現在最多人搞的生意，通常都係以食為先，試問每個人都要食，做食的生意應該大有可為...一向附近商場的生意都係一般，有留意開森blog都會時時提到，因為人流不多，但最近竟然有食肆在此新開張，原本都有間食肆在這舖位，不過裡面比較陳舊，後來新舖戶易手翻新，總算有些新氣~~
其實現在食肆多，但要維持經營都唔容易，我認為最大問題是價錢其一，服務態度其二，相信在這刻睇森博的友好，有誰買東西或吃東西時未受過氣呢!!!而最近大熱的北上消費，其中一個原因都係港店的服務態度麻麻，要幫襯又要受氣，真係極度委屈~~若然森伯有日係店主，必定會以禮待客，絕對唔會好似觸完電咁———黑口黑面對住顧客!!!
其實呢間店新開了不久，又適逢母親節，所以可以與雙親們來試試如何，當然喇，食物質素和價錢都要OK，這裡算是唔錯，而服務態度都幾好，起碼人手多，要落單都容易!!!!
幸好，雙親們都算滿意，食肆的好壞不是一時三刻，能夠維持水準最為關鍵!!!
母親節食茶記咁新穎，店小二唔黑面而阿媽會。
回覆刪除一爺啲港女性格走晒出嚟…茶記就黑面，法式high tea就笑騎騎🤭🤭，冇講過有人黑面，附近的店舖多數撐，街坊都唔幫襯，又係遲早摺！！
刪除特別的愛給特別的你，特別日子投其所愛或嘗新，咁新店唔怕中伏都算嘗新，不過，茶記普通菜色太創舉唔似過節，而耆英三高忌HIGH，通常傳統至愛歎一盅兩件。
刪除唔港女風格，牛一慶祝可去大家樂、大快活、麥當奴、KFC連鎖快餐店，不拘小節，最要緊有森呢個 金叵蘿陪食，邊度都無所謂啦！仲有森制生日饅頭，吹完蠟燭許個願有何不可！
冇咩特別，母親節當日都大把人飲茶食飯，長輩們最怕被遺忘，尤其有咩節日慶祝，若然生日就不會求其，始終生日是特別日子！
刪除冇所謂啦，生日都可以食大渣樂，大塊活，麥噹噹……壽星者認為開心就得喇……咁講法一爺過生日咪要去半島同香格李拉酒店先OK！！咁耐以來未整過生日饅頭喎！！
覆一爺的回應真富娛樂性！！
節日唔係借口去玩樂食團聚提升苦悶生活情趣和快樂？所以有要求，至少比閒日高DD啦！
刪除都係一年一次，生日大過雙親節？倆老點諗？
如80歲命，餘下幾多個？
壽桃包饅頭實屬類同，森制多份森意。
老左才知我喜平淡靜靜過，洗盡虛榮，門口掛上請勿打擾。
富娛樂性：係我目標，卸下工作生活壓力。
通常節日都係搵個藉口聚聚，食吓野……
刪除其實一爺都可以畀個藉口自己駛吓錢，一年365日仲慳唔夠？！有咩大時節，生日都可以食豪些，買豪些，盡慶一下！
以前長輩生日，都會一班人去慶祝，但移民潮的帶挈下，剩下長者們，能夠慶祝的，願意外出的，都會幾個去食吓飯，盡點心意，他們滿意就好！！
森伯的生日當然簡單開心就算啦，唔通擺幾圍咩！！😄
『森伯的生日當然簡單開心就算啦，唔通擺幾圍咩！！』……己所不欲勿施於人，仲乜叫我大節日豪氣揈錢。我要學森哥呢D有錢佬習慣，撞啱就洗錢，要等唔係大節日，而係等大減價日，才會倒水式揈錢盡慶，睇絕佳時機。我閒日都食蠔D…蠔豉補鋅，睇需要。
刪除從飲食、衣著、家居都貫徹簡約生活，輕盈淡淡令我舒服。要如均衡食法才係正確人生，每種份量足夠就可，有D營養多食有害，有D食多都係排放好浪費，植酸阻礦物質吸收，吸收條腸得咁長係有限量吸收，鐵、鈣掙崩頭搶入閘，大婆二奶要隔開吓。
港女情人節喺辦公室無收花就無面，3姑6婆哋問起父母親節點過可以答茶記？朋輩壓力要屈膝顧體面。
森哥親朋好友都移民左？原來你係果一黨。
長者愈長壽，要習慣身邊人們一個個消失，學懂享受獨活，阿爸死黨比佢早C廿年，大女阿媽長命過兩個妹，夫婦都玩前後腳。
娛樂下，輕鬆就無壓力皮質醇釋放，佢會引致發炎，我倆同得益。絞盡腦汁回覆，多用腦筋唔會腦退化。互相辯駁有益架。
當然人老了，駛個錢都會度住度住，但有些時候都不忘獎勵下自己，或者令到生活中添些色彩，森伯唔希望太過慳皮過活，要用才會買，因為冇得周圍去格價...見到啱，價錢又OK都會買的!!!
刪除假如真的見到有公司大減價，裡面的東西未必會適合，所以大減價都某用!!就算逛12元店都未必樣樣都合適，至於去淘佬買野都係買些生活用品，買些香港唔易見的小型工藝品，價錢平好多，有些擺件的質素都好好，國貨公司的工藝品貴到無論，但淘佬買都平好多，用平民價買工藝品，都合理，不過都有可能有些貨品出問題，所以一定唔會買太貴，冇得換過架~~~~
至於食野，仲更加唔需要太貴，有些平平地都好有益處，早前在佳佳買疏菜苗生吃用，成盒都係幾蚊雞，而且頗新鮮，若然老痴呆未發作都可以遲下在博講吓~~豆腐又幾多錢呢，都係平價食材，但都成日食...
又好少人問父母親節點過?!!通常都用港式慶祝，去食飯或者去飲茶冇咩特別...人生要知足常樂，因為人生苦短，成日顧太多無無謂謂都幾傷神，人都快老(個樣)~~
咁你有冇親戚朋友在呢幾年中移居外地呢?!!...唔緊要啦，趁大家一齊，多點聚聚留返一些好的回憶吧!!!
對呀，人老左真係要學習面對身邊的人一個個的走，不過很多事情的確冇得推敲預計，有得相聚就要重視這時光!!!!
你啲絞盡腦汁回應，水蛇春咁長，真係要用唔少時間覆......
現生活合適無獎勵欲，闊少森慳得苦。
刪除淘比公司減更抵，隨時買啦！
政府須調控物價令市民唔使憂柴憂米。
問…為何中國人含蓄不和人(包父母)溝通，估估吓好？
佢咁啱係份外國工才走，機緣…無移民目的。
本來無嘢寫得一行，被森哥腦震盪就崩堤泛濫。勁花時、忌濫交、不限字、才暢快、限博量。
逢節日或生日就去慶祝下，我的生日都會慶祝下，有人就一齊去，自己都可以去食下行下...
刪除你現在可淘寶未呢?!!記得早前進修，個個同學仔都已經可以去搵平的美術用品買，覺得網購已經是現時一個購物途徑...不過都好影響實體店的銷售~~
唔會喇，本身同父母好多野講~~
阿一爺乜都同"濫交"扯埋一齊講~~~~~留回應，簡而精最好，每個都有意思好過冇內容......
森哥上堂最大得益係學會淘寶，每年慳D，幾年後連學費都賺返嚟！
刪除不是，成個課程讀完都未識自己淘，都係搵人幫手買...其餘用品多數在香港實體店購買!!!!
刪除今個母親節我和家人到深水埗吃土耳其餐，食物尚可，價錢畧貴。
回覆刪除母親節只係形式，人人安排節目都有不同，母親大人開心滿意就好……
刪除母親節去食飯或飲茶都係走下形式，最緊要係平時嘅關懷，係咪？
回覆刪除Man Man當然講得啱，有時節日只不過是形式化，最緊要無時無刻的關懷！來得實際！
刪除咩節日往那裡食都冇所謂最緊要吃得開心就好了 .
回覆刪除對呀，食什麼都不重要，最緊要是在這節日裡感到開心就OK…
刪除香港啲食店就算數把啦！食物質素差唔再講，仲成日以服務差劣為榮，認真羞家。
回覆刪除哈哈哈...唔係呀!!以服務差為榮!!!咁真係冇得救~~摺左都唔抵同情!!!
刪除不過都有些用心經營，食物和服務質素都令人滿意...客人是看得出的!!!
可以和雙親們(兩位或四位)一起出外吃一餐慶祝母親節，心意是好的，老人家們都會收到。
回覆刪除對呀，最緊要是他們認為滿意就好了，只是吃餐午飯而已，而且是附近食肆...若然當日在區外食，恐怕位子也沒有~~~
刪除相信秋葉當日也會收到囡囡的心意!!!