現在乜都電子化，遲下又話有5G電話，相信呢個世代同電子網絡都係分唔開，所以現在有好多表格都要透過網上遞交，其實都冇壞可以慳返唔少紙，環保D都好，近排要填的東西實在多，有實體表格，又有On-line填form…
「安拉」畀評分…
完成埋最後一堂的課堂，終可以放下森頭大石，在未收到成績之前都可以鬆一鬆…當每個單元完結的時候，都要學生們填一份問卷，最主要評評導師，課程的滿意分數，可是在疫情中，呢堂的問卷都要響網上填…
「安拉」填問卷…
森伯可算係包痴，好多時候肚餓都想食個包，簡單、好味、肚仔又飽飽…某日有人在美X麵包店買包，竟然可以抽到張優惠問卷，只要在網上填好張問卷，抄下號碼就會得到優惠，雖然優惠的銀碼不算多，但要讚間包店又幾醒目，只要畀少少利誘顧客，就會乖乖幫佢填份問卷，抵讚！
「安拉」攞口罩…
在疫情底下，早排都鬧過口罩慌，好多人都要排長龍去買口罩，雖然森伯家中都唔係多，不過慳慳地都夠用，當想慳得一個得一個的時候，政府又話派口罩，據講又話可以重洗，合晒老人家節儉的河車，一於攞番個，網上填完表格後要等兩星期，至於口罩的評語唔好多過好…不過親身試過最準確，現在就等收件…唔知有冇博友收到用過呢?!
好快就會收到啦!好唔好好過無囉.都係一份心意.
回覆刪除係呀，尤其現在怕個疫情反反覆覆，攞定個口罩都冇壞......
刪除評導師，課程的滿意分數，
回覆刪除疫情中，On-line填form…
呢堂的問卷都要響網上填…
美X麵包店銀碼不算多利誘顧客
網上填好問卷就會得到優惠
政府派口罩
評語唔好
不攞好過…
大夫嗰個未收到啫，可能你用咗後喜歡，沖涼又戴，覺覺豬都戴唔捨得除呢！...XXXXD
刪除最怕要填考績問卷。
回覆刪除考績問卷?!...通常怕有些問卷太過多又長~~~~
刪除我都填左兩星期後到，等收到貨時就知是否外傳咁差。
回覆刪除或者只有親身試過才知道好不好用，有多個口罩當後備都好……
刪除我見要有香港電話號碼先可以登記攞口罩。
回覆刪除對，要有香港號碼及地址才可以，最主要電話用來收郵局發出的通知短訊…
刪除我聽幾個朋友攞咗，話透爽。
回覆刪除所以唔同人有唔同的感覺，以親自試用才知道~~~
刪除仲未填表添。
回覆刪除做咩今日咁簡短……哈哈
刪除唔需要趕，慢慢填都未遲~~~
畀時間我個人腦做 maintenance 靜吓。
刪除啲後生仔仲考梗DSE，我諗番呢段時間考完會考 喺親戚做嘢嘅電子工廠(得佢有冷氣)打暑假工，到放榜日， 自知唔會肥佬，因為我一直係讀A班架；唔係名校，又沒有期待考得很好，未有計劃未來條路，屋企冇人讀過預科冇乜壓力，預計升學止步，正一無知青年，放榜日嘅心情係對未知結果嘅忐忑，冇乜準備揾咩學校，衣著係平民波鞋牛仔褲！都有準備相片、筆、學校成績表同些少銀兩，萬一好彩就去揾學校報名，收到成績單……比我預計好，冇時間去安慰成績唔太好死黨，雖然我行翻屋企只需要3分鐘，都係喺辦館借電話打番屋企報平安，連續三日好頻撲， 方圓百里 到處走動。
趕快聯同成績相近同班同學五人組隊夾份搭的士周圍去揾二綫學校報名，當時，五個人搭的士係平過巴士費，我冇佢哋識咁多學校，有啲女同學仲撞入男校報名好搞笑，嗰幾日係我呢世人填最多嘅申請表格，成績好嘅學生會畀學校扣起成績單正本，佢哋頭痛要做好多決揀，我就冇呢個榮譽，上午報名，下午去等放榜不斷嗌名，喺門口睇收生條件日日在變，有啲係連攞申請表資格都冇， 走糴咗三日，終於有學校肯收留我。
中四升中五時文理科共5班減半，有成百人被冇情學校篩走架，收咗好多重讀生，校長想谷整體會考成績，等預科可收更好學生，好多重讀生成績都很好，冇情原校收番我冇望。
結局峰迴路轉…………
每個人都有自己的經歷同故事，以前的人就係靠股拼勁同毅力去應付人生很多的難關及問題，感覺上以前的年青人比較生性，就好似十來歲的思想已經好成熟，自己唔理都冇邊個會理，所以事事都迫住自己為自己去諗諗前途，記得都有啲親戚做開的工作，其後都去讀書進修，結果都能夠轉行，或者以前的香港好多行業都有待發展，需要的人力較多，而且個個都願意由低做起，就算新入職，都唔介意做牛做馬，慢慢繼續等待機會，不過不能否認以前的工種比較多，現在有很多行業職位都沒有了，香港工業工廠式微，已經有很多職務都沒有了，曾幾何時有少女做工廠，都被稱為工廠妹，試問現在仲有冇發現工廠妹，相信都收在大眾的集體回憶裡……
刪除就因為上一代的人經歷過，付出過，就這樣會對環境、社會加以珍惜，反觀番現在的人有什麼困難問題，第一時間望政府去幫，試諗身處的政府有錢就話，冇錢的難關就要搵親友撲水渡過， 或者唔同年代就產生唔同年代的人……
結局峰迴路轉?!!......出得街架可?!!XXXXD
乜唔講結局架?!!
刪除等森伯仲買定花生，斟定杯茶…諗住聽埋結局先覺覺豬……
政府派發的口罩據稱可以洗水重用60次，真是遲來的春天。這樣省錢方便的口罩確是個好消息，不過就害苦了那些各家成立的口罩廠商，他們投下重金去生產口罩，以為奇貨可居，又可以幫到人，誰知橫路殺出個程咬金。這樣就引來口水莊大噴口水唱衰這個「銅心口罩」!
回覆刪除小女代我填方之後，不久就有郵差送到門口。試戴感覺幾好。沒有口水莊說得那麼差。
如果正如政府話齋可以重洗60次都係好，起碼環保少少，經此一疫……剩係香港的棄置口罩都好大量，尤其有些人可能日日換，而且很多都係不織布做，分解都有問題，能夠再重用對環保都有好處，咁當然大前題最好能夠抵抗病毒喇~~
刪除聽講呢個銅心口罩係香港設計，越南生產…?!唔知你指的口水莊，是否姓陳嗰位呢?!!政府無論做乜，佢都唱衰架啦~~~哈哈
我還未收到，既然秋葉話感覺幾好，相信都OK……
一個口罩能夠重用多次，已經好好，唔使製造咁多廢物，很不環保。梗係好過美國“特冇譜”叫市民打消毒針啦！ 不錯，我說的口水莊，即係反對派的陳議員，這些假民主派，他們自己做什麼都可以，別人做什麼都不好。都是假借民主之名，對著殺人放火的兇徒，也絕不譴責，太過泯滅人性。這班不是人，是野獸。
回覆刪除如果去醫院或診所，都係用一次性的外科口罩為佳。
回覆刪除若果以環保的角度出發，能循環再用的物品當然較好，無論生產和棄置都減少污染環境，現在我也用布口罩，多用了就可以洗都唔錯~~如果去些高危地方，就會用外科口罩，用完都費事洗~~哈哈
刪除阿特總統講嘢一時一樣，講咗都唔敢隨便信喇~~經過過去一年的所謂社會運動，所有政治人物，議員，市民…統統都一舖過起出底牌 (真面目)……
在佔中之前，一大班民主派被揭發私底下收藏了過百萬元的獻金開始，社會就被搞得天翻地覆了。
刪除他們收受了外國的黑金，所謂受人錢財替人消災，唯宥硬著頭皮，一於黑到底 ! 他們的良心早被狗隻叨走了。
更正錯字：唯“有”硬著頭皮。他們的良心早被狗隻“叼”走了。
刪除佔中時，我並沒有太多留意當時的新聞或時事，只是當觀眾的角度去看事態的發展，都沒想到當時的一場政治運動都搞了好一段時間，後來才知道這種政治運動背後有很多政治目的及金錢、勢力推波助瀾……
刪除講到政治問題其實一路也有，都好睇政府的管治層怎樣去拆解和處理…
政府一話派口罩，口罩尚未派出，網上已經惡評如潮，我早就料到有此反應，因為反對派一定會為反政府反到底，怎會不找機會攻擊政府。我一向不喜歡信別人，要信自己，登記了第五日便收到口罩，立即試用，今日戴了一日(連續8個小時)，感覺很好，柔軟、透氣、輕巧、舒適，完全KO那些惡意中傷，最重要是可以循環再用，非常環保。
回覆刪除五日後收到@@，你都算快……我差不多成十日收到~~~人性就係咁，當政府唔派口罩，就話政府無能，試想香港人口多，派口罩的行政費都唔少，而且一人又可以派幾多個呢?!記得初期階段話一日最少要換兩個，當咁多人需要，數量都好龐大……等到政府派口罩，又話呢樣又話嗰樣，又話唔好睇，又話侷……怨氣多多~~~~
刪除而我都認同你所講，輕巧，又唔覺得侷，OK喎~~~