過了中秋後，都已經算踏入秋冬天時，本身森伯都已經dry dry地，加上秋風一吹，皮膚都好易痕，最適合加多些滋潤食品和用品，越來越發覺凡士林幾好用，一來冇味，二來耐用，一盒細裝都有排搽...當然靠外在都未必有用，滋潤是要由內到外，以前會飲些糖水潤潤，但現在的人聞糖都色變，已經很少飲一舨的糖水了...
查實森老伯都識整多款唔落太多糖的所謂糖水，不過點都要些時間同心機製作，買現成會否方便些呢?!!
這些盒裝的糖水好少買，就算超市的糖水包都冇買過，相反自己簡單整仲方便啦~~
等黃綠森醫師推介一款既簡單又易食的滋潤品給大家...只要一些馬蹄粉+少許黑糖，再加水煮稠就已經OK...飲時有淡淡馬蹄的清新味道!!!都好適合現在飲用...
封佢做神仙膏，哈哈！改名叫『凡事妥』，醫好我四季眾多皮膚問題：暗瘡面/龜裂腳踭/汗疹/頭瘡(皮、痕)/皮膚爆拆，後侮好遲才識寶。
回覆刪除馬蹄爽脆甜美食唔少，性寒我都無有怕，啱燥底森哥。
每個人體質和需求唔同，為咗達到每日攝取38克纖維，餐後加上雜豆糖水補一補。我買好多豆煲糖水，舖頭阿姨問我呢個年紀唔怕糖尿病，我覆有斷食唔驚。
最近發覺食物因人而異，需求要對症下藥。我係食豬脷補血，點知夠期再捐血時個血色素都低過13合格標準，我仲話人老產血慢要延長。近來有得拼即食鴨肝（7倍鐵），每周食兩餐，按75天期去再捐，竟然升高到15，好驚訝！仲要更平，慳D。平時唔覺有咩唔妥，係要檢驗過才知真相。
現在這隻神仙膏幫左森伯好大忙，用於乾燥痕癢的皮膚上...唔怪得呢隻膏由細見到大，都有很耐歷史...
刪除馬蹄爽都冇落馬蹄碎，如有心機整些馬蹄碎會更好食，好啱森老伯的燥熱體質!!!
而家為增肥，都唔敢唔食早餐，不過現在改為原食物做早餐，所以豆粥都是其中一樣，想問吓一爺，你的豆粥會落糖嗎??
我多數單一種豆粥，綠豆，紅豆...得一種豆易處理!!!!咁你煲豆粥可以唔加糖，我整的豆粥無糖，食慣都幾好食~~~
聽你咁講，鴨肝好駛得，升到15都好理想!!!!...現時搵唔到其他替代品的時候，我都係食黑葡萄乾，易食又唔駛做太多功夫，拆開即食~~間中也要食些牛肉，但怕牛肉的酥味~~~~
你食左冇事又有實質幫助，當然要繼續食!!!!
有外內實體但遺忘心靈？枯竭嗎？等我做心靈凡士林用語言「潤」你？還是森哥靜雞雞享受愛情滋潤，容光煥發。
刪除片糖加砂糖兩溝，米低纖唔需要呢種營養唔落。
落少D糖我都嫌棄，都要我食得開心，反正食糖配額高，唔驚。不過，糖水必須加1/20份鹽才吊出甜味。
打開腦洞，拼X有八寶粥混埋一袋原材料賣畀你自己煲，邊八樣每間店都不同，有時間八吓啦！仲有「18種五谷雜粮米」和「28種谷豆」，乜米豆都有。黑米嘅可抗炎花青素係遇水溶解，快洗，浸米水保留煲粥用。
動腦筋，牛肉乾咪無酥味，營養師話補血都得架！因脫水，100g牛肉乾鐵質係100g牛肉5倍，食少少就夠。怕假嘢，怕呻窮，怕好食到停不了！笨商家無凸出健康買點，標榜易吸收動物性高鐵，喺女性唔方便日子裡方便即食補品。
食錯豬舌補鐵都教人，哈哈！我都唔知醜好喜歡認叻。
每日都會聽到一爺的寸和暗窒森伯，不時都畀你""潤""餐飽~~~搞到森伯伯個弱小森靈都有陰影...哈哈哈
刪除老人家都好想容光煥發，可惜事與願違~~~暗啞肌膚，老人斑乜都出齊......><
片糖加砂糖兩溝......咁咪好甜，森伯現在覺得唔吸收無謂的糖，基本上唔加糖，做發糕及豆粥都唔落糖，食落幾淡口，不過食回食物本身的味道~~我食臭草綠豆沙就落糖會好味些吧!!!
其實又不需要太多不同豆類，我整豆粥一樣豆就OK，頂多落些蜜糖或椰漿，吃起來都不輸蝕給八寶粥~~~有位同事整的黑米定紫米?!!...好食~~煮完出來都係一嚿嚿，又清甜又可當原味道~~~
少買牛肉乾，豬肉乾之類，不過有時為食都會買，只當小食，唔會當養生食物~~~
我都發覺一爺幾喜歡認叻，不過唔怪你，一個既有錢又生得靚仔俊俏的人，不免會有些自負!!!!!
醫生見你X光片有白線白點就話你某某器官花咗出大事，能保持黑影我算係好人做好事，鼓勵我不要停。
刪除發掘男貴族古墳發現漆器化妝盒，中國古代男貴族化妝風氣盛行。現代醫美科技和化妝護膚品幫到老人森哥。頭頂自畫像又無老人斑，唔知邊句真。
總糖用量控制甜度適中，唔會好似鬼鬼嘅甜品真係勁甜到我食唔落，鬼鬼舌尖味蕾靈敏度好似天生好差。
人生無咗美食，生存義意係咩？早D了斷吧！
醫生話精緻加工碳水化合物比砂糖對人危害更深。美國用咗低成本玉米糖漿生產食物後，肥胖人口直線飈升。係要避開呢兩點。我體質比森哥好，多少少砂/蔗糖都無問題。或許係5:2斷食每周有2天只食600卡路里，我只食蛋加南瓜，無鹽無糖拉勻無事啦！
森哥奉行簡化食材同我對着幹，至少大家都好健康就得啦！各施各法。
係黑糯米又叫紫米，不同黑米。
古人肉乾 係 乾糧 正餐，窮書生上京赴考都係靠佢，仲有打仗士兵。令我諗起冬天嚟喇臘肉香，森哥都唔食得？
我係又窮又醜，因無一樣好，只能扮閱歷深叻過人哋去支撐自己，否則已生無可戀，可是，森哥時時否定我，推我去死亡邊緣。
有黑影咪仲大鑊，通常患有頑症的時候，醫生話你某某器官有個黑影，都有排驚啦..........
刪除呢啲就係一爺最興做的斷章取義手法，或一竹桿打一船人...咁啱古墓男貴族發現化妝盒，唔代表是那個男貴族用，可能把心愛太太用過的化妝盒一同陪葬...你講到古時的男子，個個都有個化妝盒咁喎!!!!!
頭頂自畫像不是森伯畫的，係張自己幅相，交給AI app整架!!!其實同原相分別不大，只不過是圖畫化，打矇相片而已...
可惜森伯某錢做醫美，唯有食清d，食營d，減緩衰老...
通常呢類乜乜糖漿，都係健康陷阱，食返原糖會仲好，看食品背後的營養標籤，有乜乜糖漿，即刻諗諗先~~近排好想買罌菠蘿果漿，一翻後面睇見有高果糖漿成份，都冇買~~~呢類的添加劑多食會增加二型糖尿的風險!!!
臘肉唔識整，甚少買來吃~~~
你要求太高，冇十億身家就話自己窮，冇吳彥祖咁靚仔就話自己醜~~~~哈哈哈
我唔係否定你，只係人生不能只看一面，可以換過角度去看看其他!!!希望森BLOG可以給你生存的一點點亮光!!!!
呢的現成糖水我試過，難食！
回覆刪除曾經試過的包裝芝麻糊，味道都唔差，但很甜很甜~~~~
刪除終於找出一包泮塘馬蹄粉出來，原來是去年買的。
回覆刪除記得很久之前，我整過馬拉糕，都似模似樣，幾好食。
很想整馬蹄糕，但竟然過了一年都未做。稍後整半包試試，看看效果如何？
以前有間波仔記，生產的飯麵和糖水用膠盒或膠碗盛載，都放在凍櫃裡，任意選購～＊我買過紅豆或綠豆糖水，回家翻煮熱，都幾好食。價錢不貴，可是該店做了幾年便摺埋了。
泮塘馬蹄粉...呢隻品牌最有名，很多地方都有這隻馬蹄粉售賣...有時間整下馬蹄糕都幾好，好適合這個天時食用~~
刪除如果做得不錯，可以post出來分享一下!!
我又好少買這些什麼波仔，翻熱來吃的甜品或餸菜，感覺不是太可靠，而且食物點都自己整最好，起碼吃起來較衛生安全~~
凡士林的確是一種百搭的"藥"，用途廣，價錢平，我藥柜都常備。
回覆刪除這隻膏在這個秋燥時候幾適合，基本上一年四季都可以用，既經濟又好用……
刪除睇落嚟，你嘅推介係唔錯啊!
回覆刪除飲糖水，這個季節是很適合~~
刪除秋冬時節，潤膚潤喉難免，森伯的而且確夠潤，羨慕了。
回覆刪除哈哈，羨慕什麼?!!食馬蹄粉，用凡士林...好普通，個個人都做到!!!
刪除說得對，進入秋冬，開始乾燥，在外應搽些護膚品，在內食滋潤食品。前幾年是用「凡士林」，這一兩年老牛多搽「潤膚露」；好少食糖水，多是最簡單的「檸蜜」。
回覆刪除進入秋燥天時，若然感到皮膚太乾，都可以食些潤少少的食物，不過對很多人來講，要煲什麼可能太複雜，寧願揀些簡單的來吃...檸蜜幾好，簡單得來又可增強抵抗力，我用凡士林比較好，有香料味的潤膚露就不是太夾~~~
刪除