一向都有食牛油果，不過做早餐多，平時都會把牛油果肉+蕉蕉+鮮奶或淡豆漿，一併攪拌為果糊而且好好味!!!!!但自從節目裡介紹牛油果的好處後就吃多了，就咁食都唔需要搞太多，吃出食材原味道，據講牛油果對於關節靈活有著微妙的效用，平時常常聽人講覺得關節咯咯響，呢種情況就最適合，只要定期適量食用就會有幫助，有效地治療這種關節退化...
今次冇時間慢慢攪糊仔食，用匙羮把蕉仔同牛油果肉壓成蓉，搽下餅乾麵包當果漿！
活在草根的森伯，餅乾上加pat牛油果醬食，格調當堂提升左~~~XXD
而另一種常見的水果就係奇異果，佢對於嚴重的便便唔暢通係勁有幫助，有人親身試過都話OK好好，若有此煩惱的人可以一試...
森伯寫奇異果最主要係一般綠色的奇異果較為酸，幾廿歲人都未試過正式食一個奇異果，講到點好都冇用就因為酸唔食得，但之前都有聽講金奇異果好甜，可是沒有嘗試，既然講到咁好點都會試下啦，估唔到真係幾甜...
唔係講笑森伯真係第一次食整個奇異果咋，總之多點食水果都係好！！
我都鍾意睇果啲日本健康節目,有時都學到一些健康常識
回覆刪除牛油果夾麵包幾好味,但就有點貴不是常買
奇異果我還是較愛吃傳統綠色肉果種,有奇異果味多一點^^
我諗gael兄都知我講的日本健康節目係咩，間中見到都會睇睇…
刪除市面上都有現成牛油果醬賣，不過應該都冇自己製作咁乾淨衛生…
可惜奇異果多數酸，所以之前好少食…
周六周日電視沒什麼可看,有時轉台時會留意到這類節目吧
刪除有時會覺得比睇劇集或RM果類有意思,有些節目真係會睇到厭:P
我又未試過製果醬(因我沒有機),但就咁切片夾麵包都好食^^
如果怕酸唔知奇異果可否撈火龍果一陣食,可減輕酸味
對呀...這類節目大多數在周末期間做，偶爾閒日都見到，不過正確播影時間又沒有留意，電視劇已經好少睇，現在多數留意一些資訊節目，起碼唔需要追看~~~
刪除其實你有留意內容，牛油果醬唔需要用機打，用匙羮把熟了的牛油果肉加香蕉壓爛便可，若嫌單調加些少蜂蜜亦可!!!如果我怕酸，可以加蜜糖水與奇異果一同攪，都能減少酸味~~
唔駛用機打都方便丫
刪除加蜜糖水也是不錯方法
如果唔係食得多，唔用機攪都可以……
刪除通常要食酸味的水果，會用呢個方法減酸味~~~
奇異果有吃過，買了兩次綠色的都是酸的，又令人肚子痛上廁所，以後沒有再買了。
回覆刪除後來買過一次金色的奇異果，好像沒有那麼酸，也沒有什麼印象了。
綠色奇異果一定酸啦，所以都少食綠色的，現在發覺金奇異果都幾甜，日後可以多點嘗試...
刪除若果你唔抗拒奇異果酸，或沒有什麼味道，多吃些少也有益處!!!
聽說奇異果很有益處，才會去買來吃。如果早知道是有放瀉作用的，就不會買來吃了。火龍果也是很有益，但是沒有什麼味道，都會少吃了。
刪除芒果很好，柿子也很好，它們都有獨特的味道。
都唔奇...可能奇異果有輕瀉作用，所以未必個個受得到~~
刪除你講開芒果，近排食過一些大芒果好甜，你留意第三幅相右手邊橙紅色就是那種大芒果，雖然價錢貴少少但真係好好吃……
去年買過六個黃色的大芒果，不貴，每個六元，都很甜，所以吃完又買。
刪除也忘記了是哪裡的出產了。
如果芒果當造的時候，很多芒果都十分甜，記得過去夏季芒果甜又平宜，多出的可以搞個芒果糊……
刪除我又好少留意邊樹出產，好吃就吃~~~~
這個牛油果醬加餅乾都好配合。相信比樽裝果醬都新鮮。
刪除森少一向都好鍾意食生果糊，而且好興把食物用攪拌機攪爛，相信你的腸胃都幾好，多吃容易消化的食物。
不過據醫生的建議，不贊成把水果常常榨了汁才吃，這樣纖維會減少。
如果森少愛打麻雀牌就好了，時常都「食糊」。
刪除我都喜歡打麻雀，但只跟媽媽打，因為學藝不精之故，先父叮囑不要和其他人打牌的。
果糊多數當為早餐，有時用來送麵包一齊食都唔錯，好過乾吃麵包，而且果糊跟整個生果食又是另一種口味，兩者不同!!攪的果糊不同榨汁，榨汁會把纖維捯去，但攪拌仍然會把當中的纖維質保留在內，所以兩者都有分別，而且攪拌後對養份的吸收較容易!!有機會你都嘗試早餐做點果糊吃~~~
刪除森伯打牌只是識少少，我連計番數都唔懂，只宜跟家人親戚打，出到外邊容易畀人當作魚腩森，唔識計番好蝕底明明四番畀人話兩番，好在有少少偏財小運氣咋……
牛油果我麻麻.
回覆刪除都係講習慣，吃慣了就會喜歡~~~~
刪除你選的是金奇異果，是特別香甜！
回覆刪除很多年前閱讀報章說牛油很高熱量，所以少吃，現在評價又很高。
香味對我來講都冇咩所謂，反而甜度我會在意一點!!!
刪除很多營養報告都未必會確定，待人慢慢研究又有另一番見解...
老人時時要進補，咪係補習健康科囉！知識貧乏，人體奧妙運作唔太懂，隨便噏句祝君健康都好難如願， 『學而時習之， 不亦樂乎 』。大包圍睇英、中、日、港、台式節目，斷食同燕麥早餐咪係咁樣 『習之』， 學咗知識 🔜實行 🔜養成習慣🔚 身體健康🔚 快樂。預防勝於治療，食療好過食苦藥，將昂貴醫藥費放喺食物運動更合經濟效益原則。應同森哥咁做。
回覆刪除牛油果係superfood，應當適量常食，係森哥靈丹妙藥。節目有冇深入講係咩物質護好關節？劑量呢？知道可找替代品唔使咁單一咁悶。唔平、味道唔吸引喎！唔乜食。
網上話日本果農妙招令酸奇異果變甜，桌上輕敲幾下，讓其釋出「乙烯」催熟，幾天後便甜，森哥試咗話番畀我聽得唔得。
日日蔬果4(蔬)+3(果)，不同種類、顏色，除咗蛋白質/澱粉質，蔬果有其它微量原素對身體健康係必須。
我仲以為老人進補靠鹿尾羓，三蛇大補酒之類...哈哈哈~~正所謂活到老，學到老...有很多生活智慧係要靠自己慢慢去探索，所以即使森老伯年事已高，都要好似小朋友心態不斷學習!!
刪除其實你講睇英、中、日、港、台式的健康資訊節目，我覺得英美等較資訊內容多點，中、日、台較為我想睇的內容多點，至於港產的養生節目麻麻地，這只是我見解而已~~~
食苦藥對森伯伯來講都冇咩難度，不過當然用普遍的食物作食療是不錯的~起碼普通食材可以煮到好味，易入口都唔難嘛!!!
點解要敲張檯?!!反而敲個奇異果等佢激發多點糖份出來變甜!!!!其實我唔會刻意每天計住食幾多蔬果或澱粉份量，總之一切以清清地為主便OK了!!!!
咁補法會令森哥某處膨脹久久不能消退。
刪除真係港產最弱。
我直覺認為森哥都仲係好似小朋友咁young(個樣)。
森哥咁勇敢，打針、開刀、化療都係等閒事。
係要揾森哥條脷去敲枱，係咪好神奇呢！
有個指標量度，知道自己係咪食得健康嘛！好似人話 肥胖唔健康， 究竟點先至係肥胖呢 ？定咗腰圍唔大過36吋咪清晰晒。
你講令某處膨脹久久不能消退!!!!你意思指果條……士啤呔?!!當然啦，森伯伯年事已高，再食咁補中央肥胖實有排減個肚dum~~
刪除森伯都唔奢望好似小朋友咁young~~~
真係大吉過你!!只係飲得苦茶啫~~乜一爺兄做過咁多範架?!!
你條脷識得敲檯?!!咁神奇，真係要表演嚟睇下喎~只要食得有節制，又唔需要太介懷腰圍幾多吋……
乜唔係『好似太陽咁温暖』果條咩！森哥電檢處 擾亂我嘅思緒。
回覆刪除嘉欣唔使奢望自己係靚女，嘉城唔使奢望自己係富豪，同樣，森哥又邊使奢望自己好年青呢！
因為森哥畀我印象係 飽歷風霜 、久戰沙場 ，時時同病魔搏鬥嘅強悍戰士，我係冇咩病痛吃點苦頭都唔得嘅弱者。森哥都病得MAN過人。
森哥一向伶牙俐齒，條脷勁到唔講得少，我做唔到咪叫森哥試囉！
就係食得太節制都驚有所欠缺，老人家每種營養吸收真係一個都不能少，需要有手段去自我量度食得是否正確，因為做化驗花費唔少，筆錢食落肚受惠。
森哥五十有政府大腸檢查同打流感針，啱啱話六十又可搭$2車，強調年紀老邁嘅森哥能受惠真好。
基本上人體度度都好似太陽咁溫暖架啦，否則都瓜得啦~~~~乜一爺兄身體有D地方冷冰冰!!咁虛寒，都叫左一爺兄唔好咁多夜生活……XXXD
刪除人地就唔需要奢望，但森老伯要呢!!!!好在今日唔係大年初，又話森伯同病魔搏鬥，強悍戰士，同一爺博鬥做強悍戰士就差唔多!!!又形容森伯伶牙利齒，講到森伯咀刁刁，刁民一名!!其實森伯為人單純內向，沉默文靜……唉!!!
老人家食東西簡簡單單就可以，都市人飲食都好少缺乏某些營養，反而擔心營養過剩，食得清清地就包冇壞~~~
森伯唔係太貪呢類優惠，暫時未用得住喎!!
老人血氣不足，手硬冰冷，瞓極都係凍。 另外，森口中，將我讚嘅變成罵嘅，捩橫折曲， 森哥完全令我個心冰凍，森哥隨便敲多一下我便粉碎，好彩係我暫時都仲未瓜得，可以過埋廿幾度熱辣辣嘅冰凍農曆年，外熱內冷，火冰二重天。森哥同我要患上妄想迫害症，我係森哥傳染嘅，即係我同森哥有染，哈哈！森/爺兩要上演衆阿哥嘅皇宮互鬥戲。😂
刪除我係 Be Water，森哥話自己為人 單純內向 沉默文靜…………咁就係啦！順得森哥情。
熱量高嘅肥仔都可以缺乏某喺維他命同礦物質。😰
森伯仲係好young未夠資格。👍
如果一爺兄感到手腳冰冷，可以在晚餐的時候加些根莖類食物，例如薯仔，蕃薯，淮山等，食完好暖又冇造成身體負擔…👍
刪除森哥令你心冰冷!!……咁森伯想做暖男都唔得!!拍宮廷互鬥戲都好好玩，肯定笑到七彩!!你真係煲得太多電視劇，平時森伯好少追電視劇，宮廷劇唔係森伯杯茶。
私底下的森伯伯真係沉默寡言果類，信不信由你嘞~~
肥仔雖然乜都食，但食物偏向肥膩肉食唔均衡，所以都冇咁好~~~~
仲好Young……我都想!!😏
因嗜甜，揀咗最平、易整、低卡又有益嘅蕃薯糖水，增加纖維素我會連皮煲架，後來，想喺我餐單加入海帶，諗起海帶綠豆糖水，咪黎個 crossover 自創海帶蕃薯糖水。
刪除有效應用新嘅低級科技，出動我個真空煲縮短烹煮時間慳錢又睇少啲火，同時，使用能源轉換最高達8、9成嘅電磁爐，燒煤氣得4、5成咋！
美國就話唔同其它國家交換情報叫人唔好用中國5G，我就冇條件提供師奶情報畀森哥，蛋黃蕃薯街市賣$10/3斤，我都買十蚊雞，每次煲1斤約食1周，食晒又煲過，蕃薯好在放喺陰暗處就好襟擺，餐後甜品食唔厭，又可以減少啲食高GI嘅米飯。
除咗橙紅心嘅蛋黃蕃薯含豐富胡蘿蔔素，森哥可揀紫心蕃薯含花青素，話要食五顏六色食物營養會均衡。其中，紫色食物比較少有，香港常見係矮瓜、洋蔥、莧菜同蕃薯，常見當然平好多，比起貴價紫椰菜、紫薯仔，用最低價食到同等營養素。
從Blog內容都睇到森哥係沉默寡言，雖則唔係信主得救，信咗都無害。我都同屬沉默寡言。
森哥呀！人有少年、青年、中年、老年，唔好跳過中年喎！
糖水以前好多時都有飲，你講起都鈎番起唔少回憶，綠豆就一定要配臭草，清熱又解毒，杏仁糊都是三甲之列，蕃薯粉加蛋花都唔錯，現在呢幾樣都不時會食，不過杏仁糊及薯粉就變為微糖版…
刪除其實睇開養生資訊多，一般都認為明火煮食較好較為健康，電磁爐勝在安全，而真空煲就未用過，以前聽話若果氣壓唔好會爆煲~~~
有機會換手機，到時都轉換美國佬都怕左的品牌啦，到時同你交換情報 (師奶級)XXD……你真係知慳識儉，森伯一般好少計住買東西，買幾多都會食咁多，唔會浪費~~基本上蕃薯淮山都會常備，呢類食材又飽肚又襟擺~~~
現在有很多蔬菜都有紫色，蕃茄，西蘭花都有，甚少買…吸收花青素多數紫蕃薯或茄子，食材唔係睇價錢，最主要係睇你點煮得好食…
從Blog內容都睇到森哥係沉默寡言……….咁你又話森伯把口嘴刁刁!!!!
你定啦，森伯唔會跳過中年，只是童年一跳就已經年老啫~~~~><
糊仔我都愛，芝麻最香為首。我真孤陋寡聞， 唔知蛋花蕃薯粉。
刪除你講係壓力煲，個蓋係密封，喺爐上加熱使煲內氣壓上升，同時温度都超過100°C，氣壓太大會由排氣閥釋放，個閥失靈咪大件事。 真空煲(燜燒鍋)個內膽係普通煲，拎出黎喺爐上加熱，唔會增壓，得100°C，夠熱後放入保温外壳內，同暖壺原理一樣可長時間保温，安全節能又方便。
制裁後會用唔到谷歌全部軟件，面書、Whats噏……等都唔得，要考慮用開乜軟件才改用，我用開舊機無影響。
我有師奶格$1、$2都計算。
沉默寡言都可以有辯材，一開口就一針見血。
愈四級挑戰！！！咁森哥就好衰，仲要一早衰，…………醫學上係叫『早衰症』，森哥果真係悲劇第一男主角，令人垂淚，願主保佑你，阿門。
咁啱…剛剛整了有機芝麻糊，可能要遲耐少少先出Blog…你唔係孤陋寡聞，唔食開根本都唔知是什麼~~將蕃薯的澱粉曬乾，再磨成粉狀便可拎出去賣，買來食時只要把粉浸水，放在煲內加熱凝固變粉糊就可以，再打隻蛋在內，加不加糖好隨意，這樣就成為一種清熱糖水~~
刪除聽你咁講壓力煲好危險，好似攞命搏之餘仲要講彩數，個閥失靈就瓜得……平時森伯清蒸較多，好少用長時間來煲東西，聽講可以節約能源，比較慳水慳力~~
你真係睇得起森伯伯，好少買最新型號，多數買返4G舊型號機 !!!!!
$1，$2蚊都計算，咁你平時真係慳慳埋埋剩好多~~
一開口就見血咁恐怖~~~而家先知森伯伯係咁坎坷，等你仲成日嘲諷老人家…真係喊得一句句~~
係咪由原材料整架？考吓你點炒香好易炒燶嘅黑芝麻！ 我用米做個糊底，你呢？我會加啲白芝麻更香。我都整過核桃糊、杏仁糊、花生糊同腰果糊架。
刪除甜品加蛋花令我諗起晶瑩剔透嘅冰涼大菜糕同燒烤後滋潤嘅雞蛋白果腐竹糖水，細路哥時係甜都鍾意，偷食方糖同麥芽糖。
都唔係咁恐怖，好多師奶用十幾年都冇事，係膠圈老化泄氣要去原厰買番條嘢自己更換。首先要買名牌品質鋼水好、結構設計穩妥，然後，要洗煲時特別注意氣閥冇食物殘渣塞住運作唔到。你好似我阿媽由火水爐轉用煤氣爐時好驚會爆炸一樣。 電視新聞常報導師奶煲嘢唔熄火落街買嘢就火燭，個煲唔使長時間睇火咁困身，又唔驚煲乾水。
雞碎咁多唔會係大錢，一日慳$10，一年都係$3650。只係心理舒服咋！
我當你係平常人咁平等對待，唔會歧視，森哥經得起風浪嘅硬漢子， 挖苦式開玩笑冇傷大雅，絕對唔過火位去批評，能以自己嘅缺點、弱點講笑，人才變得更堅強， 王祖藍用矮細來開玩笑咪由缺點變優點囉。
你個一爺兄想罰森伯抄呀……哈哈
刪除有機芝麻糊遲下會出，現在賣個關子，我以前真的會用米攪，但米的熱量相對較高，不宜常吃，所以現在用薯粉或蹄粉煮，相對比較清涼而且熱量冇咁高，做出來的堅果糊都係差唔多，腰果糊冇乜味，未試過整，不過我諗會幾有益!!!
夏天吃大菜糕真係幾正，清清涼涼唔錯!!腐竹糖水都幾好，加隻蛋可以飽肚，又發覺腐竹糖水跟豆漿差唔多，所以飲豆漿方便點!!!
最主要我係好少長時間煲東西，多數煮少少時間，蒸食物居多，所以冇諗過氣壓煲呢樣廚具，反而電蒸爐會考慮~~~
嘩!!@@一年慳番三千幾蚊，對森伯呢類窮等人家來講，簡直係天文數字的金額……你就好啦識得精打細算!!!!
你平時又窒又寸森伯果D又點計呀!!
兩種水果都有益，時不時要食吓😀
回覆刪除聽節目講咁有益，所以會吃多一點…
刪除