雖則話快活不知時日過,但原來營役中的時間都好快過…若然唔係有人提起都唔記得五一勞動節係假期…對於打工仔來講今周都唔錯,返吓工放吓假又一周,五一過後又係一年一度的太平清醮,本來以為太平清醮在六、七月,原來咁早…雖然未到正日,但聽聞話長洲已經迫爆,人山人海,始終太平清醮都係有地方特色的節慶活動,梗係多人去參觀…
對於住開市區的長者(森伯呢類…)總覺得長洲係山長水遠,而且更加怕人來人往,去到都唔夠人迫啦!而且搶包山又係零晨舉行,老人家可能一早就訓咗!既然去到都係睇唔到啲乜,倒不如靜靜地睇吓包山算嘞…
太平清醮除了聯想起搶包山之外,仲有飄色,舞獅巡遊…當然唔少得一個個脹卜卜的平安包啦~外表有少少似以前茶樓的蓮蓉包,應該食落都唔錯,最主要取其「平安」的意思啫!
搶到包山上的包包,我始終覺得有点不乾淨。
回覆刪除俾著我可能唔敢吃!
聽老人家講就係要食到由包山搶返嚟的包包先至靈驗…哈哈
刪除不過安全起見,而家變晒塑膠包!
去博物館睇靜態包山都唔錯,至少有冷氣嘆唔駛熱XXXD
回覆刪除除咗有冷氣嘆之外,一年四季都睇得…哈哈
刪除咁當然缺少熱鬧氣氛啦~
搶花炮就式微,館內有冇提起呀? 要睇番粵語殘片至有呢啲橋段。
回覆刪除有一樣太平清醮嘅習俗可以畀森伯參與, 就係食齋。
你知森伯嗰類老人家…人老森未想老,真係唔知咩係搶花炮?!可能館內都有提而冇察覺……
刪除咁又唔駛等太平清醮先食齋,平時都有食……
今日嘅長州一定係人山人海,又有一番熱鬧景象。
回覆刪除通常正日最多人, 原住民, 旅客, 港人…統統迫入去湊熱鬧~~不過就甚有氣氛…
刪除多得森伯伯,而家Kaka都可以安坐家中静態睇
回覆刪除(睇圖片)包山。kakaka~~~
唔駛客氣…而家個個有手機, 隨時隨地都可以靜態睇包山啦~~~哈哈
刪除