對於一個想：活到老；學到老的老人家來講，業餘進修都真係幾吃力，尤其森伯果類成日左痛右痛的人，仲諗去業餘進修，真係好似一場大挑戰～
其實呢個課程本身係喜歡，因為喜歡先會容易讀，起碼讀書壓力都少一半啦！亦有感呢個課程對工作、對興趣有實際作用，所以就算吃力都想去試試…
直到返學前，都辦了很多很多的事情…詳細就唔細講嘞！！總之唔易…
馬不停蹄的節奏對森伯來講，都未必係一件易事，所以呢個時候，可以爭取到時間抖抖就要休息，因為勞累都可能會誘發痛症，就因為這樣無形的壓力都唔少！！一個星期唔係返工就係返學，唔係放工就係放學，唔係做工作就係做功課，所以都幾充實，呢種情況仲要維持以後好一大段日子…諗下都唔知能否捱到讀完…
嗱！我唔敢話多，相信都總有一個、半個博友會錫住森伯伯，所以唔常常巡博都要請大家見諒，有留言者就去巡啦！！因為少了活動，都怕冇乜東西可以寫，能夠維持一周一博已經好好…
有時進修要考慮的時間、金錢都是其次，最主要是否有一顆認真的心去讀書，現在不去讀，到將來老了更加沒有動力去讀，所以進修都要講Timing，就好似現在上堂，眼見個個同學仔都係０靚仔０靚妹～因為我初時都以為有些中年人士會讀…不過無論如何都希望可以順利完成呢個課程…
每次返到學校都好似玩迷宮咁，成日要搵唔同的課室…一來老人家冇記性，二來可能仲未適應…
森兄加油,又要返工又要返學真不容易,但既然話係啱你興趣又對工作有幫助,咁都好值得投資多點時間,希望森兄學有所成,有時間先去巡blog^^
回覆刪除p.s.森兄多啲同鮮肉同學仔相處,或許人也會更年輕wakakaka.....
多謝gael兄...攞工餘時間進修真係幾辛苦架，但公司體諒...至於值唔值呢!!!都會不時問下自己...當為為興趣就讀得自在一點~~
刪除其實睇人的Blog時間唔太多，反而要諗寫咩回應就用點時間...你知森伯唔會交寒貨...
森伯呢類講心境，覺得自己係細路仔咪年輕啲囉...
成日左痛右痛的森伯，
刪除工餘去業餘進修，
真係認真
大夫幾句珍言…說出我整篇Blog的主旨，
刪除咁大壓力下都為求順利完成學業…
做到老學到老^_^森伯加油﹗
回覆刪除多謝, 都係盡人事喇~~
刪除『認真』男人最有型。催旺桃花，發展校園情緣。
回覆刪除唓!!!!型就型啦,邊有分認唔認真架...哈哈
刪除你估森伯仲係十六,七歲咩, 校園情緣...你煲得劇太多嘞~~~
我係話:森伯平時都好型，『認真』專注時就更加型啦!😁
刪除所以，嫩口教師畀成熟幽默嘅森伯吸引著，期待襄王有夢。
森伯有自知之明…個人唔型唯有靠認真做事搭夠~~哈哈哈
刪除我講啲同學仔嫰口啫！平時森伯好含蓄唔乜講嘢架～
而家係認真返學唔係玩玩下！！
森源 加油呀！
回覆刪除多謝 stella 鼓勵!!!
刪除加油!加油!
回覆刪除謝謝，盡力做喇~
刪除開頭見到個標題寫著[認真]兩個字,我就諗唔知森兄想講乜?
回覆刪除不過我有聽過香港一句話,叫做[你認真就輸了],其實係乜意思呢?
乜恕兄平時覺得森伯寫嘢好唔認真?!!...哈哈
刪除係呀!!其實(認真便輸了~~)大概話一個人如果對某件事太執著,又得唔到預期效果, 咪咁意思囉...
相信你一定可以應付工作與功課！
回覆刪除我應該可以，但我驚我副老骨頭唔可以啫…
刪除森少噉勤力學習，相信點都會學有所成嘅。成日左痛右痛，都幾濕滯吓!
回覆刪除如果長期單肩揹很重的大袋物件，日久就會弄傷筋骨。要幫趁跌打，或自擦、敷治老牌的藥酒。如果拖得太久未好，就要吃中、或西式的消炎藥了。
多謝秋葉的溫馨提點…
刪除其實呢類年老風濕已經伴隨森伯伯多年，都有很多方法去處理，但問題在於壓力太大都會發作，休息放鬆心情先係最根本的良方…如非必要就唔會食西藥～
如果筋骨肌肉痛，應是體內積存了瘀患，日久不作處理就會發炎。
刪除如果是風濕痛，根據“浙江中醫學院”所列的治風濕藥有14種：
「木瓜、蒼耳子、虎杖、穿山龍、南五加皮、香加皮、威靈仙、獨活、秦艽、臭梧桐、寄生(如桑寄生)、鹿銜草、豨薟草。」
*
醫風濕的藥，大多都是辛溫，或有3種是有小毒的藥。
有些藥性平和的會浸酒，或加當歸同煮，或加其他藥材，都是驅風去濕為主。
一些風濕膏布，藥味十分濃烈。 亦有一些強效止痛的成藥。
漏了第14味治風濕的藥，就是~蘄蛇，即是響尾蛇，亦名大白花蛇。
刪除先多謝秋葉的藥方，森伯對陌生的中藥都唔敢試，好怕有反效果！好似有句俗語話：是藥三分毒，未清楚藥物的屬性之前真係不能亂試，有時中藥要因應返人本身體質，不是每樣藥物都適合用在每一個人的身上…現在食療都以簡單自然為主，但是現在的問題在於心理影響都唔定…搵可以放鬆的療方最重要~~
刪除你提到的中藥好多都未聽過，好似武俠名中的名稱…哈哈
有人在日本帶來一些治痛的膏布，用落都唔錯…當然係痛先用啦~~
甭客氣! 所提供的14味風濕藥，都是“浙江中醫學院”交由北京中醫藥究院所出版的一書所列出，僅供參考吧了，我並沒有列出藥方。
刪除*
這本書我奉為至寶，多年來我都有抄書上的方劑買來煮喝，個人沒問題。
小時亦聽過“威靈仙酒”和某種蛇酒是一種治風濕痛的酒；以前敝鄉一向有售賣桑枝和桑寄生治風濕的茶包，首次回鄉時亦買了多盒回來，多年後沒有用過，後來就扔了。我都知道有種日本風濕膏布是患風濕的人士常用的貼藥。在這裡祝你心情常好，痛楚遠離啦!
食中藥都好睇個人夾唔夾，能夠有本藥書可以看門口就最好喇～～有咩頭暈身熱都可以自救...
刪除當一個人病得耐就有很多方法去醫治，所以有句說話講：病久變成醫...或多或少都叫有經驗嘛～～
你講的桑寄生都好似聽過，試試留意吓...
嗰隻日本膏布應該出名，啲人逢去日本旅行都會買~~
謝謝祝願~~
作者已經移除這則留言。
回覆刪除過來人真係過來人，都明白我所指的苦況…我都希望將來有日睇番轉頭都好佩服自己！有時唔係話要考取什麼高成績，反而睇自己用幾大的恆心加毅力去完成才是值得驕傲的地方…森伯做事都幾專注，應該其他誘惑就唔會阻到，只係怕個人捱唔住～畢竟都年事已高仲去進修啫XXD所以現在著重放輕鬆兼多休息囉…
刪除會記住KaKa呢番說話！大家加油呀~~
作者已經移除這則留言。
刪除其實進修最重要都係睇有冇心啫…
刪除唔知你是否講早排新聞有提到的老婆婆呢？！她真係好有毅力，好似話要寫本書，她就親身去搜集書中的資料……後來大學都給予老婆婆畢業……
作者已經移除這則留言。
刪除你所講的老人大學真係未聽過，其實政府開辦更多呢類課程都唔錯，可以讓長者多點腦筋活動，生活也有所寄託～～
刪除你講得對呀...正所謂學海無涯認為想學就去學吧～學習無止境，只是人把個框，框著自己而已...
學習框著自己而已...
刪除正是學無止境，努力上進，聰森佩服。 ykk認真地，祝森兄早日學業有成！
回覆刪除謝謝ＫＫ！學習對我來說並不是太大問題，反而怕身體唔聽駛…個學期都幾長架…><
刪除森伯加油啊﹗我都十分明白。我做左呢份工後都冇停過進修......﹗無計啦~~唔讀怕考績交零份，讀左都的確自己有益，唯有讀......一直讀。你試下上課之餘，觀察下啲年輕人學習的情況頗有趣。
回覆刪除多謝愚老師，相信你都會明白我的森聲…係呀!!好多時進修最主要都係為工作需要，有了目的再困難都容易捱過！！願彼此努力…加油呀～
刪除其實對於長者森來講，上堂都要聚精會神咁聽書啦…又冇記性～仲邊敢四維觀察人家丫…哈哈哈