只要有緊急的時候，就會迫使自己想出很多點子出來，所以我會深相有危就有機…
話說有個下午本來會外出食飯，但計算總會有偏差，唔緊要森伯食野可以好求其，隨便食飽就冇問題，就算平時有要事外出，食幾片麵包都可以當一餐，一來夠晒慳家，二來更加慳時間，快快趣趣就有得食，加上森伯伯老人家在煮方面又懶惰呢…講得好聽就話簡約飲食有助養生，兼且老年生癪又要襟飽，所以太花巧的烹調森伯就應該唔會整，簡簡單單又飽飽先切合森伯個原則...
因為又沒有預備送菜，見到家裡有什麼就煮來吃，見有蛋就整蛋啦，本來蛋都有幾多食法，簡單整都好好味又能送飯，但時候都晏，速食好過！兩樣一齊蒸咁又食得…本應加兩條菜比較好，冇菜就唯有加些蒽花代替，蒸蛋的時候加了少少鹽，又幾好味喎…可能當時肚仔餓……
本來住家飯唔應該速食，係應該慢慢品嘗，不過凡事總有例外…唔知各位又有冇一些自家速食的等閒事講來聽聽咁呢?!!...
我的速食是鮮奶+麥皮，吾使一分鐘就得，不過我好注重晚飯，所以吾可速食，簡簡單單一湯2餸^_^
回覆刪除一分鐘就可以搞掂的確好快捷，而且夠營養...
刪除如果買定放屋企的確幾方便~~
用11升電湯煲
刪除煲十榖粥
十榖 :紅米,糙米,黑米,苡米,小米
大麥,小麥,燕麥,蕎麥,赤小豆/綠豆
涼水放幾隻雞旦
加生羌,大蒜,陳皮,雞內金
一煲食幾天
雞旦一只/日
食完又煲
煲完又食
烚菜一斤分兩餐/日
4012大橙一個分兩餐/日
十穀粥…果然係大夫好介紹，你呢份餐單唔需要用太多時間，而且夠晒健康…
刪除不過森伯就好少煲一大煲粥慢慢食，尤其這類熱天好易變壞，放雪櫃又沒有太多位置~~~
夏天多數會食臭草綠豆…清熱又好味~
用 7/8/9/10/11升電湯煲
刪除煲十榖粥
自動保溫
不會變壞
用 7/8/9/10/11升電湯煲
刪除夏天食臭草綠豆十榖粥…
健脾益氣清熱好味~
電湯煲?!!...呢類高科技的廚具，森伯冇呀!!!
刪除不過有時間都會試吓煮呢類十穀粥放雪櫃，當早餐...
工欲善其事
刪除必先利其器
幾百元 :
電湯煲
電飯煲
電陶爐
無火料理
安全健康
森伯家中冇太多煮食架餐…更加冇咩電陶爐咁高級~~~
刪除感覺似煎荷包蛋....
回覆刪除通常蒸水蛋或索性烚隻蛋最簡單^^
同意烹調越簡單越養生!!
速食第一位可能係即食麵,又或者麵包/餅乾加盒奶之類吧!
荷包蛋就唔會整，因為要開鑊煎...煎完蛋又要洗鑊~~~
刪除烚蛋的確好簡單，感覺用來送飯好似淡淡地...
對呀!!養生基本原則就係奉行簡約主義，即食麵是最傳統的速食，不過冇咩益~~森伯老人家點都要有米氣到肚先似一餐...
烚蛋然而切開一片片也可以夾麵包,都方便....
刪除其實除了食之外,衣住行也可以簡約一點,城市人有時生活有點浪貴也不環保:P
即食麵應會是很多人的心水之選但同意不太有益不可長期食呀^^
不過煮飯有個最主要不方便之處係至少要煮多一兩味菜式才可拌飯一起吃,好少會剩食一碗飯或白粥.....有時太忙又未必有時間去買餸煮,所以如果要計真正速食又真係好少會諗起粥和飯吧!
其實如果用蛋來夾麵包，用炒滑蛋會好食些，類似三文治~~你咁講法話都市人唔環保，我諗Gael兄懂得生活與環保兩者之間取得平衡...
刪除即食麵是最普遍的速食，但我家中冇...眼見好多人在超市一大袋買，可想而知即食麵幾受歡迎...
煮飯都唔一定要煮多幾味送飯，平時帶飯上班都唔會煮好多，對森伯來講煮一人份量，兩人份量，三人以上份量都冇問題，因為純粹蒸煮~~~
最快自己煮嘅我會淥個麵食加肉丸同烚菜。當然，餐後會食翻個生果。
回覆刪除森哥係天使，唔食人間煙火，去山頂吸啖仙氣搞掂啦！
好野喎，個淥字又畀你打到!!!淥個麵加肉丸又有菜，直情豐富...對森伯來講唔算速食，可能搞到成個鐘.
刪除森伯果隻天使上山頂吸仙氣?!!...行上山已經行餐飽~~~哈哈哈
邊使打咁暴力架！我呢啲斯文精叻人，係靠把口，一嗡咪有個淥字。平板/手機個語音鍵好好用，谷歌人工智能幫手架。
刪除我就插翼難飛啫，森哥係天使，叻到曉飛架嘛，知森哥貴人事忙，有好多重要嘢等住處理，行唔開，施法召喚個分身2025，放架無人機上去收集仙氣，腳骨力都慳番。 中國農民都 徵用無人機 施肥、 撒農藥、巡邏、 監控……。
知人善用係啱，現今都要知科技善用。
森伯雖然為人老土過時，但做事乜都講求親力親為，唔會得把口講兩講就算...
刪除曉飛都唔一定係好事，正所謂飛得高跌得痛...森伯喜歡腳踏實地，感受所行過的每一步~~
你個一爺兄，又話不吃人間煙火，另一邊又話善用科技跟潮流用無人機...前後極矛盾喎!!!香港空氣污濁，有仙氣就留返畀一爺自己吸晒...哇咔咔咔
無關老土過時，要將你所識承傳給下一代，自己向更難更高挑戰，用把口叫人做，自己做最後監控，唔好自私收埋秘技，固步自封。
刪除敢勇面對失敗，查找失敗原因，改進自己。學懂應付失敗才是人生最重要課題，才能活得開心。學曉飛到某個安全高度，唔好只喺地上行。
多謝森哥留翻啲污濁空氣畀我吸，哥哥對我真好。哈哈！
一爺兄真係獨具慧眼同慧根...連森伯自已都唔知自已有咩秘技，要承傳給下一代...我只係話腳踏實地，做個踏實的人而已~~
刪除唔會好高鶩遠(唔知有冇打錯字~~哈哈)
人生不論是誰人都要從失敗中吸取教訓及經驗，望日後不會再犯錯嘛!!!
講笑梗係叫你吸晒啦，總之活在都市裡想搵啖清新的空氣吸吸都唔易架...
秘到我唔知，森哥唔使爆畀我知。
刪除森哥好學不倦提升自己，腳踏實地而唔超出能力咁飛高，視野遠大啲。
大家都講梗笑，咁等我吸晒佢，一啖都唔留畀森哥。
根本就冇咩秘技…係咪你睇得咩科幻奇情果類片多呀?!!個個男人都有特殊秘技...哈哈哈
刪除森伯進修都冇咩大理想，只係對自己有個交代啫!!總之人多空氣污濁的地方都減少去~~
高森莫測，令人充滿幻想。
刪除咁森哥嘅小理想係乜？
你指邊方面的充滿幻想咁呢?!!
刪除小理想係想快D完成個課程~~~~
哥覺得呢？
刪除最想我係邊面？(等我配合滿足哥喺欲望)
唔係學到嘢？
以森伯咁低層次的人去估你咁高層次嘅人諗乜…….咪玩啦~~~~
刪除都冇咩因由，讀完可以放下森頭大石……
「話說有個下午本來會外出食飯，但計算總會有偏差，唔緊要森伯食野可以好求其，隨便食飽就冇問題，就算平時有要事外出，食幾片麵包都可以當一餐，一來夠晒慳家，二來更加慳時間，快快趣趣就有得食，加上森伯伯老人家在煮方面又懶惰呢…講得好聽就話簡約飲食有助養生，兼且老年生癪又要襟飽，所以太花巧的烹調森伯就應該唔會整，簡簡單單又飽飽先切合森伯個原則...」真係十分有同感！
回覆刪除特別是家庭主婦，買、洗、切、醃、煑，攪個多小時，不用20食完，又洗餐飽.....
都市人時時都好多事做，要食餐飯有時都會趕，所以個個都會試過呢種情況...
刪除買、洗、切、醃、煮...咁多工序對森伯來講直頭係滿漢全席，速食應該以簡單就算~~
要開餐的話，快而好食是最大的需求。要看當時的胃口，也要看當時的雪櫃裡有什麼食物。若然太過肚餓，蒸碗豆漿，同時烚個蛋，真係很快可以醫肚。如果拿雪櫃的麵包、蛋糕出來即食也可，不過我會蒸一蒸才吃。
回覆刪除*
煮米線，加個蛋，加條幾條生菜，都係好快有得食。
平時浸定啲瑤柱絲，打幾個雞蛋蒸些肉絲，就可以送兩碗飯。
韭菜炒蛋又可以很快做得到。蝦仁炒蛋，烚兩個番茄都好容易嘅啫。
看秋葉的留言幾時都學到些生活小智慧...
刪除對呀，逢吃東西都好睇當時想吃些什麼或胃口，不過趕時間又沒有太多的揀擇，真的是有什麼就吃什麼。
家中雪櫃的蛋格應該常常放蛋，所以唯一有的就是米和蛋...
若果時間許可，都會蒸過麵包才吃，至於蛋糕就要看哪一種...
你講的瑤柱絲蒸蛋都應該幾好食，不過平時沒有加肉絲，日後有機會都會試試，總之閒來儲放些食物在雪櫃，急趕時就可以大派用場~~
看到森少弄出這個太陽蛋來，也很圓滿好看。
刪除因為我煮菜下的油不多，炒蛋通常都是三扒兩撥，沒有甚麼好看頭。
韭菜炒蛋和蝦仁炒蛋是我很喜歡的菜式，不過，也不會天天都吃同樣的東西。
個太陽蒸蛋好簡單整，食物唔一定花巧都可以很美~~
刪除我也是!!!油不能不吃，但都放不多...少少地就可以了!!
無論用蛋來配什麼來炒都好好味，有種叫青豆,深綠色又長長的用來炒蛋都好好送飯~~
食經有說：「男多吃韭，女多吃藕。」可是胃口的問題，個人就不喜歡吃蓮藕，但喜歡吃韭菜。知道藕粉很有益，也有買來作打獻之用。
刪除青豆很清甜有益，但不及韭菜香辛，韭菜也有激活防癌的作用。
刪除我不能吃薑、椒這些辛辣的東西，幸好洋蔥、韭菜這些香氣醉人的食物，可以用來佐膳。
呢句說話我又未聽過，無論是韭或藕對人的身體都有好處，多吃無妨…平時好少食韮菜，蓮藕都好間中食，所以兩者森伯都少吃~~
刪除五辛香料有辛味道，多吃會增加人體抵抗力，我會偶爾吃吃生葱，聽講可以減少傷風感冒的出現，尤其現在忽冷忽熱的環境，好易有咳同感冒…
想快D有得食，我浄係識淥公仔麵咋。
回覆刪除如果唔係極趕時間，我又好少揀公仔麵…多數食個包就算~~
刪除