唔知大家多唔多遺失物品，相信有啲大頭蝦都成日有機會遺漏東西…但對於森伯來講，自己的物品都會睇得緊，除非腦退化突然發作啦～咁就另當別論…
有日在公司的接待處檯上見到有張$100蚊喎…平時最多就係同事們的手信小食，仲以為今趟有錢攞添…哈哈！再睇下張字條原來有人跌咗錢，擺在接待處檯面最好，出入一定係必經之路個個都睇到…銀紙呢家嘢又無咩記認，其實人只要一有貪念都可以據為己有…但每個人都係憑良心，唔係自己的東西就唔會貪！結果到放工的時候依然冇人認領…
其實公司出入的人多，唔係同事跌都有可能其他人，雖然最後唔知佢地點處置張銀紙，亦有可能會買埋郵票寄信卦…
另一日就係超市買完東西，出超市門的時候，見地下有張$10紙幣，再行前幾步又見一張…肯定個大頭蝦跌完又跌…哈哈！因為這間超市在商場內，所以地面的東西好易見到…最後趕住走都無理有冇人執起啲錢…
相信唔見錢都可能時有發生，至於執到錢都時有聽聞，而家多人用電子貨幣，執到錢的機會都應該越來越少…我諗執到失物最多係公車司機，林林總總都有…貴重的就有人認領，至於濕濕碎碎的就應該冇咩人會領回嘞！
喺街邊驚係跌錢黨太多錢唔夠膽執。
回覆刪除我即時又冇諗到跌錢黨呀，只係諗邊個咁懵咋…
刪除認領這兩個字就勾起一些童年回憶…
回覆刪除那是當年去一些大型活動如工展會或教育團體辦的賣物會，很多時都會從廣播聽到有小孩子遺失，叫家人請到大門口處「認領」。
哈哈哈…你講開又講，唔係好明一些家長去到人多的地方，無論點都應該望實個小朋友嘛…時時都聽到有小朋友走失，叫廣播等認領~~
刪除相信恕兄應該未試過嘅…
小時候，父母很少帶我去一些大型活動，記得的好次去過兩三次工展會，可能我仲細，抱住我揹著我又怎會走失…
刪除我諗恕兄誤了我的問題…我想話：恕兄為人家長，相信未有試過在人多的地方走失子女啫…
刪除細路都有個性,懂性就聽話,百厭就周圍走...好睇個細路本身~~
如果見有商場管理員都會叫佢地執,萬人真係有人回來搵都可以交返畀佢
回覆刪除我幾時都話gael兄係好市民…如果身旁有細路都應該咁教佢…
刪除我未必會執起交管理處，跌錢的人嗰廿蚊可能當跌散紙……
好開心聽到森兄公司同街坊都有高情操! 可喜可賀.
回覆刪除其實路不拾遺係做人應有的態度…只要不存有貪念，已經算可喜可賀…
刪除