最近不時都會整饅頭，整整下都有些少做包點的經驗，所以今趟都想整番件葱油餅佐粥...耐不耐食些少辛味食材幾好，例如薑、葱、蒜、辣椒等，其實辛辣料中我係比較可以食葱，多吃葱可以預防感冒傷風之類...
正常整葱油餅應該用煎的方式整，唔需要落酵母，搓完麵團後加葱花便可，將它壓成餅狀煎就可以~~但可能近排整得饅頭多，乜都整到好似個大包狀，而且蒸熟冇咁熱氣，大家都知森伯平時幾燥火架啦，所以蒸熟就可以...出來的樣子好似大包，切開有四件幾襟飽又0岩味道，用來佐粥又幾適合，日後有時間都會整！
不過用真材實料整，難免成口葱味，不過對我來講好過蒜味，如果怕呢類味就要注意！！
食白粥葱油蒸大包
回覆刪除算係大熱天時清清地…
刪除葱油餅也好，葱油包也好，真係又愛又恨！因為我不吃葱。
回覆刪除都有聽好多人唔食葱，如果食雞粥唔落葱或薑絲就真係浪費晒……
刪除愛很簡單，唔需要好多材料就煮出一種食物。
回覆刪除食物敏感嘅都係自己煮好啲。
仲可以自由創作，我想做營仔，改用全麥粉同欖油，雖然粗糙啲又唔係白雪雪，襯我冇外表得內涵。 😁
愛好複雜先至驚嘛……有時食材簡簡單單先好~~而且啱晒懶人森伯~~
刪除本身就冇咩食物敏感，不過辛辣食物比較燥熱，唔適合我……
用全麥粉做都可以做得靚靚，不過現在整饅頭都係初整階段，遲下試整全麥饅頭~~~
有乜整饅頭失敗經驗同人分享吓？有乜要注意嘅地方？
刪除呢個頭要蒸幾耐架？
應承你會出一篇整饅頭的網誌，好快會寫...
刪除其實整饅頭最緊要控制到發酵的時間，其他就好簡單~~
每人整都唔同，我就蒸廿分鐘就OK~~
森哥愛自由，我唔會對我嘅要求存在任何幻想。
刪除唔知呢篇要發酵幾耐至得呢！
反而我覺得一爺兄個人都幾幻想派…
刪除呢個包大約分兩次發酵，佢叫這種為醒麵，要做一至兩次呢個步驟啲包點先發得好……你有興趣都試吓!!
創作力量同幻想會嚇你一跳，小森同一爺好重要。
刪除真係唔明喎！放喺度等酵母菌食嘢咪得囉！只係控制發酵時間長短，點會二次架，咁要森哥點醒我啦！
其實我係話會耐心等侍森哥篇饅頭文醞釀，台灣人會用發酵呢個詞，意思即係需要一段時間慢慢發展才能完成，事情係急都急唔黎。
一爺兄的創作力量同幻想幾時都嚇森伯一大跳架啦~森伯本身就微不足道，唔重要喎……
刪除其實如果懶，發酵一次都得，因為發酵完粉糰重有很多細孔，再拿出來搓搓，將細孔空氣迫出，咁就蒸出來的包好似買咁靚，皮光肉滑…
一爺兄仲有大把青春等待，急都唔駛急，總會等到你所期待的，但森老伯幾廿歲人，乜野都急一餐，包括埋人有森急……
你呢個係包啦.
回覆刪除直情係個青葱大包~~
刪除我唔太like葱:P
刪除偶爾食吓葱都幾有益~~~
刪除原來葱可以預防感冒傷風之類，咁我要食多啲啦﹗
回覆刪除係呀，如果唔怕葱味，偶爾食食葱都幾好，增強返個抵抗力~~
刪除俗語有話：食包包食飽，新鮮的蔥油包應該更加好食!
回覆刪除記得以前都有學習整過馬拉糕來吃，都幾好味。
後來有整過蘿蔔糕，包過糉子，不過工夫未到家，有待改進。可惜現在都懶了，想吃糉子都不會自己整。
森伯落的油唔會太多，所以都未必好食，不過就勝在真材實料，淡淡地幾自然~~
刪除因為好多時都聽到外邊的食物，製造時落很多食物添加劑，自己能夠做又唔怕麻煩就幾好!!
包粽子十分多功夫，真係買好過~~~哈哈
蔥油包好正，送粥或豆漿一流。
回覆刪除用來送粥送豆漿的確唔錯...你講起又未試過送豆漿，搵次試吓~~
刪除