今年第一篇點都要攞返個意頭先…諗諗下森伯都好耐冇執支筆筆寫返啲健康嘢,一於今年頭炮寫返個…「鴻運當頭」有生機…
生機飲食已經流行好幾年,最初呢方面的資訊多在台灣的網站,不過香港都漸漸多人認識何謂生機飲食,其實好簡單一切食材都以生食為主,吸收佢最天然的養份,從而令身體壯起來…講就係咁講,得唔得要試過才知!!
其實森伯間中都會整呢個紅菜頭,好少用來煮食因為唔知點煮,所以用來生食的多,而菜葉亦都可以煮來食,完全冇浪費…切了的紅菜頭最好趁新鮮食晒!!
紅菜頭當然要飽飽滿滿,呢個就唔錯…
材料全部可以生吃:包括紅菜頭,蕉仔,黑芝麻(未經炒過…),蜂蜜,開水…
懶人養生法…全部放落攪拌機攪勻即可~製成品個賣相好紅…
森伯伯多數用來送麵包當早餐~初初食唔慣,或將開水改為豆漿會好好飲!!推薦…
紅菜頭小知識
呢個小知識係聽環保達人周兆祥講,就是食紅菜頭可以測試你的腎功能,很多人通常食完紅菜頭都會排出略帶紅色的尿尿…至於越淺色代表你的腎功能唔錯,能過濾紅色素,若然是深色就代表腎功能可能麻麻,就係中醫所講的「腎氣虧損」簡稱「腎虧」…
對男人來講真係唔講得少~哈哈哈…其實男女都唔講得少啦!!唔長氣講紅菜頭有乜好處,自己上網搵啦...
正如在眾多的新年祝願中,首推都係身體健康…相信呢句都冇邊個話,唔like卦…
紅噹噹果然是最佳賀年食品/飲品^^
回覆刪除有搞拌機好方便,不過清洗麻唔麻煩?
祝森兄身體健康多多吸收日月精華.....XXD
正所謂新年吔過紅菜頭...一年到晚好彩頭~~~早知留返年初一先psot...
刪除係呀!!洗就麻煩少少, 不過用小型的攪拌機就比較容易洗~~
謝謝...Geal兄所講的吸收日月精華係指邊方面先...XXXXD
紅菜頭
回覆刪除蕉仔
生黑芝麻
蜂蜜
開水/豆漿
放落攪拌機攪勻
此方是小弟調配,有何不妥,請大夫賜教...
刪除燥熟体質
刪除宜
虛寒体質
不宜
對呀!紅菜頭偏涼性,寒底人不能食太多…
刪除祝森源鴻運當頭,生活愉快!
回覆刪除紅菜頭能降血壓,頗不錯!
謝謝Stella...祝你生活愉快, 新年新景象~~
刪除係呀!!紅菜頭對血壓有幫助, 可能因為有涼血的關係...
冲喜。😁
回覆刪除又唔係一爺兄請飲同派紅雞蛋...點算充喜~~~哈哈哈
刪除作者已經移除這則留言。
回覆刪除我未試過,若然要整天然雪糕,要加埋濃淡奶,放冰格...
刪除謝謝...紅鸞星動又畀你諗到...改呢個做Blog題紅鸞星動有生機...夠煞食!!!
聽講紅菜頭鐵質重,外國女人也認為有補血作用…
回覆刪除突然一諗,那些吸血殭屍便可飲用你的介紹了!哈哈…
其實睇資料, 紅菜頭有很多人體需要的元素...好多紅色食物都有補血作用...是否屬實就不得而知...
刪除係喎...如果萬聖節扮彊屍, 呢個當血漿都可以...哈哈
這個自家製的鴻運當頭冷飲,顏色美麗,一個健康有益的早餐。受得冷飲的多喝無妨。做果醬也不錯。
回覆刪除這個不是冷飲,所有生機飲食的做法都以室溫便可…紅菜頭都可以煮熱來食,不過我又好少用來煮,好似話可以替代番茄煲羅宋湯…整果醬唔知得唔得,因為紅菜頭比較硬身……
刪除在環保界來說,紅菜頭是一道備受推介的食物,我也曾買來煮湯吃喝。它的顏色鮮艷,做菜著色很好看。
刪除見到香蕉切片就想用叉吃了,哪裡還會拿去攪爛的,哎,都沒有了香蕉的風味了。你真有閒哩!
紅菜頭有多種食法,隨個人喜好...我覺得生食會更好,可能秋葉完全冇試過生食,佢唔似蘋果,清甜又爽口,菜頭唔太好食又硬,一定要加蕉加蜜糖攪爛才易入口...咁都嫌麻煩?!!
刪除可以說:森少為了健康可以好認真的去弄來吃,這是好事來的。
刪除嫌不嫌麻煩是看事物的喜好而定。每個人都有些不同的喜好。
我弄食物一向都很有耐性,好像弄走青口體內的多餘物,把多角的楊桃切去表皮,弄去小核,然後切成一片片星形才吃,功夫都不少啊。
其實森伯弄得的食物都好簡單…若要整一個餸要用上很多工序時間…材料…呢味餸肯定不會整~要養生又唔可以太懶,越簡單越唔複雜的食材越對身體好…
刪除有時都好唔明啲人叫外賣送到住宅…明明人在家中都懶得唔去整少少嘢食,反而叫街外食物,咁真係懶得好緊要…….
星形的楊桃吃起來更有趣味…哈哈
煮餸有時啲功夫都唔慳得0架,就算番茄薯仔,都要批皮切件啦。
刪除唔知森少是怎樣吃楊桃的呢?
近日電視公佈有單事件,有個無業青年中了風暈倒,醫生說他成身血管幾乎都閉塞了! 原來他的父母都出外工作,這青年整日在家打機,餓了就叫外賣,可能是炸雞、煎豬扒之類吧,油多沒蔬菜,就吃出個禍來了。
若果想煮一味有益又好味的餸菜都要花點心思…
刪除森少唔吃楊桃,是關唔可以食酸的生果!!
你講的事件, 真正是個活生生的例子~~唔運動又常常食高脂方的食物, 遲早都會出事…你講的新聞都幾駭人, 成身血管幾乎閉塞…真係唔知仲救唔救到~~~~~
我盡可能都好少外出食, 寧願食個蕃薯白飯就算, 當清吓腸胃~~
《本草綱目》載:楊桃「果,主風熱,生津,止渴。」 中藥傳統使用具有下氣和中、清熱止渴、生津消煩、利尿、解毒、醒酒、助消化等功效。 用治風熱咳嗽、口渴煩躁、咽喉疼痛、口腔炎、牙痛、肝病、小便不利、結石症、壞血病、食毒酒毒。 楊桃根具有濇精、止血、止痛功效。(引自網上資料) 我食楊桃是為了消滯。
刪除至於那個青年能否救活得到,至今沒聽到報告。看情形若是能夠救治過來,也有排醫。 照計熟的楊桃是不會酸的,清理腸胃很有益。
刪除森少肯食蕃薯飯,真係好有節制,是一個很有理智的人。街上賣的煨番薯、炒栗子最好食,偶然我都會買來吃,當然不能多吃。`
所謂醫食同源…有很多食物對中醫來講:都係天然的藥物。原來看來普遍的楊桃都有那麼多療效,如果個個都好似秋葉對水果有研究就好,多點吃對自己有幫助的水果,慢慢體質便得到改善…
刪除吃呢個蕃薯飯都好耐了,吃慣了又唔會不習慣,雖然超級淡口,吃完腸胃都舒服點…我都喜歡食炒栗子,不過很少見到有賣,間中食也是好的,炒栗子有暖胃作用,不過煨番薯就好少吃,講起都感受到嗰股煨番薯的香味……
番薯的好處甚多,上網就可以見到。聽說火龍果也很好,所以雖然它很淡而不甜,也會買回來吃吃。當知道它的皮也很有益處,我的興趣就多起來了,把表皮弄好,用來蒸餸,顏色很鮮艷喔!
刪除秋葉真係醒目, 連皮食的確有好處, 而且不會令番薯變稔身…而家基本上一週都食兩次…
刪除火龍果又冇話特別喜歡, 都唔錯幾清新~~~
過獎,過獎! 秋做事急不得,一急就亂,變了烏龍王。
刪除本土熱時多,冷時少,一冷就好難過,大家都要保重。^0^
相信很多人一急都會亂, 所以要學習去放鬆...去冷靜...
刪除對呀~~大家都怕冷天, 尤其森伯伯嗰類長者~~哈哈
停了雨不再淒風苦雨了,太陽都出來了,天氣暖了很多。
刪除森少又要認老了,真係老成持重咯! 晚安!
到自己去到某個年紀的時候,想唔認老都唔得…哈哈
刪除反而時冷時暖好易病,過去的一周在風濕痛中,可能又加上濕氣重!!
森少保重!! 記得古老人有句俗語,說:「納埋都話風濕!」
刪除因為在個人家族中沒有聽過誰有風濕這件事,但就聽其他人說過很多。 多年來見過不少人都因為沒有好好的治理好因跌扑扭閃,負重造成的隱患,久不久都會有筋骨痛的。
至於為什麼平時不痛,偏要在風雨濕度高的時候才痛,這個我就不大了了,有點難明。 身上有痛楚,都好困擾,望天氣好轉就沒事了,那唯有望天息好起來吧,阿門!!
森伯真係未聽過納埋都話風濕...可能呢啲老人病, 秋葉後生女好少聽喇...亦都冇親身感受過!!!羡慕中...
刪除若然以科學知識去解釋話風濕可能同氣壓有關, 中醫角度又認為潮濕的濕氣重, 平時潮濕時腳步都會重重地...
其實森伯都習慣了, 痛症不是一時三刻能解決得來...多謝秋葉關心~~~
“風濕”這句話我都聽過好多啦,即係唔後生啦! 不過幸好未曾試過。
刪除不過今日不知明日事,疾病與健康,絕對不能誇口的!
那麼吃些驅風去濕的中藥吧。在天色潮濕時,就小心些。
在夏天不要常常吃些冰凍飲料吧,相信吃太多生冷的食物會困濕。春天時不妨去中藥店買包“去濕茶”回來煮喝。
聽過唔緊要, 最好嘢就係未試過風濕痛嘛……欽羡中!!!!!!!
刪除對呀~~健康底子是天生, 後天就只有靠自己努力維持…
其實中藥近好些年來都唔敢常飲…因為對中藥的性質唔認識, 食了反而弄巧反拙~~一向都好少食太凍的東西, 生冷嘢更加少啦~~以前細個都間中飲下云苓白朮袪濕茶, 雖然味道怪怪的, 不過都唔錯…
新年新氣象,好嘅兆頭係好嘅開始呀!
回覆刪除謝謝,新一年當有個好開始喇~~都祝ManMan有個開心的2018...
刪除森兄對健康一向不遺如力, 好有森得, 好同意健康很重要, 多謝食譜.
回覆刪除不用客氣…講到健康個個都想啦!
刪除森伯都推薦KK兄間中食吓紅菜頭,據講可以清清體內有毒物質…