近排天氣都比較凍，本身感覺越凍就會越有過節氣氛，尤其冬至，聖誕，新曆年...就因為凍凍地，才會份外感覺節日特別有暖意~~可是疫情嚴峻的關係，過時過節都要將就一下...
今個冬至都冇得外出食一餐，記得過往都會舉家去食自助餐當做節，相信今年都冇咩可能，突然間自助餐變得遙不可及...今年唯有食盤菜，用呢種盤菜做節森伯都係第一次，當為試下都好~~
既有麵又有甜品，飽就好飽，不過食材一般......
冬至過後又到聖誕，今個聖誕沒有見過什麼特別的聖誕佈置，而自己家中都冇搞些什麼佈置，因為只擺幾日，懶得都費事擺...哈哈哈
在此祝大家節日愉快溫馨，望新的一年事事理想!!!!!
盤菜有十八樣咁多，炒菜、煲湯、煮飯好簡單都搞掂一大餐，係好方便嘅！都係睇厨師呢輪手藝，整得好唔好食講彩數。
回覆刪除係整畀人睇才有動機去佈置聖誕。
祝森哥節節快樂，步步高陞，身壯力健！
仲以為一爺祝森伯伯老如松栢，有森有力…哈哈
刪除冇數盆菜有幾多種食材，不過幾多樣化，疫情下都不能聚太多人堂食，唯有求其買個盆菜，都冇咩要求當做節豐富些……
因為好多舊有裝飾都收起了，費事摷!!
祝一爺聖誕快樂，身體健康，惱人的肚腩仔快快消失…
好幾年前咁樣祝福過森哥啦！唔重複。
刪除呢個盤菜係用保鮮紙封頂咁特別，我食開係用錫紙冚住當煲蓋，酒樓都會加熱到微暖，拎到翻屋企後用電磁爐(煤氣爐)加熱到出煙才拎走張紙，調細火力好似打邊爐咁滾住黎食，冬天食時暖笠笠。 你用屋企煲蓋冚住黎翻熱？
我就係發現盤菜底加片不銹鋼有窿蒸板好奇怪，然後，自己好醒目諗通咗原因就偷師用真空煲炆餸/鹵水時防黐底。
好說話就唔怕重複啦……
刪除乜用保鮮紙好特別?!!可能佢多訂單得滯，錫紙用晒要用保鮮紙頂包……返嚟就放在爐上興熱，佢下面都有塊隔板…佢用白蘿蔔放底一定會出水，所以要隔開出水食材，正宗的盆菜有咩料又唔知呀，真係要請教一爺兄呢本活字典!!
我又唔知喎，盤菜係新界圍村特產，貧窮(以前)農夫唔會好富貴，傳統好慳吝。農民好靠天氣才有好收入，天有不測風雲，有錢都儲起留喺某年失收，唔使食穀種。估計冇貴價鮑魚瑤柱大蝦，都係迎合近代客仔才加上去。過節時才會劏雞殺鴨拜神大魚大肉，有肉食已經不得了，平時係豆腐青菜。
刪除係食材隔開盤底，蘿蔔依然黐住其他食材索味，冇隔開喎！有調味汁加落去煮，淡味蘿蔔水唔會有大影響。
上面咁重壓住底部食材，好似用鑊鏟長期壓住煎嘢， 短時間咪燶咗囉！托離盤底蘿蔔只有菜汁100C加熱唔會燶。
以我記得以前食盆菜大都是圍村人，有咩喜慶宴會都會用盆菜來招呼親朋戚友，多數是結婚當擺酒，記得有位親戚住元朗圍村，佢娶媳婦就係搞盆菜宴當擺酒，不過都好耐之前，現在可能唔興，日子耐了漸漸盆菜變得地道化，就算唔係圍村人都會食盆菜，食肆只是推出些新派盆菜，抄啲唔抄啲……以前的盆菜應該冇鮑魚仔，花膠筒仔之類……
刪除一爺兄又想用盆菜標籤人為貧窮，唔會喇，搞得盆菜宴應該是大戶人家辦喜事才會，例如成親，擺大壽之類……一般農民大多食材只係粗糧蕃薯，唔會整盆菜宴，現在食肆只是迎合客人，什麼盆菜都有，主打小型或迷你型，價錢有平有貴，聽長輩講以前正宗放盆菜的盆，好似古時洗臉盆咁大個，相信份量都唔少………未見識過!!
婚宴係盤菜咪慳好多，咁公價人情可定得優惠啲，主人家、賓客雙方都好。依家圍村係幾年一次嘅大平清醮才有盤菜宴。
刪除點解唔用保暖啲嘅煲仔飯嘅瓦煲而係木盤呢？
我冇標籤而係講事實。中國政府都知道貧窮國家大多以傳統農業生產為主，且生產力水平很低，唔似甜森避忌，就會針對問題嘅原因釋放出好多措施去脫貧。
中國曾是世界上最貧窮的國家之一。1978年人均GDP係156美元，80%多的中國人生活在農村。1981年，84%的中國人生活水平在一天1.25美元的國際貧困線之下。但是，經過改革中國成功邁進中等偏上收入國家行列，2018年人均GDP接近1萬美元。短短40年時間，中國就創造了一個擺脫貧困、走向繁榮的經濟奇跡，証明貧窮不是命運。
以前的人要搞宴席，都係用類似盆菜的做法，何來有句說話叫 "大排筵席" 呢……唔通以前的人會去客棧攞酒?!!只有現代人才會去酒樓，酒店擺酒……
刪除現在盆菜就會適合傳統的節日或者傳統聚會，例如千歲宴等形式…到時一爺搞大壽或者成親都可以搞盆菜宴…哈哈，到時要預埋森伯~~~
唔係呃你，以前擺得盆菜宴多數係大戶人家，森伯個親戚以前都擺盆菜宴，圍村人現在都變成地主啦……哈哈
你講中國以前都係貧國，諗起啲民族意識又返晒嚟，現在漸漸富強起來就被裡裡外外所針對攻擊，歷經多年都可以站得住應該冇問題…你的資料咁詳細，好似你有份參與改革開放呢個大project……
條村太公有資產剩落，有地方、有枱凳、有碗筷(冇即棄)、有木盤……搞村莊大型活動，問阿公(村長)借設備。不過，通常係無遮大會，真係要摘個吉日，唔落雨、唔刮風、唔太熱、唔太凍。
刪除屋企人多嘅我反而喜愛清靜，開心事係同至親嘅一、兩個(寵物都算)一齊慶祝就足夠，揾人家戥你高興未必每個人都開心就唔好啦！大商家甜森會辦喜事攞人情、禮物賺錢真係有本事，我會覺得搞到一頭煙，米搞我。
動物界群組一定有個最強壯嘅老大，當有另一個要挑戰佢嘅地位時必定打生打死，因為首領係享有最大利益者，大自然定律喺人類上都一樣。早拾年前，中國快爬過日本成為全球第二大經濟體就畀日本為難過， 現在，美國感到好大威脅，係美國從未遇過史上最強嘅對手，有專家話因為疫情，中國好快控制到唔使鎖國挫傷經濟，會快多五年成為全世界最大經濟體。
你講到太公的寺堂，好似社區會堂，有檯有凳，有地方去租借，比鄉親父老聯誼一下~~哈哈……
刪除以前盤菜可能有些飯店專門包辦都唔定，有需要時搵些師傅上門煮!!未必是主人家落手落腳去煮，邊有咁多架生呢!!!
森伯唔喜歡打搞人，辦咩喜事都簡簡單單算啦~~
老美做慣世界一哥，未必接受到人家爬佢頭，趁機都要踩多腳，只要有少少智商的人都會看得到，除非天生蠢材，或者是借意視而不見，政治根本就好複雜……
盤菜做冬至
回覆刪除火雞做聖誕…
刪除今年無得出外食，好多人買盤菜過節食囉！
回覆刪除對呀，所以今年食肆的盆菜都好好賣，可算是疫市創佳績……
刪除我試過幾次幫趁幾間大集團買盤菜過節，價錢貴品質又真的很一般！
回覆刪除你說得對，或者價錢有分貴與平，但相信味道都是差不多……
刪除所以未來做節都未必選擇盆菜……
一家人圍埋食盤菜過節都好温馨。
回覆刪除或者餸菜的味道不是重點，而是大家坐在一起開開心心食餐做節飯……
刪除好幾年前的年底，我訂了一個大的盆菜，另外加購一隻豬手，就近拿了就乘的士去哥哥的家一起吃。第二次也是訂了這兩個餸，去姐姐家一起吃，他們預先煮飯、煲湯，真係幾方便。當然要有人幫手接力拿這個很重份量的盆才行。當時真係幾高興 !
回覆刪除叫盆菜真係十分方便，煮少少飯都可以多人食到飽飽，今次額外叫多個伊麵，所以唔需要煮飯，其實叫個大型盆菜煮些少飯，加多一兩道小菜都夠一圍檯的親朋戚友，因為好多人吃的不多……
刪除現在很多盆菜都可以選擇送上門，不過要加錢，我哋有人去取就慳返送遞錢……
如果可以自取的話，當然係要慳番d送貨費啦。
刪除當時我訂盆菜的那間，聲明要自取。我在新界落單，說明在另外的一區店舖取貨，人手充足，就慳番D銀両，寧可取貨後乘的士。煮少D，功夫都慳唔少。
如果距離不遠，當然會選擇自取，尤其是近來疫情原因，可能有些人懼怕周圍走，就唯有叫食肆送貨，寧願加送貨費~~你講得對呀，盆菜方便，再煮些飯就可以立即開餐~~
刪除看來秋葉幫人幫到底，坐的士就最快捷，包保家人食到暖暖的盆菜~~
疫情期間，真係唔想周圍去，聽講好多人都叫食物上門。
刪除都是自己的兄姐，飲飲食食大家唔會計較咁多，做小妹的都要識做，買個盆菜上去開餐，唔使主人家做太多的功夫。
很多年前，聽到有個街坊說：「女兒給了我500元過節，跟著回家吃過節飯，我又買又煮，做到cc吓，好辛苦 !」所以後來興了出外吃飯做節。
現在這段期間，外賣送上門的生意有上升，證明都有唔少人幫襯…
刪除自己人易話為，食盆菜最好，圍埋一齊食夠溫馨!!
街坊訴出心底話，出去食慳功夫，起碼唔需要煩買餸…而且外出食仲可以感受一下外邊的節日氣氛!!
祝森伯：聖誕快樂！
回覆刪除我祝man man Merry Christmas……
刪除