其實有好多時,食肆個名聽就聽得多,但係都好少機會去幫襯...就好似今日所講的八方就係例子~~
見到荃灣區都好似有幾間分店...呢間舖主打餃子,麵食等...
當日想試下餃子麵,但見餐牌有些餃子類的餡料係誡口食物,所以同侍應講可唔可以走乜走物...森伯個老人家真係麻Q煩...哈哈哈
侍應話所有餡料已經一早溝好晒...既然都走乜走物就不如叫個齋餃麵...緣色餃子皮好易認,素鍋貼都係綠色不過長長的,雖然話係素餃但食落似有肉的口感,唔錯既...幾個人食埋單都係百幾蚊,畀想像中又唔算太貴,都食得過...
呢類粥粉麵食,森伯都OK架!如果出去只係食個晏,通常都係揀呢類...
間中食下齋都唔錯呢,可以清腸胃^^
回覆刪除森兄通常有乜係戒口食物?
咩間唔中呀?!!...一日都起碼有餐食素架啦~~~哈哈
刪除韮菜, 韮黃, 蝦蟹, 牛肉類...呢啲只係由細誡開就唔食囉......
我很喜歡吃餃子之類的北方麵點。
回覆刪除但不知是否嘴刁,我常覺那些小店子的出品好假,都是加乜加物才能令食品價廉物美,因此,我已很久沒去幫襯這些店舖了…
除非是我吃過覺得合格。哈哈,都幾難賺我的錢呀!
我都係架...逢親包點湯餃都很喜歡...可能都係屬於北方口味~
刪除你講起好假,我又突然諗起超市賣的包裝水餃,當試過後感覺裡面的餡料都唔知係乜,肉又唔似肉,菜又唔似菜...自此之後都唔敢再食,呢隻包裝水餃都幾出名,可能森伯唔識欣賞啦......
以恕兄的廚藝咁好,自己整餃子仲好食啦!!駛乜幫襯其他呢~~
咁森兄食錯嘢會關節炎發作, 紅腫 、疼痛同僵硬,化身僵屍架?
回覆刪除我識個鬼佬係花生敏感, 真係好大鑊 ,好多菜式係用花生油煮,就算係你碗齋餃子都要問個麵條用乜油 搓成,搓餃子皮時落乜油,餃子饀加乜油,個湯底啲油…………又驚煮食器具洗過後會唔會殘留花生油…………
咁你又唔好講到關節炎人士個個都好似活跳屍咁...聽你講到好似拍恐怖片咁~~~(擰晒頭!!)
刪除如果有食物敏感人士外出食東西就要加倍小心啦~~最好自己煮同帶飯食...
因為出面食肆整食物真係唔知點樣煮,如果你問多兩問,伙計即刻叫你過處......
我只幫趁佢地買生餃子回家煑,從來都冇堂食,我見佢的餃子是包好哂。
回覆刪除原來佢都有生餃子賣,有時請客都幾方便,買返來煮一煮又可以熱辣上檯~~
刪除綠色皮係菠菜汁整嘅?
回覆刪除歡迎王子,真係好耐冇見喇......
刪除綠色應該是波菜汁整,作用係畀伙計廚房以之識別係素餃...
八方綠色皮齋餃子麵...
回覆刪除大夫有機會可以去試吓……
刪除做人難得齋森又齋口, 素味謀麵齋餃夠健康!
回覆刪除搵日都試吓八方的素餃!
其實外邊食的素,都冇話健唔健康,不過試吓又無妨…
刪除有機會去試試…
講起食餃子,懶起上嚟會去超市買嗰啲水餃回來吃,可是真是口感差劣,只有一兩個牌子會好些。都係自己買料回來整好食啲嘅。
回覆刪除超市的包裝水餃食起來口感麻麻地,完全分不清內裡是什麼,不過這間八方也不差,可能把餃子先包好,客人來叫就煮出來吧…
刪除有機會秋葉都影些你整的餃子上Blog分享吓…
很久之前整過一次~包雲吞,餃子就未包過。最近想整蘿蔔糕,都係得個想字。最近很冷。只得6-7度,冰箱存貨多,都唔多想出街了。
刪除如果有機會整餃子,就遵囑放上blog分享吓啦。
雲吞好少包, 通常感覺要配個雲吞麵才是…餃子食得多, 尤其森媽整都好好味, 餃子大大湯底清甜, 非外邊貨色可比~~近幾日真係凍到唔想郁啦!!
刪除好呀!!有機會睇睇你包的美味餃子…
雲吞想配麵容乜易吖,超市的麵形形式式,買定啲喜歡那樣就煮那樣。
刪除話時話叻,我真係未曾包過餃子,因為我是南方人,不常吃餃子的。真係好羨慕呀! 有媽媽做餃子吃! 世上只有媽媽好呀!
住近海邊特別冷! 無奈下午都要出街買菜買用品,無得偷懶啦。
講到雲吞麵外面食肆食會好味得多, 據講舖頭會用大地魚粉熬湯, 所以特別配合雲吞一齊食…屋企唔會為碗麵而熬個湯…
刪除其實基本上餃子連湯底我都識煮, 好多時眼見就容易, 整起來都可能係兩碼子的事…
住近海邊?!!...咁秋葉屋企咪有個無敵大海景~~唔怪得唔想出街啦!!!!
市上雲吞湯底除咗用大地魚,重有蝦頭蝦壳做湯底。有次我用柱侯醬煮麵,家人都感覺到很好味。懶人就係咁省功夫架啦。
刪除係咁請講吓~你係用乜嘢嚟做餃子湯底?
外邊食肆係做生意,為求多點人幫襯,點都會落重材料煮到湯底好味,但自家整的以清淡健康為主...
刪除平時會用白菜,肉片,冬菇...再加少少雞粉(唔加都可以)...煲到有味就放餃子同麵...清得來又幾好味!!!
用白菜、肉片冬菇和雞粉做湯底,一般都係好清甜好味的了。這個湯也很正路。現在有很多間分店的「香港仔魚蛋店」無論什麼湯底和料子,都係辣到飛起! 好好的一顆魚蛋,加了很多的胡椒粉在裡面。
刪除想不到間間如是,當肚子餓時,吃也不是,不吃也不是。
以後見到這間店舖就要走避。
係呀!!簡單的幾樣材料,已經好清甜好味...用來送餃子及麵亦唔會蓋過它們的味道,而且是家常食物清清地唔錯~~
刪除你唔講又唔知,乜魚旦都狂加胡椒粉...@@食起會好辣?!!...我諗佢地想用胡椒粉蓋過魚腥味...不過我冇乜幫襯~~
消費者好公道,好的會再幫襯,唔好就掉頭走~~
知道遲些森少要出桑椹子乾果的blog,如果我blog上的樹上桑椹子有可用之處,也不妨拿些去用,這些美圖都是從網上找來的。
刪除不過你博的圖片一張起,兩三張止,也未必會多做工夫。
多謝秋葉…我的網誌一向奉行簡約,唔會太多文字(不過近來人越老越長氣…),相片亦不多,只一兩張作為代表圖就算,所以稱為”森情小品文”只係以簡短的小品文形式去寫自己的所見所聞…
刪除希望秋葉唔好嫌簡單啦…
簡約就是好,省了不少的心力。
刪除至於個人的網誌有時長篇大論,純粹是為了作一個紀錄,留檔。
每個人的風格都不盡相同,各適其式就是了。
初時真的很簡約,隨後漸漸多了些網誌內容,正如你所講各適其式吧~都係留下一些生活記錄,或者偶爾重溫番也會會心微笑……
刪除看到會心微笑真是好! 笑就是健康之門,我最喜歡看幽默好笑的內容。
刪除當然,會心微笑是因人而異,每個人的感受都不同。
真正森伯個人又唔係咁講得笑咋,所以講笑都會睇咩場合同咩人…
刪除我諗秋葉平時都係樂觀人…
平時我也不大懂得說笑,但喜歡看幽默笑片,不過太過無厘頭的,其實是硬滑稽,並不好笑。看到別人寫的東西,有時都幾幽默好笑。
刪除樂觀點比悲觀好一些。
其實無論什麼原因,懂得笑都係好,外表畀人一種寬容的感覺,內裡就可培養個人的幽默樂觀的態度…森伯都要向秋葉好好學習~~
刪除說向我學習不敢當! 經一事長一智,人人都可以在生活中找到學習的地方。個人也有不足之處,還在學習中。
刪除當然我也享受到樂觀的成果,還要保持這一種良好的心態,面對充滿變數的人生。
刪除要面對人生的變數的確要有良好的EQ,所以生活就是不停的學習,無分年齡無分階段,人生每段路都遇有不同的體驗,學習面對一切,學習調整心態,或者就叫做人生課程~~
刪除森伯一直都好想問秋葉...你之前的Blog名稱是否呀傻傻呢?!!
哈哈! 你真問得好! 阿傻傻好高級的,真不敢當! 個人開博在雅虎2011年,一直都只有一個名字。
刪除阿傻傻好似移居到英國,近來又好少見這位舊博友的留言…因為我記得佢又係喜歡在前幾篇Blog留言,唔會留在最新篇的Blog,所以我以為你係佢啫…哈哈
刪除原來阿傻傻是你以前來留言的網友,又知她去了英國。以前她也有來找過我,現在不見來了。她不常訪網友,好像鳳凰無寶不落。
刪除初時還以為你見我寫留言這麼長篇,以為我是傻的。
不過因為見你G+的版面和我的homepage一樣,又這麼小心飲食,真是很難得,又這麼喜歡用灰色的秀麗筆,這麼巧合所以才多了來留言吧。
係呀~~阿傻傻係雅虎Blog時期的舊Blog友,的確有很多舊Blog友不知近況如何~~
刪除千祈唔好咁講, 人家寫長篇留言, 可能是有感而發, 又或者有些東西想講講…絕對唔會咁話人傻啦…況且最傻嗰位係森伯才是!!!!
或者大家都係情性中人, 森伯份人又比較率真單純~~~既然大家咁多巧合都應該啱傾嘅…