踏入大暑時節，都應該是雨季的來臨，本身對雨季又不會抗拒，反而幾喜歡…但是當外出時遇到雨天又會有另一番感受，不過近排都幾有趣，連續好幾個星期的上課日也是下大雨，而且天聞台報導仲有雷雨，心諗一落雨都會幾濕滯，隨時變落湯阿伯都唔出奇，唯有帶備定雨具，輕便雨衣總比把遮慳位，收了都唔覺啦…而有趣的是，出門前已見大雨，但一出到門後雨都停了，最多都係雨粉粉，起碼都自在點吧~~
一落雨交通一定會塞塞地，所以都會預早少少出門 ~~
講開返工返學，呢一兩日真係要講講，近日的白衫幫事件，見到、聽到都人人自危…昨日就聽人講住某D地區的職員可以早放工，有D商舖亦一早落閘，本身就唔太驚，但環境側跟的人們就搞到你都好似要驚埋一份，而且諗都冇諗過唔駛返學…事原有D同學收到誤傳訊息，搞到個個同學仔都唔想出夜街，紛紛都話唔上堂，森諗唔係呀…尖東同那些可疑有事發生的地區差成一大截…因為自己已作好準備返學，而校方有職員打來問我會上課嗎?查問之下似是得我一個返，不過導師亦很負責，就算得一個學生佢都會去教~~不過冇咩同學上堂時間會縮短，森諗返去上少少時間堂都冇咩作為，最終都要屈服唔返…真係估唔到咁都有假放…最後總結就係…成班大懶蟲，除左森伯之外!!!!不過我都明白人身安全都好重要!!!
近日的新聞其實對森伯的感受或者影響唔太大，只因我唔會全心放上去，的確仲有很多自己事要等住做，總相信風雨過後便會有平靜…
咁避免對腳濕咗噏住有乜好橋？
回覆刪除最弊係佢哋連無辜小市民都丙到流蚊飯， 咪話唔驚，森哥真大膽。
阿媽唔畀出夜街咪要逃學。
你可以著水鞋，不過我冇…遇有太大雨都會停一停先再行~~
刪除咁一爺兄平時行街就唔好咁招搖喇…
你梗係睇得周星星的逃學威龍多，我哋個個都唔係小學雞…
我唔識喎！點樣做才叫招搖呢？😵 像森哥扮型格算唔算招搖😰
刪除樣醜引人唔算架嘛！👹
森伯份人好低調，點會招搖，始終都係老人家…
刪除樣醜都可以招搖!!
即係森哥唔係老人家時就好招搖，可以同我呢個醜八怪鬥一番。
刪除鬥一番…你指咩?!!鬥招搖我實輸畀你喇，鬥醜樣，我實贏你十萬條街喎…哈哈……
刪除你搵日影返張相畀森伯過目吓，睇吓咩樣!!
森伯樣樣都叻過我，你話第二，我唔敢話第九啦。
刪除點敢待慢森哥， 等我用畢生嘅積蓄去準備幅相睇用嘅。
都冇咩可能叻過你…森伯唔包尾都偷笑~
刪除乜影張相要畢生積蓄咁誇?!…如果係相睇用更加要森伯畀啲意見，關乎一爺兄嘅終身幸福……哈哈
謝謝森哥墊我底給我自信，呢種包尾壓力只有森哥能夠抵抗。勁！勁！勁！
刪除整完都只係順眼，有緣無份，未必白髮齊眉，倒不如留翻黎獨自終老穩陣啲。
有時壓力都係自已畀自已，有些事可以放輕鬆就放輕鬆喇~~
刪除你叫得森伯做森哥哥，我實會撐個細佬佬嘅...
聽你講又話有緣無份，又話獨自終老...唔需要太過慘情！
世事冇得預計…
人身安全好重要
回覆刪除個人安全幾時都係咁重要喇!!!
刪除太熱天氣下雨降温都不錯！
回覆刪除大熱天時偶爾落落雨真係冇咁悶熱~~~~
刪除白色恐怖攪到人心惶惶>_<下兩天好煩﹗
回覆刪除的確有些人會感到恐懼，但又唔怕得太多…
刪除係咪會補課？
回覆刪除都唔需要補課，延至下星期再上課…
刪除出門招風雨，多數都係貴人^_^
回覆刪除內容都有提到，出門反而少咗雨...冇咩貴人格~~~哈哈哈
刪除現時都係雨季，所以好多時都會有雨，帶雨具就冇有怕喇。
回覆刪除有時落雨都好唔方便，不過有帶備雨具就穩陣啲……
刪除近來忽晴忽雨，一時超曬，一時又下著大雨!帶定把傘就穩陣啲。
回覆刪除今日我有事外出，冒著斜風狂雨，手上要拿傘擕物，車廂很擠擁，來回都好狼狽 !
回程已經掛上8號風球。
對呀…現在時晴時雨，很多地區都常有密雲驟雨，只要帶備雨具就不用怕~~
刪除每逢打風前夕在街上都相當刺激，一邊又要趕回家，一邊又要買定食糧，而家的人就好少在市場掃食物，不過乾糧麵包都會買多一點…
打風外出，你都要小心喎……
回程時上超市，蔬菜被掃蕩一空! 莫非要用來打邊爐 ?
刪除謝謝關心! 打風我都唔會出街啦 ! 我怕狂風無眼，將我吹走 !
莫非森少喜歡在打風時，擕友去海邊睇浪 ?
我諗蔬菜多數打風前一定會有很多人買，因為打風後菜價會上漲...
刪除對呀!!!打風時候都唔會周圍走，橫風橫雨好易出意外!!
打風攜友去海邊睇浪?!...森伯D粗人邊有咁浪漫呀...哈哈哈
有時謹慎的人都會行吓浪漫gar,所以有此一問。至於話森少自稱粗人，都係謙虛啫! 喜歡寫畫的人，一定都好細心。
刪除我諗森伯就算幾浪漫都好，都唔會打風時候去海邊睇浪...真係幾危險，老人家都可以好愛惜生命~~
刪除畫畫的人都可以係魯粗...
入秋後可能仲多颱風
回覆刪除要視乎那個時候涼不涼，因為颱風靠熱空氣才能形成……
刪除