以前的人一到秋天，總會諗到食臘味，正所謂秋風起；食臘味…天時涼涼地有煲熱熱的臘味飯的確好開胃，相信呢排食肆的臘味飯都好生意，因為秋意漸濃…
既然天氣乾乾地燥，就不如飲啲蜜糖潤一潤，我又很少會純飲蜜糖，多數都係配搭在其他食物上…
有人幾個月前遊完紐西蘭回來，帶來了一樽蜂蜜給我，平時又很少食到紐西蘭出產的蜜糖喎！好多時外國出產的蜜糖都係用膠樽裝，而且用深色的膠樽裝蜜糖，目的唔想蜜糖變質，驟眼睇似是有活性的麥蘆卡蜂蜜…但其實呢樽係三葉草蜂蜜，它本身唔係琥珀色，反而係奶油色不透明…今個早餐就攪杯甘梨蜜來飲飲，齋聽個名已經夠晒甜蜜喇～材料甚簡單…甘筍＋啤梨＋少許蜂蜜＝甘梨蜜，又幾好飲喎！幫森伯潤潤燥！
其實咁用蜂蜜有點兒浪費，吃不出它真正的味道…我就再用少許蜂蜜搽麵包食，發覺原來呢隻蜂蜜好香幾好味…一般人少用蜂蜜搽包，外國人就好興，這個食法才試到蜂蜜的原味道…
唔係講笑，今個早餐真係夠晒甜蜜…哈哈哈
甜蜜蜜
回覆刪除你吃得甜蜜蜜
笑得一定甜蜜蜜
咭咭咭
食個早餐啫…邊有咁好笑丫~~
刪除在這個時候最合時宜，飲下蜜糖都幾好…
煲仔飯我麻麻地,反而蜂蜜唔錯!!
回覆刪除咁森兄每天也有個甜蜜早餐都幾正喎XXD
如果天寒地凍，又撞正肚餓，有暖笠笠的煲仔飯或者臘味飯都唔錯…
刪除唔會日日整，通常在週末才可以…
我麻麻因為驚油淋淋同飯焦:P
刪除蜜糖搽麵包我都會,覺得不錯吃
我都怕油淋淋同太多醬油，外出好少點，自家整比較好…
刪除用蜜糖搽麵包唔多…多數攪果汁…
近日天氣好乾,蜜糖啱飲
刪除你唔駛飲蜜糖啦～見到呢排gael兄咁滋潤…哈哈
刪除係咪畀你潤得多囉XXXD
刪除反而想問gael兄平時搽開邊隻cream…XXXXXD
刪除阿『有人』同你關系咁疏離，都送罌唔平嘅甜蜜蜜畀森伯，好有愛喎！
回覆刪除等森伯食每啖甜蜜蜜都會感受到阿『有人』嘅温暖，朝朝早都諗起阿『有人』喎！真係暗藏緣機。
蜜糖英文係Honey，阿『有人』唔通想叫森伯做Honey。
一爺兄又好嘢喎...一講到"有人"又會聯想到咁多!!!你可以考下做編劇~~~
刪除最近有親人到新西蘭一趟，目的都係去玩吓，新西蘭大自然物資豐富，手信當然係農產品啦!!
呢隻三葉草蜜糖貴唔貴不知，亦都唔敢問啦!!在蜜糖中三葉草蜜屬普遍類...
如果嗰位"有人"想叫森伯做honey...除非黐左總掣~~~XXXD
秋意濃 情更濃。
刪除又係你話要『攪出個甜蜜』，點都要搬個honey出來先至貼題，通常森伯講嘢都好有深度同內涵，要挖掘深啲去理解， 森伯喺秋天太乾燥，兩方面都要滋潤一下，無論點都好，現在，應該都算『蜜運中』。(註解：幸運獲得罌蜜糖)
係親戚又唔寫明，令我有好多想像空間發揮下。情人都可以由外人進級到親人，親戚同親人喺意思上有些微不同。
以前最驚險係作文堂，次次落堂都差啲唔夠字數，老咗會變，反而多咗好多廢話，可能人生閱歷多咗。
做編劇人工好奀，填詞人好揾啲。
已經成樽honey搬晒出來啦，仲唔夠貼題?!!...
刪除你過獎嘞，森伯個人好膚淺，講野都冇乜深度同內涵，因為平時有見識廣博的一爺兄寫的回應，我都睇唔明啦~完全跟唔到一爺兄個level...
森伯幾時都係蜜運中，因為家中常常有蜜糖嘛...
在我眼中親戚係指姨媽姑姐,三叔公表舅父果類喎，親人係指有親屬關係果種...情人變親人...即係愛情變感情...可以好危險亦可以解讀為感情昇到另一個層次~~~~
哈哈哈...勁有同感!!!!自從寫左blog咁耐，作文寫文字真係純熟左好多，
要鬥好一篇文以前要時間去諗，而家可能半小時內已經諗到好多野發表，寫Blog好處除左識到你地一班Blog友之外，對諗野寫野都係一個得益...真森講!!!
森伯咪講梗論語:
刪除子曰：「學而時習之，不亦說乎？（常寫咪快）
有朋自遠方來，不亦樂乎？（Blog來訪）
人不知而不慍，不亦君子乎？（森伯唔明我寫乜東東）」
又畀一爺兄估中，森伯真係唔知你講乜…
刪除都話唔同你一個level架啦～～～
我都愛飲蜂蜜，出街都會叫西洋菜蜜、檸蜜飲吓。
回覆刪除咁small U成個人咪好水潤，乾燥天時飲蜂蜜最合時...
刪除啤梨＋甘筍＋少許蜂蜜 ＝ 梨甘蜜 ~ 你咁蜜
刪除唔知大夫認為,呢杯野啱唔啱森伯個阿伯體質飲呢???
刪除宜燥熱體質
刪除蜂蜜搽包，外國人就好興> 冇錯。
回覆刪除所以好多時超市都會將樽裝蜜和果醬擺在一起賣!!!
刪除甘梨蜜，個名好好聽喎，我諗都好好飲！
回覆刪除唔單止個名好聽，而且都好味，材料易搵，不妨攪番杯試下…
刪除秋天真係好應該飲杯甜蜜蜜嘅飲品黎滋潤一下。
回覆刪除秋天比較乾燥，飲些甜東西比較滋潤，你也不妨多飲些蜂蜜!!
刪除蜜糖多喝無妨，一年四季皆宜。
回覆刪除講得無錯，所以家中都會常備蜜糖…
刪除我都喜歡買定一樽蜜糖備用，蜜糖搽方包好簡單快捷，但都係搽果醬好的。
回覆刪除飲蜜糖水幾好，潤燥。
對呀~~這個時候秋風起比較乾爽, 閒時飲杯蜂蜜確是很好!!!
刪除果醬有不同水果味, 而且帶有果酸, 用來夾麵包好醒胃…
我內地表妹在賣蜂蜜，有送了幾樽給我們.都用來沖蜜水喝.平常就唔多飲.除了間中飲那些道X蜂蜜綠茶,才會飲.
回覆刪除有親戚養蜂那些蜜一定正宗啦…現在香港有很多蜜糖都係由外地運來，唔易搵到矜貴的土產純蜜…蜂蜜我會加在果糊內~~
刪除蜂蜜我中意飲, 幾乎朝朝都飲!
回覆刪除但這只牌子我就没飲過。