發覺都市人們都蠻喜歡閒來有杯飲品飲飲，早餐就整杯咖啡，下午茶就來杯奶茶，送個蛋撻...但好多時外面飲品可能加入很多什麼奶精、白砂糖等等，偶一飲之都冇咩所謂，但長期就可能對身體有影響...以前有一段時間會整杯新鮮果糊，但果糊吃太多亦未必健康，現在多數飲杯簡單的豆漿，翻熱後加些"好立黑"粉，簡單的沖調下就可以飲...味道淡淡地但適合自己的口味!!
有時都會買些"五穀粉"沖調，看看成份都幾好，呢隻飲品常常見公司同事會買來沖，飲過之後又覺得OK唔錯，有五種穀物粉，據它包裝上所講，包括：燕麥、小麥胚芽、黑白芝麻、黃豆、薏米)味道特別，而且加入菊糖，不過飲起來不會甜，基本上都OK!!多數用來送麵包~~把豆奶加熱後，倒入穀粉沖沖就可以飲!!
如果你好似森伯咁~~懶蟲上身，唔想太麻煩整飲品，呢種沖調飲品都幾好，不過以我個人來說，要沖就要熱鮮奶或熱豆奶，齋用滾水就幾難飲~~~~
我未試過飲"五穀粉"，估計有飽肚感，對嗎？！
回覆刪除如果一杯五穀粉加個麵包，應該都夠飽肚！！
刪除舊時飲品係無意識嘅，亦不注重營養只顧好味、潮流興乜。有個不成文規定，係早餐或午茶才有，屋企午晚餐係飲湯(如果有煲)，水係口渴才飲。或且快餐店食飯都配杯嘢。
回覆刪除未成年揀好立克呢類甜飲品，阿媽話奶茶、咖啡削胃傷身小朋友不宜，係成年人飲品，檸茶就無分齡，我大個仔後揀奶茶為主，抗抗小朋友形象甜飲。
我無零用錢，有時唯有刻扣早餐錢，杯嘢飲係搖錢樹， 乾哽包配水。仲有阿爸個啤酒樽回樽錢$1，舊時真環保。
刪除我個定飲故事發生喺六、七年前某次上網，有個中大搞嘅網頁可以計到每日食左幾多鈣，我計過我點食都唔達標，佢建議每日飲2杯好立克打好個底，雖然感覺係公司畀研究費中大搞出黎，缺鈣點都要補嘅，揀佢點都好味過食鈣片，而且，睇佢成份表仲有其它十幾種維他命和礦物質，價錢合理兼低過牛奶，就當佢係營養飲品，缺鈣大件事，只好乖乖聽話分2次飲2杯，因一次過大量鈣入消化系統，條腸會趕唔切全部吸收晒。係首次有意識、有目的、有數據、有需要飲嘢。
刪除哈哈！話咁快我到左飲老人奶粉階段。
近年發現阿華田嘅含鈣量都好高，又便宜，咪轉左呢隻，唔係你嘅五穀。
好多年前個同事話飲好立克滋陰易肥，我飲左咁多年(6年)都依然保持到身段，斷食真好，唔使太緊張糖分高低。
刪除係呀，以前又冇講究咩營養，總之有野飲就OK，現在人講健康，因為坊間食品太多添加物，怕出事的人就會睇吓營養標籤，睇睇有幾多種化學東西在內……
刪除飲品冇分年齡，鍾意飲就買！！現在少飲奶類，因為易產生炎症，飲多了豆漿，就算信唔過出面賣，有時間自己磨都好方便……
如果不需額外營養，飲清水可能仲好，仲健康！！
刪除驚缺鈣，就食下蛋殼粉，幾直接有用，而且相當經濟，不過處理都要用些時間，儲起蛋殼到足夠，清洗乾淨，再風乾，壓碎再放落研磨機打成粉狀，有需要時，放在食物裡易進食，我通常放在飯裡一齊食……
刪除亦要多些晒太陽，咁做最好！
我每樣飲品好少日日飲，不固定，當為換口味，間中會飲藕粉，對我有助益！！
刪除以前老人家愛自磨豆漿和新鮮腐皮才打，依家我直接食黃豆。豆渣點算？
刪除牛奶、肉類、豆類等蛋白質係大分子，腸道未分解完就進入血液中，刺激免疫系統當敵人就發炎。幸好我消化力強無蛋白質導致發炎啫！唔通缺胃蛋白酶和胰蛋白酶切細成小分子胺基酸。咁要木瓜、奇異果、菠蘿含天然蛋白酵素(或保健酵素丸) 和飯前飲稀釋蘋果醋或檸檬水幫助消化。
刪除蛋殼含少量有毒重金屬如砷、鉛、汞、鎘等，怕中毒嘅我唔慳啦！再者甜飲滿足我欲望！森食唔少中毒好森？
刪除我老左食極唔厭，營養豐富揀啱唔轉，我從一而終，唔花心。
刪除又好少人直接食黃豆，因黃豆有種天煞毒素，如買茄汁焗豆較好，因為佢已把豆煮到稔！！
刪除聽講豆渣可以整薄餅……不過對一爺又節儉又不愛動的人未必啱整……
要吸收蛋白質就吃蛋及肉，動物性的蛋白較易被人體吸收！！
太酸的醋不應該常飲，怕胃頂唔順，檸檬汁都可以，不過森伯不能吃太酸！！
現在食乜都有毒，份量少少的蛋殼粉影響不大，你估成噸成噸咁食咩！！一爺特別浮誇……
始終都係加工食品，味道，保存都會加入添加劑，不會造成依賴，不會日日飲，換下不同食物較好！！
短寫令森誤會，係直接煮豆…雜豆糖水一員。水蛇春咁長好要重。
刪除以前個印尼工人識加蛋、麵粉、調味料煎豆渣餅，我當餸食架，慳翻筆買餸錢。
刪除肉蛋白優過素，全素唔係最健康，素食其精髓係大量花喱碌蔬菜/菇菌佔半碟，肉和碳水佔半碟。211黃金比例。
刪除我寫稀釋醋呀！我小小一羹，醬油醋撈生食蔬菜好好味。
刪除毒唔毒睇人，我哋聰明都不盲從對方，各俱優良個人特色，唔使氣炸(鍋)嘅。
刪除我換黎換去都係加工飲品，換乜啫！森記果糊都無佢加工營養列表咁長，高營、省功夫又低廉($1/杯），窮人佳選，森錢多花款多，森哥嘅一天食物超多不同類型係正確思想。
刪除乜而家一爺用咁方法留言(一截截...)，搞到森blog變成"何伯與新何太"咁既洗版形式~~~~~~~XXXXD
刪除乜黃豆可以當紅豆沙,綠豆沙咁煮法?!!通常磨下豆奶整下豆餅...磨完豆漿的豆渣掉了好嘥，煎餅又唔識整，通常豆渣磨完再磨，做多一兩杯...
都唔一定，素食要識食，豆類最好，豆漿，菜豆富含蛋白質，當然肉類較易吸收，所以我認為食全素的人，
都不應完全戒蛋和奶，這是動物性蛋白的來源!!
其實在香港環境長大，對包裝食品都已經由細食到大，都習以為常，不會察覺有什麼問題，但人大了，學識反思，原來有很多野唔應該食太多，正如你之前有講，細個不為意，只知好味唔好味，以前人人都認為代糖健康，甚至糖尿病人都以為代糖可以食用，後來又有人發現，代糖仲差過正式糖多多聲，因為很多糖都經過人為加工，越加工越多問題...
放心！就算幫你牽紅線，揾個新森太都唔會洗版啦！我想換個新模式。
刪除我原創，咁至有層次感，食軟又食硬， 靈感來自喳咋。呢個5穀配搭都好新穎，森哥都諗唔出黎。
刪除人哋話好就跟到十足十，一成不變，要探索其弱點，運用智慧孕育出新模式，超越人哋。
刪除忌懶惰不用腦，不可停留在慣性思維，常要挑戰固有諗法，由其是背後有龐大商業利益。
刪除憑一爺講句放心，就安樂晒...不過唔多like呢種新模式!!!!!!
刪除森伯啲老人家好少諗新口味，唔似你哋果類後生人喜歡新嘗試.......
人地話好都未必適合自己，所以都唔需要跟著人來做...
都係買盒五穀粉，估唔到一爺可以參透到咁多!!!!商業社會乜都係同有冇利益有關!!!!
短言一發就出，長言發幾次才得，煩厭。
刪除老人也保持歷久常新。
一爺當關，要有國際大視野。
發短言有時都幾方便，唔駛水蛇春！！😀
刪除一爺大人物，視野遼闊，森伯伯小人物，著眼於眼前……
好少飲咖啡同奶茶，多數飲柯華田同好立克、柚子茶。
回覆刪除咖啡，奶茶自己好少整來飲，外邊又好少叫，多數飲豆漿！！
刪除原來都多博友喜歡好立黑！！
我一直以來都是以飲白開水為主，也有買過現成的沖飲，後來是維記豆漿。標榜高鈣低糖也不錯吧。
回覆刪除其實白開水最好，不過很多人還想飲有些味道的東西，若然飲品裡加了些營養素就更好，所以商家看準這商機，出產這類即沖飲品...,...買現成豆漿方便過自己整!!!!
刪除我都鍾意在家飲即沖飲品 , " 五穀粉 " 我未試過如見到都買來試試 , 謝謝好介紹 .
回覆刪除有時即沖飲品幾方便，配搭早餐，午茶最好不過...超市好易搵到，有機會可以買來試試~~
刪除如果我想飲杯熱飲，我多數沖杯淡淡哋的中國茶，因為啱自己口味，又夠快！
回覆刪除對呀，水或茶既方便，而且又可補充身體水份，相比即沖飲品好，但習慣了送包多數想配杯飲品……
刪除