當大家仲諗緊退休要幾多錢先夠的時候,李超人就正正要準備退休嘞…相信李超人對絕大部份的港人來講都唔會唔識~只要一提到香港首富,相信個個都會up得出李超人個朵…或者李超人誠誠真係香港的代表,連有次去睇蠟像館都有李超人個蠟像…
其實對錢銀的價值觀,相信人人都唔同,不能否認現今世代,錢銀等同人身的安全感,當然可以直接認為錢越多安全感就越多,呢個都可以理解,試想想當你帶住十幾廿蚊出街,搭車,食嘢,購物…統統都提心吊膽,怕有咩差池唔夠錢畀;但當你帶住幾萬銀出街,忽然間心胸都挺左,行步路都大D,就算傻間間摏左入名店都夠膽睇下摸下扮買…哈哈哈
古語有話:大富由天;小富由儉…做唔做到大富都唔由自己講啦~對於森伯伯來講,可以的話做到小小小富都已經好滿足,至少可以有點閒錢用就夠!不過要做到小富…對森伯伯來講都係發夢階段,暫時都係處於憂柴憂米的時期…或者最好的做法就係學習知足,因為知足者;貧亦樂嘛~森伯伯成日都係攞呢句說話勉勵吓自己…><
後記:
參觀蠟像時,好多蠟像背後都有個貼題佈景,可是李生就冇佈景…或者就正如所講的除了大把錢之外,其他已經沒什麼可代表……真係好值得反思~~
為配合篇Blog文,專程摷返幾年前去蠟像館的相出來~~真係唔經唔覺……
錢越多都未必有安全感。怕畀人綁票嘛.
回覆刪除我認同!
刪除我講係升斗小市民,他們多一點點錢也感到安全啲啲…
刪除綁得票嗰啲多數係城中富豪~~
聽講話李老闆係好多想發達嘅人嘅偶像。根據一些訪問報導,電影大亨六叔同埋李老闆都係好勤力,同埋好捱得嘅人。
回覆刪除有人話:我哋啲打工仔捱生捱死,又唔見會發達?
噉又係呀! 除咗忠誠勤力之外,仲要講0下機緣同機智,梗係要有膽有識先至有可以搵到大錢啦。 如果優優悠悠,冇乜錢嘅話,也算是平安是福!
哈哈,有時啲人偶像還偶像,始終都要面對現實努力去賺取生活所需…
刪除上一輩的生意人,很多都係靠自己親力親為,百二倍的心機和勤力去換取他們的財富…當然又要靠獨到的眼光,和最重要的……運氣啦~~
好老土講句,覺得自己生活富足就更好啦…又唔需要太富有!但求平安生活已經好好…
我咁耐都無入過去喱間蠟像館:P
回覆刪除森兄乜原來會帶成皮野出街?等我第時跟住你尾睇下執唔執你隨手跌果一千幾百先wakakakaka....
咁Gael兄有機會真係要去參觀吓…
刪除你跟住我尾唔緊要,跌錢都勉強唔緊要,唯獨最怕就係森伯做咩衰嘢都畀Gael兄睇到晒……XXXXXXXXXD
wakakaka...咁我都相信森兄永遠係良好市民來啲^^
刪除我諗係森伯在Blog前的形像打造得好啫^^ 私底下……
刪除去 津巴布韋 咪帶幾百萬出街囉!
回覆刪除太多錢又要請保鏢 貼身保護, 冇安全感,冇私隱,又冇自由。
哈哈哈…唔怪得呢類國家的人民最快樂啦,起碼心理上都豪得起…
刪除可能對有錢佬來講呢啲已經習慣晒…食得鹹魚就抵得渴嘛~~
有人話心中富有就會無欲無求,那麼,怎樣才算是這樣?
回覆刪除其實,逛名店也不一定非富即則貴,平常心去看便可,否則就會自矮一截。
因為去名店也可增進一點點認識,是一種學習呀!
我諗所謂的心中富有,就係擁有少少已經覺得滿足…但係要做到無欲無求又係另一個層次,並不是人人做到…當然喇!人生的經歷就係不停地學習,行名店同行街市都一樣,總有些東西你可以認識得到的!!視乎你的慧根可以吸收幾多而已…
刪除我曾與李超人個蠟像合照,希望沾沾富貴氣,不過到現在都未中六合彩頭、二獎添喎!?
回覆刪除你講到李超人個蠟像好似招財貓咁嘅…哈哈哈~~
刪除有時搏彩都係碰碰運氣,當為買一個發財希望…
上月去蠟像館, 李超人的蠟像也退休了, 找不到!在我來説如有些閒錢已滿足!
回覆刪除可能要update番李超人個最新近況,連個蠟像都要退休…哈哈
刪除我都認同,總之有些閒錢用用已經森足~~
ykk用了兩分鐘, 睇完森兄對財富分析, 真係森知肚明, 佩服! 為了大家明白超人, 特別跑去找尋圖片, 好嘢!
回覆刪除都唔係咩特別分析,只係講吓小小金錢觀,兼且畀森伯嗔吓窮啫…哈哈
刪除幅相係幾年前去蠟像館影,在些backup檔案裡找出來的!!
作者已經移除這則留言。
回覆刪除唔會卦...基本上你冇話畀人知,都應該冇人知你袋住幾萬銀...
刪除我諗KaKa平時都好謹慎,事事小心為上...
作者已經移除這則留言。
刪除作者已經移除這則留言。
刪除19970627/28兩日
刪除找兩個朋友傍著
我袋住HK$1000*400張=HK$40萬
從上水去羅湖鐵路省站士多
兌人民幣400000*1.06=424000/42.4萬人民幣
兩曰共兌人民幣400000*1.06*2=848000/84.8萬人民幣
存入羅湖城建設銀行以人民幣70萬買96平方米崗廈房
人民幣6千公証費
另裝修電器
早三天回歸
"帶住HK$1000*400張=HK$40萬出街"…
刪除我不會忽然間心跳加速,
基本上你冇話畀人知,都應該冇人知.
"帶住Ka ka出街"
就係人都知,
行步路都會步步為營,
怕有咩差池比人搶咗/偷咗,咁就慘喇! 哈哈哈
KaKa:
刪除咁都會架, 遇過有事發生都會驚啦…
大夫:
刪除好喜歡大夫呢種獨特見解~~
KaKa
刪除一朝被金蛇郎君咬
十年怕古井草繩纏
大夫唔好講古井兩個字…
刪除KaKa女子人家好驟忌~~~XXD
一朝被蛇咬 十年怕井繩
刪除一日無嫁人 百歲是姑娘
呢啲五言詩真係只有大夫先敢講……XXD
刪除作者已經移除這則留言。
刪除激嬲KaKa問大夫點算?!........
刪除KaKa是理智型女中丈夫
刪除全身照顧亞爺亞嫲亞爸
時探望退休老上司
悲智雙運
有倩有義
令人景仰
望林行止
在下拙詩
以文說理
絕不會激嬲KaKa
我們仨
瞻前二十年........
大夫補鑊?!!...哈哈
刪除補鑊法
刪除大鑊?!!...哈哈
鐵人都總有停下來的一日……
回覆刪除唔好話鐵人,一般人都總有停下來的時候喇...哈哈
刪除一點閒錢可以花,我已覺富有!
回覆刪除認同,能夠有點閒錢買自己喜歡的,已經很好…
刪除能夠有小康嘅話就已經很滿足喇。
回覆刪除這個當然啦~~金錢物質夠用已經好好,不斷的貪多只會苦了自己~~
刪除