大家唔好有歧見,以為長者講高講低一定指血壓,查實高低都可以講下其他...
低 溫...
近排的氣溫真係幾凍下,有日仲係七點幾度...唔知仲會否低處未見低?!
其實每年的一、二月係全年最凍的月份,在香港點都唔會去到零下幾十度又落雪,若然係咁,我諗森伯會冬眠...只係食同訓~無法啦!太凍老人家D骨頭都未必郁得到...><
早前有報導話有很多老人家冬天跌斷盆骨!!之前好少聽,原來著得太多厚衫褲都會造成障礙,容易絆到跌親...
咁森伯都會注意下...天寒地凍,相信森伯都係攬住個暖風機最實際...索性做番個如假包換的暖男~~
放工時候天色已經近夜晚,雖然燈光火著,但仍感到陣陣寒意...
高 收...
講到高,點都要提下樓價,不斷的升幅真係得人驚!一層普通的樓都可以去到接近成千萬...
以前聽到一千萬真係成幢獨立屋,聽落都幾誇張~升除了係樓價,股票市場近排都大熱,日日都聽到話有咩新高...
有份參予的都必定皆大歡喜,記得以前的人對股票賣買都較為保守,時至今日個個都好似股神,你一句,佢一句,特別多分析...玩股票都係考眼光的投資,森伯冇膽又冇本,邊敢亂咁投機丫...XXD
睇人有斬獲都戥人高興,有人話如果繼續有升幅,餐飯肯定冇走雞!!森伯索性做個靠黐男~~
森兄唔好剩係掛住做暖男,要多啲拎返條拉力帶出來拉兩野做多啲運動,自然唔著衫都成身暖晒XXXD
回覆刪除呀Gael兄就算係運動都冇可能一日廿四小時都拉,條拉力帶唔斷,森伯條氣都斷啦…乜唔係應該食幾擔豬油補吓皮下脂肪咩…XXXXD
刪除森兄,記得1974年2月初,聽廣播知道香港氣溫只得4.9度。那次是我第一次返大陸玩,當時就算我穿了六件衫和兩條褲…都凍得我要喺肇慶睇醫生!
回覆刪除至於高呢…又係講氣溫,1989年頭,那時我正在澳洲工作,因天氣實在非常之熱(老外常常話high forty就即係三十幾四十多度的意思),我老表不知在那裡找了個很像冷氣機的冰水風箱。
初時我真大鄉里,以為是流動式的冷氣機,原來卻不是,而且設計亦有問題,你可知為何以叫冰水風箱?就是那機箱內有一容器,是用來放冰粒的,當開動風葉時便能帶動冷風,這好似是很好,但若果那些冰粒溶了呢又會怎樣?
可能我們現在在香港的亞熱帶地區,好少去到幾度,相信得幾度好多人都凍到受不了,對於西方人可能香港的冬天好清涼好舒服…有時好在自己身處熱帶地方,否則筋骨又好易唔舒服,若果再加上潮濕情況仲差~
刪除香港的冬天相對夏天就好少少,夏天真係熱到個好痠,又加上潮濕環境所以特別熱,澳洲現處夏天,親友都話熱得好厲害,早排有報導話澳洲47度…熱到地上的瀝青都溶了~~熱得誇張~~
現在都好似有賣你說的冰水風箱,要放冰的不過有人話同普通風扇差唔多,我覺得造成環境好潮濕…
森兄,天氣冷要注意保暖呀!
回覆刪除多謝Man Man關心老人家!大家都要小心冷親…
刪除其實天氣冷吓暖吓是幾辛苦,而且容易感親,真係人人都要小心保重身體!
回覆刪除近排都唔算,都保持差唔多氣溫,除非中午要外出就熱熱地…聽聞周末會暖返少少…
刪除除咗暖爐,長者森仲有乜嘢禦寒妙計?等我唔駛 著到成隻粽咁, 都仲係 冷得我騰騰震呀! 震到我入呀森呀!呀!呀!
回覆刪除都冇咩特別禦寒妙計…著到成隻粽?!!...而家的氣溫話凍亦唔係太凍,都冇著到成隻粽好耐,買件純羊毛的底衫,用來打底真係好暖,而且唔需要著太多衫…我現在就係有件羊毛背心…再著多一兩件長袖衫,表面著件普通風褸已經好夠暖~試吓…
刪除羊毛底衫係我嘅上一代,乜森兄有八十幾歲架喇!失敬。我嫌佢老土唔著架,不過,上一代唔識薄hit hit風褸可以保暖喎! 乜你著衫誇三代架,搞到我好混亂,到底,你係邊一代。
刪除我細細個時係興著太空衣同棉襖,你著過未呀?
更正。係太空褸至啱。
刪除太空衣係畀太空人著,寫錯一個字落差咗十萬八千里咁遠。
哈哈哈...嚴格嚟講森伯應該係你太yeah(爺)嗰代...
刪除自稱得森伯伯當然年紀都有番咁上下啦~~
其實你唔好話羊毛內衣好老土,著衫都係求保暖,我買的羊毛衫在一間叫HANG TEN的服裝連所店買,仲記得在荃灣分店買,己經著了八,九年直到現在當底衫,可能一爺年輕,未聽過呢間服裝店...
若唔嫌貴的話,國貨公司都有,不過款式就可能懷舊款...
棉納細個著過,不過阻定又唔可以洗,又擁腫,都越來越少地方賣,國貨公司應該仲搵到~
至於太空衣,真係好耐冇聽過,咩款?!似風褸?!
大腳八 Hang Ten 曾幾何時都開過好多分店,我都有買過。
刪除我都話我寫錯咗,係叫太空褸。 同uniqlo病人褸好相近,不過,有束袖、衣領同可拆得嘅帽。
有冇睇過逢冬天都播嘅經典利工民秋蟬牌羊毛內衣廣告,好似係74年首播,太上爺森森 出世未吖。
乜大腳八你都識...勁喎!!!以前自己仲後生, 好多時都係幫襯呢類主打年輕人的服裝連鎖店...
刪除太空褸是否即是風褸?!!...聽你形容有啲似~~~
你講開利工民同秋蟬牌的毛布衫, 而家好少買, 就算連老字號的龜仔嘜...感到質素都冇以前咁好~~見到實店都會睇吓~~
啲廣告就算有睇過都唔等如知道幾多歲啦...
太空褸有夾棉,不過冇風褸咁擋風。
刪除你講有夾綿我就知邊種…真係有少少經典的病人褸!!哈哈
刪除近排天氣認真寒冷,禦寒衣物一定不能少.
回覆刪除市面上有小型暖包販賣,方便有效.折開膠袋,將小小暖包放入衣袋,當手放入衣袋時,另手暖烘烘,小小幫助帶動身體輕微溫暖, 這只是個人體驗.
唔知你指的小型暖包是不是所講的暖蛋?!!...記得以前都用過,我記得拆了膠袋後,那包發熱物料好快就冷卻…最多用到兩個鐘咁上下…亦有種電暖蛋要充電才用,呢種就未試過~~
刪除不過若然太凍又要保暖,這種暖包都係不錯的禦寒選擇…
不是電暖蛋,也不是入芯小暖蛋,小暖蛋入芯暖包很燙手,而入了蛋殼又不夠熱, 同時發熱的時間不大持久.
回覆刪除所講的是同暖蛋refill一樣,是小方包型,不過就冇咁燙手而可用5-6小時,不須用蛋殼,放入袋內可直接手握.牌子是"太陽暖暖包"在日本城有售.
係呀~因為所謂的暖蛋發熱得時間短,所以都冇再買...電子暖蛋都配合潮流,曾經想買來送給人...不過現在又好少見!!!...
刪除你講的小暖包又幾好,起碼個保熱時間都有成5-6個鐘,而且唔燙手幾適合容易覺得凍的人袋住...
哦...原來叫太陽暖暖包,有機會去日本城睇睇先...多謝KK的禦寒好推介~~~
黐男
回覆刪除黐男唔緊要,最緊要係唔好黐雙筋啫…XXD
刪除