一句"香港製造"就成為早前熱哄哄的新聞，其實對於消費者的角度來講，買的貨品只有分好用、不好用、耐用、不耐用...
發覺現在真正香港製造的貨品不多，香港的民生用品都是靠外地運來，出產的東西不會很多...
即時記得就有藥油，驅風油之類...因為老人家森伯用得多~~~~><，其實老牌子出品的藥品藥油，的確會讓消費者或用家可安心使用，因為用慣用熟...所以近排水貨客都會鍾情這些老牌藥油，多多入貨轉售，証明有價有市...
還有一些文化產業，聽起來好勁呀...其實我指是歌曲及電影!!
始終廣東歌都陪伴不少港人成長，隨口數都數到十首八首是喜歡，出名的歌，相信喜歡的都過百首以上!!!另一是港產片，以前的港產片比較賣座，到今時今日港產片已經未復當年勇，有什麼戲上畫也不知，可能自己無心留意...廣東歌我常聽，但對港產片就有保留，並不是森伯的杯中茶，若要與西片比較就真的會揀西片睇!!!
怎能少了港產食品，即時諗到"痕鄉"的老婆餅，仲有乜華物華的嫁仔餅等的唐餅，也是香港自家製的品牌~~
一個Made in Hong Kong品牌的豆奶，真係由細飲到大...唔知大家認為味道依舊還是有所不同呢?!!不知森伯有否漏了其他常用的產品也是香港製造呢，大家博友不妨提提森伯...
平時我都冇理係邊度制造，平靚正啱用就得。現代化係機械人自動生產不經人手，喺邊度造都無差別啦！全球化係分工合作，一個產品係包含咗多國，邊度制造對我唔多重要。
回覆刪除多年前，有次喺超市買嘢聽到個『博士級』C9，深入研究甘沙朱古力，佢話超市賣係好味過價XX嘅，超市係入口貨貴D，後者係大陸生產平D。我就食唔出啦！我對味道係鈍D，咁都好，可以食平D都唔會有乜問題。
所以，你問我有乜香港制造，我真係懵下懵下答唔知囉！嘉頓、大澳蝦醬 鹹魚…
香港『生不如死』，出生率細過死亡率，香港制造嘅人都少咗！要融合大灣區。
一向都好少理邊度制造，除非嗰樣東西買得好貴，就會問產自邊度，最主要睇下值唔值個價......啲人買名牌就會留意是否意大利，法國，巴黎等等，但森伯冇乜銀買名牌，所以都唔會理...哈哈哈
刪除其實我又好少比較-----例如價XX，七五X...那些小食跟超市有冇分別，不過從理論來推測，大型超市(如：佳佳，康康，Aexx等等)是直接跟供應商入貨，至於一些小型雜嘜舖可能從其他地方入貨，所以賣的較平宜，我都相信味道係有分別...不過一般都食唔出，最緊要唔食壞就OK喇!!!
係啦，嘉X的食品都係由細食到大的本地貨，森伯唔係踩場，近這些年來睇嘉X食品的營養標籤，太多人工添加物，都冇買很耐了!!!!我覺得本地貨品質量好重要，好的...自然多些人買!!!!
唔會啦，點會生不如死，只要一日仲在生，仲在香港，都會繼續支持本地製作的好物!!!!
印象最森黑嘅香港制造係雞蛋仔，因為佢陪我渡過四載餓寒交迫夜晚，放工急赴校靠佢頂肚到十點才食晚飯。
刪除雞蛋仔相信係絕大多數港人的回憶，它代表香港美食是毋用置疑，不過這裡講係一個品牌？！
刪除雞蛋仔的出現，真的救了不少上進青年……😄
無名英雄為港人敬仰，要立個🐣仔碑。
刪除題目係香港製造唔係香港品牌，你快啲改翻啱佢啦！
閑談啫！為乜攪到好似考試咁緊張，令我皮質醇飈升，散心唔倒就散森。😜
香港好細，本身製造業以算唔多，勁到有自己品牌就更少，降成本80年代走上大陸設廠好多，因時代式微、 淘汰都不少，剩得只有鳳毛麟角， 如我有 無中生有 嘅超能力，可以跑去做常屈人嘅美國官員啦！
中國外交官罵美國霸權霸道霸凌，3霸嘅香港有間『平霸』嘅，佢嘅廣告口號都係3霸，也要走上不歸路。所以，少到我唔知囉！只好咁答啦！要體諒我能力。
咁又唔駛咁誇，假若有朝一日開個香港街頭小食博物館，雞蛋仔一定走唔甩……
刪除你只係冇理解好個題目啫！又唔需要搞到皮質醇颷升，你自己太過上心，如果照你咁講，總之在香港做都可稱之為香港製造，包括阿媽炒的芥蘭菜，梅菜肉餅，青紅蘿蔔湯等……我只係縮窄個範圍，有品牌出的貨品可供人買為主……
記得九十年代，很多廠都北上發展，當時又因與國內連繫越來越密切，很多國內商品供應市場，令到港產貨的出品越來越少，有些貨品也可能被市場淘汰，都冇咩港人再研發新產品，設公司，或設廠，就算港產品牌最有名的白花油，你冇用過幾耐呢，可能買一支細細地，擺十年都未掂過……
正所謂不招人妒是庸才，某國越多針對，就証明中國的威脅越來越大……對中國人來講都係好事！！
對你來講係普遍菜色，一轉到外地，森媽棧就係品牌，太子爺 森哥仔要做店小二幫手。
刪除白花油係老人家不可或缺嘅萬能靈丹，隨身攜帶。
森我平時都互相針對，咁我哋唔係庸才，值得驕傲，要唱好自己。
唔係最平唔敢稱霸嘅平霸電器也倒下，霸霸霸米角都一樣命運。
邊有咁誇張，有很多家常菜色都有人懂得煮...森伯想做太子爺真係發夢都嫌早......哈哈哈~~除非一爺開店請森伯做店小二就唔奇~~
刪除你隨身攜帶白花油?!!...唔怕萬一漏了出來，真係一陣陣的藥油味?!!其實呢隻藥油最好用是肚仔痛!!!
你當然唔係庸才，森伯話自己啫!!!!
店小二辛苦又人工低，喜愛插畫嘅森哥無興趣又點會打呢份工，除非係自己家業啦！
刪除阿媽香水，我係細蚊仔時用過，大咗冇用。
森哥係庸才都無炒魷，咁男上司同你關系恕不簡單。😜
工作冇分興趣唔興趣，有得做店小二也好！唯有等一爺開業……
刪除大左冇用，你又講隨身攜帶？！
時勢講唔埋，可能遲吓就炒！哈哈
我咪做咗森哥上司，是非精會造謠，老板必須顧及名聲架，亦驚庸才得失客人，我要補鑊話係半社企餐館，呢個係低低哋，請多多包容，結局係森哥無得留低。我要順應森意唔可以讚要踩，我被迫玩語言SM，否則，森哥會唔開心。 哈哈！我無果家上流寄生族謀財害命碎屍咁冷血， 引証金錢係萬惡，喺公平競爭規則下鬥輸鐘國，霸道米角卑劣手段盡出，係萬惡最佳典範。
刪除照顧老人家要隨時準備，去應付無法預測嘅頭暈身㷫。
如果幫一爺老闆打工，我諗森伯日日幫老闆嘈，通常顧員都唔抵得啲度縮老闆，遲早都要畀老闆請食無情雞~~~~~~
刪除你又唔好抹黑森伯，唔可以讚要踩，我被迫玩語言SM......就算極權國家都未必會咁啦!!!!
呢單新聞真係有勁大的迴響，個個媒體都係咁講呢單新聞!!!!幾時金錢都係萬惡，我覺得其實某國又唔一定只是錢，仲會影響霸主地位才是真......
其實想問多一句：你現在要照顧老人家嗎?!!照顧者幾時都要睇好自己身體呀!!!!
我唔夠狠，要算死草去刻薄員工，所以，早就唔發老闆夢。
刪除呢度森哥地頭擁有絕對話是權，即係極權，我都要順你所生。
權、利係雙生兒，唔係為乜爭霸喎？有權制造戰爭 炸人油管 操控國家政要 都無人敢發聲揭露真相，迫你買佢武器 …… 買咩武器佢定、數量佢定、交貨期可延遲，全部都係佢話是，你要畀好大筆錢。
問咗唔答咁私人問題得唔得！！！疫情前走咗。獨居都要照顧好身體。
依家做老闆都唔易，打工仔只係記住份工，而老闆就要顧及全盤生意，頭痛得多!!!!
刪除森伯呢度有幾極權?!!算好高自由度，可以畀大家稍為暢所欲言，第二個都未必得~~~~
聽你咁講，某國又真係幾威威，既然講到係大佬，當然做細的事事都要聽從!!!呢幾年真係聽得太多...
當然得喇，博友的私人事都不便公開...我認為盡了自己可以做的都盡量做(照顧)，都算無愧在心，只要現在照顧好自己，對已故的老人家來說也是最大的安慰...
昔日的工展會就是我們驕傲的品牌了！
回覆刪除係呀，工展會就是，一個用來展示香港出品好物的一個平台!!!!
刪除以前冬天在外購買了一支~熱氣騰騰的豆奶來飲下，真是很暢快 ! 不過這種熱的豆奶早就沒了。父親早期穿著的雞仔牌線衫，就係地道的香港製造，也不見了。街市的板豆腐，香港特產，自小吃到大啦 ! 在香港製作的食品還有不少，像餅乾、麵包等等。
回覆刪除因為以前士多較多，很多都有熱豆奶供應...相對現在大家都會買一大包回家，弄熱也不難，所以現在熱豆奶都賣少見少...
刪除秋葉現在可能見得名牌衫多了，已再沒有留意本地品牌貨!!!雞仔牌仲有賣，就算秋蟬牌的內衣都可以搵到，不過銷售點都縮減了!!
搜查番屬於香港的品牌其實都有很多，不過隨著時間的過去，有很多今時今日已被人淡忘了!!
「梁蘇記」雨遮，這個上世紀品牌，已結業多年，相信記得的人應該不多；鱷魚恤想你應該認識！
回覆刪除係呀，呢個買遮品牌都好經典，記得佢結業時，很多人趁最後都要買番把遮……時至今日十多元至幾十元都有一把，爛了就丟，就算幾名遮都冇用！
刪除鱷魚恤的店舖越來越少見！有點唏噓……
回覆更正：梁蘇記還未結業，除了實體店現在他們還設有網店，據他們所講結業原來是個誤會!!!!!
刪除謝謝，更正！
刪除我初時都以為已結業!!!!!!!!!!!!
刪除香港已經從一個工業社會轉移到服務業社會，對於產品是否仍在香港生產我並不在乎，我買東西只著重三個字，平靚正。
回覆刪除我發覺現在很多人的消費模式都是這三個字，就是平靚正...尤其疫情期間~~~~~
刪除可能由於香港是貨運港，很多產品都可以運來，本地出產越來越少!!!!!
本地出產放心食用。
回覆刪除某程度上本地出產都有信心些!!!!
刪除