每逢周末時候，都會吃些雜糧麵食之類...通常會選擇烏冬、麵餅等的湯麵類，有日麵餅都吃完了，要到超市入入貨，本想買些全蛋麵餅，不過當日見到一些福字麵，於是二話不說地買了數包，其實轉轉口味也不錯...相信這隻麵對很多港人(包括森伯)都有種回憶，以前記得當大家話要食即食麵時，都會有兩個選擇，一是出前丁丁，二就是福字麵，森伯當然揀出前丁丁啦...不過記得年少時，趁大人不在家時，偷偷地煮來吃...數算當時都有幾廿年前，直至現在看到，就想回味一番...
老實講，可能太耐冇吃了，以前的味道都已經模糊了，以我感覺福麵應該會健康過出前丁丁，因有人話即食麵十分冇益，至於講的冇益，該是指包湯料味精粉~~
我當然不落湯料包，既然配菜有餃子那麼豐富，湯底加麻醬，豉油，胡椒粉都夠...有時唔需要珍貴的食材，平平淡淡的食物，都已經感受到一份幸「福」的味道，可能呢隻麵就是有這個含意!!!
仲有一隻叫『公仔麵』堪稱三國時代。
回覆刪除即食麵同杯麵有佢獨有香味係蛋麵無嘅，好引人架。
屋企人多，食晒飯唔夠就煮即食麵，香氣撲鼻食飽都要食番一兩注麵。
幾拾年前兩大超市喺我住嘅樂富商場對撼，鬥割價令蟻民有福，即食麵5毫子包，維他奶5毫子包，就結合成一蚊雞早餐，好鬼抵，好多人搶購架！依架一間商場規定祇有一間超市，無競爭無進步，幸好最近有多多淘淘。
我一定落埋包味粉，係佢靈魂，唔飲湯就得啦！仲加兩條腸仔，因荷包蛋和午餐肉要開鑊煎，唔想洗油淋淋鑊。
開罐五香肉丁都好夾呀！
美食係無分貴賤。同樣，有營食物都可以有平民價。
以前好鍾意形容自家的孩子為""化骨龍""看你們的情況都形容得幾貼切，飽飯後都要食個麵先夠~~
刪除幾十年前你住樂富，如果冇計錯時間，我都曾幾何時在樂富返過幾年工，可能有撞過!!...當年好少買餸菜，現在就多了很多...
森伯不是一蚊雞一個早餐的年代...自己以前至現在都很少在外食早餐，求其一個包都可以，尤其是現在吃了原食物當早餐，更加容易在家吃，蒸烚蕃薯，薯仔，豆豆等~~~
要好食，就唔可以計有幾健康...最正落埋包味粉，麻油，加兩條菜芯又要加煎香的荷包蛋或幾片煎香的午餐肉...咁已經算是蟻民的幸福餐!!!
不過現在年紀大，要食番啲健康食物，根莖類，豆類等都夠晒平民價!!!
舊陣時好窮都鍾意生咁鬼多，家家戶戶起碼五條化骨龍，一家人捱苦。
刪除森哥講過樂富工作，摷返係18年9月篇文提起，嘩7年前！快樂不知時日過，我有記在心。
平衡生活就係7成健康、3成邪惡，適量即食麵治療心靈都係好食物，以食根莖豆類等便宜健康食物為主就醒目。香港買都好貴，去拼多多買1個薯仔2毫幾（$1/斤），1個蕃薯4毫幾（$2/斤），豆6蚊斤。唔使坐時光機，森哥現在都可食到1蚊雞早餐，不過，唔會踏出呢步。
森哥唔係喺細蚊仔時都要食健康老人餐咩，唔係會痛到請病假，所以，父母禁止即食麵。
盧冠庭用咗慢長10年才確診化學敏感症，期間曾困擾到想輕生，原來係要食有機食物和清水。係診斷困難，主要依賴症狀的重複出現和對可疑物質的迴避後症狀的緩解，但缺乏客觀的生物標記，醫生幫唔到手，食自己啦！不要氣餒，森哥加油呀！
咁又錯喇，正所謂有失必有得，有危先有機……就係以前一家人一同捱苦，所以個個子女或家庭成員都比較齊心！！
刪除家，變得一個有凝聚力的地方！
本身蕃薯都唔算貴，負擔得起唔需要買到最平……
一向即食麵都唔駛戒口，而在樂富返工的時候更加久，起碼有十多年前，是半學半工的日子！！
每個人或多或少都對某些食物有敏感，可能需要左戒右戒！冇咩特別……
福麵的麵條本身已經有味，如果落埋湯料包就不得了啦！福麵裏總有少許麵碎，我將麵碎當薄脆吃！
回覆刪除睇成份，麵條加了些蒜粉，所以就咁食都得，當脆脆小食，不過森伯好少會咁食...
刪除湯料包是一個即食麵的靈魂，通常都會加埋一齊食...
我每日的午餐都不吃正經的飯餐，多數是粉麵類，所以廚櫃內儲備了十款八款不同的粉麵，但我極少買有湯包的即食麵，因為價錢比冇湯包的貴很多，另外，大部份即食麵都是油炸，很冇益。
回覆刪除其實又不需要餐餐都吃飯，轉吓口味食其他都唔錯...典型的港式飯餐，港人好興，一到超市、阿信屋、真價棧等等，都係買大量的麵，尤其韓國辛辣麵...
刪除有時見到他們咁買法，真係打幾日風都唔驚冇野食...哈哈
有些麵餅幾個一包，佢稱為光餅，壽桃牌出的麵餅最興非油炸，感覺比較健康......
間唔中食吓福麵都係唔錯嘅選擇。
回覆刪除對呀，通常週末都會食其他雜糧!!!
刪除在未曾有出前丁丁之前，我都是買一袋四個的光身麵做早餐，它無味、無用油炸，亦可以焯水之後撈起。另下水煮菜或肉，再落麵和味料，已感覺很美味。
回覆刪除每天一個麵，夠晒平宜。後來偶然會買名牌麵煮來吃，但一定會出水，不落味包，自行加味加菜。
回報：我已出了新post。
刪除我都諗諗食完這些福麵後，買些非油炸的光麵餅，純味道……勝在比較清淡……
刪除聽落秋葉的食麵方法都幾健康，自己做湯底加調味醬料，簡單得來又好味！！
難得秋葉有時間出新網誌，稍候要去睇睇！！
人們話即食麵不健康，除了調味湯包的材料，更重要是指「波紋麵」是油炸。老牛極少食「三國鼎立」的幾種即食麵，多是煮麵餅作「撈麵」，或煮台灣的「關廟麵」（生曬麵）加菜和蛋或肉作湯麵，自我感覺較為健康。
回覆刪除現代人什麼都講求健康，有些麵都標榜非油炸，但我相信是烘乾的多，即食麵我並非常常煮，多數食烏冬，食米粉比較多，有時落些榨菜，都可以令個湯底好味些，配其他餸菜已經唔錯！！
刪除