有日見到這些模型有間幾有趣的便利店，於是就買來砌，森伯自小對砌模型都係麻麻地，記得好細個都有些小型車或機械人模型砌過，但大型如航空母艦那種當然沒砌過，
一來對沒有太大興趣的事情，好難集中精神去做，二來大型模型切件又多又濕碎，萬一唔見兩三件就成副模型唔駛砌，三來咁大副模型砌成後都冇咩位置擺放...所以砌些細細個就最好.....
一拆開濕濕碎碎，感覺有排成型~~~~~
睇住砌模型份藍圖，逐舊逐舊砌，不久後又有番少少滿足感...
砌下砌下又咁快手，成間"些粉"又搞掂...
都做得頗仔細，內部的貨品及收銀機都有齊~~OK，可以做生意lu...XXD
擺低少少錢，你要邊間舖就邊間...
其實一間便利店對大家來講，會聯想什麼呢??掃零食?!!發達窿增值?!!叮叮點心?!!
我反而會想起...現在的醫院大多數都有間便利店，儘管雖然是間便利店，平時又未必感到好特別，但對住院的病人或者醫護人員來講，它的意義都幾重大，去買些小食幫精神上充下電，留院對很多人來講都十分沉悶，可能唯一能夠去鬆鬆都是去便利店睇睇，揀些喜歡的小食，或者對病人來講算是樂趣~~這就是森伯的聯想!!
細路時冇買過模型黎砌，夾錢買零食最實在。 最多係小學勞作堂派一份材料畀你砌，然後，出動我創意去整色整水。
回覆刪除我喺呢間數字屋做過短期兼職，唔使收銀。有時會扭多幾圈軟雪糕畀客仔。
有次都好好笑架。我企喺門旁收銀櫃檯，另一同事企喺門口另一旁食嘢檯清潔檯面，我哋好似門神咁一左一右，我手上拎起個客嘅失物示意，同事覆：『乜咁誇張呀！』 此時，剛好有個客仔入黎聽到，最好笑係佢個反應，同事咁講嚇到佢立刻用手按住心口。我哋兩個同時笑咗出黎。
「備註：(1) 事發喺熱辣辣嘅夏天。(2)失物係一抽鎖匙。(3)客仔係個身材一般嘅後生女。」
相比現在小朋友的玩具好似比較少模型賣，我細時都好少買模型砌，就算拼圖都唔多，可能興趣不大所以冇咩耐性去完成~~~
刪除扭多幾圈軟雪糕畀客仔......我諗以一爺兄的性格，見到靚靚客仔買雪糕一定會扭多幾廿圈...哈哈哈
你講的便利店經歷唔係太知講什麼，不過對你來講又會是很難忘，咁到最後個失主有冇來攞返抽鎖匙?!!要逐條匙配都要幾麻煩!!!諗諗你哋份part-time job都幾快活喎，又玩又笑，又有得做門神~~~~
睇我心情唔係個樣。
刪除交咗畀經理就完成啦！問黎有咩好處？
幾時都要發掘工作嘅樂趣，工作佔人生大部分時間，無趣就要轉工喇！
我就以為個樣帶動你心情……哈哈
刪除睇得戲多，以為實有下文~~
有就話可以發掘工作的樂趣啫，但世事有時都未必如你所願，放工後搵啲娛樂消遣都一樣…
我個八両金樣咪要無時無刻都心情低落至崩潰邊陲。森哥唔好咁啦！
刪除我都幻想有客仔特登黎買，借啲意撩我傾偈。又有同事傾慕、暗戀我。發白夢就有我份。人貴乎自知之明，咁至活得開心。
工作上解決咗難題，諗到啲更快捷啲方法，喺工作流程上加咗提醒點防止錯漏，節省成本，試用新材料，改良設計，對付各部門卸膊方法……，工作順利， 懂得執生， 揾到好多工作上嘅滿足感。
我個八両金樣咪要無時無刻都心情低落至崩潰邊陲.......唔好作假啦，如果由細到大都係八両金個樣，已經好接受，唔會時時拿出來講既~~~
刪除便利店啲客人買完嘢就走，邊會有咁多空閒時間去撩店員傾偈，都有可能當時有人暗戀你架?!!話明暗戀你又點會知?!!
在沉悶的工作裡能找到樂趣或者為工作諗些節省開支等事宜，都證明你仍有份對工作的熱誠，絕對係一件好事喇~~~~
唔係森哥話我以貌取人，我都唔使拎個樣出黎講啦！
刪除所以，留下傾偈咪有景滾，不自覺地流露傾慕眼神同談話。
當自己係老闆咁做。
你係好刻意咁拎個樣出黎講...肯定作假!!!哈哈
刪除似八兩金都係正常人樣，冇人係特別靚，你追得劇太多，以為個個都係劇中的男女主角~~~~~
當自己老闆咁做，你應該都幾有前途!!!
恭喜森兄，開咗自己嘅舖。哈哈.
回覆刪除爛鬼舖頭仔，貨又冇乜，連叮叮蝦餃燒賣都冇......XXD
刪除我唔多夠耐性，對於要慢慢諗、慢慢砌的模型提不起興趣，不單如此，就連平面的砌puzzle都唔掂，唔怪之得我做唔到小店老闆。
回覆刪除我都一樣，對唔太興趣的玩意都好難投入專注去慢慢完成，但小模型都還可以，所以都有人講，砌模型拼圖等都可以訓練一個人的耐性......
刪除請問地址，我要黎幫趁你間7仔呀！
回覆刪除以Stella幫襯開大公司，名店，專登走嚟森伯間細細舖，到時真係失禮晒......
刪除森伯便利店賣仿垃圾食物...........
回覆刪除根本便利店大部份都係賣包裝的仿垃圾食物架啦~~~~~
刪除原來現在是有這種商店的模型屋來砌作的，森少不說我也不知。
回覆刪除有些人是以砌圖、砌模型為樂的，人各有志啦。我是寧願以看書寫劃來作消遣。
係森伯呢種大唔透的人先會留意呢啲玩意，秋葉平時貴人事忙邊會著眼……
刪除砌模型相信都唔會砌太複雜，呢種簡簡單單就OK…正如你講睇吓書，畫吓畫比較興趣!!
哪個是貴人事忙呀 ? 森少是上班人士，才會事忙哩 ! 我是無事忙，只忙吃忙煮。 其實我看書都懶了，睇電視比較多。那麼多年就只畫了一個古裝的女娃。太懶了!
刪除雖是上班族，但疫情關係今年在家工作時間也多了，我有時儘管在家裡，但都是忙東忙西，總覺得時間過得仲快……
刪除現在少人看書都是正常，除非有森水書才會看，不過畫嘢就時時畫，保持手不生疏………
畫畫是你的專業，當然要時時畫吓0架啦。所謂曲不離口，拳不離手。
刪除你過獎，畫插畫主要是興趣，都沒有說專不專業…
刪除講得好啱，想保持不生疏，唯有曲不離口，拳不離手……
森少的興趣好好呀!而能夠做有興趣的工作，更是難得。
刪除秋葉見笑…畫插畫只是工作的一小部分，並非主要，當然做全職最啱啦，可惜呢類工作又冇咁易遇到!!
刪除能者多勞，有工作就好。開拓機會，希望你能能遇到。
刪除多謝秋葉鼓勵，對的…有時工作機會也得靠自己去開拓，現什麼也電子化，人手畫的模式都減散了……
刪除畫畫也要電腦制作，不是手畫的哪裡算得是藝術哩，作為商業也可以。
刪除以往我學的商業美術科，也要勤練畫畫的基本功。現在時興的電腦作畫，我從未接觸過。
其實藝術都冇分怎樣才可叫藝術，顏料工具都只是一種創作藝術的媒介，一幅作品，只要得到知音者的欣賞，都已經是一幅藝術作品……
刪除有機會你都試試電腦作畫，很有趣的……
你說的也是，有些裝置藝術，就是紙張揉成一團就是了。現今電腦的功能囊括多方面，什麼的電腦打印複制，太高深我不懂，我還是比較喜歡手繪的畫作。
刪除我認為裝置藝術大型些會比較好看…
刪除電腦畫一般都要熟練繪畫軟件，但手畫可以隨意，藝術作品的創作很隨個人喜好……