本來今篇的網誌並不是講這個題目，但見近排，大新聞都是縈繞在「加關稅」的大事上，差不多波及很多地方，物價有機會隨時高漲...但以我認為，港人應該唔太擔心，因為生活所需之食物、用品，很多都是由國內運來，關稅與不關稅影響應該不大，反而最為影響是美國民眾，生活日用的消費都升高了...
至於連日來，瀏覽各位博友的網誌，都有提及"關稅戰"，大家都講出重點跟睇法，也很同意他們所講...但都有個可能性是大家沒有著眼，就是美西方好鍾意玩的金融財技......
連日來股票的市場初時有大跌的勢頭，尤其過去的星期一，直情話是黑色星期一...之後便是上上落落，每每特X普講什麼說話，都會即時令到個股市有所震盪!!!其實呢招之前很多人都用過...靠口術，金融市場隨之而上上落落...相信是誰都懂得怎樣「好好利用」自己把口，明知勝算大，有大玩大，當然並不是一般市民玩的「雞仔注」...
森老伯當然不是什麼財經專家，但感到同什麼財經技倆好相似...分分鐘令到某些地方的庫房進帳不少...
美國的瘋狂掠奪行為令人心寒齒冷，無方法攪好自己國家，日思夜想針對中國，所謂上帝要你滅亡 ，必先讓你瘋狂。
回覆刪除對呀，自國的民生問題，毒品問題只怪別國監管不力，又不認真看看問題出錯在哪裡！！呢啲就叫豉油民主大國……
刪除明搶(錢)，對等關稅用黎要挾他國。
回覆刪除已轉型服務業為主，生産外判，人哋加工賺$1，佢品牌賺us$10，又無計服務業如windows Android wi-fi授權賺人哋好多錢，只計產品貿易逆差，係制造要挾條件。
侵侵話屈服國家係kissing his ass ，日本越南…有kiss，中國唔再係孱弱清朝，唔會再簽不平等衷權辱國條約，正要kicking his ass，有骨氣拒絕，你來一拳我回一腳。
他國都轉買黃金而減持美債，洗腳唔抹腳尾國債臺高築，快要債務重整，所以，其中一項迫人買美債。
呢場戰爭18年開打，中國初時都被打亂陣腳，都7年當然準備好點打。
股市上落係副產品 當然，政府知情人士會從中大撈一筆。
關稅只係一個借口，搞到眾國都活在水深火熱間……現在某國又講其他國有個寬限期，只有中國不聽話，要加更多關稅……真正鍾意講乜就講乜，毫無誠信可言……
刪除kissing his ass……呢啲說話都可以講，咁日本同越南真係勁瘀……人無恥便無敵，成個感覺好似睇緊顏色社團的港產片！！
中國行到呢一步，大都是靠自己走過，做人做事都唔需要驚，唔駛拍某國馬屁，跟日本不同，戰後某國扶助日本很多……
咁又係呀，經過好幾年的磨練，心裡有數知點樣應對！！
川普個華爾街財長因美債急挫才叫暫緩。大多數窮國無力買，叠水中 日 加 歐盟 油國 唔想買就係被美抽乾水。中美無貿易邊使留美元買賣，他國用本幣交易。日本已買好多美債，又叫增加軍費，入口美國加關税無錢賺變窮。油國因美隨意制裁俄而怕美元危險，美國出產頁岩油唔再買油，油國無美元收入去買美債。歐盟已疲弱仲要加關稅無得賺美元。美國任意忘為，佢話點就點，不守法規，無承信，總統換人政策又換另一套，出晒卑鄙手段獨贏獨富，個個國家變晒窮國又邊有錢買美債。美國政府又大洗，用債冚債，整個賺錢洗錢運作模式遲早香。
刪除中國奉行合作共贏才可持續發展，大家一齊富起來才對。
原來淘寶有畫畫檔口幫人畫嘢賺錢，森老闊係咪多條財路～森源財源滾滾，恭喜發財。
妄為 唔係 忘為
刪除買得美債的國家當然要有錢才能買，不過自關稅戰之後，大家都要拋售或減持...所謂美債或軍費，其實都係""保護費""，據講就算灣灣付出幾高的價錢買軍備都好，這些軍備都是舊款...這類親美的地方，都要繼續購買~~~~
刪除阿一爺真係了解尾角的時事政局，隨口講都可以寫篇"蛇春文"，好勁呀!!!!聽你講，森伯可以唔駛睇新聞，又知多啲~~就係尾角搞出個爛攤子，而領導者真係一屆不如一屆...尾角人民真係要自求多福~~~
如果識門路，淘佬都可以有商機，不過森伯呢刻都冇諗搵什麼財路，年紀大機器壞，冇病冇痛都陰陰嘴笑!!!!
一爺仲後生，身體又健壯，創業大門為你打開，你都可以諗諗有乜搞.......
""森源財源滾滾，恭喜發財"">>>>>>>>>>>>你估我係侵侵啲friendsss咩!!!!!!!!!!!!!!!羡慕中
“保護費”…
刪除無點菜權：唔係你指定想買咩，係佢話是，話呢啲啱你 ，咩倉底貨質畀你都得！
無議價權：同一樣嘢買畀森伯係$1，買畀森爺係$100
無交貨權：合約個交貨期係假嘅，造唔切任意推遲，可以再二而三遲。
…擺明佢惡晒！…
係嘅！富豪森老闆，我每日會好好準備讀新聞摘要。超級有錢佬才會有我呢啲讀報打工仔。
+ - x ÷ 嘅 嘉誠（+ ×）九十幾仲做。
我踏出半步已食虫，無老闆命(性)格。
勁鬼…我只係雛妓（初技），諗計仔改善我身邊野…爭位 托腳 挪移 靠黐 跟紅 頂白…。
到底鹿死誰手？
森哥會買鞭鞭贏？
睇人才 (治國和科技創新)質和量，見 自大 有小聰明 美總，我投中。
畀咁多錢，唔知買乜......咁仲衰過隔山買牛，起碼我都知買左隻牛~~~~
刪除聽你咁講，完全可以去消委會投訴，不過佢咁樣賣，你又咁樣買，都唔知怪得邊個??
森老闆唔駛畀錢都有個讀報人講下新聞，聽下時事都幾好...有時睇YT好多都係睇完新聞加自己少少理論，又去做youtuber...
人哋(+ - x ÷誠)九十幾都咁壯健，做乜都冇所謂~~~~
森伯睇新聞，有時當食吓花生，普通的小蟻民邊管到太多!!!!
梗係買""早角""贏啦...難道一爺認為""尾角""會贏?!!
哈哈！森哥新年都大力推介紅棗角，必然係森之選，話晒咸水角係炸物，點都好邪惡！好霸道！易上火引致發炎，到處都辣㷫火頭，峰煙四起。蒸煮係平穩和順，和平多喇！
刪除紅棗角……咩嚟架？！紅棗糕就有！！
刪除又冇你咁多形容詞，只係感覺似細路仔，鍾意講乜就乜，講過唔算數，都有少少似一爺的作風……👎
這個當然，華爾街大把「知情人士」，特朗普最識出口術，令股市大上大落，這些「知情人士」早就賺到盆滿砵，但仍然陸續有來，小戶門就一定要當心了。
回覆刪除和平兄講得對，小散戶真係要當心……
刪除某國總統講話一時一樣，反反覆覆，而個市場又上上落落，都知咩事！！貿易戰，關稅戰，金融戰真係乜都齊！！
自從90年代開始，我已經對美國投以不信任票，不會買該國出產的水果和肉類。 想不到了今天，才由侵侵暴露出霸凌的真面目。
回覆刪除咁秋葉真係有先見之明，幸好真正由美國出產的產品，又不是太多，我也有這個想法，但想深一層，問題出在佢的領導層，與市民無關……
刪除當年那麼多的人追捧 “豉油炆煮”的美國，只有我一個人不買算得什麼 ? 其實是當時在視頻~見到美國養殖牲口的方法極其差劣 ! 覺得這種表裡不一的炆煮大國，不值得信任。 也討厭這個喜歡挑起戰爭的國家。
刪除從來國與國之間的博奕，只有你才會考慮到對方的人民吧。
森兄真係仁慈！😂
刪除哈哈，豉油炆煮又幾啱……本身一向都認為自由民主是好東西，不過後來這個詞變質了，美西方變為打壓一些「唔聽話」的國家，有時人都有不公平的對待，更何況是動物呢！
刪除真正認識的美國人都好好，有報導講，在加關稅前，很多美國人都先買定東西，而且很多都是中國貨，美國人民都不會以中國為敵，仲覺得中國貨好抵好用，更有報導講其實美國人民不似官媒抹黑中國，他們反而覺得中國冇官媒講到咁衰，可見他們也很理智……
話森伯仁慈，我當和平兄係一個讚賞……
刪除不知道森伯認識很好的美國人，是白人、黑人、還是美籍華人呢？是不是全部都很好？
刪除我所認識的美國人是白人，感覺他們好人，間中大家都會送吓小禮，當然認識的不能代表全部，純粹自己的觀感……
刪除看到住在加州的白人和華人都會打成一片。送小禮物的都是女孩子吧，所以給森源很好的印象。
刪除在新冠流行期間，美國的黑人見到黃臉孔的男女都狂打 !
華人普遍受到歧視。
一個新加坡男學生，在英國倫敦被人打到半殘，回國治療了很久才恢復過來。
因為當時美國謠傳是~中國武漢實驗室故意洩出細菌病毒，使到全球病菌大流行，令到華人受到歧視。
刪除近日侵侵說~這是當時民主黨造謠生出來的事，以削弱中國的勢力。
如果同外國白人混熟了，可能大家的關係都唔錯架...秋葉真醒目，送小禮多數是女士行為，而這兩位夫婦是前同事，感覺他們不錯~~~
刪除其實由細到大都聽講外國的歧視問題頗嚴重，疫情時外地的華人更遭到不明不白的對待，被鬧被打都算好些，曾經有單出刀仔仲恐怖~~~
人地外國人，不理是白人還是黑人，他們都魁梧高大，而華人比較瘦弱，特別好欺侮，打你一身發洩心頭之憤......因為我不是住在外地，暫時未感受到，認識的外國人都係好好~~~~
佢想營造一種仇視華人的氣氛，而且可以籍此抺黑中國，好讓大家都對中國，華人都冇好感，總之新疆西藏的強迫勞動關中國事，新冠肺炎又關中國事，令佢籍此可作抵制行為......
刪除記得香港當時有很多港人，都一同附和呢套理論，一同唱衰中國...當其後的資訊多了，件事明朗化，佢哋就粒聲唔出...
香港當了140多年的英國殖民地，新一代都慣了崇洋。
刪除而舊一代的華人，當年很多都是為了逃避中共的鬥爭，紛紛來港。除了工會，和勞工子弟學校之外，平時沒有多少人敢說 “愛國”兩個字。普遍都是喜歡唱衰大陸，非常主觀。
其實唔單止香港，有些地方的人都十分崇洋，日本人就是！！
刪除一向既有的白人形象，感覺他們有文化又叻，如果能講流利英語，個個都刮目相看……証明可以同好叻的白人溝通，很有前途，這就是一般華人想法…
對呀，以前話自已愛國，畀人話左派，覺得係邪惡的代表，好誇張……
很高興，估唔到在這個網誌內的博友，好多人都愛自己國家，愛自己民族的人，秋葉姨是其中之一，你能灌輸一些愛國的情操給下一代，也很值得敬重！！
謝謝讚賞。基本上人類都是對長久的居住地有歸屬感，也跟隨宗祖的國度而效忠，亦有為國征戰的責任。但如果是打不義之戰，不惜成為逃兵，這是一種軍事罪行，那麼他只有找一個隱世的地方。(美國有一個逃兵，找到他隱世的安樂鄉。)
刪除謝謝森伯不止一次提及關心我的下一代 !
下一代是明白事理的的人，也不必為他們操心。
自一九年之後，跟著有一個所謂的少數移民潮，令我體驗父母的身教很重要，就算一些子女看似懂性，明白事理也好，原來一開口就滿口歪理，行動舉止嚇親人，當這些人日後成為別人父母，他們的下一代也是如此，一九年之後都看得相當透徹……
刪除一個明白事理的人，不會一開口就是滿口歪理，行動嚇人的。否則，也稱不上是個明白事理的人。
刪除原來在19年你見過不少滿口歪理，行動舉止嚇人的年青人，你認為他們都是明白事理嗎 ?
所謂種瓜得瓜，種豆得豆，各有前因，我就不說了。
我當然不是話秋葉的下一代外表明事理，開口便滿口歪理……我相信秋葉都會教導他們好好！！
刪除一九年，所遇到有好幾位認識的人，雖然他們己不是年輕人，但外表很似明事理，但對國家，國內人都存有偏見，能夠反駁我都已經講過，不過每個人都有權信他自己那一套，就沒理會他們了……
侵侵玩財技玩出火了，一句「暫緩九十日」讓股市反彈，他幾個小時前叫人「此時買就合時」，一大班有錢佬賺大錢。如今有反對派議員睇唔過眼，話要徹查是否「操控市場」、「內幕交易」！這就是大商家玩的財技，你話死未？
回覆刪除呢單新聞已經大肆報導，懷疑侵侵做市，遭到徹查都預料中事，其實很多人都一定有所懷疑，其後一班友人賺到錢，仲要咁張揚，正所謂隔牆有耳，有人知道，實爆佢大鑊！！
刪除