一講到做生意，我諗十居其九都會想到做飲食業，認為每個人都要食，做飲食最穩陣...之不過成也做飲食，敗也做飲食，可能「食」已經接近飽和，又因市道關係，有很多食肆都要走上結業的命運...早前在新聞聽到有間位於長沙灣的茶樓要結業，難道是長沙灣廣場裡?!!
因為最近都多了在長沙灣廣場飲茶，之前有間"富X"，不過結業之後換了間"翠X"，我們個個都話這裡點心唔錯，都想搵些時候可在網誌介紹一下，不過既然今篇講茶樓都可順便講吓~
第一次來的時候是長輩們的生日，雖然話新，但食物的質素都唔錯，初時以為新的總是好，日子久了就會馬虎...但幫襯了都差不多兩年，仍是不錯!!!
每樣點心都做得別緻，曾經食過一碟有金箔的芝麻卷，還有大良炸鮮奶，和這間茶樓有的天鵝酥...相信這茶樓主打都是食點心......
最後查証並不是這間茶樓，而是叧一間結業...
其實我們對長沙灣廣場都已經很熟，可以講係熟到爛!!!不同時候都有個地方給我們聚聚腳飲茶食飯...
我鍾意點心架！仲可成機放縱食多啲煎炸嘢！脆卜卜好正呀！唔知飲茶文化可否承傳落去呢？點心有無好下場呢？
回覆刪除我實際啲去點心專門店外賣，平啲，唔使等位，唔使久等點心，慳茶錢，而且屋企又坐得舒服，仲可以冲杯美味阿華田飲，享受自制青菜沙律和餐後生果好完滿呀！
依家流行嘅珍珠奶茶、抹茶拿鐵、芋香奶茶、芝士奶蓋、蜂蜜綠茶及百香果紅茶等等……會否變化出時尚飲料 crossover 點心，多設個水吧 會更切合新一代慾望。 因為我覺得有更美味飲料代替中國茶，飲茶都要改良蛻變。
人大了反而覺得偶然上茶樓食點心都幾好，有多款點心選擇，而且份量不大，可以食多一兩樣...飲茶並不是上一代人的專利，茶樓都見有很多細蚊仔或好似一爺的大好青年飲茶...
刪除去茶樓飲茶的氣氛又唔同，在家食就沒有這種風味或者味道，尤其用阿華田送點心...不如你話用紅酒送點心~~~但我始終認為上茶樓，要好幾個人一同去才好!!
你所講嘅珍珠奶茶、抹茶拿鐵、芋香奶茶、芝士奶蓋等等...我未飲過，可能話這些手搖飲品唔健康，所以都冇咩興致買來飲...
唔係嚇你，森伯就算上茶樓吔點心都係飲滾水咋，開一壼茶，開一壼滾水!!!!
電療治癌執番條命仔，後遺症卻換上輪椅和失禁。屋企調整過係方便和舒適，出外一扇門、幾級樓梯、上廁所都係個大難題，呢個世界存在好多人想像唔到嘅經歷，要容納不同嘅自己。就好似我只用過1個斗令買果汁硬糖，無想到隔幾十年後，啱啱我才用3個仙拼左5塊魚鱗抺布，呢世人首次創舉，咁誇張超現實你都要相信。
刪除問細路想去邊吔嘢，放長双眼才知他們內心答案，未來世界嘅『點心』是否能屹立不倒不是你我說嘅算！
茶我就麻麻，我不滿意普洱茶太苦太濃，迫住揀唔喜歡嘅壽眉。有人飲茶就失眠。飲料除左中國茶可進步嘅，不動腦商人需調查大衆口味？
熱底森哥都唔想得滾水唯一選擇啦！ 唔飲時髦茶如茶樓提供下火涼茶：夏桑菊、五花茶……又會否有興趣？
森哥講出西式每道菜配唔同酒架，你真係高格調，好乸貴添，啱酒鬼富翁。推出精緻點心酒套餐：包點跟香檳，蒸點跟白酒，炸點跟涼茶，炒點跟紅酒，粉麵飯跟甜酒……港生活講享受，世界充满創意和無限可能性。
商品要滿足客戶需求還是守住傳統？錢導向。
你唔係講你自己...?!!咩事咁大劑，又要電療，又坐輪椅又失禁...每個人都總有自己的經歷，有些人的人生經歷好比一齣戲!!
刪除就算不接受也得要知道，現在真的很多聽到患癌病，以前可能是老人家才會有的病痛，現在後生的一群都有機會患上...
拼多多真係啱晒啲慳家的人，平到咁又可以運過來，香港的零售真係畀佢拖垮...我自己買淘寶都係一些香港難買的東西，才去淘寶買，事實上的確幾多平貴選擇，款式選擇，當然搵笨的也有，不過不肉疼因為唔係貴...
其實飲水最健康，亦都唔怕有假貨，飲得安全，聽說有些茶樓會入些染色茶葉，通常茶樓的茶味淡冇茶香，他們不會落重本入些貴茶葉...
森哥話上茶樓，我就外賣愛回家，好似次次搞對立、搗蛋，實情從以前到現在全都係我真誠留言，大家景況經歷背景太唔同，衍生諗法高達8、9成唔同。比起誰患病咁私隱，呢點才係我想表達嘅重點，以後唔好因言語間誤解而激親森哥，火氣飈升。見我咁注重健康就知體驗重病經歷才驚醒，絶無花假。
刪除我係見森哥有淘嘢，問完你邊種支付方法好啲，今年四月才首次，嚴重落後人羣，但發現新大陸，追前過你去拼常用品、消耗品慳翻筆，老人多病預留多啲彈藥才心安。
森哥外出飲茶水都咁謹慎細心、心思細密，見甩轆政府嘅食水，嗰位官員個位應該畀你坐啦！。詐騙集團竟敢老虎頭上釘蝨乸，政府一定要釘死佢，呢鑊會好金。
我就少買外賣回家吃，通常自己整來吃，茶樓點心堂食會新鮮些，但拎到返屋企就不同了，包點還可以蒸返熱，所以都盡量唔打包……
刪除呢點你又唔駛擔心，老人家都畀你激慣，成了習慣！！
想問，你現在康復了嗎？！照你的講，你的日常生活有帶給你不方便嗎？！患頑疾最緊要從日常生活著手，飲食是其中一項……
因為未買淘佬前，最關注是付錢問題，打電話問有關方面才清楚，其實現在淘+拼已經是新的消費模式，估唔到拖垮埋香港店舖生存……
政府的飲水問題，正如你講會好金，今日就拉人……
這家酒樓出品不錯呀！許多酒樓多是外判商供應點心，自己沒有師傅，往往好「行貨」，味道一般，很難有吸引人的驚喜。
回覆刪除牛前輩、森源早晨！上酒樓已經係我哋5，6十年代人嘅事 ，當我哋離開，酒樓都會隨之而逝。
刪除而家嘅酒樓就好似我哋呢班 50後60後嘅人慢慢逝去。
牛兄：
刪除牛兄也知道博文的酒家是哪一家?!!有很多酒樓為減成本，都可能會外判些食品供應商，所以有些食物味道或者款式也是差不多，而這家的點心比較新款，所以介紹一下~~
可惜相片少，不能盡錄...
Stella：
刪除stella早晨!!!都唔一定，可能茶樓太多，少不免會汰弱留強...茶樓一到食晏都有很多茶客，有些是年輕一輩...
你哋就好喇...五、六十後，森伯伯係三、四十後............><
與家人或朋友上茶樓飲茶、吃點心、吃麪飯，風味就是不同。
回覆刪除我們都不會拿着手機，會珍惜彼此共聚的機會。
最好是開壺普洱，老少咸宜。我不能喝濃茶，一向都是在滾水加點茶色應景。女兒女婿最喜歡約我上茶樓吃喝，有時幼女也帶同女兒來趁熱鬧。
對呀，幾個人一同上茶樓吃吃傾傾，也是港人的一種飲食文化...
刪除大家上得茶樓都是彼此見下面，傾吓偈，我基本上少玩手機，除非影些相...
溝少少色都會，唔喜歡濃茶，不過我多數飲清水，甚少會飲茶樓的茶~~
作為長輩有什麼事情開心得過與子子孫孫一同飲茶呢?!!
由小時候到現在都喜歡上茶樓，食品係其次，而係想回憶同爺爺嫲嫲食茶的歡樂時光。
回覆刪除對，有時食物是其次，除非好難食又加上貴...
刪除咁睇，Man Man 算是個重感情的人，不時都會回憶起親人的點點滴滴...
極同意文文的看法。小時候難得一次長輩帶去茶樓飲茶，難得吃到家中難以一見的燒賣、牛肉球、炒麵、乾炒牛河，那種興奮之情難以言諭。如今自己也老了，仍記得家中長輩帶去飲茶的心情和滋味。
刪除人年長後都會有這種感覺。
刪除to：牛兄
刪除通常人漸漸大，不其然會回想小時候的生活種種，尤其有些特別事情或者習慣的事情，也會牢記在心...
to：Man Man
刪除對!!現在所慣常的事情，也有可能成為日後的回憶...
我同親友相聚的時候多數去茶樓飲茶，因為坐得舒服啲，也比較無拘無束，茶餐廳座位就比例窄，也坐得唔耐。
回覆刪除飲茶已經成為港人飲食的一大特式，幾個親人好友相聚，有什麼好過去茶樓嘆茶呢!!又可以食吓點心，傾吓偈~~~
刪除茶樓最啱跟朋友相聚食下傾下 , 一樂也 !
回覆刪除對港人來講，幾個好友相聚，去飲茶都是最好的選擇!!!
刪除好味道，賣想不錯。
回覆刪除對，就是這間茶樓的點心不錯，看來也很好~~
刪除同老人家傾計我就始終都係好鍾意同佢一齊坐酒樓。
回覆刪除同老人家敍敍，都係酒樓好，通常老人家都比較長氣，慢慢嘆茶，慢慢傾...
刪除