都唔好話去旅遊咁遠，就算連在港行街街都好似隔了N個世紀咁，對於近排疫情都反反覆覆，好多人都寧願留家的多，當然有很多人仍無畏無懼，照常多多外出~~
對於森伯伯來講，買些少東西，返工都算是外出，基本上接觸的人都算有限，不過相比其他地方，香港都算幾安全，因為天氣開始冷流行性感冒又煞到，不過以小學生居多...
有日在同事的檯上見到條模型街，全是你我熟悉的商店，不過硬係有唔同，唔通又係曼德拉效應?!!，森伯呢條友乜都賴曼德拉效應，其實人家名店的商標都有版權，呢類小模型邊會取得人家的版權用呢?!所以間間商舖都係AA貨版...不過都可以藉此當一種街頭的情景!!!
其實呢類模型森伯之前都有砌過，而且難得仲砌到一間便利店，可能要下篇網誌才讓大家睇睇~~呢類模型的砌法都幾簡單，價錢又冇真正的lego咁貴，揀一間喜歡的店舖砌砌都幾有趣...
都想問大家，假設有你喜歡的商舖模型賣，你又會揀選乜商舖?!!呢條商店街睇來睇去都好似爭D人氣，某程度上都好配合現況~~
有時候話疫情舒緩啲，人們就會湧出去消費，其實疫情反反覆覆，未安全的，我就唔敢周圍去，只有去行山。
回覆刪除好多人都唔理，黃金商場，一些日資百貨都仍然大頭湧湧，大家都侍著香港還安全嘛，如果人流少的行山活動就很好，順便除下口罩真正呼吸一下.......
刪除我從未諗過舖頭， dream house 就有發過白日夢，典型香港人。係玩百萬富翁棋時就有商舖。
回覆刪除有網絡遊戲係起成座城市，想玩嘅興趣又唔大喎！
dream house 太過廣泛，未必容易使人認識，但這些知名品牌的商店人人都知係乜嘛~~
刪除以前都有download些網絡遊戲玩玩，但未必時時玩就打咗落冷宮中，有個養魚遊戲都已經封晒青苔~~~哈哈哈
好多人好外向，唔鍾意屈喺屋企做宅男，唔出街個心囉囉攣 ！冇嘢買都要逛街，唯有諗計揾多啲手作嘢做，好似森哥咁砌模型、整面包、做手工皂、 織頸巾………
刪除我剛剛才知温度愈低病毒存活率愈長，留喺門柄、Lift制會由夏天嘅1日激增至冬天嘅1個月，我係唔接觸揾張紙隔住吓架，見過人戴單一隻透明即棄手套。
外向的人通常都係習以為常地外出，久而久之變得外向，一唔出街就會悶悶不樂...相反內向的人都已經慣了生活模式，便會諗很多工作去渡過在家中的時間，外向的人多數在家乜都唔做，悶悶的睇吓電視，這樣才令他們想外出...
刪除我在疫情初期都有用紙巾撳lift掣，後來都冇，不過去完街摸完街外物都一定洗手~~~
聰明森哥有抗疫意識，留家砌模好過攬住人跳舞，攪到大爆發。
刪除有話到21年5月多數國家有幾千萬人接種咗新冠疫苗後，有免疫群組，一度被病毒完全侵佔嘅地球，作出呢個地球反擊戰，世界才得到安寧。
講開又講，疫情至今都冇砌過模型，呢件作品係個同事砌完擺在檯上……我間便利店係好耐之前砌!!
刪除一爺兄鬼仔性格，人又open隨便都會同人又唱又跳，又攬又錫錫，森伯伯係咸豐年代的人，既老土又守舊…邊會跳呢類舞!!
其實呢個時刻大家都寄望疫苗，但比理想仲有距離……
我有砌熟豬肉落去飯盒度。
刪除森哥理解嘅鬼仔性格有咩特徵？ 睇吓我係唔係符合。
我係 normal 華洋文化融合嘅香港人，唔算 open。唱K亂舞係有嘅，攬錫係冇嘅！
係邊類舞？森哥喺老闆面前跳草裙舞係最耍家。
希望距離半年喇！
森伯都唔興砌人生豬肉，森伯一個老人家畀人砌就有份...哈哈哈見平時一爺兄都幾open，在網誌上乜都講，所以估計一爺思想會幾洋化，跳火辣舞一定有你份......估吓啫~~
刪除老闆面前跳草裙舞，邊敢~~你估一爺兄打風流工，在老闆面前扭擰完又有人工加咩!!!!哈哈哈
有些疫苗可能要補打，就算打了抗體會好快消失，這些都是聽來的，跟理想的效用可以仍差一截距離，唯有做好防疫措施呢刻都係需要...
森伯呢條友乜都賴
回覆刪除森伯本身就係姓賴~~~~
刪除得閒砌下都幾好
回覆刪除冇拼圖咁難，呢類模型都唔難砌!!
刪除我見網購有三代同堂家庭過新年lego，幾盞鬼架！
回覆刪除lego比較認真，要放些心機時間砌，砌成都同樣有滿足感~~~
刪除其實疫情仍未回落，還是少出街，還要口罩不離口>_<如果比我砌模型商舖，我會選小型超級市場，有好多食物罐頭等等，好豐富^_^
回覆刪除對呀，未回落，時多時少，所以都好難預測幾時才不用戴口罩...
刪除如果有小型超巿模型相信會幾有趣，雜項貨品要做得很精細...
模型我鍾意睇呀！
回覆刪除跟你當地影開的模型差好遠...........
刪除模型少玩D，多數玩拼圖。
回覆刪除其實兩樣森伯都好少玩……:p
刪除砌商舖模型都幾新鮮，冇lego咁貴就好抵玩。
回覆刪除以前有位在美國的親戚，空郵寄了一大盒lego給小女，我唯有常常教她去砌，都可以砌到很多樣的東西，砂屋砌船砌飛機都可以。
砌商舖是這種小型模型的賣點，雖然話經濟但又唔太記得買了幾多錢，我平平哋買間便利店玩玩......哈哈哈
刪除lego較多元化，可以砌出各樣東西，小朋友時代都好興玩lego，相比現在沒有砌出太多東西，只是憑自己創意砌出不同形狀的東西~~~