近這幾年，常聽見有人講不要吃小麥或什麼麩質之類，當中都包括麥皮(燕麥)...這些是由細到大都認為非常健康的食物，現在變了不能吃?!!當然這個講法都有一套理論，因為現代農業的種植方法，用了很多什麼基因改造、生長激素、農藥等問題，所以看似健康的其實背後簡直為"毒物"?!!...在我的角度來看，只要不吃過量，食定量都唔需要過份擔心!!!
若然有些人真的誡吃小麥食品，相信都幾難做到，包裝食物裡七八成都用小麥製做，就算估你唔到的豉油，內裡都有小麥成份...尤其難以抗拒的麵包、餅乾、薄餅、蛋糕統統都用小麥粉做...反而有些中式餅食，完全不用小麥也有，例如：白糖糕、黃糖糕、木薯糕、米通、還有杏仁餅~~
看到杏仁餅，好自然諗起"梳打埠"(老人家森伯對澳門的稱呼)的手信，其實唔駛過大海，香港都非常容易買到，當然喇，好食與否都要看每家出品的質素，至於這盒也是在超市買的，味道也不錯，最好是細細塊，但嫌沒什麼杏仁花生碎...看標籤是沒有小麥成份，主要是綠豆粉、炒米粉、杏仁粉等，當小食也不錯...誋憶所及"巨"記出的杏仁餅很好食!!
以前常聽到的炒米餅，其實是否指這些杏仁餅，或是另一種餅食呢?!!
很同意呀！例如以前飯後果，現在又話飯前果，又話要兩餐中間食生果。
回覆刪除飯後果已經過習慣啦！冇刻意去改裝啦！
不要說你同意我的講法，我也完全同意你所講...現在資訊太多了，想法反而搞到亂七八糟，我都冇變仍然飯後才吃水果，習慣很多年了，冇必要變!!!!
刪除十幾年前睇網說有益燕麥能減肥，急需即跟，早餐同下午茶餐仲食大量，結果，我証實係呃人嘅，網文同傳文一樣係有真有假。森話有害去嚇人，人都癲…我咪係服毒慢性自殺…哈哈！食十幾年都無事，唔理你。
回覆刪除超半中國人飲牛奶會肚屙…咪中毒…係遺傳嘅乳糖不耐症，西人無事，所以，因人而異。麩質應該同一原因，只係暫時揾唔到病理。
『有見識人士』：基因改造、農藥咪全部農業植物有毒，打針雞 抗生素牛 瘦肉精豬 畜牧業全有毒，海鮮河鮮養魚都因水汙染和藥物全有毒，海陸空唔食得，連呼吸環境空氣PM2.0都有毒，負面訊息令人窒息，簡直要滅絕人族，可是，人類愈來愈長壽喎？愈來愈高，愈來愈大隻。食安要關注，但不能一竹竿打一船人，進入死胡同。
『恨人餅』 哈哈！咁好食我都喜歡。食物與體質因人而異，各自解讀，近年，加工食品和精制澱粉質已剔除我選擇表內，揀左其它。
有睇成份表辨好壞，好聰明。
炒米餅係佢表兄弟，忘了味道，只記得咬崩牙 、掟死狗。
我不知你吃的是什麼燕麥，如果是即食燕麥實在添加很多，多吃反而令身體變胖，我本身唔係太可以吃燕麥，偶爾吃吃也無妨...現在資訊講到吃燕麥等同食煙咁誇張!!!!
刪除中國人除了母乳之外，由細到大都甚少飲牛奶，所以很多人都腸胃不適合飲，外國人脫離母乳後都仍然飲奶品，所以適應力比中國人強，我飲奶都OK，不過自從話奶製品太多激素又人工化，都少飲~~雪糕又係糖到爆，少吃了~~唯一常吃是芝士夾麵包~~
你所講的就是現在的畜牧業所為，可能都有良心耕種養牲口的農業，不過成品售價就很貴...亦有聽過大有錢佬會買地私人種植養牲口，供給自己給自己家人吃...
聽講話現時人越來越高，越大隻是因為食得激素食物多，雖長壽但疾病多多...能做到健康都要很多條件配合，食物，環境，心境，運動...諗吓都幾複雜!!!!
記得以前的杏仁餅好硬，冇乜牙力都唔好掂，相對現在的杏仁餅比較脆，今篇介紹的杏仁餅雖然冇咩杏仁味，但勝在夠脆，唔驚咬崩牙，你見到都可以買來試試~~~
精制澱粉都剔除?!!...白飯都係精製澱粉，麵包都係，你唔吔?!!!反而想知其他有什麼選擇?!!
記得炒米餅又係第二樣食品，有時這些中式野都幾好食!!!!
純燕麥。唔識個作者，又會完全相信陌生人，咁好易被電話詐騙。74歲食鹽多過米嘅老人畀14歲少年電話呃幾十萬。
刪除嫌雪糕致肥，戒！
窮人無得揀。富豪同醫生都未必長命。
高大係夠營養和運動。
我最想食平價健康食物，所以，戒零食，依家健康 唔易病 無肚腩，想保持住。世事一失一得，好味上癮零食邊及健康珍貴，長壽唔健康係捱苦唔係享受。
窮人無得揀貴嘢食。食溝糙米飯，與高纖食物一起食如煮飯中加入豆、薯 、薏米、玉米、菜…，森哥常常咁做啦。係澱粉唔精制嘅有薯仔 南瓜 蕃薯…。
如老婆餅 蛋卷 鳳凰卷 合桃酥 皮蛋酥 瑪仔…都好滋味，我後生時食唔少，森哥唔使叫我買嚟食。
如果人地講乜就信乜，好易被人洗腦，尤其是一爺呢類少不更事的年青人，呢樣唔好食，果樣唔好食，變左一日食一餐……現在網上資訊爆發，真的會篩選過才好相信！！或者許可下用自己來試試是否有作用！
刪除零食屬於小吃多滋味類型，所以間中才買，都忍到口……
現在冇咁癲，不想廚房放太多五穀，減少好多一樽樽，平時只加扁豆，薏米，洋薏米……
鷹咀豆，眉豆都會常吃！！
餅食都唔係樣樣差，都有些過零食癮之餘，都唔差，相對來講中式餅食好過西式餅食！！好似杏仁餅，花生芝麻餅，豆沙餅，木薯糕，馬蹄糕……呢類傳統食物如果用真材實料做，都可以當養生食品！！所以一爺唔可以一竹杆打一船人！！
『一爺呢類少不更事的年青人』 哈哈！當你係一個 『有料』 『老人』時係唔會賣老，用實力例子闡明才有說服力。
刪除零食商賺錢靠你上癮，所以，唔畀機會佢勾引我。
森哥舊時點癲？
講下『中式餅食好何過西式餅食』嘅理據？
我當 雜果仁 雜豆糖水 和 阿華田粉(唔冲水)為零食，全含我必須營養素。你鼓吹我食嘅加工嘢通常都有色素 防腐劑 增味劑…原形食物更優。
我碌竹唔打一等船民，只打妖精森，佢揾零食誘惑我，如果我唔對抗，我估下次會更猖狂，用肉體誘惑我呀！哈哈！
我仲以為話一爺係年青人，你會開心到幾晚訓唔著...乜原來變左森伯要賣老~~~~
刪除成班博友都係當作普通傾吓偈，都唔需要在意有什麼實力，一個人有定力，無咁易被東西勾引到...除非一爺唔夠定力!!
我有話癲咩?!!一向食都未必會好癲，森伯老人家有定力!!
有些中式的芝麻餅，花生餅，燕麥餅都好過西式的曲奇餅，牛油酥餅，果醬餡餅等...中式餅多以五毇堅果為主材!!你講很多添加物多數出現在包裝唐餅~~若果親手做都比西式糕餅來得健康!!!
只打妖精森......這句係事實憑證，你將森伯妖精(魔)化，直情係某國對付眼中釘的拿手技倆!!!
你搞錯，肉體誘惑你只有你班鮮肉friendssssss...老人家何德何能?!!!哈哈哈!!!
森哥愛認老，有老賣咪認同森哥夠老，應該開心囉！如果森哥係口是心非，我就拍錯馬屁。慘！
刪除己所不欲，勿施於人，森哥唔太喜歡人哋話你嫩，咁我感同身受，因為我真係唔後生。對我咁衰好失望。
普通傾？唔可以森入？只能淺交…失望。
零食太好味，食一啖後就停唔到口，我定力係好差架！每個人都有弱點，要承認和面對才正確，森哥要揭我瘡疤，取笑我，攻擊我，森哥要選總統摷對手黑材料咁陰質。
上文『現在冇咁癲，不想廚房放太多五穀』，無心到連自己講過都唔記得， 原來，全部回覆我嘅都係敷衍了事，令人失望。
有幾癲？廿穀？
我特登寫到森哥有遐想，果真中計。肉體…杏脯肉、臘肉、牛肉乾、蒜泥白肉、生魚肉…我擰晒頭。記得我以前某次賭注係一小盒杏脯，輸左要賠，我喺盒上寫『賭債肉償』。我好鬼馬。哈哈！
森伯係老餅是事實，只想大家覺得森伯keep得算係咁，一向一爺都係叛逆青少年，冇講之餘仲踩多森伯幾腳……
刪除不如問你想點深交法呢？！森伯冇其他渠道，只係玩呢個blog咋！！
咁大個人食零食停唔到口？！細蚊仔咩……之前吃提子乾食食下唔覺，一小盒的好快就KO一盒，食果乾甜，冇謂吸收太多糖，結果忍口吃幾粒當食療！！
全盛時期有十幾罌，後來見樽太多，漸漸縮少！！
小盒杏脯都要作賭注，仲要賭債肉償？！唔係咁癲呀！！！
見諒，對一爺講的說話一啲啲遐想都冇……哈哈哈！！不過咁耐以來一爺帶唔少歡笑給森博就係千真萬確！！！
現代網絡發達，很多人為求增加點擊率，不惜發表似是而非的健康知識，甚至乎是語不驚人死不休的虛假健康知識，小麥不能吃，大米又不能吃，生果不能吃，瓜菜又不能吃，原因是可能基因改造，可能有農藥......，如果聽他們的說話，唔餓死都嚇死！
回覆刪除係呀，有時為點擊率，真的什麼也可以講，所以刻意寫個出位標題，目的可以搶搶眼球，人人都點來睇一睇……抓著人每日都接觸的食物，用品來大造文章，就好像這件事關乎每個人的健康……所以信什麼內容都要經過自己先諗諗！！
刪除如果真係聽完這些資訊又親自實行，就真正去到煉仙的層次！！
炒米餅主要材料是米，杏仁餅主要材料是綠豆。
回覆刪除如炒米餅用大米做，我應該沒有食過，但個款似杏仁餅…
刪除自小沒有吃零食餅食的習慣，現在覺得吃吃糕餅充饑，也是一件很方便的事。尤其是想起父母親愛吃的中式餅食，就會去買些回家吃吃。一面吃，一面想起他們的音容面貌。
回覆刪除以前姐姐結婚時只肯派西餅卡，母親很遺憾 ! 到我結婚的時候，就陪母親去知名餅家，任她選擇。終於她為我訂了兩擔嫁女餅，除了派親友，餘下的都有排慢慢吃了。
對我來講，由細到大餅乾麵包不算是零食，是雜糧！！所以到現在都會吃，正如你講可充饑……
刪除聽秋葉所講，食起中式餅都會想起父母親，相信你也很重親情！！
只是個人見解而已，感覺上派西餅卡沒有派唐餅的隆重，而且以前的唐餅不是常會買來吃，只會在辦婚事才能吃到，反觀今時今日入餅店，隨意買一兩個來吃都可以……
唔識計兩擔餅有幾多？！可以有排慢慢吃，相信都唔少……
自從有了獨立包裝的方便，後來餅家就有了散裝的嫁女餅賣了。記得母親的飲食很正常，但在正餐之外，竟然常常儲備了鬆糕瑪仔之類的甜食，可能是她自小吃慣的。
刪除原來以前傳統訂購嫁女餅不是逐個計，而是要紅菱幾多斤，黃菱、皮蛋酥又各要幾多斤。
*
後來有勞兩個十分健碩的阿伯，各挑了一擔禮餅上門來。
嫂嫂憎我不理會她阿哥，噴我是老姑婆。後來見我話派禮餅，竟聲言要一百個 ! 我數好了叫她來取，她來到見到嚇了一大跳。哎 ! 其實是母親喜歡，才訂了那麼多。除了那一百個，仲夠派有餘。其實結婚不用太過鋪張，見到有些新人、親家攪到反晒面，何必哩 !
我還以為一向也是獨立包裝，當然相信最早期的唐餅是散裝...很多唐餅都是酥皮，很容易便甩出來，感覺獨立包裝會較為衛生企理~~
刪除其實絕大多數的人，正餐外都會吃些零食，當中也包括糕點，查實鬆糕跟馬仔都幾好食!!!現在所搵到的鬆糕，可能只有黃糖糕~~
說起訂唐餅的典故，相信秋葉比森伯在行，森伯只是偶爾在奇X買些少餅食!!!
嫂嫂不理會她阿哥?!!...你嫂嫂想介紹她哥哥給你?!!~~~~以前的人好喜歡說嫁不出的女士為老姑婆，相對現在婚姻大事每人都有自己的決定，這些話絕少聽到~~
我估(戴定頭盔先!!)...當年秋葉應該是裙下之臣眾多，冇一百都有幾十~~~必定有排揀!!!!哈哈!!!
如果是百幾個唐餅，真係有排食，而且唐餅不能放太久，現代新人想法不同，就算辦喜事都一切從簡，擺酒請客都不想搞到太麻煩!!!
做乜講得咁誇張呀 ! “裙下之臣冇一百都有幾十” ?
刪除分明是出於揶揄我啫。 哈哈 ! 真係笑C我了。
不過係久不久有一個咁多啫。
青春年少，哪個不是人見人愛，車見車載。
森源都有拍過拖ga啦，講d嚟聽吓。好似歌神刀郎，歌中寄意，坦坦蕩蕩，有妻有女，都仲可以緬懷舊愛，可以悲戚失意。
在行買嫁女餅的是母親。她安排嫁妹排場十足。
刪除母家有雪櫃，放一百個餅並不難。有得派也是好事。
森源可有姊妹呀 ? 好像你有好多親戚的，嫁女餅都食唔少啦。
森伯又未見過秋葉的真人，都係估估吓，尤其裙下之臣講多好過講少啦……
刪除秋葉又幾關心森伯伯的感情事，不要諗太多……森伯始終長者一名，都冇秋葉姨咁多驚天動地，海誓山盟的情史可以講！！
咁多口問句，咁秋葉姨當年嫁女時有冇派唐餅呢？！或是後生一群已經冇這個習俗！！
刪除家人結婚已是N年代的事了，記得當時都有足夠的餅給主家，都係食到滯滯地！！
哈哈 ! 森心如果唔係揶揄我，使乜驚到要戴定頭盔呀 ?
刪除你都好叻喎，識得問我：嫁女有冇派唐餅 ?
答案係：「有嘅。」幾位親屬由我親自送去。如果給較疏的人，是兩個「雙編」，不用收利是。但也有已婚者回利是一封，多少隨意。
因為唐餅比較貴，多數人家只買西餅卡，連喜帖寄送，省錢省力。或只送唐餅給親屬。現在唐餅店都出了餅卡很久了。 其實結婚主要是兩個人的事，其他都是形式上的。
生活其實都是很個人化，每個人的際遇都不同，得得失失，盡在心中，也不必向外人交代。
刪除基於八卦的好奇心，還是關心，也不用深究了。
哈哈，這些習俗森伯完全不知！！你作為外母還作送遞員去送唐餅，認真唔話得！！
刪除唐餅是貴過西式餅，現在親戚多數送唐餅，普通朋友同事送西餅居多！！唐餅卡多數比較少數，反而西餅卡起碼有一打……
我仲以為秋葉想在博裡講下過往的戀情事！！準備洗耳恭聽！！😄
刪除閣下對於婚俗習慣不大清楚。我嫁女，親自送餅和請帖給自己的長輩，是表示誠意。更何況路途遙遠。其他的就可以不理了，我不是派遞員。
刪除唐餅比西餅貴很多，餅卡的份量也不會少。如果要取皮蛋酥，要預先打電話給餅店，才最新鮮。可能現在不會這樣周到了。
閣下都不肯講你自己的情史，卻要我講 ? 哈哈哈！
刪除通常辦喜事，大家都冇計！！送長輩多數送唐餅，有種隆重而喜慶的象徵……
刪除現在很多唐餅都變成包裝餅食，可以久放好幾日！
Great blog
回覆刪除thanks!!
刪除Please read my post
回覆刪除Okay~~
刪除中式餅食以桃穌是首選。
回覆刪除你講的桃酥是否合桃酥呢?!!若然不怕甜，合桃酥都唔錯!!!
刪除無錯，只因打漏咗個字，係合桃酥先啱。
刪除係呀，老餅家出的合桃酥有特別味道，尤其餅身厚厚！！
刪除如今資訊發達，自媒體也發達，資訊泛濫，真不知孰對孰錯是真是假，許多「現代觀念」把我們少時就接受的理論推翻了，我只能信自己、信曾經經歷過的說法。中式餅食多用大米，只因為中國人一向以大米為主糧。「湖廣熟天下足」，種的就是稻米。
回覆刪除對呀，以前的人食物沒太多元化，主糧以大米為主，配以簡單的青菜和肉類，而且肉食不會天天可吃，間在過時節才會吃得豐富一點！！
刪除現在資訊發達，幾乎樣樣食物都是有不好處，就是因為資訊多了，更應該篩選過才去相信！！
謝謉分享資訊 , 早餐食麥片已十多年 , 現在話有問題 , 不知如何是好 , 為有份量食少啲 .
回覆刪除