對於港人來講，每日除了主糧米飯之外，還有麵包都不可缺少，所以每個住區基本上都搵到一兩間包店在內，麵包款式多，森伯都算包痴很多出爐麵包都啱口味...
不經不覺附近的包店開了好一段長時間，初時都以為做唔掂，不過顧客都幾多，生意都應該唔錯，當然做生意都要諗諗計，價錢算走中低位，而且售的麵包多以買二送一，抵食就總有人幫襯~~
記得初期的麵包好似手工麵包，森伯形容得太好聽，其實就大細不一，脹扁又明顯...不過可能其後生意唔錯，包的賣相都好得多，而且加插很多懷舊唐餅，是西餅店少有，而佢其中的切餅都唔錯，如果不想買整個蛋糕來吃，切餅都唔錯，價錢唔貴但質素都唔差，整體都算幾好希望佢長賣長有，有間麵包店的確方便很多屋苑內街坊~~
森包痴
回覆刪除哈哈哈...
刪除我都很喜歡吃麵包。
回覆刪除我諗都會有幾多人喜歡吃麵包~~
刪除我要食港式麵包唯有自己出手。
回覆刪除但好少見你的BLOG整港式包，都期待你出手~~
刪除喜歡吃麪包，可以當飯吃！
回覆刪除要當飯吃都唔難，我呢幾日都係吔麵包做午餐~~~~
刪除有啲人唔食飯會肚餓，我可以食包當一餐。
回覆刪除包舖特登噴包香氣勾引人，行過都流晒口水。
飲茶必叫一籠包。
我相信很多人都試過食包當一餐，你講起包舖有包香味，以前感覺大點，現在的包舖好少聞到包香味，有啲還獨立包裝，乜香味都冇晒~~~~~
刪除飲茶必點叉燒包，奶皇包等，大家都喜歡...
趕時間上班、見客、上夜學會邊走邊吃。
刪除公司開會中，午餐叫外賣三文治節省時間，完成重要差事。
小學雞時代買2個麵包飲清水，唔去奶茶檔、粥檔食又可慳錢買零食。
50年代賒錢捱窮，一出糧就還清上月舊賬，都係買麵包皮清水填飽一家老嫩個肚。
上至驅動商業經濟活動、下至賤民死線掙扎求存，麵包店功德無量。
其實麵包最方便食，無論在什麼地方都可以渣住個包開餐，啱晒都巿人簡單醫肚~~
刪除若然飯盒同麵包揀，我都會揀麵包，因為比較簡單方便...幸好森伯份工都有時間食餐晏，暫時唔需要趕頭趕命去拼搏~~~
我諗你小學已經儲到一舊錢幫補家計，以前的人多數生活清貧，不會好似現代人下下都想政府出錢幫，乜事都由自己搞掂...
想想也相當佩服當時的人，今時今日的香港都係經過無數前人所打造出來，而昔日店舖跟巿民生活也息息相關~~~
為咗求生存，人類會用智慧適應環境，好似嚴寒北極愛滋基魔人、冇高山症嘅西藏高原人……掟森哥去德國必能學識德語。唔同年代都有不同生活方式，面對不同問題，動吓腦筋克服，效法人哋。
刪除森哥退休、身體自然老化將會遇到另一局面，衍生同年青時代不一樣嘅生活模式。
所謂識者生存嘛...人在絕地絕境中就會激出生存的智慧或鬥志~~假如掟一爺兄到荒島上都會激出無限生存鬥志啦!!!
刪除出海捉魚，爬樹摘椰子，挖地搵蕃薯，到時可能連個肚腩仔都冇埋...哈哈哈
你又講得啱呀，森伯好早就要適應年老的生活模式，而家試緊八九十歲的生活模式...
我偏中意鹹包。😄
回覆刪除鹹包有時都幾好味，例如法包，豬仔包等~~
刪除俗語說：「食包包食飽。」 荃灣大路這邊的內街，有間麵包店每日下午4时，麵包出爐香噴噴 ! 路過都會被吸引入去購買。
回覆刪除有時唔係太想食飯，都會買個包送粥都幾好，尤其大熱天時...
刪除一些舊有的傳統包舖都會依然聞到香香的出爐麵包味，若然撞啱放工時間，會好多人幫襯~~
麵包成本低，有客路的話是不錯的生意，以前一個朋友在某商場開了一間麵包店，他說三年時間就所有投資的器材已經回本，以後除了支出材料、舖租和薪金之外就是凈賺了，都算不錯。而我就比較喜歡自己在家造麵包吃，可免卻添加劑。
回覆刪除
刪除不過麵包店都不時要有新款包才吸引到顧客，可能這間店舖不是太大裝潢，小小地方的一個店舖位置，所以它可以買得較平價，之前同一商場內都有其他麵包店，但幫襯的人也不太多，不久後都執笠埋~~~
我未試過在家整麵包，但最常就係整饅頭和鬆糕較多，以蒸為主!!!!!
以前嘅麵包份量重D抵食好多，現在嘅麵包輕如羽毛。
回覆刪除哈哈，好少聽人形容現今的麵包輕如羽毛~~
刪除有可能現在的麵包發粉多，外表大大個，食起來又一陣風，蒸完仲扁撻撻~~~~