生經歷都未嘗不可~~
刪除你咁樣都唔算咩死神身邊擦過，一田確診的人，你未必有同佢接觸過，你住所隔離楝更加唔關你事啦~~你好以杞人憂天了……
幫到人當然開心，呢D就係幫人的樂趣~~正所謂付出未必唔好，有時付出都可以係開心既~~
平安是福，希望來年2021年大家以及社會氣氛都平平安安啦~~~
我祝一爺兄老年不痴呆，繼續精精靈靈~~~
Happy Healthy Wealthy New Year！
刪除Happy 2021……
刪除森哥喺新一年有冇訂立咩目標要達成呀？讀書深造畫畫、設計2.0？
刪除暫時唔會再進修什麼，因為真係幾吃力………
刪除咁你呢？新一年有乜大計?!!
我想喺各生活細節上有所優化和提升更加適我。
刪除啱啱過咗聖誕節我買咗有害嘅餅乾和朱古力黎慶祝，平時，為食癮發作(通常晚飯後)我會發狂食水果(3~6個)，話曬生果都勁有營養又低熱量啦！嗰晚癮起我就食朱古力同餅乾，食物改變連我嘅生理反應都唔同咗，我發現當晚冇去過夜尿，回想下，又係喎有得你叫水果當然水頭充足。抽出元兇後試咗唔用水果頂癮真係解決咗夜尿問題，我仲一直以為係年老退化冇得醫，原來，有益食物都要食對時間，有益多食都變冇益，做事要識時適量。呢啲就係我講嘅生活細節如家務、飲食、運動、病痛……等等綜合性事項。森哥有咩建議嘅健康小食可頂癮又食極唔肥又低水分呢？
呢件事也啟發我如果我生活習慣太有規律、 一成不變 ，就唔會有呢次意外嘅發現，自己做錯咁耐都矇然不知，生活上有轉變才能碰撞出新火花，會試下唔同方式，多啲上網睇下人哋點做，吸取人家長處，匯合成更適合我嘅生活模式。
森哥又耍我冇講到自己嘅大計，係講不出口嘅秘密？(如增強有森力) 還是冇大計呀？知道其他人點樣對我都有參考價值。
我都冇諗咩優化生活，總之生活有好好的節制，食野唔過量就可以~~
刪除朱古力，餅乾係有害?!!只要唔食得多就唔駛怕喇~~近來發現有些朱古力可以選擇甜度，
揀些朱古力濃度較高冇咁甜，本身苦朱古力都有益，不過苦味道未必個個接受~~有親人要關注血糖，但又喜歡吃朱古力，所以買濃度較高的畀佢，細細包止口癮~~~
每晚食3-6個水果，就算唔水多，糖份都高喇~~一日食一兩個都夠...
餅乾唔一定冇益，我買了一種全麥餅都唔錯，可以止口癮又飽肚，巿面上都有很多全麥餅，
揀一兩款適合自己心水來買，第二種可以買些乾果食下，既止口癮又唔駛吸收大多水份，不過糖份都高，可以小心選擇~~
冇呃你，今年都冇訂立咩大計，疫情過後先算，因為都有幾多要做的事被疫情拖住~~
睇營養標籤會揀高纖而低飽和脂肪(palm oil free)嘅餅乾。高纖嘅有燕麥就升糖指數低，冇咁易化成我嘅肚腩。 制造餅乾一定要用油，佢用有益不飽和脂肪才買。
刪除話黑朱古好呀！不過，我都限制喺聖誕同新年才買黎食，少食。
如食品有營養標籤最好，可以方便揀適合自己的…
刪除其實有很多餅都可以係高纖餅，只睇佢脂肪，鹽同糖幾多而已，你食嘢咁嚴格，睇標籤又睇營養成份，都搞出個大肚腩，係咪生蟲呀?!!……哈哈哈
人人有本難念的經，你見香港肥人比例都超過5成，有啲唔算肥嘅都挺住個大肚腩，就知道呢個天生肥腩降頭係唔易攻破。瘦底森哥係唔明我呢個天敵，就如我唔明森哥嘅風濕病。儲糧係人類祖先自我保護嘅DNA遺傳，所以，減肥係終生事業。
刪除另外，腸臟有肥菌叢都會釋放物質控制大腦賀爾蒙令人肥胖。睇過一個電視節目，講有個女人成日肚痛，移植咗別人腸內益菌叢後醫好咗肚痛病，可惜，同時也變肥咗。如果研究出瘦益菌，就可救翻好多三高引致心血管病人、糖尿病人、中風病人，研發人要攞邵逸夫獎、諾貝爾獎，因為救番一半肥胖嘅地球人。
睇你個肚腩仔都係今年2021要搞掂佢的目標~~
刪除因為中央肥胖都好易有三高!!!每次見到人的大肚腩都會諗佢點解唔減下肥，個人輕盈少少都好~~
多些做些集中腰部的鍛練，可有望減少腰圍尺碼~~
迎接新一年來臨，祝願安康！生活愉快！
回覆刪除祝stella新一年事事順利，身體安康!!!
刪除祝森伯係新的一年，身體健康！平安、愉快！
回覆刪除謝謝，我也祝Man Man新一年平安，健康，幸福……
刪除去年抗暴，今年抗疫，希望下一年疫情減退，大家都不用那麼顫顫驚驚。
回覆刪除2021快要來臨，祈望大家都身心健康，重過正常的日子。
口罩是免不了，自從沙士之後，我出外乘車一定會載上口罩，是保護一下自己。
港人這兩年經歷了非一般的年份，但願來年平平安安，無風無浪……
刪除看來個人的預防病疫的措施都要繼續做，基本上只要外出，就算只是買少少嘢，都會戴口罩………
我都祝願秋葉新一年事事順利，開開心心……
Good luck, Good health!
刪除God bless you!
Thanks,May God bless you all.
刪除Wish you good luck in 2021
新年快樂，身體健康。
回覆刪除謝謝，我也祝事事順利，健康快樂……
刪除老當益壯
回覆刪除但願如此~~~
刪除