今年可能比較凍少少，感覺個節日氣氛都唔錯，聽講訪港的旅客數字多了，所以假期都係預左人山人海，所以人多擠迫的地方真係唔好搞森伯伯，不過今年有咁啱可以到尖東睇下燈飾…
臨近聖誕屋企都冇咩特別佈置，摷返棵陳年聖誕樹仔出來搞搞，執吓佢又見得吓人，森伯就好似棵聖誕樹仔咁，都要執一執搞一搞先至見得人…哈哈哈～～話時話今年都某乜機會買換季衫，好在森伯平時走開丐幫路線，某乜所謂啦…
樹仔細細，整屋的聖誕氣氛都係靠佢撐住咋～
雖然今個假期冇往年咁長，不過都好過冇！預祝大家有個開心愉快的節日長假…
森少家中嗰棵聖誕樹都幾靚吓。想起尖沙咀海旁總是人山人海就怕怕了!人少時去行吓都唔錯嘅。
回覆刪除見棵聖誕樹仔造型都ＯＫ，望落都係舊少少，一年擺幾日索性環保唔買過…
刪除如果要去呢幾日都少人些，但到聖誕除夕夜相信人就好多人~~
環保不浪費很重要!因為地球上堆填了太多的廢物，使水土很不健康!
刪除現在連塑膠飲管都建議取消不用。
你講得正確，如果講環保節日的浪費很多，尤其是包裝食品，去到超市就見到大部份都係塑膠包裝，現在買東西都會帶備購物袋，若然冇袋都會用手拎住...
刪除繁華社會就係叫人盡情消費，盡情消耗包裝配件。超市的塑膠底盆，都應該儲起，然後拿去收集的環保箱，可以循環再造。
刪除*
又到聖誕，又到聖誕，祝森少聖誕快樂! 🌲🐧🌷🍀🎉
所以繁華背後，總要付出一些代價，堆填區繼續爆滿...
刪除其實有時回收箱過多的回收物都係難處理，最終都係轉返去堆填~~
都係從原頭減廢最重要...
祝秋葉聖誕快樂，與家人享天倫樂...
森源冇往年咁長，不過都好過冇！
回覆刪除我講年假啫...唔係講其他嘢~~~哈哈哈
刪除以前都有出去睇燈飾，但人越大就越驚人迫。
回覆刪除如果外面太多人迫來迫去，就算燈飾幾靚都冇乜心機睇啦~~~
刪除學/事業兩休，享受悠閒時光。可搞作吓：
回覆刪除播聖誕歌推高氣氛。
送份聖誕禮物犒賞自己，放喺聖誕樹下，等BOXING DAY至拆開。
著紅噹噹 穿窿性感裝 扮丐幫 聖誕男神送禮物畀人哋。
安排森式齋聖誕大餐，大食一番。
今年假期少了，唔會休得太耐...
刪除聖誕歌CD以前都有一隻，不過唔知咩原因失了蹤，冇再買~~~
買禮物獎賞自已一年四季都有啦~~~
紅噹噹穿窿性感裝?!!...穿邊度窿先?!!老人家冷親就手尾長~~~呢類裝留返畀你哋啲後生靚仔著仲好，不過派禮物就留番份畀森伯...
詳係森式齋聖誕大餐?!!人老左食唔到太多野~~
咁你自己唱聖誕歌囉！(我鍾意唱歌)。
刪除係喎！你嘅人生多波折，要對自己好啲，多啲獎勵自己。
又話自己係丐幫，穿窿衫褲啱晒你啦！啲窿位梗係近住重要部份。
你自己創作嘅有營大餐，唔使大大份，要精緻小巧。
唱歌平時都會哼幾句…
刪除由頭到尾我冇話自已係丐幫,係走丐幫路線啫~~唔會著爛衫爛褲…
啲窿近住重要部份…眼耳口鼻,心肝脾肺都係重要部份啦~~咁咪要全露…哈哈哈
放假仲要自已操勞整大餐,不如一爺兄煮完送嚟老人院畀森伯食仲好~~XXXD
森少畫畫咁叻，藝術細胞都好多，可以化個聖誕妝，好像畫人物素描，將自己卡通化都好Cute，森伯化身森少。
刪除啲明星/名流昂貴晚裝都係好多窿架，點睇都唔覺爛衫爛褲，我好有信心憑森少藝術創意，可以為自己設計幾套型格嘅穿窿衫，過一個好有氣氛嘅聖誕節。
你咁多嘢要戒口，好驚會毒害你喎！怕咗你，唔識點煮。
冬至快樂~~~
刪除化妝同畫畫係兩回事...唔係話識渣支筆就可以化妝，我諗你講果種係人體彩繪~~~
你都識講啦，人地係名人名星，著咩衫都係靚同型~~簡直係國王的新衣，著咩都話好睇!!
你果D咩邏輯?!著穿窿衫就有氣氛...定係參加咩主題派對呢??
早前講過啦~~鮑魚,花膠,海蔘食得,咪煮呢幾樣囉!!我諗一爺兄屋企隨時都有存貨...哈哈
有你成日同我頂嘴，血壓時不時飈高，令平淡嘅耆英生活泛起漣漪，唔但只冬至快樂，日日都快樂，衷心感謝森少帶給我嘅歡樂，有人陪伴就唔駛獨自去偷歡。
刪除化妝同畫畫係一墨相成，你呢方面嘅基礎學起上黎會比一般人更易上手。
森少真聰明，又畀你估到係XX主題派對，係你身上負擔愈來愈少，會喺你身上塞小費囉！哈哈！
鮑魚、花膠、海參會食窮人，森少爺家底都好厚，買呢啲畀你，到時換我做丐兒仔著穿窿衫。此刻腦中浮現句論語，孔子曰『唯女子與小人難養也』，一代名師孔子都要鬧人。哈哈！
頂嘴...我當係傾偈~~?!!!呢啲咪畀你激到森伯伯嘔雪囉...
刪除當然唔止冬至才快樂,日日都快樂就梗係好~~但係生活都要嘗盡喜怒哀樂...咁先至係精彩人生!!!!
一爺兄乜咁客氣呀!!!寫Blog能夠有些博友講下笑互動下,都會令到寫blog生涯生色不少~~~
仲學畫其他?!...而家去學習都已經森力交瘁~~有興趣的話就係易上手,冇興趣的話就係得個桔~~
塞小費...?!!第一以一爺兄咁疊水小費冇萬元都有數千啦...XXXD
第二你參加果D派對要將D打賞錢,塞來塞去咁特別,因住人地行唔郁...XXXD
你連萬世師表孔子都般出來,看來想食到一爺兄的富貴食材都唔易...
難養"兩個字在一爺本字典唔會出現...總有些人係你甘願為他們下廚煮好野~~~
聖誕快樂呀！
刪除好多人捉襟見肘，畀細路哥食麥當勞餐當為聖誕大餐時，食到呢啲富貴食材真係難過登天，森少爺咁寫搞到我呢啲窮人好自卑、好厭世，更加仇富。
比難飬更差，係飬唔到，所以，香港出生率係全球第一低。
富貴森真係唔知民間疾苦，極離地。
Boxing Day快樂~~~
刪除年尾流流...又畀你激到森伯伯嘔雪!!!!講到又仇富又自卑咁誇張...
簡直誤導Blog友們以為森伯冇名貴食材食唔落飯噉~~~~唉!!!!
吃東西唔一定講食材，最重要你同咩人一齊食...雖然咁講好老土，但又係事實喎!!
今個聖誕大餐，森伯在連鎖茶餐廳食碟頭飯當聖誕大餐，當為應下節咋!!
森伯Blog內推介食物都係有營健康同素食，中秋買棋子餅當月餅食咁鬼慳，咁樣又點會令人誤會呢，唔好自己困住自己，度門唔係推出，係拉入就可行出去。
刪除森伯伯咁辛苦建立嘅慳家暖男形像，可能畀一爺兄幾句留言破壞晒...哈哈哈哈
刪除赤貧的森伯唯有慳慳地過活喇!!!又出又入真係冇一爺兄咁在行…
之前返港，街上人多到我有啲興奮，點解？因我呢邊多見樹木嘛，跟住我的又有啲驚，驚發生亊來唔知點好？因我就好似大鄉里出城咁！
回覆刪除也預祝森兄冬至，聖誕及新年快樂！
我諗住開外國地方的朋友，返到香港可能發覺比以前擠迫，初時就會覺得幾熱鬧幾有氣氛，但住耐了就會覺得處處都係人~~人太多買東西都好唔方便...
刪除我都祝恕兄新年快樂, 身體健康, 節日愉快...
我買咗一盆聖誕樹仔擺。
回覆刪除一盆聖誕樹仔...聽落又幾得意喎!!!
刪除人多擠迫，我有時會楝遊車河睇燈飾架！
回覆刪除遊車河感覺走馬看花，覺得D燈飾靚又唔可以停低影相喎...
刪除聖誔樹仔，加紅花紅絲帶，原來都幾有氣氛喎！
回覆刪除這棵聖誕樹仔本身已經有裝飾，若然加串閃燈，相信會更有氣氛…
刪除佈置下就有聖誕節氣氛，真係好好多呢。
回覆刪除今個聖誕除了整整棵聖誕樹仔之外，其他都冇搞什麼佈置……
刪除
刪除祝：聖誕快樂！
謝謝Man Man...祝Boxing Day快樂~~拆禮物拆到手仔軟~~~
刪除幾年沒去尖沙咀睇燈飾,不過日頭返工,有時候都會經過尖東.不過燈飾沒夜晚美.
回覆刪除當然啦!!!早上睇燈飾真係遜色得多，漆黑的夜裡有燈光照亮，視覺已經唔同晒啦!!!!
刪除聖誕快樂
回覆刪除新年快樂…事事稱心~~
刪除棵樹仔拆返未?
回覆刪除明天又可再用,夠環保^^
gael兄返來嗎?!
刪除仲未有時間拆...你想話明年再用，仲會嘅!!