相信送禮大家在過年時候都送唔少，其實而家去一趟超市或者便利店都有很多選擇，送禮畀親朋戚友都唔算難，送禮都不外乎朱古力、曲奇餅等小食…送食物基本上都冇錯，人人都鍾意食啦…我覺得反而送用品，未必人人合用，所以送些大路的食品基本上都冇咩唔啱…
平時都收人唔少小食利是（你話森伯幾細個仲逗人利是…XXD）之類，趁新年呢個時候都係還禮的好時機，既然一場去到超市買禮盒朱古力，都唔爭在買少少食品還禮，一向有選擇困難症的森伯，左諗右諗，左度右度送咩最好…其實送畀親戚友人好易，通常可以買些大方得體的禮盒包裝，但送畀同事唔通買一罐二罐餅乾朱古力…太勞民傷財～本來想送些健康果仁類，但當日見就唔係咁新鮮嘞…最後又畀森伯發現到一樣唔錯的選擇，輕巧得來又唔貴，少少地又唔失禮，又可以當為健康飲品又唔駛食滯人…簡直perfect！
之唔係顆粒沖劑，是關小食有好多人都怕食多會肥，而沖杯野飲大家都好接受，而且花款多多唔同人送唔同口味都得，對森伯來講算係幾good的選擇！！
森兄,在我剛剛回紐西蘭的時候 過節以為買樽紅酒或白酒就一定係人都啱,誰知就有一個朋友話我都唔飲酒嘅! 另外,又試過好似你話買啲曲奇士呀餅乾之類送畀人,誰知左轉右轉後我又收番之前我送出嘅禮物,你話係咪好搞笑?( 因為我住呢個小鎮,唔係好多家中國人㗎咋!)
回覆刪除可能文化唔同，又好少諗送酒畀人…尤其親戚！通常可以送酒的多數老闆，或有生意來往人士…其實有時港人送禮送來送去都係嗰幾樣，撈亂晒再收番自己份禮品都唔奇，有啲人換過張花紙又送畀第二個，心意就完全欠奉，雖然搞笑，但真有其事...
刪除其實恕兄整嘢食咁叻，過年時炸少少角仔，笑口棗用來送禮都唔錯，起碼唔會轉來轉去又收回來…
送斤元肉
刪除四兩菜葉
送禮自用
仲平靚正
呢類送畀大夫就話可以啫，但一般人未必會喜歡...
刪除原來你有回禮嘅習慣㗎。
回覆刪除收得人的東西多，唔畀番人會唔好意思……
刪除懂回禮 好有教飬。
回覆刪除唔怕人家好似你咁，收咗好多唔啱嘅禮物都係放喺公司櫃桶底直至過期，喺過年前大掃除，一次過扔曬佢，諗起送禮就頭痛。
我係同父母同住，所以啲阿哥阿姐都返屋企拜年，以前都係買傳統嘅 賀年禮品黎，明畀商家斬到一頸血好唔抵架，啲禮盒整到好大盒又精美好好充撐場面，其實裏面得好少嘢，個紙盒或鐵罐又好唔環保，啲嘢又唔啱父母食，得我一個人食晒又或者轉送畀人，我咪 好唔禮貌 咁 喺家庭群組 裏寫明要 乜新年願望，話想年初一真係會心想事成，自己人嘛當然好真誠 坦白唔轉彎抹角，唔想屋企人 嘥錢， 果啲都係冇乜牙老人家平日食開嘅，適當用錢買到最適當嘅嘢食，滿足佢嘅真實需要，係同賀年禮品沾唔上邊好似怪怪咁，而且，我又唔使食啲咁唔健康又搞到我大肚嘅食物，一舉多得，何樂而不為。
回禮都係傳統習慣啫…所謂禮尚往來嘛~~
刪除其實收唔收落櫃桶底真係好睇是什麼禮品，少少哋幾粒糖當然唔食住，如果係一盒糖果多數驚過期，冇幾耐就打開食咗去…所以一爺兄如果送禮畀森伯你都識做喇…XXD
過時過節係商家搵銀機會，實會貴啦～過年前買定或去一些小商舖買可能經濟少少，聽你咁講其實大家親人可以三口六面話要乜，都唔算冇禮貌，因為你送禮畀人都係想人食得用得開心啫，到時唔駛送到一大堆禮品又食埋太多唔健康的東西嘛…我都有留意呢點，今年買畀長輩親戚都係送些大盒又精美，但裡面應該又係少少嗰類，大盒較為大體，裡面少少就係唔想年長親戚食得多，少少哋大家食都冇咩問題…
我完全贊同你的睇法，送禮都係講心意，最緊要就係啱唔啱對方，至於送給同事，友人等就隨意得多，多數送健康小食或健康沖劑…
good try :)
回覆刪除多謝May May的到訪, 這些該是不錯的選擇…
刪除森伯其實我係OLD YAHOO BLOG 友, 睇怕森伯已忘了我了 :)
刪除你咁講又有少少印象, 你是舊博友May嘛?!!......
刪除真係好耐冇見, 有時間常來update吓近況~~~
「回禮」......我都逗左好多年利士，今年都開始有想過這個念頭，不過都覺得唔知買咩好﹗有想過買彊茶，又怕有些人唔飲﹔有想過買排裝的糖，又怕有些人笑我派糖(哈哈)，最後暫取消這念頭。你的禮物都係一個好提示，出年會考慮。多謝﹗
回覆刪除係呀…其實諗送咩禮有時都幾傷腦筋，又唔想太行貨…如果唔係親戚好友，其他人就可以隨意少少，薑茶都唔錯，不過就未必個個人都適合…最好送一些平和的茶都幾好，有些花果茶茶包，基本上人人都適合，而且一包都有排沖…哈哈
刪除唔駛客氣，覺得唔錯所以同大家講吓…
係喎，花茶更好﹗
刪除花茶都未必個個啱…果茶應該會好啲!!!!
刪除相信在同事們心目中,森兄的健康飲食形象已經好深入民心了吧^^
回覆刪除其實我在公司又好少講有關健康飲食嘅嘢，係blog先講得多...
刪除未飲過這種茶.
回覆刪除好耐冇見...有時間就多啲來探森伯囉~~~
刪除行過超市見到買來試吓~~
送茶包都幾好。不過沒得充飢。有一年有個親戚明示叫我送某個名牌子的朱咕叻。
回覆刪除好多人食零食都唔敢食太多，飲茶好啲~~
刪除親朋好友大家講明要乜最好，唔會送錯禮...
呢的比較實惠,不過自己飲,買龍眼肉紅棗自焗好的。
回覆刪除呢類沖劑好少買來自己飲，多數送禮...
刪除如果自己飲自己整好啲~~~
森兄做人有情有義, 新年大送健康森茶. 親朋飲過, 藥膏藥油都唔洗搽!
回覆刪除KK真係好誇…哈哈哈
刪除只係送少少嘢畀人都唔係咩有情有義…
呢類沖劑未必講得上好健康，不過比朱古力，糖果好~~~