其實人生又有幾多樣食的東西，只要一提起它你就會想食呢？對於森伯來講認真喜歡的又不會太多，相信包點都算是其中一樣，以前記得荃灣有間包點先生會常常幫襯他們買饅頭，糕點等...不過近年來屋企附近都開了間賣中式包點的舖頭，所以間中都會買些來送粥，尤其是周末時候，天時熱熱地就最好不過，有碗清清地的粥加個蒸包，簡單得來又夠飽肚...
除了包點之外，佢都有賣煎餃，其實所講的煎餃即是鍋貼，我覺得要吃鍋貼，除非去上海菜館，否則都唔容易找到，這舖的包點有這麼多的選擇，而且味道唔錯，所以都幾多人幫襯...
對於好多人來講，無論是湯餃或煎餃相信個個都鍾意，尤其肚仔餓的時候...
包類嘛，鍾意銀絲卷同饅頭。
回覆刪除銀絲卷就好少聽，唔知模樣是怎樣...
刪除現在饅頭唔買多數自家製~~~
煎餃不是鍋貼
刪除包子不是饅頭
銀絲卷和豆沙窩餅....上海店有售
森源自家製土包子
煎餃不是鍋貼...........叫法唔同,但對港人來講差不多...
刪除包子不是饅頭...........包子當然不是饅頭啦
銀絲卷和豆沙窩餅...........呢個真的不認識~~
森源自家製土包子...........森伯本身就是一個土包子
餃子我鍾意食，去食日本拉麵，必定會點煎餃子﹗
回覆刪除日本的煎餃都有名，不過我諗大致上跟中式鍋貼差不多...
刪除鍋貼想整但一直都未動手.
回覆刪除整鍋貼唔難，而且材料易搵，動手喇～～
刪除認真喜歡的又不會太多……相反地，我樣樣都喜歡，只要整得美味可口，仲要係食材無分貴賤，好似變化萬千嘅平民價雞蛋 - 蒸水蛋、糖芯蛋、荷包蛋、焦糖燉蛋、芙蓉蛋飯、奄列、炒滑蛋、煎蛋餅、窩蛋肉餅煲仔菜、杏仁蛋白、蛋糕、豬柳蛋包、鹹蛋黃等等 - 諗起都流口水。
回覆刪除簡單如麵包烘成多士，香氣撲鼻，一身吸引嘅古銅色包膚，放落口熱辣辣，一口咬落外脆內軟， 色香味俱全。
我喜歡食物嘅起點好低，唔同其他人。
你係咪講 緊 舊年才開始進軍連鎖式嘅 (糖)記包點 ？我好認同森伯觀點，覺得無論係早午晚三餐或且係下午茶點、宵夜都啱食，比起西式麪包店優勝係中式永遠係出爐熱辣辣，由其是寒風凍雨入骨嘅清晨夜冬，真係温暖在人間。哈哈！要揾我打廣告。
我嫌窩貼油膩，偏好煎餃香口惹味。
細路哥時期， 都有歧視過啲中式包，因為，去襯地踎茶樓老豆為咗要塞飽一大班化骨龍坐低老奉就係叫义燒包、雞包仔、蓮容包，有一段時期我已經標籤咗佢哋係窮人嘢食，(唉！自己嫌棄自己窮，生無可戀)，其實，係好好食架，真係愈強迫愈對抗。歧視係好易產生。
專登寫長啲，害森伯冇時間，欠交功課。哈哈！其實係想讚森伯『眼明手快、腦筋靈活』，就算部豬腦壞咗，或畀我呢個搗蛋鬼諸多阻攔，要重新做過都趕得切， 濕濕碎啦 ！ 一副獅子山崩於前(轉港式)，而色不變，老成持重嘅森伯靠得住。
你的回應仲多過我篇Blog，等我分上下兩篇出，若果偷懶分三篇出都得...
刪除近排已經C吓C吓，今刻已經病休中，我仲要覆回應已經好唔話得～～何況一爺果D水蛇春...
不過你篇野都有咁多美食，諗起都想即刻食，搵日要嘆番一盅兩件先...
森伯老人家邊有你D後生仔咁有口福，樣樣都鍾意食～～基本上以蛋做菜式甜品，都冇乜得輸啦...仲有蛋撻，蛋卷，滑蛋三文治...要數都有排數~~
你食野起點好低...我覺得近乎饑不擇食嗰種...XXXD
真係畀醒醒目目的一爺估中，就係糖記包點，如果你話一日三餐都食包點我就未必想，除非冇時間做飯～中式包近好幾年才興，以前要食包點就要上茶樓...
幸好森伯又冇乜歧視過中式包，以前地踎茶樓先至夠地道，Ｄ野食先至係經典，食物都冇分富貴或貧窮，只是人自己去標籤啫~~
以前有幾多個家庭常食鮑參翅肚……常常可以去茶樓食叉燒包，蓮蓉包…已經好好架喇……森伯伯嗰類窮人，現在間唔中先敢去茶樓食下粉腸，馬拉糕之類～><
份功課雖然要做過，但又唔需要三千年開花，三千年結果咁耐…XXXD
形容森伯用老成持重幾啱聽～好入屋…
森伯平時咁勁揪，緊係要趁你病攞你命啦！覆我好似中學時要背首長恨歌咁辛苦。森伯唔好話我卑鄙 ，我都係學習世界第一，美國對付未成大氣候嘅中國咁樣，舊時我真係覺美國乜都好好架，必須學習西方。哈哈！
刪除咁長氣都係為你好，病休中都唔好成日瞓，要喐動吓手手腳腳同個腦袋， 唔係會變得溫溫燉燉， 康復慢好多，回覆卜友係其中唔錯嘅活動之一。
唔係饑不揀食，係適者生存，窮困磨練嘅成果，就算係富翁養仔女時都會窮養，唔使佢哋習慣揮霍無度，唔好話富不過三代，仔女未到老已經敗晒副家，生活潦倒。係父母賜予我嘅好好特質。
食物係可以發洩情緒，開心慶祝時要大食，憤怒時又要大食，失戀心碎時都係食，有治癒心理嘅作用。你話花費少少隨便食嘢就開心咗咪幾好，人都變得開朗。
最近，我為咗要清晒快到期嘅麵粉，煎蔬菜餅為一餐(有碳水化合物嘅麵粉， 纖維/維他命/礦物質嘅幾樣不同蔬菜，同蛋白質嘅雞肉和雞蛋)，個餅乜營養都包含，唔使再煮飯又炒菜又煮肉咁繁複，當然會有個餐後生果啦！咁簡單又覺得幾好食喎！將來清晒啲倉存麵粉會轉買更健康嘅全麥麵粉黎整。
森伯幾時出篇自制饅頭食譜分享吓啲秘訣畀大家，我有興趣。
森伯嗰啲勞碌命，抖咗一陣都要返工...你都知你的回應好似長恨歌，咁悠長呢!!!!自從寫咗博打字諗嘢都快咗!!!每個國家都有好有唔好的方面，視乎你點睇啫~~
刪除森伯點會成日訓，就算訓在床上都有睇手機，一睇到一爺的回應，就算訓咗都即刻彈返起身...可想而知一爺兄的回應唔野少~~~~
好聽啲就叫適者生存，難聽啲就叫饑不擇食...我又未至於乜都食，不過人大個都好過細路的時候，都會有揀飲擇食，而家冇咁多揀樣樣都食下嘛~~~
聽專家講，當人壞情緒的時候唔好食太多，會影響腸胃吸收，使人容易暴飲暴食...當人情緒太唔好的時候都冇乜心機食啦~~~
你既然都睇人的blog，點解唔寫吓blog，想你講吓自製蔬菜餅...等森伯幾廿歲人學吓嘢，整啲乜營養都有的菜餅當一餐嘛!!!!
森伯自製饅頭只是一有段少時間，仲要慢慢記住個整法，將來一定會講，應該好快!!!
唔好講到自己好窮酸要捱世界，城哥都碌到89歲才退下，森伯韌力八足都仲有幾廿十年勞力！我替你加油！
刪除床上睇到彈起咁有動感，係我震撼到森伯，嘩！我筆功好厲害，已經超出我預期效果，我現在好滿足！
打仗走日本仔撞上大旱三年零八個月先至會饑不揀食，呢啲你唔識架啦！我係有揀擇，專挑健康又有均衡營養嘅。
幾廿歲人都食過日本大板燒啦！都係粉漿黏合菜肉。又叫隨意燒，想點就點，好似喺度搭訕乜材料都得。我驚肉唔熟，會先煮吓。想咬落少啲麵粉團，可加2只雞蛋黐埋啲食材。材料切粒或幼絲個大餅會無咁易散開。我用青椰菜、紫洋葱，青葱，甘筍、雞胸肉/梅頭豬肉，有人用芝士、蕃茄、金針茹……。另外，可以清晒雪櫃剩低乜菜頭餸尾。
生活中好多枷鎖壓迫住，想過自由冇束縛嘅生活，唔寫卜最合我嘅大方向。
乜情緒唔好食嘢會唔吸收，咁就好啦！依家，我食少少嘢都好易懷孕，成日要打胎，如果可以食好多嘢都唔吸收，好多要保持身材嘅明星都好想得到呢個秘方，我會賣呢條橋畀啲明星、二奶、濶太、運動員、模特兒、大老闆……。仲有好多因為肥胖而引申嘅病人如糖尿病、三高、脂肪肝、膝關節疼痛、風濕關節炎…………。呢個減肥市場係值幾百億生意架，減肥係女人終生嘅事業，所以，我真係唔相信呢個 傻專家。
李超人有錢又有精神，做到89都閒閒地，森伯都會決定提早退休，唔係太想為工作而有壓力，寧寧靜靜享受一下退休生活...到時約埋一爺兄，gael兄，王子兄閒來打番幾圈......XXXXXXXD~~嘆番一盅兩件，過一種港式的長者生活囉～～
刪除我諗突然睇到彈起，多數係畀你激到彈起果種...你份人都幾易滿足～～
你講打扙更加係饑不擇食啦，冇野食的時候樹皮都要食啦，仲有得揀邊Ｄ有營養，邊Ｄ係有機咩...XXXD
平時真係好少食日本菜，常常令我諗起魚生...你講的粉漿係麵粉漿定粘米粉漿呢?!...通常我會用蒸方法因為自己懶，唔想洗個煎pan，而且唔想用太多油煎～你講的有機會會試下，材料唔難鍾意放乜就放乜，而且用粘米粉整仲可以當飯食，好方便～～
寫blog係枷鎖?!!...咁誇張!!!!!有時寫blog可以減下壓喎~~食少少野好似懷孕?!!...係唔係畀人搞大個肚仔呀?!!肚仔生蟲的人都好似大肚，你真係要去檢查一下，你讀書的時候老師冇講過你知？！記得老師話女人吸收脂肪比男人容易，因為女人要生兒育女，需要多些脂肪去幫助生產，正常來講男人冇咁易有脂肪...除非成日吸收脂肪食物，搞到大肚腩...
對王子你要講清楚打乜嘢，佢話自己除好靚仔，仲係身懷絕技，有好多嘢『打』得好叻，會誘騙你上佢屋企打KL、打FG、打PP直至你求饒。😈
刪除係小麥粉，用粘米粉都可以。雖然知道森伯無興趣食，係森伯叫我寫煎菜餅呢篇卜，才講多啲。為迎合讀者，呢啲咪係枷鎖囉！
你個係乜老師(男/女)， 生物科嘅syllables唔包喎！性教育好似只對女生開特別一課講解，你一定豎高兩隻耳仔竊聽。
『正常來講』……森伯只係成機想話我係唔正常嘅男人，哈哈！行出街會見到有好多中年發福男士都挺住個大肚腩。
幾驚你話喺『床上』唔知會彈起乜嘢部位！
哈哈哈...你自己諗多咗啫， 講到明打番幾圈即係打牌......你講嘅咩KL、FG、PP出唔出得街架??陣間畀人封咗森伯個Blog呀~~~~><
刪除你唔好覺得森伯隨便up啦，有機會真係會試吓整你介紹的菜餅...大家有咩分享吓, 點算枷鎖呢?!
你好似乜嘢都同性教育有關...老師只是當冷知識講吓給同學知，係人都可以知道，都唔係有咩要避忌...
我講的正常來講...係指身體代謝正常的人...如果代謝出了問題的人，人就容易肥有個大肚腩~~~
講明搞到彈起...個部位梗係重要部位啦~~~~~~我指個心臟呀!!!!有時可能畀你激到個心彈起~~~
咁我咪可以操控森伯個blog嘅 生殺大權，捉住痛腳，可以隨時勒索，森伯肉隨砧板上。突然覺得自己高大咗。😁
刪除明天又出新一篇，講住咁多就夠。
森伯又唔驚你勒索，成副身家得嗰幾廿蚊XXD…
刪除都預咗你長氣架啦~~哈哈
麵包、餃子我都鍾意食，特別是天熱，日間吃麵多。
回覆刪除係呀，天時暑熱多數唔想食飯，食粥粉麵就最好不過...
刪除煎餃和粥我都好少出街食,通常自己煎....
回覆刪除回應短啲希望唔阻森兄做功課和休息:P
煎餃我又唔識整，買現成的方便，但粥都會在屋企食較衛生...
刪除功課又唔需要時時刻刻都做，至於休息幾時都唔夠架啦~~~~
加油加油^^
刪除多謝你的打氣～～
刪除搞掂晒未?
刪除都總算告一段落...
刪除煮多一些飯放在雪櫃，第二日煮一煲滾水，放雪過的飯下去焗，D飯好易稔到開花，放些料下去同煮，好快有粥食。
回覆刪除用電飯煲的煮粥模式，用的時間較多。
刪除多謝秋葉提供呢個快捷的方法煲粥，有時煲粥最怕就係時間太長，至簡單煲粥都要半個鐘頭～～你的方法應該快些，呢個有機會真係要試下~~
刪除我應該唔會用飯煲煮粥，唔識控制搞到個飯煲有排清潔...
用電飯煲煮粥好慢；用爐煮要小心看火，否則滾瀉了好麻煩!
刪除我用飯以爐去煮：先用滾水焗稔飯粒，再開火滾粥及材料，看火的時間會少很多。
有時食滯想食白粥，以這個方法很好，當浸稔了飯粒，開火滾幾滾就得了。(記得多用筷子去攪動之。)
係呀，煲粥時時都要看火，所以現在怕麻煩少了煲粥食~~
刪除你個方法真的唔錯，比較容易煮，有機會必定會嘗試慳返不少時間...
或者對不適的人來講，吃白粥也是不錯的調理方法...
其實森伯都有煲開粥，所以都明白要睇火和不停攪拌，煲出的粥才會靚~~~
很高興知道你都明白~~要睇火和不停攪拌，煲出的粥才會靚~~的道理。
刪除一碗好的粥，當然要粥米開花，夠綿滑才好吃的。
相信秋葉都有很多下廚心得，有機會同大家分享，等我們學習一吓…
刪除不敢當! 網上有好幾位廚藝專家 ! 我煮食是很隨意的，根本難登大雅。
刪除如有機會，介紹一下飲食健康常識，抄抄書還可以。
你謙啫!!我認為煮普通家常菜，又冇咩需要什麼廚藝專家，名廚等…反而一般人煮開常煮的，仲有些實際經驗心得可以話給人知……
刪除我煮食很特別，不知道你有沒有見過我那篇~煮青口的網誌 ? 每一隻我都會找出髒物，靭物來清除，那是很花工夫的。
刪除生蠔有3份1都是髒物，如果是熟的，還可以不吃那些髒的部份，可是，大多數人都喜歡不煮就原隻吃，真嚇人! 怪不得有位退休的名醫生寫網誌說：很多人都喜歡吃屎。
煮蝦之前，都要挑去蝦腸啦 ! 吃生蠔，竟然連那一泡黑色髒物也照吞，真是中了外國入習慣的毒了。
刪除其實都不是什麼特別奄尖，自己親手整食物，無論自己食或是煮給家人，親朋好友，衛生是必須的，好多人要食新鮮的海產，往往就忽略清潔問題…
你都講得有道理，有次食過生蠔後便肚痛，可能真的沒有清生蠔裡的髒物，自此後對生食都謹慎了……
曾經有人吃過自助餐後肚痛不適送院，因為她吃的生蠔太多，卻控告酒店的食物衛生不足。據說生蠔的含鋅量高，所以那麼受歡迎。
刪除*
其實以中醫的食典，認為女性應該多吃藕，男性應該多吃韭。
通常在自助餐的環境當中，人就不知不覺吃多了，始終生蠔這些食物都不宜吃太多，一兩隻便夠了，生吃的食物真係麻麻地，喜歡吃弄熟的食物~~
刪除現代人吃了才算，很少理會食物含有什麼營養成份~~