在這個有疫情的時候，講句預防勝於治療都冇錯，我覺得現在人們漸漸對中醫藥比較信任，認為冇咩太大的副作用，而且天然草藥類，食就會比較放心，但中藥都係一門很大的學問，人有分體質，藥都有分藥性，現在人乜都要講求方便快捷，睇中醫都變為現代化，以前就要煲藥，現在只攞幾包沖劑就搞掂，好似沖一杯即溶咖啡那樣，有冇藥效真係要試過才知道…
有日在某間老字號百貨公司的網站裡，無意間見到有樽預防新冠肺炎茶賣，又幾配合個搵銀時機，其實都有列明藥材名稱，佢唔係沖劑見到有真正的草藥，呢種據佢所講只係預防用，不過唔知靠唔靠得住，都係那句，當打下底的涼茶都OK，不過遲下要去買些東西，順便留意下…
記得早前看過一齣外國製作的記錄片，主要講一些西方食療，佢話外國人濫用抗生素都好嚴重，想病快點好，食兩粒藥丸就冇事，結果病菌都有抗藥性變得冇效，身體的抵抗力削弱了，變了無論病菌或者病毒引起的疾病都難以抵擋，所以有什麼傷風感冒，或者今次肺炎都會死很多人，就可能呢個原因，唔好忽視這個問題的存在……
圖片：來自網上
圖片：來自網上
如果防唔到咪違反商品說明條例?
回覆刪除俗語有話：做媒人都未必包生仔喇……冇嘢百分百肯定~~~~
刪除最擇使就係 畜牧業(水/陸)都用抗生素，食咗都唔知呢！美國 基因改造食物又防不勝防。
回覆刪除我只有盡量食得營養均衡同做適量運動，然後，聽天由命，唔得驚太多。
就因為咁，所以現在流行有機耕種，有機畜牧~~唔想吸收太多農藥，激素及抗生素…
刪除食物要多元化，不應該限只食什麼！基因食物聽了多年，而且售出多時，暫時未有話基因食物會帶來什麼大影響~~
有錢就有機，窮人就吸毒。負擔唔起昂貴嘅有機食物，咁早啲走都好，唔使捱咁長時間。
刪除任佢點講，有機難分辨！
一爺兄係上流社會人士，唔知民間疾苦……而家就算唔係有機嘢都貴咗~~
刪除咁又唔需要太消極，食嘢唔需要過量，適可而止就最好!!
係啦！森哥最貼地、最親民、最知道民間疾苦，可以當選立法會議員。而我生活喺疾苦民間中都唔知、唔覺痛苦，依然開心快活地過活。
刪除做人唔好只抬高自己、踩低人哋，會有報應架！哈哈哈！唔係講好人森哥，唔好對號入座。
好多謝一爺兄的讚賞，森伯何德何能做立會議員，平時唔關心政治，只是一隻小蟻民，在生活迫人的環境中掙扎求存啫~~~~><
刪除抬高自己踩低人哋...呢啲咁傷風敗德的行為森伯點會敢做呢?!!~~~絕對唔會對號入座!!!!
森哥真係好似一隻小蟻，由細到大都成日俾個隱形巨人玩弄，用隻手指捽到痛不欲生，典床典蓆，對腳撐吓撐吓，無覺好瞓， 在生活如此迫人嘅環境中掙扎求存，形容得好貼切。
刪除所以，就算人哋覺得我係苦民，因為我幸運地擁有一個健康嘅身體，有三餐温飽，我已經好滿足，知足常樂，要求簡單嘅心態改變咗我嘅情緒，食平嘢、著平衫都可腳印印過活。
你又講到誇張咗，如果森伯係一隻小蟻，諗都唔諗即刻躝入一爺兄個鼻隆度啦，整鬼一爺都好丫~~~~~不過出來可能要全身大洗……XXD！！生活迫人唔單止講病痛，仲有好多事情包括在內……
刪除做人最緊要是什麼，當然係要知足喇，珍惜自己擁有的，這樣己經很重要，人生求的是什麼呢?!...那就是富足的心境，一爺兄除了有溫飽，又有健康，又俊朗不凡又富貴，森伯都羡慕不已~~~平同貴都只是一個價錢，能夠懂得欣賞才是最好的價值嘛!!
小說版係孫悟空情節，現代版，就要 屈就 森哥 走入我C眼，唔好亂諗嘢，五十後做大腸癌篩查， 用內窺鏡伸入個 窿檢查瘜肉，老人家要注重健康。
刪除仲有咩迫住森哥，講出黎舒緩吓！
富貴永遠都我保持一段好大距離，追到我氣咳都掂唔到，俊朗都可以靠錢整容，又係我達唔到嘅錢銀問題。
一爺兄真係好冇乜所謂，C眼都可以攞出嚟講…睇緊又食緊早餐的博友們，請見諒~~如果對自己條大腸有懷疑都可以做瘜肉檢查，睇嚟一爺都做過唔少內窺鏡檢測…
刪除迫住森伯應該是年紀，因為年事已高，未必做到太多……><
你少擔心啦，以一爺的財富，應該可以整容整到謝賢、曾江、奇勒基寶咁~~~Sorry呀…森伯的年代只係識這些型男!!!
鼻哥窿咁污糟都愛捐，印象中森哥係超乎常人，所以，我估呢『門』都啱啦！
刪除放心啦！人微言輕，應該冇人睇我啲無營養嘅留言。
一次都冇啦！要使錢係難題，取捨只能顧得三餐。
年事已高，未必做到太多=>未失靈已經好好喇！森哥唔好貪多。
我一啲都唔擔心，因為我已經醜到極點，整完必定好睇咗，我擔心靚過森哥，搶晒你啲風頭。
鼻哥窿咁污糟都愛捐……森伯真係變到隻蟻先講喇，咩門都啱，你都顧吓隻蟻仔的感受……
刪除你話應該冇人睇，你即係話森博冇乜人睇…...呢啲咪真正激到森伯嘔血囉~~~~
只能顧得三餐…早餐包括椰汁燉官燕，午餐日本和牛配呢個黑松露醬，壓軸晚餐當然係滿漢全席，森伯可以過嚟食餸頭餸尾嗎?????
靚仔過森伯...你的要求真係好低喎~~~~~
蟻仔森可以外外內內全面大搜查，高尚職業嘅醫生都係咁做架，係咪好感動呢！
刪除我話我嘅留言，唔係森哥寫嘅嘢喎！係你中文理解力因年事高而變差，還是想老屈我呢？
都係昂貴而營養價值唔高嘅食物，椰汁有飽和脂肪唔健康，官燕營養差過雪耳，雪耳營養差過雲耳，日和牛太多牛油，唔健康架，冬菇、金茹、秀珍菇、雞肶菇……營養高過黑松露，唔配合我個性，全部OUT晒。滿爺全席係罐頭茄汁沙甸魚、蠔豉、豆腐、豬扒、雞胸、雲耳、金菇、椰菜、甘筍、洋蔥、蕃茄、油麥菜、蕃薯、海帶、香蕉、火龍果、柑、雪梨、蘋果、芝士、燕麥片。
易滿足才快樂。
一啲都冇感動過…哈哈哈~~我諗蟻仔森，只會爬上美味的食物上…我講係蟻唔係曱甴老鼠唔會躝啲污糟地方~~
刪除可能森伯年事已高喇，感到一爺兄的說話不懷好意~~用網上欺凌森伯伯老人家~~
都話一爺係上流社會人士不知民間疾苦，你所講的食材現在都貴了，一啲都唔平…唯一平就係豆腐、甘筍、香蕉同蕃薯，咁森伯唔知一爺食邊種喇，有機的可能會貴得多…
知足常樂呢句說話幾時都啱聽~~
森哥當然要躝喺正菜上面，動口動手。
刪除快啲打畀撒瑪利亞會等社工開解你，網絡欺凌可大可小，我都有好多慘痛經歷。
罐頭茄汁沙甸魚$23.5/425g、蠔豉$58/磅、豆腐$4件、豬扒$15磅、雞胸$14磅、雲耳$5兩、金菇$1.7包、椰菜$3.3個、甘筍$3.3斤、洋蔥$1.7個、蕃茄$5斤、油麥菜$3.3斤、蕃薯$10/3斤、海帶$1.8/兩、香蕉$3/5隻、火龍果$2個、柑$1個、雪梨$1個、蘋果$1個、芝士$15/250g、燕麥片$11/kg。買貴咗？仲有更抵嘅森哥要爆響口，等我慳啲。
5點鐘後去買，有攤檔嘅蔬菜菇類特價$10/3兜。生果係超市阿嬋執出黎半價去貨嘅，我唔會歧視醜樣生果，因為我都係同屬醜類。有啲要 吼住每次定期特價才大批入貨。呢啲係我精打細算嘅慳錢心得。
有正菜食，當然食指大動喇~~~
刪除你需要森伯幫你打去撒瑪利亞會咩??我唔識轉述你的情況......你有受過網上欺凌??可以講講有咩慘痛經歷?!!
我自問在網上留言好小心，唔會攻擊任何人，除非果位仁兄好臭串，因為我都知道有些人可能看到你一句說話就會影響心情，
所以任何網上留言都唔會咁做，讚得人都會讚人...一爺兄知我講笑，所以唔會介意平時森伯的說話，但未必個個人都係咁嘛~~
森伯唔會四處去格價，格到最平宜的就去買，不過貴買平食唔會浪費食物~~偶爾都會睇下超巿的特價貨品，不過好多時唔係想要的貨品~~~
唔歧視醜樣的生果，只要唔爛都冇所謂...
食得營養均衡
回覆刪除做適量運動
聽天由命
心無罣礙
不用驚
唔係唔驚，係冇得你驚……只要生活簡約，不追尋太多物慾，人生便會自在~~我自己講就易~~XXD
刪除中藥固本培元，幾好！
回覆刪除相信中藥最大的好處就是這一點~~
刪除又聽聞外國人是很少幫趁醫生，佢哋話傷風感冒會自然好番。
回覆刪除可能佢地覺得睇醫生貴，反而靠自然好番仲好過食太多有抗生素的藥~~~
刪除抗生素當然少食為佳，否則將來對病毒冇哂符
回覆刪除完全正確!!身體免疫力冇打仗的機會，再有強大的細菌病毒入侵，就玩完~~
刪除中藥是好的，不過吾係人人都夾。
回覆刪除這是事實，食中藥都要睇睇藥性是否夾得來......
刪除中國自古以來，由王侯將相，至到平民百姓，都是吃中藥照顧身體的，人口也越來越多，就可知中藥的可貴。可是代近人急功近利，種藥和制藥過程可能不專業，這就得要小心。 (西醫的外科手術確是一流，麻醉術也很講究。)
回覆刪除中醫講究體虛體弱的問題，適當的配合，應該比依賴吃抗生素好。
時常口淡手凍的人都是虛寒體質，這樣就要少喝寒涼的藥物了。
更正：體虛或血熱的問題。
刪除中醫是一套醫學理論，其實內裡有很多學問，對一般人而言是易學難精，有些新醫師可能讀了幾年書就稱為中醫師，其實能否做到有經驗呢，相信還有大把時間慢慢吸收多些經驗才可以，不知你有冇發覺，現在上電視節目講中醫藥的醫師大都年輕，以前的節目見的中醫師大都是年長，但我反而對他們有信心，介紹的藥湯也敢嘗試……
刪除如果變成依賴吃抗生素，就好大鑊~~怕越食越弱…
就算寒涼的中藥都要看看體質，醫師斷錯証都有很大影響~~
呢隻茶真係可以防新冠疫情就好了!
回覆刪除我諗可以放出來賣，基本上大部份人都可以飲，不過有冇實效要試過才知...
刪除森兄試咗防疫茶未呢？
回覆刪除阿Gael兄隔咗一段時間冇嚟，連書都冇心機聽...XXD
刪除防疫茶的相在網上搵來的，沒有買~~