有時假日或者週末都喜歡食個麵，都唔一定要煮飯食，若然冇咩時間煮又要外出的話，食個包都可以飽，你話森伯平時除左口水多多，奄奄尖尖，麻麻煩煩，老老土土之外，森伯都幾易養......哈哈哈哈
在這個疫情期間，就未必日日上街買食物，家中能夠儲些食糧都幾方便，要食都可以隨時拿來食~~麵相信是其中一種，買定些乾製麵餅，又可以存放很久~~
其實煮麵最麻煩是個湯底，白菜加些肉片就會好好味，當然要加些豉油，雞粉調味，這樣便可以做個清湯麵，到食時加些麻油就唔錯~~
成日聽講，簡單就是幸福，現在森伯活到幾廿歲先明瞭，簡單煮唔駛太辛苦就有得食，總好過太複雜煮一大餐才食得少少，所以在森伯本食譜裡，簡單就是關鍵詞~~~
唔講咁多，麵擺凍了就唔好食，食麵先!!!!!!
我仲簡單，煮個即食麵，連個湯都唔使諗。
回覆刪除如果真係要食得最簡單，我會選擇吔個包就算……
刪除我 routine 安排每周有一天係非飯日，會食蛋麵、米粉、通粉、意粉。唔食害人公仔麵。
回覆刪除我懶，一煲過煮兩餐，午餐放湯，晚餐叮熱後撈醬。開一大罐茄汁沙甸魚夠兩餐。
自創獨有煮法，全部綠葉菜/洋蔥/甘筍/矮瓜 同 粉麵 放入煲內，加水喉水，唔係水滾後放材料。開火煲，水滾出煙煲多3分鐘，然後熄火唔開蓋焗多3分鐘就搞掂。下午食綠葉菜，晚黑食瓜類，因為煮熟綠葉菜翻叮會產生致癌物質。
正常乾通粉要煲8分鐘才熟，學咗用清水先浸過夜，濕通粉索水變軟後，可快速煲3分鐘就熟。
慳水/慳電計好用3杯半水，煮後水量剛夠午餐用。我用雞粉或蠔油做湯。晚黑用罐頭茄汁醬撈粉麵食。
這個習慣都唔錯，一週揀一日做無飯日，只要平時食得清清淡淡又唔需要太著意食什麼，就算食過包都可以揀些口味冇咁濃那種…
刪除多種菜蔬，白菜煮個湯底係最好味當然要配些肉類最好，尤其鹵水食物，你講起蠔油做湯底，以前會煮個全蛋麵，類似叫蝦子麵那種，煮好後加上蠔油超正……
發覺一爺兄每樣都會斤斤計算，無論計卡路里，煮食份量，用錢優惠……都要計到預算之內!!!
斤斤計較：職業培養良好習慣去控制成本、改善制程。 如果一個產品每年生產50萬部，每部成本節省$1蚊，咁一年咪慳咗$50萬囉！同樣，如果流程改良可減少2個人，咁一年咪慳番人工$12萬。小心眼才成就大。
刪除工作上要同客仔爭拗太多了，最好係標準化每個點，詳細定義每樣嘢，然後，量化用數字表達，品管依賴呢堆數字做嘢。產品顏色要用 pantone color 設定，仲喺燈箱內講明係咩燈好似日光燈。必須要減少抽象嘅模棱兩可事項。數字人生。讀書時期我最喜愛計數、重邏輯，最怕作文，所以，我同插畫家森哥係兩類人。
我呢啲計較 - 動腦筋改良煮食流程 - 係高度智慧呀！
講到高度智慧，近日中國新一代「人造太陽」核融合設備，落成並完成首次放電，可產生攝氏1.5億度高温，向2050年商業化又推進一大步。有咗呢種無污染又安全嘅能源，十世冇憂。好希望中國人能攻陷呢個高科技，唔會好似芯片咁畀美國癱瘓中國。自求多福。
因「人造太陽」開發太貴又唔知得唔得，係好多國家合作一齊研究並分擔費用。美國見成效不足而中途退出咗個組織，中國科技水平太低一直被嫌棄拒諸門外，最終組織都要揾國家填補美國負擔呢筆錢而準許中國加人。
我冇你咁專業，數字人生實在…人一生好多數字要計，如果額外再計算就會太辛苦，森伯讀書時期要計數都係麻麻地，數學科多唔合格，所以今時今日都好怕計數，平時恕森伯膚淺，以為你只計婆仔數，估唔到可以成就咁大，失敬…失敬…
刪除我一早講咗同一爺兄係兩類人，你思維近乎外星生物，森伯只係地球上的小蟻民，唔係都唔會時時拗頸啦，大家眼睥睥互激………哈哈哈
科技的研發，是要時間去等待，當發明一個成品，可能我們已經不在世上…這刻簡單的生活就是森伯所追求……
滾湯最簡單，冬瓜鹹蛋湯、芥菜豆腐豬膶鹹蛋湯清熱下火，啱燥底人飲。唔知森哥有咩常煮湯底呢？
刪除你鄉下興冬瓜鹹蛋，我鄉下興節瓜鹹蛋湯，我諗目的都是因瓜湯比較淡，落個鹹蛋就能帶出鹹香味，聽人講呢隻湯好下火!!
刪除喜歡飲滾湯，冇咁多功夫比較簡單……
森哥喜歡吞粗大又硬嘅？
刪除滑而不粘，軟而不稀，面葉勁道有力。
食到啜啜聲/ 斯文安靜
湯汁要掛到麵條上
南方、北方、西方、日式、台式、韓式、上海、清真、蘭州、吉林、陝西、山西、河南……多到可以寫論文，麵食文化可拍足1000集，流行經典幾千年，加入人類文化遺產……
特色人手制造方法如成個人騎上大轆木打出黎嘅、刀削、拉麵……森哥食過未呢？
麵條都有好多種，森哥最唔喜歡嘅？最喜歡嘅？粗幼、長短、形狀、口感硬/冧/實/鬆、顏色、幾廿歲人食過唔少，最近有咩好推薦呀？
睇嚟一爺對食物的形狀都幾有要求…
刪除其實森伯對所有麵都OK喜歡，甚至即食麵，用私伙湯整即食麵都好好食，仲有河粉又長又扁又白又滑…尤其是湯河!!
你成日問森伯喜歡食乜麵，莫非你想整餐滿漢全麵比森伯嘆吓，如果一爺兄要整，首選湯麵配鮮鮑加多些烏魚子醬，瑤柱雞湯底，仲要加幾塊黑松露吊吓味，要求好簡單，不敢奢求太多…哈哈哈
森哥真係一身貴氣，我高攀唔起，只能『大元帥都係食齋麵』，以前，住徙置區嘅精神康復者鄰居嘅口頭禪，森哥搞到我神經衰弱 、語無倫次。
刪除一身貴氣我都想，可惜唔係，就係平時某得食，先諗住黐一爺嘅富貴餐!!!做個富貴人~~~哈哈哈哈
刪除大元帥都係食齋麵………好似猜燈謎題目?!!
唔係燈謎，我係暗喻精神病康復者都面對現實、冇好高騖遠，認知窮人食唔到貴嘢，唯有安慰高高在上嘅人都會食齋麵，上等人冇咩大不了，食物意義係美味有營養，唔係炫富，做人唔好自卑、唔開心，反而有啲所謂正常人都唔識諗，都思想唔正常，要入青山教訓吓佢哋。 『如有雷同，實屬巧合』
刪除都話左一爺兄的思想比較負面，做人貧富唔緊要，最緊要係心存希望，只要憑著明天勝過今天，這樣才會令人生有進步，美食並不是罪惡，亦可以令你向前行，況且森伯提及的食材，今時今日都好普遍，唔駛大驚少怪~~~更唔駛要講到痴人說夢，搞到入青山咁誇張~~~~哈哈哈
刪除其實只要不是毒物，基本上什麼食材都會有它的營養，視乎你有否食得過量~~~
況且更唔想搞到一爺兄入左青山，減少森博既view量~~~><
平日午餐我都喜歡湯麵，簡單方便又好吃！
回覆刪除我相信除了米飯之外，麵類包類都是港人常食的主糧……
刪除以往我真是無飯不歡的，無餸更不能送飯。可是近來知道吃太多飯唔係咁好，於是乎一餐飯或粥，第二餐煮一碗麵來吃也可以。不怕吃得簡單，好味就得了。
回覆刪除真奇怪 ? 因看到YouTube的視頻說，不要吃太多的飯，我居然就可以少吃白飯。
刪除原來喜歡吃飯也是一種心理作用。一個人心理健康也很重要。
其實華人的飲食文化裡，飯是離不開，所以根深柢固每餐都要食飯，冇飯落肚就會不自在，不過香港地食物選擇多，唔食這個可以食其他，正如你所講，味道最重要嘛……
刪除有時都會這樣，聽到些資訊又會相信跟著做，但現在youtube的資訊實在太多，樣樣都信變得人云亦云，有次聽某位名人講，佢話自己連水都唔飲，平時只靠蔬果汁補充水份，聽到真係難以理解……現在認為樣樣食物都不要過量，取其飲食均勻之道便好了……
更正：謝謝森少的提醒。
刪除謝謝森少的提醒 ! 我都是近這半年來，為了找尋歌曲，才比較多看網上不同的視頻。往日我視為浪費時間。我們幾十歲的人，都有了一套健康的飲食模式，不是人云亦云就會相信的。我是相信有實踐，有理據的醫學意見。
刪除一般常識：有些果汁糖份高，若有糖尿病患的人，就不能胡亂去喝。
其實清水是最好的飲料。
飯不能不吃，除了有量熱，也是吸油劑。
上次我看的是~介紹製作一款「糙米燕麥紅豆三寶粥」可以瘦身保健。
我也不會盲目跟從，覺得少吃米飯，多吃豆類也可以。
我都明白啲人戒飯原因，是怕吸收太多澱粉又造成血醣問題……現在我都儘量減少澱粉在餐飲上，不過要戒去當然不能，相信唔食過量，澱粉對身體都有幫助……
刪除你講得對，太易吸收的疏果汁反而仲多醣，就飲清水會仲好!!因為正常人的身體消化排毒都要靠水去幫助……
健康飲食都要因應自己的體質，選一套適合自己的健康飲食方法會較好，我也常留意一些健康視頻，有興趣會多加留意，適合都會應用在生活中……
奄尖麻煩老土口水多森伯
回覆刪除豉油雞粉肉片白菜湯麵
幾易養
是赤貧長者森伯的悲歌……
刪除簡簡單單的飲食都唔錯架。
回覆刪除當然喇，尤其是現在人們都講求健康……
刪除自家煮健康呀，我比輍喜歡食通粉及意粉多啲，中式麵食得最多是炒米粉，簡簡單放啲魚片椰菜就可以。
回覆刪除意粉比較少吃，通粉時時都有食，不過沒有影出來介紹，呢類麵食好方便，炒米粉偶然食，多數配粥，夏天食啱晒胃口。
刪除記得吃上海湯麵，啲人喜歡配魚旦椰菜……
自從退休後，我只在晚上才吃飯，午餐就一必定是粥粉麵之類，我不喜歡即食麵，所以大部份粉麵都要預先煮熟然後放湯，手續多少少但比較健康。
回覆刪除食物選擇多，都唔定要食飯，閒來都喜歡食雜糧……
刪除基本上多種麵都喜歡食，即食麵加餐肉都好好味，回想好耐都冇食過……
先煮熟後放湯，呢個做法可以減低麵浸稔的機會!我多數煮完湯才落麵………
森記湯麵, 簡簡單單, 睇來都不錯噃!
回覆刪除歡迎Winnie Lui到訪…
刪除對我來講，簡單的烹調，已是不錯!!