支援...

唔知大家對現任特首有什麼意見，最印象深是李特首成日講：做實事...忽然會想想李特首在任都有一段長時間，真實有沒有作過什麼實事去令民生受惠，我即時諗起的是「關愛隊」...簡單來說關愛隊是市民與社區服務的一種連繫，只要市民在生活上遇到問題，都可以透過關愛隊尋找到一些幫手...

對於一個完善社區來講，其實這都有實際需要，尤其是一些弱勢社群，獨居長者等等，往往遇到問題都不懂得找合適的幫手，當然不限服務對象，富貴人家找幫手都可以試試...

在森伯認知裡，每區都有關愛隊，如要尋求生活上的幫助，都要找找自己所住的區份的關愛服務...(如錯請指正)森伯老人家都年事已高，隨時搵定些關愛隊聯繫方法都差唔多喇!!!!!唔係講笑，係真!!!!!

軟餐……

相信人口老化不單止是香港問題，而是世界趨勢，...現今商業化社會，所謂的""銀髮族""亦是一種無限商機，因為人只會越來越年長，不會越來越年輕，所以都是個長搵長有的搵銀機會~~~

對於年長的森伯伯來講，有時都幾留意一些老齡人士的新產品，因為隨時可能用得著~~~><

在眾多新產品中，有樣叫「軟餐」的產品，其目的是供給有咀嚼困難或吞嚥困難人士(不一定是長者)，當為日常餸菜!!

對平時喜歡"攪三攪四"的森伯伯來講，覺得呢種軟餐會否有生意呢?!!其實平時花點心思，根本就唔需要買這種軟餐...

見到價錢，長者們又會否認為值得呢?!圖中的咖喱雞都算OK，起碼見到一塊塊，但其他都像糊仔一樣，襟飽嗎??

可能都有人買一次半次，但長期天天吃，再可以買多少次呢?!

其實我覺得若有真正的需要，自己做軟餐都唔難，反而少添加劑，營養素還可新鮮保存!!!

圖及資料來自網絡，而所揀選的食品例子，是大家所熟悉的口味!!!

賀中秋2025

正所謂一年容易又中秋，熱暑過後，秋秋爽爽比較舒服，本來以為又打風，但佳節來臨，有些好天氣人們外出的意欲都高些，又撞啱呢排的股市又唔錯，外出消費都比較疏爽！

而森伯在中秋的主要消費是買月餅，今年都買了傳統餅家出的月餅，本來想購美X禮券，但見到美X舖天蓋地的廣告，多了貴了的價錢就是廣告費……而平價的月餅並不等如質素差很遠，若不高要求都OK！！

一向森伯個人易上火，無論幾喜歡吃月餅都好，基本上要淺嘗，或者飲些清涼茶，今年整個綠豆水，清清涼涼用來送月餅就可以中和燥熱……

唔知大家今年又買咩月餅應節？！

祝大家中秋愉快，人月倆圓！！

老人家的第一次...

其實世界之大，真的有很多食物未有試過，尤其是一些常常聽到的食物...蔬菜中的羽衣甘籃就是時時聽，不過老人家森伯，都係第一次見它的真身，見到又唔貴，當然要買來試試!!!聽講羽衣甘籃是超級食物，而且深綠色蔬菜比較有益...

睇外表以為菜葉會軟軟的，但實情是比較硬身，羽衣甘籃比較似芥蘭，它的葉比較大，我初時嘗試生吃菜葉，但十分難咀嚼，還硬過芥蘭葉...後來略為煮熟，而且煮熟就比較衛生，在水裡灼少少時間，變了軟身後比較易吃，如果嫌淡口，加些熟蕃薯更加好!!!

可能森伯大鄉里，未識烹調過這種羽衣甘籃，不知大家平時怎樣煮這菜呢?!!森伯老人家始終習慣了口味，都係菜芯，白菜比較好吃~~~~

躺平迎颶風……

今年風季都算幾多風球，直至呢個“樺加沙“已經是第幾個風呢？！

據講呢個風似一八年的山竹級數，仲話會掛十號風球，所以大家都著緊起來，週一便見人頭湧湧去街市超市搶購食物，當然森伯又好少同人爭住買，唯有家裡有乜食乜，在住所都見有隔籬鄰舍的窗戶貼了膠紙，森伯又冇貼，最怕打完風後留有膠紙漬……

嚴格來講，颶風當前森伯乜都冇做過，都算颶風下的完全躺平（乜都冇做過），哈哈

咁大家有冇為今次颱風作過什麼凖備呢？！截至我今篇網誌打完為止，我會評價這個風為文靜！！！

講講「種花養草」...

今早睇到一篇文章，大致是講有幾種室內植物對家居不錯，相信大家都會估到，來來去去都是什麼淨化空氣、吸甲醛、吸油煙之類的功效...不過最主要睇睇有冇自己喜歡的室內植物在內~~

有些人認為有花植物會比較靚，可以觀賞，但花朵往往都係得幾日貨仔，不能持久欣賞，所以森伯比較喜歡常綠植物，感覺比較長青~~其實一路以來，森伯家中都種有室內植物，先是富貴竹、後來都種有黃金葛...這些都比較易種，而近這幾年，忽然變了植物殺手，種什麼都枯什麼，搞到都沒有興緻再種了...

俗語有話：那個阿伯不多情，都有好幾種室內植物是喜歡的，有文竹、網紋草(小白菜)、常春籐...這些多數用泥種，而事實我比較喜歡水種，打理容易也較衛生...其實在家居種些植物很好，除了吸收一些負氣之外，還可調整一下身心，種得好個人都開心些...

相片是舊照，現在家裡沒有真植物，仿真植物就有，貪它們不用打理!! 

久違的味道...

每逢周末時候，都會吃些雜糧麵食之類...通常會選擇烏冬、麵餅等的湯麵類，有日麵餅都吃完了，要到超市入入貨，本想買些全蛋麵餅，不過當日見到一些福字麵，於是二話不說地買了數包，其實轉轉口味也不錯...相信這隻麵對很多港人(包括森伯)都有種回憶，以前記得當大家話要食即食麵時，都會有兩個選擇，一是出前丁丁，二就是福字麵，森伯當然揀出前丁丁啦...不過記得年少時，趁大人不在家時，偷偷地煮來吃...數算當時都有幾廿年前，直至現在看到，就想回味一番...

老實講，可能太耐冇吃了，以前的味道都已經模糊了，以我感覺福麵應該會健康過出前丁丁，因有人話即食麵十分冇益，至於講的冇益，該是指包湯料味精粉~~

我當然不落湯料包，既然配菜有餃子那麼豐富，湯底加麻醬，豉油，胡椒粉都夠...有時唔需要珍貴的食材，平平淡淡的食物，都已經感受到一份幸「福」的味道，可能呢隻麵就是有這個含意!!!