霎眼間一年又過去，仲好記得上年的除夕跟元旦的時候...感到好似沒做過什麼又新一年了...
相信呢個時候又係回顧以及展望新一年的時候...
正如自己所講都好似冇做過咩又新年...都唔知要回顧什麼事~~~
或者...既簡單又求其講下有咩祈望...
睇森伯呢D長者，都係冇乜大志...哇哈哈哈
老人家的森願同個老字都係離唔開...
身體方面緊係要...
老而彌堅
工作方面...
寶刀未老
思想方面...
返老還童
處事方面...
老成持重
森博方面...
老少咸宜
心境方面...
長生不老
對森伯來講老字並不等如負面詞，用積極角度來睇原來都可以好正面...
新一年即使森老伯又再老一點，但都會繼續向前看～～～
祝新年快樂 上面心想事成。
回覆刪除多年前阿爸同我講過，有人喺車廂內讓座畀佢，佢覺得自己仲好後生，有氣有力，真係唔想坐落去，果陣時佢係七十多歲，未認老喎！ 我會量力而某方面會適當地認老，其它就認青春。
我都祝你新年及生活都咁快樂~~仲要多謝一爺兄過去一年常常到森情老人院陪森伯傾偈...
刪除世伯就正正是有一顆年輕的心態，常常都覺得自己唔係大年紀，就算企下都冇問題，唔需要讓座，就係欣賞世伯呢種心態...
適當地認老，其它就認青春........我估你響D情人知己面前梗係認青春喇...哈哈哈
🎇🎆🎉☺放吓煙花慶新生。
刪除細路想快啲變大人可以自由生活，青春無敵 初出茅廬時
扮成熟穩重等人信任自己，到老人遲暮又想重拾青春活力扮後生，外（卜卜）脆內熟。這就是人生。
幾時認老，幾時認後生，係對事不對人。雖然你唔係我嘅情人知己，但是，我都有時喺你面前認青春架。想你聽我老點時又會認老。
恭祝一爺兄有個精彩的2018...
刪除有時年紀都係一個數字，都係睇自己的心態，有些人望落已經大年紀，但佢又畀到人一種大細路的感覺，亦有人年紀唔大，已經成個老人家咁！！我生活中真係遇過咁樣的人...
你響森伯面前有時扮吓青春，有時認老就無所謂...響情人知己面前一定要扮後生，起碼可以畀人有活力的感覺嘛...嘻嘻
你咁叻溝女，教吓老人家點樣好自然咁扮後生啦！衣著？活動？講乜話題？………………🙏
刪除叻溝女?!!...何以見得呢???森伯平時好鬼含蓄~~~
刪除用常理分析都認為年輕啲會著數啲…你唔駛扮啦仲咁後生！！
識得『扮後生』，應該儲備好多花招同策略。
刪除『含蓄』加上型格氣質都惹人愛，好有魅力。
多謝森兄分享啲著數畀我喎！
係咪要好似年青森兄咁要時不時『扮老成』。
有幾多花招同策略都冇用啦…扮後生?!!外表的老氣都呃唔到人…
刪除你新年流流把口乖咗…氹得森大叔咁開心~~哈哈
都冇咩著數東西，都係講個事實～
森兄嗰種真係老成架…冇扮過~~
有日在車上見到一班男女初中生，他們互相戲謔，猛叫女同學：阿婆!
回覆刪除女學生稱呼男同學是：公公。
原來只要遇到自己不喜歡的人，就一於叫人阿伯，阿婆，就會打沉別人的信心了。 所以不用太介意一些無謂人的稱呼。自己先認老也無不可，不過，心境保持年輕就會容光煥發。
而家都有好多人拿""老""來講笑，甚至拿來揶揄別人...其實當想深一層人人都會老喇~~有什麼值得咁好笑呢...他們（班初中生）
刪除真係好稚氣~~
秋葉的思想好正面，心態好正確...只要心境保持住一份率真年輕的個性就自然容光煥發，甚至凍齡逆齡都唔定......
俗語說：「莫笑他人老，自己終歸老。」可是近代人的心態很異常，不少人是以嘲諷打擊別人為樂事的。所以測試自己年齡外觀的方法，當然以醫生對你的稱呼，及檢查評估為準。
刪除曾經見過一些人健康的指數不佳，遠遠高於真實的年齡很多。所以虛有其表也是沒有用的。
人總會成長漸老，若能夠延緩衰老，身體健康，那就自得其樂了。
祝森少2018闔府新年快樂!
係呀~以前的人識講禮義，講說話都會諗清楚避重就輕，而家就不少人喜歡窒人寸人...當然分一個個人，熟人就玩得，唔熟的人就講話客氣點...
刪除當人年紀大的時候，被人稱呼得後生了，反而不好意思添~~~哈哈哈
所以個人保持年輕仲要保持身體健康無恙，咁就最理想...
你說得對，總之人懂得自得其樂最重要，做些自己認為開心的事...
我都祝秋葉新年快樂, 生活愉快...
香港的窒人始祖是黃霑叔，見他在熒光幕上窒人真係唔使本! 跟住阿叻為了搵食扮認叻，從此不得翻身，想要自謙一番也不可能，曾經自嘆無奈!
刪除講到凍齡，相信趙雅芝、溫碧霞，真是大名鼎鼎大名，無人不識吧?
美人竟然不會遲暮，得天獨厚! 真是人間絕色，我見猶憐!
我又冇咩印象黃霑先生係窒人始祖，不過最近的節目文化好興挖苦人當作笑話...只要博得觀眾大笑，又冇諗到這也是一種語言上的欺凌...
刪除現在的人對保持樣貌身段都好多方法，做得藝人都唔想畀人一種歲月催人的感覺，可以保持就盡量保持囉...
2018蒞臨了! 祝森少與森blog 森意綿綿，生活無憂，與網友互動殷殷，
刪除樂趣無窮，日日開心! 💖🎉🎈
多謝秋葉…生活無憂呢句真係要成真~~因為森伯份人乜都憂一餐!!!!!!
刪除我都祝你生活愉快，笑口常開…
森少，天跌落當被冚喇! 食少憂多會壞人，船到岸頭自然直架lar。^0^
刪除呢種豁達的人生觀，相信要跟秋葉學習偷師，有時聽起來容易，但做起來卻不簡單…
刪除森兄：甚麼「老」字最好的話語都給你講到了，但有一些別人認為好的卻又未必是好！
回覆刪除現寫出來當說說笑吧，望森兄不要介意…
臨老入花叢（夠魅力）、老而不（長壽健康）、老來嬌（返老還童）、老來得子（傳宗接代）……
刪除講到文采點及恕兄，當然唔介意, 就讓森伯認識更多...
哈哈哈...你舉的例子又幾啱喎~~雖然對個老字的形容有點負面，不過在另一方面都有一個正面的含意～
老奸巨滑（夠精靈）、老蚌生珠（仲有生殖能力）、老老土土（夠純真）......
咁我祝福森少心想事成，萬事如意！
回覆刪除我的願意是身體健康就萬事如意了！
沒有再輸入號碼，現在回應方便了！
刪除多謝stella，我都祝你來年生活愉快，繼續有豐富多采的生活～～
刪除當然身體健康最重要喇...
乜要輸入碼咩?!!...平時去博友處回應又冇發覺......
祝2018新的一年, 森年快樂, 森想事成, 人老森不老, 就算認老, 都係老森常談, 老謀森算, 老當益壯, 長森不老, 開國源老, 告老歸甜.
回覆刪除我都祝KK一家2018新年愉快，事事如意...好似農曆年拜年~~~
刪除都好多謝KK兄過去一年常來支持森博，仲要諗咁多押韻字食字~~~好傷腦筋...哈哈哈
講到開國元老...真係講到好老咁~~~我都期待告老歸甜~~唔駛做嘆世界, 先苦後甜~~~
新年快樂！◠‿◠
回覆刪除白雪…好耐冇見~~
刪除我都祝你新年快樂；生活愉快~~
祝森兄：
回覆刪除身體健康，今年勝舊年！
我祝犘兄：事事如意，想嗰樣得嗰樣…
刪除作者已經移除這則留言。
回覆刪除祝KaKa…一切願望，盡在2018達成～Wow…哈哈
刪除其實活到這年紀(我講我自己XXXD),平平淡淡過一年也是種福氣吧,新鮮衝擊大挑戰都係留返畀森兄一輩年輕才俊合適一點wakakaka.....
回覆刪除祝森兄寶刀越來越堅,開心每一天^^
咁gael兄份人真係知足常樂，我諗森伯都要學習一下~~~若果森伯年輕就唔駛日日呻老啦！！就嚟年金都準備申請！！哈哈…無風無浪已經萬分感恩！！
刪除好多謝gael兄過去一年常常來支持，我都祝gael兄繼續擁有平淡是福呢份福氣…