自從電子產品的普及，要影相真係隨時隨地乜都映得一餐，回想以前映菲林相真係會隆重少少…一幢菲林數目有限，每一張相都會諗真先去映，通常有咩特別事情才會拎部相機出來影，而映出來的影象都要等到沖曬完才知道映得好唔好，所以每次映完相都會有種期待感…
映 相…
森伯伯從未擁有過菲林相機，首次買的相機都係數碼相機，正確來講都未感受過每張相都要諗過度過先映的時候，不過菲林相對於好多人來講都係一個集體回憶，菲林相機現在都可以買到，但又未必多人會買，而買的多數係攝影發燒友，至於一般普羅大眾（森伯都係…）用數碼產品會較為方便…
擁有的菲林相底已經成為一種有紀念價值的珍藏…
晒 相…
映相方便了，所以有一些值得保存的相都會拿去沖曬，或者已經有人覺得放在電腦手機看看就算…仲邊會去曬相咁麻煩呢～而我要沖曬的相唔多，以前好多地方都有沖曬店，家中附近都有間小型曬相檔，但維持不久就關門大吉…所以而家曬相都係幫襯呢間連鎖曬相店…
睇 相…
可能森伯個人喜歡實實在在，點都要有些相片拿在手上慢慢睇先得…用螢幕去睇雖然畫面靚少少，但唔會睇得好仔細，通常納納就算，除非要執相…
老人家喜歡懷緬過去…閒時拿些相片睇睇都可能係一種樂趣… 因為有好多相過了去就冇可能再映過，就好似2017年的森伯同2018年的森伯都差啲啲啦…哈哈哈
作者已經移除這則留言。
回覆刪除邊似得kaka啲後生女咁好記性…唔記得嘢都係其次…
刪除最主要係心裡面嗰十幾廿條皺紋又多咗啫……
相睇…睇相face…映相…晒相…睇相photo…
刪除大夫去郊遊時, 有冇影吓啲靚相呀?!!
刪除郊遊有時影相
刪除不太靚
下次搵埋KaKa幫你渣機嘛…佢啲相有番咁上下~~~
刪除作者已經移除這則留言。
刪除龍友邊及KaKa咁了解大夫最靚嗰一面呢?!!...哈哈哈
刪除作者已經移除這則留言。
刪除作者已經移除這則留言。
刪除心裡面定臉上有皺紋對森伯伯來講都冇乜所謂啦…
刪除只係KaKa嗰啲後生兼靚女先介意啫~~
就算光著頭都可以一樣好型…
「佢個頭應該係最靚嘅一面……」有知音人識欣賞就更加好喇~~哈哈
有ka ka欣賞就更加好喇~~哈哈
刪除大夫都講到出面,都係想KaKa會意到~~~~哈哈哈
刪除我有用過olympus的菲林相機,識得拆開菲林好小心攝入去佢個扣,要扣得緊卷菲林先可以捲得郁!
回覆刪除2018年的森兄同1998年的森兄應該分別不太大,因為keep得好^^
Gael兄有部名廠的菲林相機，相信十分有收藏價值…如果叫我入菲林相信都唔係太識，以前影完相要好小心攞卷菲林出來，原因怕走光…相對現在數碼相就冇呢啲問題…
刪除邊有Gael兄講到分別不大咁誇呀…Keep唔到都冇辦法，都盡晒人事…
果架相機在十幾年前去馬德里旅行時畀人偷咗,自始就無再用過菲林機了!
刪除數碼相機方便,但菲林相機正如你所說,有種神秘的期待...XXXD
森兄懂養生之道,我諗應該比同齡人士keep得好
咁咪好可惜…?!!唔見相機兼且裡面的旅遊珍貴相片…相對現今數碼相機真係方便好多…就算未曾曬出來都可以略知幅相的模樣~~
刪除咁我又唔知是否同Gael兄都屬於同齡人士，但估計都係同年代卦～哈哈
係啊那次旅程大部份的照片都無晒啦,因為馬德里差不多時尾站了
刪除wakakaka....咁森兄一定keep得好過我好多吧
下次再去馬德里影過囉…
刪除唔可以咁講Keep得好唔好，見過真人先可以作準嘛~~~
係以前影完相等攞相嘅心情係未好心急呢？
回覆刪除其實又唔可以話心急，不過都會期待影得好唔好…哈哈
刪除眼矇矇睇到森兄寫『相睇』。
回覆刪除17、18差啲啲……森兄靜雞雞年假去 咗 韓國微整形……拉面皮。
以前參加旅行團，會約團友出黎飲茶睇相，借啲意識女仔。
睇相…變咗相睇~~~對眼唔係矇成咁呀?!!...
刪除去完韓國整過仲差啲啲…起碼都成條街啦~~醜男變俊男嘛~~~哈哈
係呀…以前啲人好多時都話約埋出嚟睇相，曬完相睇翻又講吓都幾開心…不過我未試過喎…
整過籠咪唔同護照幅相，當你用假証偷渡、監禁嚴查，都好大鑊。
刪除太多實體相片要保存都煩惱
整過籠要好大工程…唔會卦～到時要影過晒啲証件相仲麻煩，可能就嚟換新的身份証，呢筆可慳番…哈哈
刪除現在曬的相片有限，保存都唔會佔太多空間…
拍菲林的年代好得意，拎菲林相底去曬的心情又祈待睇相又心急，當看到曬好的相片時候，失望多過開心。
回覆刪除哈哈哈…我都覺得係失望多過開心！！！！
刪除因為以前要到曬完相先睇到張相的效果，唔似而家數碼相可以睇完先揀去曬…呢樣都係一種科技帶來的好處…
玩菲林相機，我諗我在十歲左右已經玩過了。
回覆刪除因那時我有個表哥是做地盤工頭搵到錢，他擁有很多貴重的東西，比如雙鏡反光相機就是，聽說雙鏡還比單鏡專業，是關菲林都不同，是120菲林而不是135菲林，120的尺寸大很多，所以影出來的相片效果也會很好！
通常玩菲林相機的朋友都玩得好專業，又會講究相機的質素，又可以換吓啲專業鏡頭，所以有好多高級鏡頭都好貴…菲林相機以前老豆都用，唔係有咩節慶都好少機會見到，更加唔會拿來玩…到而家買部DC仔畀佢用，部菲林機先唔用咋，不過以舊式DC仔來講都算好襟…始終老爸唔會時時用…
刪除多謝恕兄的資料補充，我完全唔知菲林都有尺寸之分…
森伯冇用過菲林相機,咁我用過咪叫人瑞？
回覆刪除我絕對唔係咁嘅意思…而家仲有一班擁躉鍾意玩菲林機，話佢拍出來的相片有感覺喎…
刪除ykk中學時(60s)已經有影相了,因同學仔有部海鷗牌boxer相機,時時同我們拍照, 他那時家住大圉, 而大圉當時是鄉村,只有木屋和農田. 每當放假時我們便去探訪他, 當去旅行也 :)
回覆刪除相信講起菲林相機都會鈎起大家唔少回憶，我哋細個有咩旅行，去公園都係靠部菲林相機拍低好多童年回憶，每次人影相時都會講影好啲啦，唔好浪費菲林呀…反而對每一次影相都會著重了，現今就可以幾秒映幾十張快拍，真係今時唔同往日…
刪除雖然現時唔多興曬相，但有時印十張八張回味一番，也是樂事!
回覆刪除我都係架~~映相唔多, 但將最好的才會去曬, 將來睇番都係一種樂趣~~~
刪除我自己就好耐好耐冇晒相﹗但係學校會繼續為學生影相及晒相比佢地留為紀念，雖然係收番佢地錢(超平一張)，我就覺得好有意義，第日佢地大個睇番都會好開心。正如你所講攞住睇感覺是不同的。
回覆刪除係啦，我諗而家真正曬相的人不多，通常有什麼活動節慶,旅行才會影些相來作留念！！呢個當然啦，用部電腦或手機睇都唔同有一張張相片的感覺，而且要親筆在相後寫返個拍攝日期，令到張相都充滿人性化…
刪除照片真是會留給我們很多珍貴而難忘的回憶。我讀書的小時候，姐姐已經出來工作了，她有一同事是拍照的發燒友，最平那部相機都要成千元，很慷慨的借給我們去拍照。後來我為姐姐周圍去拍了很多照片回來。
回覆刪除認同，有相機就能保存很多寶貴的回憶…當時的相機有些都十分貴重，你姐姐的同事的確很慷慨，有時借給人的東西，都怕會有些不能意料的事情發生…
刪除若果現在還用菲林相機，相信大家的網誌都冇咁多相片…
聽說以前喜歡拍照發燒友，都有一句老話：“相機如老婆，概不外借!”
刪除就是恐怕有所損毀。 都是很信得過，才會借給姐姐。我們當然都會很小心的使用，不會有失。 如果現時用的是菲林機，當然不會見到什麼都去映一餐啦。不過以前確是儲埋好多膠菲林，恐怕今天已經成為垃圾了。
當然信得你們才會借給你們用，起碼不是粗心大意的人嘛...以前菲林相底都會用一個鐵盒妥善保存，會諗總有日可能會重曬，不過好多相都唔再曬多一次...幸好我的菲林相底不是太多，所以收藏也不用太多空間...
刪除你可以睇睇你的膠菲林，有珍藏價值就留低，閒雜相就棄掉，以便收藏～～
90年代還有很多的菲林相底，但同時把很多照片放在電腦的檔案裡，要看也上電腦看了。當然這些又怎及得拿一張相片來得親切哩!
刪除現在用手機拍照太方便了，幾乎忘記了菲林曾經帶給我們熱切期待的心情。現在我偶然也有把手機裡的照片，走去店舖選制成相片的習慣。
就算家陣想影啲菲林相，菲林都唔係容易買，可能要到些專門買攝影器材的地方才搵到…
刪除現在能攝影的電子器材多了，我每隔一段時間就要睇返有咩相要曬，加埋一些團體相，曬完相仲要分派各人等…
選曬好照片之後，分發給各人留紀念，無論是私人聚會或是公司的團體照，都很具有紀念性，相信人人收到都會歡喜吧。
刪除通常都係家庭聚會的相片多，至於團體相就多數將相片電郵到我們每一位，喜歡的就自行曬…如果一大班人影的相要逐張曬來派，仲得掂咩…哈哈哈
刪除森少說得對，揀相和分派照片的事，確係幾煩。以往看大量相底、揀相和分相都慣了，現在沒有這個必要，好多了。呵呵...
刪除現在要曬相，通常最低消費都要十張八張，所以要揍夠數先有得曬，只要團體相再加多幾張才會走去曬…基本上都唔係太煩~~~
刪除現在有電腦幫忙，揀相都容易得多了，邊樹有照光看菲林相底咁麻煩吖!
刪除現在晒手機相，係不能只晒三兩張0架。
係呀~有電腦幫手處理相片真係好好多，若然熟悉軟件的運用仲可以執一執張相…
刪除通常都會儲夠先攞去曬～
我拍照絕少用到閃光燈，也不會去學執相，連最簡單的加花邊框也沒有做。可以說是懶，也可以說是崇尚自然。我覺得天然就夠了。
刪除我又係唔用閃光燈，可能唔識調校，影出來幅相爆晒光…
刪除相信秋葉都唔駛學執相，幅幅相都影得清麗可人，想執都冇得執…所以秋葉絕對懶得起…
十分感謝讚賞! 個人拍的照片都算過得去啦。不過講到話：「想執都冇得執...」噉又誇一啲! 人家用單反調較焦點與光圈，真係好專業架!仲識得做埋後期執相，真係靚好多架!
刪除都係自己懶，自己看得過去就算了。難得森少都話影得好，我老懷安慰啦。
講得對呀！！人大了對很多事物都唔會太執著…過得去便算！起碼人會舒服點…影相似好簡單，其實都係一門學問，要專業要有水準，都要下些功夫才可…
刪除哈哈，唔駛講到老懷安慰…明天又係新一天，人生仲有很多東西未學仲係小朋友階段~~
哈哈! 咁我唔學咁多東西了，一於返老還童，越來越年青。
刪除拍攝的技巧，不是單靠一部長短火大機便可以，還得要學上很多技巧的。
自從有了自動對焦，自動測光的所謂傻瓜機，對於只為拍攝紀錄的人來說，是來得輕鬆與自然! 大機的重量實在是個不輕的負擔，我甚至連小型的數碼相機也沒帶了。手機太方便了。
唔得！一定要學，只擁有細路的心態才想繼續學習…
刪除我現在都係用數碼傻瓜機，易用易掌握，按個掣就可以映相～不過自從手機的影相功能高了，好多人都已經用手機拍…
係喎，係小朋友先至咁有好奇心，樣樣都想去學。咁我想唔認老都唔得啦。 我的數碼相機拍過了，要另外回去過落電腦儲存。
刪除手機就可以一路拍，一路飛去家中的電腦，好方便。所以連數碼小相機也懶得拿了。
而家好多人都懶得帶多部相機仔，通常手機已經可以拍出高質素的相片…
刪除