時下的網絡世界已經成為了我們生活一部份，生活上事無大小都會同網絡有關…工作、購物、學習、休閒、以及交友……每樣事都有兩面睇啦，有好亦有唔好，雖然對我們的生活方便了唔少，但亦都造就唔少騙徒在網絡世界搵著數…
好似近排的網絡情緣就已經成為熱話，睇資料講…今年被騙的個案比去年多，而且被騙的金額總數都有4億…聽起來都唔野少！近來有一單個案被騙的金額已有1億，唔係呀！真係好過打工，為了騙到富貴目標，騙徒都要扮專業人士，扮果樣似果樣…真係唔簡單！就算唔識流利英語又冇專業知識等都唔緊要，扮暖男都一樣得，兼且可以用假相，又真係幾易呃喎！！
最衰啦…森伯一早post了相出來，人人都知森伯唔係靚仔果類，搵另外D靚仔相冒充又唔得…兼且森伯目不識丁，扮有學識又唔多似！唯有揀扮暖男噓寒問暖……哈哈哈哈
局外人可能會問…事主點解會咁蠢！咁都信！！…有時都幾莫名其妙，未見過的人都可以貿貿然畀錢佢，不過正所謂當局者迷嘛…呃錢仲要呃人感情都幾唔要得，就好似買了假食材，大費周章搞一大餐，到最後成煲野唔食得，仲要蝕埋材料錢添…雖然同情苦主，但防人之心都唔可以沒有！！
局外人可能會問…事主點解會咁蠢！咁都信！！…有時都幾莫名其妙，未見過的人都可以貿貿然畀錢佢，不過正所謂當局者迷嘛…呃錢仲要呃人感情都幾唔要得，就好似買了假食材，大費周章搞一大餐，到最後成煲野唔食得，仲要蝕埋材料錢添…雖然同情苦主，但防人之心都唔可以沒有！！
唔係喎....森兄靚仔又有學識兼係暖男,絕對係超級筍盤XXXD
回覆刪除其他嘢都係見仁見智啫...唯獨你話森伯係暖男,咁就唔係啦...真實森伯cool到爆~~仲唔騙到gael兄…XXXXD
刪除我諗cool就一時時啦.....森兄對好多blog友都好熱情嘅wakakakaka
刪除Blog上的森伯同私底下的性格唔多同…
刪除Really~~~~
刪除哈哈...
刪除男士最吸引之處是有學識兼係暖男，把口浪過油，加埋靚仔，就殺c人唔見血啦啦啦啦啦啦啦！
回覆刪除就係有學識才會使人減少防衛心嘛，總之太過甜言蜜語，又太過把口浪過油就應該要注意...可能被騙~~
刪除我真係識個中年失婚婦差啲畀人呃到錢，好彩有姊姊兄弟苦苦勸阻，真係未見過對方，只靠喺fb上聊天就相信呢個騙徒，我淨係諗到句：『愛情係盲目嘅。』 墮入愛河真係會令人變白痴，乜都信晒『愛人』，搖晒頭。
回覆刪除所以話有咩事都要同人講，起碼旁觀者可能比較心水清，發現有問題...好在懸崖勒馬減低更嚴重的損失...
刪除話明當局者迷嘛...當一個人全心全意去投入，就會樁個頭埋去架嘞~~~
仲諗住全心全意投入去睇森伯嘅歪念，被森伯騙了感情。😢
刪除哈哈，咁你想睇森伯啲乜嘢歪念呢??唔算呃你感情，頂多呃你好奇心啫…
刪除聽到令人興奮到脫褲子嘅歪念囉！特登咁寫，要令森伯好尷尬，我就偷笑。
刪除尷尬?!!...興奮會脫下褲子，咩邏輯思維??興奮應該會開心到跳起或者彈起...
刪除Why 念﹖
回覆刪除為甚麼會相信一個陌生人，對他念念不忘，千依百順，要問當事人才知！
其實我都覺得不可思議...素未謀面的人都會起防範心，還不停要錢?!!...你估係銀行提款機咩?!!~~~
刪除騙徒在海外的話，報了警都不易捉得到的。
回覆刪除係呀，如果騙徒係海外人，真係輸咗都冇仇報架!!!!
刪除歪念...不正念
刪除正思維....…
事主點解會咁蠢....
事主都是歪念...
人總有歪念，若然是小歪念就無傷大雅，大歪念就要顧後果…
刪除不以善小而不為
刪除不以惡小而為之
人無有歪念，有歪念就要顧後果…
小莫小於水滴.......
大夫我們只是普羅大眾，總會有些小歪念...小就無傷大雅,大就唔好嘞！~~
刪除呢啲手法跟做生意一樣，一百個一千個唔幫襯唔緊要，如果有一個肯落疊就已經很好，呢啲就係叫本少利大！
回覆刪除我也試過有「女性」網上認識我，開頭有很多嘢問，但當我講有溫暖的家和上了年紀，她便即時沒再和我聯繫了……
你個比喻都幾貼切，不過要搵一個富貴的目標都唔係容易，聽講D騙徒知道有些交友網站有些富貴人聚腳...
刪除你講果位女網友又幾現實喎，有時都唔排除有些寂寞的心真係想交個伴，未必係想騙網友的財~~
我都想有人畀錢我.
回覆刪除你有就唔好再貪多喇...哈哈
刪除「網上情緣騙案」，真係越演越烈! 竟然有個富婆被騙一億元! 騙徒向她借錢借了很多次，次次都有還，唯是最後一次失了踪，被騙高達一億元。
回覆刪除現代離婚的人多，女性怕寂寞，又愛面子，老想找回另一半。有學識、有財富的女人在網上見到啲鬼佬相，以為他們的學歷和照片都是真的，這樣就中招了。
你都知道呢單新聞，來龍去脈就唔清楚，原來騙徒係有借有還架!!!留到借最大數目時就玩失踪…騙徒呢招真係高手~~~
刪除好多呢類案件，事主都離不開寂寞，情感無依靠才容易被騙，或者凡事不可急進，正所謂日後見人心，待時間去印證一個人才是!!三唔識七要到錢真係要三思…
我時常看滾筒式的新聞，又看雅虎上各報的消息，他們都有警方的資料提供，來龍去脈就是這樣來的啦。
刪除哎! 富婆有的是錢，她以為幫一個心上人啫，點知嗰個係騙子，呃走一大筆就失踪啦。話之妳啦，噉鬼易呃嘅。這邦騙子重精過陳振聰。
可能呢單案件被騙的金額巨大，所以都幾大件事~~我相信若果看報紙就會有更詳盡報導...
刪除我相信個騙徒都處心積累，既然有大魚上釣梗係要逐步逐步慢慢來...
你唔提起陳生，都唔記得佢都算係當中的佼佼者~~~
伺候太后的人，自然都有一手，陳先生憑藉風水吹噓，就吹來那麼多的銀両，數以億計。看來，男士們多去學學風水術數，就可以找到金山銀庫了!
刪除能夠打開人家心扉，都要有一個話題才能夠繼續下去…初時以為，睇風水睇相搵著數係舊橋，但時至今日仍會用得著…所以話橋唔怕舊，最緊要係有人接受…
刪除今天上網找到陳在維基的資料，看到陳的言論很有趣! 最後的終極敗訴被判囚12年。他已經得到襲生前的7億多元了，還要爭奪其餘的遺產，真是太貪心了!
刪除雖然囚十年左右就得到好幾億，但人的名聲就完全沒有...值唔值得就在乎自已點睇~~
刪除今次就係衰在太大貪念，畀著其他人得到一兩億都已經收手隱居啦~~~
香港都有,貪好奇玩交友APP,有些男士騙女士去做美容,再叫他們買美容療師,差些去赴會.所以現在都刪掉那個APP.好恐怖.那些男士會說自己很孝順父母.因為工作很忙.又曬名車.名樓.又個個打扮成韓星.
回覆刪除阿U，那些交友網很複雜的，不要好奇去冒險呀!
刪除阿U：
刪除相比之下騙吓美容療程就已經唔算大單，不過被人呃去金錢都好唔值，好唔抵...
無論什麼人去玩呢類筊友App真係要額外小心，一唔好彩好易被騙徒有機可乘~~~
通常呢類騙徒實包裝到好好睇睇，等人上當...
秋葉 :
刪除認同你的講法，上交友網識朋友真係要小心...
森少: 實在抱歉先你回答阿U，好像有點喧賓奪主。因為知道她的生活比較寂寞，有點焦急她會好奇去走動上當。
刪除唔駛客氣啦秋葉，都係大家在一個話題傾吓偈…我諗阿Ｕ自己也懂得分析好與壞…其實很多港人雖然生活忙碌，但有時候心裡都會有寂寞感，所以搵些嗜好調劑吓都好架…
刪除我已沒再玩那個交友APP.因為連續遇上三個都是那些約出去做美容療程.我試過一次出去過,好在對方沒出來見面地點(因為我說我不做療程).反而我在目的地,白等了他三十分鐘.
刪除我也沒金錢損失.只是玩這些APP,都是小心.識朋友還有別的渠道.
有時在網上去認識人，可能真係要多加留意…一有利益關係就更加要小心～
刪除都市人時時都聽新聞，應該個腦袋會醒目一點吧！！
有時被騙的未必是蠢或唔醒目，反而是缺乏身邊人提點關顧，至可令騙徒乘虛而入，問題不單是金錢。
回覆刪除你已經講出個問題癥結，人最冇防範的時侯就係心靈最脆弱的時候…就好似呃長者的祈福黨一樣，一有人話可以畀錢幫佢屋企人祈福就會中騙子的計…
刪除所以多關心身邊人是應該的。始終呃一萬幾千，十萬八萬的，都仲可以話當買個教訓，有時一些商家企業平台也是一流騙子，呃嘅可能係時間精神同希望，尤其當科技越進步！
刪除係呀，關心身邊人好重要…
刪除在騙子的角度看…想呃就係金錢，但在被騙者的角度來看…呃的除了金錢，還有情感和虛無的憧憬…
常常聽人講科技越進步，人的心可能越空虛，某程度上來說都是對的…