大家又唔駛咁驚慄…放森！當然唔係真正森伯的換衫公仔啦~~
只不過係Q版森伯啫！相信大家都唔會抗拒…哈哈哈
時下興懷舊，舊有的一事一物都變為有價值！價值在於新不如舊?!!舊的比新的好?!!又或者只是緬懷昔日情而已…
有日無意看到一個討論區，見有人發題問：現在還有換衫公仔紙賣嗎？！其後就見有人回答有些地方仍見到…我諗可能在一些舊屋邨的舊式文具舖仲有，其實呢款紙版換衫公仔大家又有冇見過…記得以前仲有種紙飛機，用個長方形的紙袋包裝，裡面是紙飛機的紙組件，很簡單容易就砌到隻飛機，相信都係幾經典…
兩樣紙玩意都是用紙來做，但對當時的小朋友來講也是個好玩的玩意，直到現在更變成經典的回憶，森伯記得不知睇什麼懷舊展覽亦有見過…
睇下呢款Q版森伯的換衫公仔，又唔知會否鈎起大家不少回憶呢？如果你話冇，就可能係…少年你實在太細個喇…
背心+孖煙囪…麻甩版的換衫公仔好少見，算是懷舊得來又有少少創新～～哈哈哈
森兄,俾你一講我就諗起好多好多童年嘅玩意,真係講都講唔曬,當然也包括這種穿衣服公仔,但我記得卻以女版的多,男的就好似冇!
回覆刪除其實每逢講開細時的玩意，真係可以有排講，而且又易令大家鈎起好多童年回憶...
刪除所以我咪話Q版森伯係創新的男裝版囉...
我玩過啦！森源設計的男裝巧靚靚！但冇鞋嘅？！
回覆刪除多謝你讚賞森伯，都係以懷舊款設計，平時Ｑ版森伯唔著鞋～哈哈
刪除玩具都有分男女架。
回覆刪除換衫紙公仔係畀女仔玩扮靚靚，梗係得女裝啦！男仔都冇乜興趣玩呢啲，就算肯玩都會畀人笑到面都黃，男裝市場唔大。
紙飛機我又冇乜印象， 咁我一定後生過森伯，哈哈！上載張相片畀我睇下，等我恢復吓記憶。
記得係用發泡膠砌機，用條橡筋上鍊。
其實以前的玩具，啲小朋友想玩就叫父母買來玩，都冇話分咩男女玩具...只係分貴與平啫～
刪除笑到面黃咁慘...唔係女仔玩女裝版，男仔玩男裝版咩?!!從小訓練佢哋衣著的品味，服裝的配搭嘛...哈哈哈
我幾時都話一爺兄起碼細過森伯三四十年架啦...
呢款就係我講的紙飛機，如果有機會見到以上兩樣我都會買...
http://mypaper.pchome.com.tw/ktv122634804/post/1325078843
唔係紙飛機係用更輕身嘅發泡膠薄片造架，仲想認細都唔得。
刪除細過森伯三 四十年，應該未出世。
幻想中 背心+孖煙通 嘅森伯 會 好似 彭于晏 咁Sexy。
可能太耐了，我都記得又好似薄發泡膠質地，或者一些舊屋村的文具店仲搵到~~~
刪除咁咪好囉，阿一爺兄仲咁後生...真係羡慕!!!!
你真係幻想力豐富，森伯邊有彭于晏咁有型高大靚仔丫...我夠諗一爺兄似羅仲謙嗰類咁陽光feel啦~~~~~
背心+孖煙囪…麻甩版~~不是呀，是街坊裝。我細個時好喜歡玩這個玩意，同好靚的女仔換不同的衫，同朋友仔一齊玩扮去街，真係好開心。反而而家的細佬就少左這點樂趣。
回覆刪除背心加孖煙囪唔算街坊裝，因為好少人會咁著出街買麵包，通常麻甩先會在家附近咁著...
刪除對呀, 現在的小朋友對手機, 電玩多~~可能時代改變了~~
換衫紙公仔有玩過.
回覆刪除近代一啲我買過Simpsons嘅磁石換衫公仔.
咁經典的玩意相信好多人都玩過…
刪除用磁石黐仲好啦，卡通人物都好似見過…
我反而幾鍾意你喱個背心+孖煙囪造型喎.....^0^
回覆刪除一到夏天好多麻甩都咁著架啦，乜gael兄未試過咩?!...哈哈
刪除喱幾日成廿七八度,都可以咁著啦XXD
刪除聽聞話今午會去到廿九度...周末又會涼返~~暫時唔敢著住...
刪除懷舊展覽
回覆刪除經典回憶
兒時玩味
刪除集體回憶...
換衫紙公仔有玩過，仲畫過一、兩件衫。
回覆刪除呢種咁經典的換衫公仔，相信好多人都玩過...
刪除如果夠創意仲可以畫一些公仔衫~~
款式可以隨意配搭，玩嘅時候好有時裝設計師嘅感覺。
回覆刪除有時玩具都可以啟發小朋友的創意或潛能...
刪除至少玩之餘仲可以動吓腦筋~~~
呢排經常睇蠟筆小新，成日覺得森伯個Ｑ版公仔有少少似小新個爸爸野原廣志。😁
回覆刪除邊能夠跟動漫大師的畫作相提並論...
刪除每個畫畫者都希望有自己的特色或風格…
有小小建議, 森兄可否加上手提電話等新元素, 如iphone, ipad, 而電話又可加上, 各式各樣電話套等等. 乎合現代社會!
回覆刪除最主要換衫公仔都以服裝為主，邊有咁多其他物品…況且Q版森伯都冇咁多科技東西隨身啦…本身就係脫節架啦~~哈哈
刪除