時時覺得吃得健康幾時都係有著數，過年期間吃了不少糕點，很多人認為傳統糕點好肥膩或者好甜，對健康麻麻地...既然新春好意頭，就整番個好意頭的五穀豐收糕啦~~~聽個名都感覺到相當健康!!!!
因為現在間中會整些饅頭作為早餐，街外饅頭多的是，為什麼仲要自已整，因為自己整可以配搭其他有益食材去整些養生饅頭...
其實正確的五穀係有米、豆、麥、粟、小米等的穀物類，但森伯臨時都沒有預備太多，總之有益的食材都放在內...
當然冷冷的天氣要預早發酵，搓好麵粉後，可以把所有材料加在一起搓搓搓~~~最後就蒸佢幾個字就完成!!!!
森哥已經係超級大靚仔，太靚仔自然多煩惱，所以，奢望奢求今年可以降至靚仔級別，咁就祝森哥今年心想事成啦！
回覆刪除點解叫糕而唔係包呢？
超級大靚仔形容一爺兄就啱，對森伯來講只是奢望，奢求，奢想咋~~~~
刪除呢個糕用饅頭方法整，整出來大大個就切成四份變咗類似馬拉糕!!!
會喺邊餐食？呢餐仲有咩一齊食呢？
刪除剩食糕太Dry我唔得，我要夾罐頭茄汁沙甸魚或蕃茄芝士烚蛋食。
森哥食糕：步步高陞。五榖：五福臨門。 叫森福糕。
內容都有講，會早餐食，多數配件麵包，飲杯飲品，呢個糕作為早餐點綴，都可以飽肚，你哋後生好胃口，早餐又要食魚又要食芝士烚蛋，老人家消化力弱呀XXD
刪除我祝你日日有食神，食幾多都咁fit…
森福糕個名有啲懷舊，改過…改過…
刪除直接改…森情小糕…😋
文中話饅頭做早餐，呢個係叫糕唔同嘛，有變喎！我估可能其它餐會食。
刪除魚翅鮑魚都係難消化，森哥個胃唔好就食少啲喇！
糕點都用『情』，仲要係深『情』，森哥好多情，成日唔覺意周圍留低。食件糕啫，使唔使要用深情咁賣力，我就做唔到。😁
其實都冇分，你喜歡什麼時候食都得喇，半夜都可以食，好似一般饅頭，放在雪櫃內，到食時蒸一蒸就得，只要保存得好，在雪櫃裡一周十日都冇問題…
刪除如果一爺請食鮑魚魚翅，個胃消化唔嚟都奉陪嘅……😙
目的係易記啫，用一份心，一份情整的糕唔會唔記得……
襟擺係優點，所以，近年來中式包點連鎖店開得成行成市，好似7-11咁梗有一間喺咗近。
刪除見森哥咁樣摧殘自己身體，真令人心痛。 身體髮膚，受諸父母，不孝有三，無後為大。以健康行先嘅原則失守，我唔準森哥咁做。倘若消失一排休養，我咪少咗一個人同我聊天，千萬個唔得。
古惑仔有江湖大佬罩住，香港呢？零晨三點冒寒排隊幾粒鐘， 排足幾日隊，見電視買到罩真係會開心到跳起。 呢趟喺核森大外圍仲慘過上次『沙士』核森中，呢個係咩嘢世界。不過，唔夠罩用唯有自我家居隔離，係宅男最愛，學生哥放長假冇得出外有借口可以日日打機。
我師奶數口習慣新年前買定一堆餸食到初十一、二，怕農曆年後餸菜貴成倍，今年情況咁特殊，唔知使唔使捱貴菜呢！唉呀！
其實我真係向大家推介食饅頭幾好，因為饅頭的材料好簡單，所以襟擺，如果懶懶地一份幾個饅頭可以食好耐~~~的確中式包健康過西式包，起碼唔駛食太多酥油之類……
刪除你個一爺兄唔請森伯食鮑魚魚翅就唔請啦，講咁多"肺"腑之言做乜呢?!!哈哈哈
話時話，現在部份港人我都唔知點形容佢地，冇口罩買好似即C咁，買到一兩盒好似中了六合彩或一爺兄請食鮑魚魚翅咁款，開心都彈起，有些人捱眼訓排隊，變相削弱身體的低抗力，仲要在眾多的人群中排長龍，變相增加患流感機會~~~
現在有菜買都不妨買多少少儲存，可以夠幾日食~~~
我咁懶，唔想花太多時間自制健康饅頭糕，反而食原味碾壓過燕麥片做早餐，加熱水後攪2攪就食得，方便快捷，唔係廠商混合好即冲唔健康果種加工食物。師奶情報：1.3kg/$14好抵食。每個人都有個人喜好和不同嘅健康飲食習慣，唔係倒模式完全相同，不過，我都好想知道其他人同我有乜唔同嘅生活方式。
刪除還記得打暑期工時，有個都係打暑期工嘅女仔，話佢好憎某個細叔伯係假善心，唔會喺街邊買旗同慈善獎券，原因係好多都係假嘅，如果係真嘅就捐$500都冇問題，個女仔話佢好想賣旗去強迫佢捐錢。依家諗到每個人都想自己係高富帥，不過，只佔世界嘅0.001%，唔係人人都好有錢，好多老人家都係慳住慳咁過埋餘生，窮人都想活得有尊嚴，可是，都會遇到唔識世界艱難嘅後生仔，硬要撕破別人大話背面嘅悽酸生活，做人要有厚度唔好凉薄，要留下幾分薄面畀人哋，唔好迫人埋牆角啦！你見我去街市買嘢$1幾毫都計咁婆仔數啦！
愛健康飲食嘅人都知道，從營養學角度，昂貴嘅鮑魚魚翅嘅營養價值不高，有好多性價比更高嘅食物。
疫情中，喺人群中唔戴口罩會畀人眼啤啤，歧視你唔注重個人衞生， 劏房戶4人家庭真係要再次縮食，餐餐只食蛋蛋， 慳返啲錢嚟買貴貴口罩，買到合理價錢嘅口罩真係好似中咗安慰獎。
咁又係，一爺兄平時貴人事忙，又點會花時間整太多東西吃……不過為吃得有營麻煩少少都冇咩所謂，你講饅頭糕個名又幾好，既是饅頭又是糕，取名為森記饅頭糕又唔錯!!!
刪除你小心燕麥片含鈉高喎，因為早前有報告講過話有些燕麥產品的含鹽量高……其實我吃東西又唔會貪平，最重要睇佢好唔好食，多唔多人工添加~~
你講好多老人家慳住捱過餘生，你講得好啱，森伯伯就正正是慳住慳住咁捱過餘生，新年流流都唔想講到咁慘情……><
有時說話並非涼薄，只係將一些正面，積極的思想帶給人而已，如果將每件事都講到世界末日做人都唔會有希望喇……
如果太驚，又怕唔夠口罩用，就唯有唔好太多外出或人多的地方，減低感染的機會嘛……
我係一煲過煮飯兼蒸餸，仲要係一次過煮4餐份量，其餘3餐入盒，用微波爐叮返熱黎食。每餐都食到豆腐、雞肉、豬肉或魚肉、紅蘿蔔、紫洋蔥、椰菜、金菇或蟹味菇、雲耳、蕃茄。飯後食自制嘅海帶蕃薯糖水，多樣性和唔同顏色以達到均衡營養嘅，烹煮要簡單、方便又快捷，花功夫唔做。
刪除包嘢成份只有一種，就係燕麥片，冇鈉架。
我哋真係 同是天涯淪落人，慳住過活。
聽到森哥傳遞正面、積極訊息，就『好似太陽咁温暖』，正一暖男森，我就好開心。
傳染力勁過沙士梗係驚啦！我都盡量避開人群。咁上網同森哥傾偈就唔會感染到啦！
我自己又好少食隔幾夜的餸菜，整鹵水食物就比較好，可以食少少又送到餐飯，現在每餐都好簡單，都唔會太過花巧~~~我唔知，因為我唔會食燕麥片，不過早前有報導講過，所以提提你!!
刪除大家都是天涯淪落人……唔同喇!!你慳得一百得一百，森伯果類係慳得一毫得一毫……真係反映出低下階層長者的艱苦~~~~
森伯就未必做到太陽咁溫暖，但都唔想太過Cool啦……
你都盡量避開人群……咁你班鮮肉情人咪炸晒型XXXXD~~~~
唔好話同森伯網上傾偈唔會感染你呀，陣間感染晒D老氣，又話近墨者黑~~~~都畀一爺兄屈唔少喇!!!!
以前過年過節都一家人喺屋企食飯，舊思想係要有餘有剩，必定煮好多，節後災難就係食舊餸，要食二、三日至清晒！我嘅4餐係分二日嘅午、晚餐，我覺得OK喎！獨居長者特徵。
刪除乜森哥都食鹵水咁濃味嘅食物咩？鹵乜嘢？我呢會雞腳、雞腎 、雞髀、雞翼 、豬腳、牛𦟌、牛脷，不過，最近冇食，都係一煲過，蒸餸健康咗。
街市、藥房買嘢唔用毫子，你係去大型超市買貴嘢慳毫子，買嘢唔 check 價咁疏爽，森哥環境好好喎！
原來森哥思想係開群P咁濫交架！睇唔出咁Open。
我都想感染到型格森、暖男森呢啲優點，因我係走平民同cool路線，醜男播暖會畀人話係騷擾架。
食剩送都係過年的一個習俗，相信現在都未必多人去做，年卅晚外出食多……
刪除鹵水食品是香料植物所做，都唔會抗拒，喜歡鹵水雞肉，雞翅等，都好~可以鹵一煲有排食~~
森伯喜歡幫街坊舖頭仔，佢地都有收毫子或者找毫子等，有就把它儲起，希望積少成多，買一個雞尾包仔都好，可以當一餐……
一爺兄的感情生活真係特別精彩，群P都諗得到!!一爺兄又型又靚仔，相信有大把情人喇，我諗既係正正經經果類!!哈哈~~~
你又真係講得幾啱，靚仔的關心就話暖男，醜仔的關心就話騷擾………唉~~
五穀豐收糕整得咁靚，森伯今年一定變左靚仔森喇。
回覆刪除承Man Man貴言，我都祝你天天都咁開心快樂，多些分享你的遊記...
刪除係靚仔喎.
回覆刪除呢類糕森伯做得好熟手，當然唔差~~
刪除(小麥)、扁豆、蕎麥、芝麻粉、黃豆粉...呢五穀養生糕
回覆刪除其實養生食材可以任你配搭!!
刪除靚仔做糕點都靚仔過人喎！
回覆刪除新年流流有美人Stella讚實開心喇!!
刪除啲糕靚唔靚都冇所謂，都係食落肚啫!!
糕靚，人靚……
回覆刪除祝願心想事成
我祝阿摩今年事事順境，事事如意…
刪除點解個個都針對靚仔呢句，只是過年搞吓氣氛…
用來送粥送麥皮都啱食喎
回覆刪除先祝Gael兄今年事事順利，身體健康~~
刪除這個糕送粥一流，不時都這樣食!!
新年快樂森伯，的確係做得似模似樣！
回覆刪除多謝TIC讚賞，我都祝你鼠年事事順利，生活快樂安康!!
刪除原來森少出咗好幾篇新blog,見到你咁乖整到啲糕點，在此祝你~
回覆刪除步步高升，龍馬精神，四季平安 !
謝謝讚賞，這些糕點平時都會整~~
刪除我都祝秋葉新一年事事順利，生活愉快!!