因為今次的進修學習，讓我接觸到一樣陌生的顏料，就是塑膠彩，它跟廣告彩，水彩的性質差唔多，但畫像的顏色保存得較穩定…
呢幅就是畫畫單元的功課，畫一片紅葉，深色的葉襯托灰色的地，葉子就會顯得突出，跟導師給我們參考的畫作仲差一截，始終不是對實物來畫，而且亦是第一次用塑膠彩畫畫…
水彩跟廣告彩我們見得多，而塑膠彩的性質也是差不多，但比較大支而且比較貴，買的時候不是整盒買的，需要的顏色才買，因為主要是可以溝顏色來用…
要熟悉一種顏色的運用，並不是一時三刻可以做到，需要時間練習鑽研，可惜現代人講求效率快捷，用軟件上色好易而且錯了可以修改，最重要出來效果亦不會遜色，所以用在商業上多會用電腦製作，傳統的顏料多用以個人興趣，或是畫一些藝術畫作、藝術創作等…
粉彩木顏色筆同side pen是小朋友最常用的顏色筆
回覆刪除五六年班先開始學用水彩,仲記得那四方盒調色碟....
你講起木顏色或顏色水筆的確細時常用，通常用了一段時間，總有幾隻色唔見…
刪除我諗四方盒調色碟都算一代人的集體回憶…
用電腦軟件製作上色好，易修改，效果佳...............
刪除那時候,有臘筆...................
蠟筆原料除了蠟之外，有些是以白堊或木炭製成。
若是以油性白堊為原料，稱為油粉彩（油性粉臘筆）；
若純粹以乾燥方式將顏料結合，則是一般的粉彩（粉臘筆）。
大夫對畫畫又有啲認識喎…其實畫畫未必用得著很多種筆，最喜歡的便會常用，以前都用開水溶木顏色，乾淨企理色彩柔和，炭筆多數素描速寫，甚少用…
刪除電腦上色係方便又可以修改......
刪除不過森兄間中有空都可以用下畫筆,keep住練習下你啲手藝也不錯呢^^
都係有需要時才會用電腦上色，平時手畫都會用畫筆上色，我認為較有人性化，當然喇用軟件輔助效果都唔錯，各有優點缺點…
刪除畫得唔錯啵！讚！
回覆刪除特別是的漸進色做得好。
刪除多謝Stella讚賞…呢隻塑膠彩之前未用過，當時趕住交功課都未有練習過……
刪除如果 命裏早注定分手 無需 為我假意挽留
回覆刪除回憶 在這一刻的你 也曾 淚流
令我想起首歌，注滿1000cc深秋情懷嘅紅葉，果然，畫功非同凡響。
可能家陣熱到飛起，一啲啲秋天感覺都感受不到，紅色葉反而諗起火熱動感啦啦啦…
刪除我用咗呢種顏色唔耐，咁都睇到畫功非凡，會唔會假咗啲呢…
第一次要大力鼓勵嘛！唔係好易放棄。👍
刪除係喎！好似你最喜歡同我作對。我要講反話至合森意。天份唔係人人有，都係慳番時間用嘅其它方面。😂
你當森伯細路哥咩…人地唔讚就放棄，幾廿歲人唔會喇!!!
刪除你諗多左，無端端話森伯至喜歡同你作對，邊有咁得閒丫…有時間都訓吓覺啦~~有時天份只係佔少許，努力才是佔大部份……
對住你幅卡通自畫像，我真係認為你係細蚊仔。
刪除森伯得閒才覆我啫，講『作對』又合邏輯呀！
要有天份架，唔係人人努力就可以100m跑11秒內，亞洲人得蘇炳添跑到10秒內咋！ 最明顯一個例子係舊時分文、理科，唔係你讀書叻就乜科都讀得掂，天份好緊要。先天身體結構同左/右腦思想都好重要。
就係個人老，個卡通自畫像似細路可以平衡下嘛，你覺得森伯好幼稚?!!...哈哈
刪除所有留言都係揀個方便或者空閒的時間才覆，唔想求其覆...
天份好重要，但除了天份毅力都好重要，就算得幾成天份都好，努力都唔可以忽視~~
賽跑更加要努力練習啦~~~
覺得幼稚架！
刪除你係人未老心老。
天份同努力係缺一不可。
等我仲扮老，希望人哋覺得森伯伯成熟D...哈哈
刪除作者已經移除這則留言。
回覆刪除做咩無端端移除這留言，唔出得街架…XXXD
刪除想又誇獎森伯，思前想後，删除好啲。
刪除咁你又唔識Do喇，讚森伯就唔好刪除啦!!!
刪除次次讚襯森伯都話我假，俗語叫:『一爺熱臉貼森伯冷屁股』，唔想成日犯賤，讚少啲喇！
刪除乜你好鍾意用塊面貼住人地個屁股既咩?!!哈哈哈
刪除應讚則讚幾時都啱聽嘅~~
哈哈！個比喻係咪好鬼馬生動又貼切。比喻一個人滿腔熱心，無奈對方完全不領情！真係自討沒趣。
刪除比喻一個人滿腔熱心，無奈對方完全不領情…...哦！！原來咁嘅比喻，簡單講句一盤冷水照頭淋咪一樣…
刪除真係咩人用咩比喻…XXXXXD
真係咩人用咩比喻…XXXXXD 意思應該唔係森伯係咩人，我又用咩比喻森伯架。 森伯應該想笑我係屎忽鬼！哈哈！又要做壞人。
刪除森伯諗都冇諗咩屎忽鬼，只係覺得呢類九唔搭八的比喻應該係你講……
刪除咩人都唔緊要，做返自己最舒服自在…
以前上課都有用上彩，但後來看BLOGGER的網誌，才知水彩畫其實是要分層塗上去的。
回覆刪除水彩不同廣告彩，水彩透地，塗一層不夠，有需要時要塗幾層，色彩才會顯出，所以每種顏料都有它的特性…
刪除用水彩都係專門的，但以前中學上美術課，是沒有一個老師會真係教人怎樣掃描，怎樣用水彩。
刪除中學的美術課只係教些皮毛給學生，若然要再深入了解都必定要外出搵些專門學校學習~~~
刪除原來中文叫塑膠彩。
回覆刪除塑膠彩顏料含塑膠成份，所以色彩保持得好啲……
刪除啱啱諗到美容嘅磨沙膏帶膠微粒都叫厰商停用，因為冲到大海畀魚食到，進入人類食物鏈度，已有醫學報告話檢查人類、海產類內臟發現了膠微粒，呢啲有塑膠微粒都係少用啲，好彩森伯都唔用，只係上呢課用到。
刪除估唔到一爺兄都幾為環保著想，相對磨沙膏，塑膠彩較少人用得多，通常畫好一幅畫也不會隨便丟掉，會保留...但有些人用磨沙膏真係要日日用!!家陣講環保時時話走塑，塑膠東西都避免唔用太多...
刪除磨沙膏一周唔可以用多過二次。
刪除森伯得天獨厚皮膚好好唔使悉心護膚。屋企得2個人遺傳咗暗瘡性皮膚，我由青春期到依家都好易生暗瘡，一直困擾著我，由其是夏天塊面飈晒油，以前油到眼鏡滑落要常常托番上去，係到前幾年喺網上發現咗個簡單又便宜嘅解決方法，早晚各一次就夠。
咁証明森伯未試過用磨沙膏呢樣野，若果我的臉太多油脂都會生暗瘡，不過多數熱氣過頭就會，你太多油最要多洗面，試下買舊滴露皂洗面幾好...
刪除係面部感應器失常，時時同大腦講塊面好乾，佢咪自動分泌油脂，解決方法係洗完面要做好保濕，然後鎖水二個步驟，塊面夠濕，警鐘唔會亂鳴，冇多餘油脂就冇暗瘡。
刪除係喺網上學個陌生妹妹仔，洗完臉唔好抹乾，趁著塊面仲係 濕糴糴，好濕潤啦！立刻塗上凡士林，鎖住水份。我見凡士林咁鬼平，對皮膚又冇害，即管一試喇！咁容易就解決困擾咗我幾十年嘅先天問題，多得佢上網分享，感激不盡。
我相信尤其是呢種夏天的天氣，汗水油脂分泌都多，唔怪得有些人會一日沖幾次涼，最唔舒服就係成身黐立立，反而洗多一兩次臉都冇問題…
刪除有時參詳人家的方法，合用的真係終身受用架！凡士林雖然唔貴，但我覺得立立黐，唔多習慣…不過冬天用來搽爆拆幾唔錯…
因為係身體機能自動調節系統，洗完一個鐘後又成面油架，愈洗愈差。皮膚科醫生話就算係油性皮膚一日最好洗两次臉就夠。
刪除隔一陣乾咗就唔會覺黐立立，點都比起油立立，滿臉爆暗瘡好好多，天生病態皮膚，人生冇完美，好多時無奈要接受。
直接塗上皮膚係整日都會黐立立，而濕糴糴搽又唔會，摸上去係感到有一層嘢，點都唔會好似森伯肌膚咁白滑。
刪除你哋後生仔面部油脂分泌旺盛，洗多幾次面清爽得多…你認為好的方法就keep住用啦，假以時日，皮膚會得到改善!!!好耐以前我都很多面油，常常用番梘洗面，後來面油都少了很多，不成困擾了…所以每個人都有屬於自己一啲好方法啱用……
刪除哈哈哈…森伯白夾滑你又知?!!…你啲番書仔又用錯詞，形容老人家讚膚質保持得唔錯已經得，我而家用的椰子油就係咁用，搽完油再加少少水搽勻就OK…
刪除電腦上色沒有人氣
回覆刪除塑膠彩我用過幾次，覺得比廣告彩好用。
認同，電腦上色欠缺人性化感覺，通常一幅真跡或藝術都係要人手畫才有價值…
刪除廣告彩我都覺得唔好用，不過我用塑膠彩個色好沉~~
原來現在興了塑膠彩，我都是落伍了，未曾用過這種顏料。雖然好用，不過因為太貴，中小學校都不會普遍使用吧。人手畫的畫，當然比電腦繪畫珍貴。
回覆刪除哈哈，都唔係最近興，只係個課程剛剛教到用顏色畫畫...對呀，相對其他顏料來講它是比較貴，一隻顏色都要幾十元...通常電腦畫冇親筆畫咁有價值!!!
回覆刪除