夢...
有人認為一合眼便可睡到天光，而且沒有夢，這就是一個好眠...至於森伯當然很少有這樣的好眠，除非當日太過累，都勉強可以一撻落床就睡著到清晨，不過也相當少有...人老了有時都不知自己有否真正睡著過，所以都要靠有沒有發夢來作憑證...森伯的發夢習慣都幾得意，通常晚上睡的覺發夢不多，但若然清晨睡了再睡的夢就完全兩回事，特別有情節，醒後留有很深的印象~~
相信人睡著了總會做夢的，夢只不過是深淺問題，淺的，一覺醒來就已經忘記，就以為沒有夢，但深的就算醒來也不易忘記~~
醒...
早幾日等人等了好一些時間，於是有人就致電問過究竟，原來只是不知醒...""不知醒""呢個詞對好多人來講都並不陌生，相反在森伯本字典裡都唔易搵到這個詞，除非病倒就唔奇，到時不是""不知醒""而是""不識醒""...森伯由細到大都比較""醒訓""，以前睡覺前都不需要校定鬧鐘，時間差唔多到，就自動自覺醒過來，所以非常佩服有些人哪裡都可以睡著，在公園、在車上、在學校、在公司等公眾場合...
不過現在可能人老了，反而自動自覺醒就不容易，臨睡前都要校定鬧鐘，免得真正睡過時，搞到遲大到!!!
我覺得夢中嘅我好蠢，醒後好易就諗到方法處理。
回覆刪除為健康，我喜歡學習如何養生，醫生咪話每日要飲足8杯水，我咪唔頸渴都照跟囉，但咁樣攪到我頻密地屙夜尿。其實，米飯中、 生果、 麥片 、蔬菜 、肉類……都含好多水份，係無必要硬性飲足8杯水架，後來我頸渴才飲，咁就無左屙夜尿問題，等我仲以為我係老咗必然現象，原來係信錯左，經一事長一智。
我好易入睡，但係半夜2~3點就醒左，有時會好精神瞓唔翻，好在有手機睇消磨時間，而白天時又唔會無精神，好多老人都有咁嘅問題，係失眠絕症末期無得醫呀！哈哈！
很多人都認為，夢舆真實的情況恰好相反，你夢中蠢，真實嘅你係精甩辮！！
刪除8杯水可以在早上時候飲，唔駛成晚去廁所……
講得啱，養生隨個人的情況來調整，人哋講的未必適合自己！！
哈哈，我都係！當訓到半夜睡不下去就會攞部手機睇下野，事實對眼都唔係好，基本上迫自己入睡！！
最好平均攤分，即2小時一杯，人哋睇勢色，我見尿色淡近水就正確，當時我做到呀！滿心歡喜。道理咪係勤密地有水洗白白令體內都好乾淨，不過，高水壓制止我咁勤力，人要適時慵懶 懶散。錯與對？無絶對、人云亦云係大忌。
刪除養生又話七分飽最好，我唔手握十足力量會食慾旺盛，大腦驅使我不斷摷嘢食。每周兩日斷食600卡短時間我就得，每日半飽就好難過啦！
飽肚最好食薯仔，森哥較早前都有推介。最近首次拼咗10斤都係10蚊內好鬼抵，殺菁放冰格長存幾個月唔怕發芽有毒會浪費。最近低價拼多多影嚮咗我飲食，硬豆腐換成豆干更多鈣，雞蛋改為鹵雞蛋因無驗生蛋有箘不可過海關，豬脷轉咗鴨肝多多鐵……。淘淘都學多多一件都包郵，你咪話唔影嚮大。
有時候冇得迫自己飲水，明明不口渴，好難去飲好幾杯水...以前有按腳穴位的習慣，按完後都會飲一兩杯水，目的排走體內的不良物質...
刪除最慘有時外食，不知是否味精太多還是菜餚太鹹，回來時摶命飲水，都知呢餐中伏(味精伏...)做人做了幾廿年，都是一邊學習，一邊嘗試找出對自己好的，才繼續去做~~
的確係七分飽最好，畀腸胃唔需要加多工作，尤其是人老了，身體機能行得比較慢，吃得慢，吃得清淡都係好事!!!
未至於每個早餐都係薯仔，我發覺食原食材比較簡單，總之乜食物是原形食物，都可以食，少些諗食乜的煩惱...
聽你講，拼多多都好吸引，唔怪得大家都一大包、二大包拎返屋企...我點都想幫襯返香港店舖，就好似樓下的麵包店，一向麵包質素一般，態度就黑口黑面，價錢就貴了，但方便到自己，所以仍會幫襯...
年紀大了，能夠一合眼便可睡到天光已經不大可能。
回覆刪除通常喜歡行山的，回到家都比較攰，好容易一覺睡到天光，畀著森伯一定會…哈哈
刪除我一合眼便可睡到天光，我算幸運了！但會發夢，大部份都會唔記得夢境，所以不知道是深或淺睡眠質素。
回覆刪除聽你所形容，你真係算有優睡眠，一覺睡至天光，夢又不多，令很多人羨慕，當中包括森伯伯！！
刪除我是發夢王，大多數夢境都很清晰，人景交融，像進入了一個第二度空間，醒來可堪回味。近日一下子醒來再睡，又可以延續這個夢。
回覆刪除很久之前曾經夢境成真，近年都是夢見去世的父母與親人。
據說：若是夢到去世的人不望你，視如陌路，他/她就表示去了投胎轉世，不用記掛他們了。
如果個夢境係相當清晰，醒後一定仲會留有很深印象，好多人都想延續夢境，但很多都未必做得到……
刪除正所謂日有所思，夜有所夢，往往夢境就反映所思念是誰！！
在一個夢裡很難介定，有時夢見親人不瞅不睬，有時又彼此閒話家常，總之真實人已離開，以後只能在夢中再遇！！
幾年來，她與我在夢中總有交流。
刪除今年竟然夢見她在一個空空的廣場上，她一個人坐在階級上，見到我行到階前也不望我，竟然一直不理我。
大半年也沒有夢見她了，最近看yt有禪說：如果親人在夢中不理你，就表示去了輪回轉世，不用掛念了。
不再出現原來是好事的。
聽秋葉所講的經過，也感到相當玄妙...
刪除一向以來都有話逝者是透過夢境去與親人聯繫...若然相信是真的話，可能藉此跟你說聲道別...
而很有趣的是，已明知親人已經去逝，但在夢中遇見並不會覺得奇事，會感覺親人尚在人間跟他/她們談話...
儘管人已經逝去，已經沒可能再見，若然在夢境中遇見，都未為不好，就好似久不久來夢境作個探訪!!!
體驗到冥冥中似有定數，都想寫篇與母親的博文。
刪除Beautiful blog
回覆刪除Thanks !!
刪除Please read my post
回覆刪除Okay !!
刪除人大了總會有這些問題，希望你好好處理這些問題。
回覆刪除對我來講，這些不是問題，睡著了自然會發夢的...
刪除失眠我好有經驗，從來冇唔知醒呢個問題，兼且成日發夢，都唔知係好事定壞事。😮💨
回覆刪除以前的我甚少要校鬧鐘，不過現在人老了反而失去這本能，唔校定鬧鐘隨時訓過籠...
刪除有時慣性係某特定時間會醒，要好些時間才可以再睡番。
回覆刪除除非好累，通常很多人半夜醒了，都要點時間才能再次入睡~~~~
刪除