個Blog題直情掂啦…好有呢個情深說話未曾講feel呀…哈哈哈~~入返正題先…自從搬咗新居(Blog)咁耐,都好似冇咩講過健康飲食…點都要寫返篇嘅~~
平時買到的所謂健康食品飲品,話雖健康,其實有冇添加自己都唔知,不過如果係自己整,咁就吔得百分百放森嘞…市面上都有幾多包裝黑豆漿,好似維他X都已經有出…但未買過!其實要整都唔太難,做法同普通黃豆一樣…感覺上磨豆漿好麻煩,但若然份量唔多兩至三人都唔算艱巨…
先將黑豆浸泡,粒粒好似森伯啲黑曜石咁款…
跟住就去用攪拌機磨,每次磨完都好多豆渣,以前睇過一本食譜話可以加麵粉煎薄餅,森伯又未必有心機再整餅,最主要驚豆渣唔熟食壞…不過製作黑豆漿最麻煩都係洗隔渣袋,黑色的豆皮碎都幾難清除,所以攪黃豆較方便易潔…
將隔完渣的豆漿煲到滾,就可以飲!自己整…落幾多糖都可以隨個人口味!呢份早餐都幾豐富,有蛋白質又有纖維,齋睇都已經夠晒健康!
初時以為黑豆漿係偏黑色,原來攪出來的黑豆漿只係淺灰色而已!我個人唔係太啱食黑豆漿,所以日後都係整普通豆漿比較適合!
我都試過整豆漿,相信最「吃力」的當然是將豆漿從布袋裏擠壓出來…
回覆刪除有時,也因大力了點便迫爆個袋,之後唔使講都知…就梗係 le Kum hei la…
攪豆漿搞到迫爆個隔渣袋,你都十分之用力喎…哈哈
刪除你講開攪到le Kum hei, 我都有同感…每次整呢種黑豆漿唔知點解都好容易滾到瀉,抹嘢都抹餐懵…所以日後攪黃豆算~~
黑豆原來可以搾出咁多汁,真係唔整過唔知.....同埋經過一輪艱辛工序,飲每一滴都特別有情,同條題非常貼切XXD
回覆刪除其實黑豆同黃豆差唔多,只要豆能浸透一定做到豆漿…其實當你整開又唔會感到艱辛嘅!比起你整的蘿蔔糕,整豆漿真係濕濕碎…
刪除黑豆漿咁有益,自己整真係最健康,起碼吾會有防腐劑
回覆刪除完全正確…不過新鮮煲完的豆漿,攤凍後就要放在雪櫃內保鮮,一兩日就要飲晒…
刪除最衰自己唔可以食太多豆類嘢,就連飲都唔得,一食得多一飲得多就會胃脹……
回覆刪除係呀!都有些人可能唔受得豆類食品!
刪除其實可以一次過整少少,唔飲得太多就唔會脹氣...
雖然黑豆皮含花青素,我偏愛黃豆香。
回覆刪除麵包都有好多添加劑,唔買部麵包機自製?
啲豆渣咪可以放埋入去,即刻變有益高纖麵包。
論到豆香味,我覺得兩種都差唔多,不過黃豆漿入口比較好飲…
刪除外邊買的麵包有添加劑都預咗,所以唔敢買那些太多花巧的麵包囉…買部麵包機好怕自己三分鐘熱度…:P
豆渣整素肉鬆都得。
刪除蒸肉餅加啲豆渣又得。
豆渣整肉鬆…好難想像~~有請一爺大廚賜教…賜教…
刪除肉餅加豆渣有啲怪怪哋~~
肉鬆睇吓呢個
刪除http://caroleasylife.blogspot.hk/2012/05/blog-post_28.html?m=1
修正係煎肉餅,可打斧頭買少啲豬肉。
http://hk.apple.nextmedia.com/supplement/food/art/20100512/14019129
唔該晒~~~
刪除你唔講真係估唔到整到素肉鬆喎…
用來整肉餅又好似浪費咗啲肉,反而用來整豆渣曲奇唔錯…都係啱啱先睇到!!!哈哈
ykk覺得個title, 改為: 情森款款之黑材料.
回覆刪除呢個名未必令人聯想起食物!或者可用情森款款整豆漿…
刪除製作黑豆漿最麻煩都係洗隔渣袋,是森黑的教訓!
回覆刪除深刻教訓又好似講得凝重咗,放落清水浸一浸都好易洗…
刪除如果想效果顯著, 可否加入黑芝麻, 升色俱麗呢?!
回覆刪除放埋黑芝麻幾好,其實只要配合得宜,好多材料都可以加落去整杯營養品…
刪除很少喝豆漿
回覆刪除有時早餐都慣例要飲杯嘢先好...
刪除豆漿間中才攪~~
間中我都會用豆漿機造黑芝麻黑豆漿!
回覆刪除