2019年7月10日 星期三

越邪惡；越吸引...

呢排天氣真係幾熱，幸好較早前買多一把風扇在房間降降暑，否則真係唔知點頂...炎炎夏日最好有些消暑的應季食品就更加好，最大路的消暑品都離唔開雪糕、雪條之類...其實太過霜凍的食物都一律唔可以食太多，不過天時暑熱就冇咩所謂，始終逃唔過雪糕的魔掌，以前可能會吃的較多少少，但人越年紀大就要適可而止，始終雪糕又甜又凍...若然將雪糕當成奬賞食，偶爾間食就會變得大條道理...
這個牌子的雪糕見得多，都未買過來試試，要食就要揀未食過的新口味，佢稱之為芝士蛋糕味...真係唔知乜味?!!只知幾甜，至於所謂的芝士蛋糕味就唔覺...都冇咩所謂就算極普通的雲呢拿雪糕都已經森足...

 其實夏日的消暑品何其多，水果都有不少，人就係認為越邪惡﹝無益﹞就越吸引﹝想食﹞，同越快樂；越墮落Feel差唔多...哈哈哈！！所以呢個悶熱的夏季都係要豁出去...
張貼者： 於

26 則留言:

  1. 搞一爺2019年7月10日 晚上8:45

    自從腰圍曾經增大至新高點36，之後，冇食好耐，除咗有次送來盒冰皮月餅。

    打大赤膊，將風扇放到好近，直吹身體降溫，冇開冷氣。

    回覆刪除
    回覆
    1. 森源2019年7月10日 晚上10:37

      你嗰次又話有個大肚腩…真係要忍吓口，幸好我唔食冰皮…

      咁吹法…你哋啲後生就話得，畀著森伯可能吹到傷風…

      刪除
    2. 搞一爺2019年7月11日 下午3:49

      係7、8年前嘅事啦！施行咗輕斷食法則後消腫喇！食咗冰皮月餅後都冇反彈喎，不過，我依家都冇乜癮食雪糕。

      唔食雪糕嘅我，依家係森哥哥畀我眼睛吃冰淇淋，要多謝晒！

      吹吓就流晒嘢咁弱雞，快啲拎你條嘢出黎，我指健身彈力帶呀！操翻fit個Body。

      我都好舉一反三，對森哥紅字有另一翻見解，愈邪惡森伯就愈吸引我留言，越快樂留言越多，我咪好墮落。即係邪惡森伯、墮落一爺。哈哈！因果循環。

      刪除
    3. 森源2019年7月12日 上午9:23

      唔會呀，食幾個冰皮就反彈?!!...本身好少因食某樣食物而致肥，唔需要瘦削感反而少少肥都冇咩所謂，當係老年發福…有時唔食開雪糕，慢慢冇咁大癮，都係好事…

      唓!!…眼睛食冰淇淋有乜用…有得睇某得食~~~不過森伯都習慣window shopping睇咗當買咗…難得一爺弟弟仲記得森伯條健身彈力帶，呢種帶唔耐用隔一段時間唔用就會脆化…

      你又想乘機抹黑森伯，話我邪惡…你有冇睇前兩篇Blog森伯個天使造型呀XXD所以一爺的墮落同森伯伯冇咩關…….不過好想聽一爺墮落的故仔~~肯定帶少少情色兼多多笑聲嗰種…

      刪除
    4. 搞一爺2019年7月13日 晚上10:23

      森伯得天獨厚唔易肥， 恨死隔離。

      天使造型係扮出黎啦，即係假天使，披住天使外表嘅邪惡魔鬼。

      好肥算唔算墮落呀？我人生都好平穩，冇乜特別大上大落，唔覺有乜墮落喎！

      刪除
    5. 森源2019年7月14日 下午4:45

      邊有咁叻，得天獨厚?!...隨時老年發福都唔定~~~

      哈哈...係friend就唔好話森伯係披住天使皮的惡魔啦...破壞晒大家對森伯個老實兼純情長者形象...XXD
      墮落係你自己講，而家又唔認!!!

      刪除
    6. 搞一爺2019年7月15日 清晨6:01

      依森伯平時飲食習慣，睇怕都一直係咁苗條。

      喺我心目中係敦厚樸靜，點砌森哥生猪肉都好難做到奸人堅、西官娘娘琴姐。

      刪除
    7. 森源2019年7月15日 下午3:34

      都唔一定，有人飲水都肥，所以都冇話絕對，外表並不是重點，只是為防都市病，Keep 好身體…

      砌森伯生豬肉…唔錯喎，家陣D豬肉咁貴…奸人堅，西宮娘娘?!!…你咩年代架!!…哈哈

      刪除
    8. 搞一爺2019年7月16日 凌晨4:41

      我諗後生時我會較注重外面，驚畀人哋嘲笑唔靚，受群眾壓力而改變，活喺人哋思想下，反而，自知老咗個樣一定變醜，接受呢個現實就冇咁理會人哋諗法，活出真我，真係自覺地為健康而減肥。

      為方便打理同慳錢而自己剪個清爽『吋頭』，年青時必定去髮型屋飛髮，都係好普通嘅短髮，回想起來，都係驚人哋笑我個頭好老土，真係唔值呢個價，心態因老而變。

      如果係堆砌肉類，對森哥而言，一係會砌雞肉，一係會砌熊貓肉。前者係因為(雞)嘅國語發音同(肌)相同，等森哥成為肌肉型男。後者就係講每斤肉價，森森身嬌肉貴，堪稱為國寶級嘅身價，點可以同豬比架，真係 蚊比同牛比。

      我都認老，唔怕你笑，係唔同年代嘅象徵，黑膠碟都有佢嘅味道。咁森哥年代又係有乜奸人代表呀？


      刪除
    9. 森源2019年7月16日 上午10:04

      聽你咁講，你都好在意人地對你的睇法…我認為基本整理儀表係對自己的一種尊重，但係刻意的打扮就會辛苦自己，太過活在人家的目光就會很辛苦，或者做自己就最自然最舒服…

      你識為自己剪髮就最好，幾時都係自己最知道邊種髮型最適合自己，但一般人即係森伯伯果類就要去搵人剪，因為頭髮後面剪唔到，而且工具又冇咁多呢!!!

      你呢堆…………………如果係堆砌肉類，對森哥而言，一係會砌雞肉，一係會砌熊貓肉。前者係因為(雞)嘅國語發音同(肌)相同………簡直係笑話，笑吓就算XXXD

      無論人靚或醜都唔係自己話事，天生出來，除非你去後天整容啫…最緊要就係自己會否接受自己，覺得OK就冇問題啦…

      你講奸人的代表真係好難答你，以前的電影電視，做奸人的角色，就會做到好奸好惹人憎，近年來很多奸角都係亦正亦邪，比較切合人性化，石堅琴姐…我都知邊位!!!始終舊時的藝人較易有種性格特徵畀觀眾留有深印象~~~

      刪除
  2. Stella Luk2019年7月10日 晚上11:19

    越邪惡；越吸引...幾時都係啦！

    回覆刪除
    回覆
    1. 森源2019年7月11日 上午10:22

      咁又唔一定…好似Stella影的相都好吸引，但唔邪惡…哈哈

      刪除
  3. Ohtria2019年7月11日 凌晨4:45

    真係,以前細個鍾意食嘅可以一次過食好多.依家適可而止。

    回覆刪除
    回覆
    1. 森源2019年7月11日 上午10:23

      通常細路時期，完全唔會諗有冇益，當人漸大就會小心飲食方面…

      刪除
  4. 基爾2019年7月11日 中午12:05

    係咪寧願索性食個tiramisu仲好味??

    回覆刪除
    回覆
    1. 森源2019年7月11日 下午2:53

      兩種食法唔同…
      tiramisu甜品平時應該唔會叫嚟食，用眼睇都已經甜到漏…哈哈

      刪除
    2. 基爾2019年7月16日 下午3:59

      tiramisu其實相對來說不算太甜,可能因為夠咖啡味中和返甜度...
      有時有些donut或者朱古力類甜品,仲甜到離譜:P

      刪除
    3. 森源2019年7月17日 上午8:47

      近來認真甜的食物都好少食，除非買左又唔知，就好似呢杯雪糕…
      話回來，偶爾食食又冇咩問題…

      刪除
    4. 基爾2019年7月17日 上午10:08

      森兄咁fit應該仲有大把quota....^^

      刪除
    5. 森源2019年7月17日 下午4:44

      見gael兄相中人感覺好瘦吓，你反而可以食多少少東西…

      刪除
  5. SU2019年7月11日 晚上10:06

    暑假仲有排熱，兩、三個星期試一款新口味都仲有幾款可以試^_^

    回覆刪除
    回覆
    1. 森源2019年7月12日 上午9:25

      老人家一把年紀大真係唔食得太多甜東西，偶爾食吓才覺得吸引…

      刪除
    2. 大夫行傳2019年7月21日 晚上8:11

      貴人食貴價雪糕

      刪除
    3. 森源2019年7月23日 上午9:33

      大夫見笑...
      只是未試過，十年唔逢一潤買來吃~~

      刪除
  6. Man Man2019年7月20日 下午5:06

    大熱天時，汽水同雪糕真係人見人愛囉。

    回覆刪除
    回覆
    1. 森源2019年7月23日 上午9:33

      Man Man真係講得啱，雪糕汽水真係大熱天時的聖品...

      刪除

訂閱： 張貼留言 (Atom)