大家都唔好以為呢排森伯好嘆，轉天氣的時節，又撞正風濕發作，真係痛了很多日，不過好就好在唔需要請病假...所以大家都要小心身體，呢排真係時冷時熱，記得上周好似發冷，今周又可以穿件背心，今日又感到涼涼地~~
這段風濕痛的日子，以藥丸和鎮痛膏布為伴，雖然都未必百份百有用，但有舒緩都已經好好~~
又開始要上班喇，希望自己可以頂得住啦！老人家就業真係辛苦...
香港的疫情開始有點緩和，都係好的！但眼見歐美多國的疫情都幾危急，但外國人仲可以叫當地政府撤消居家令，完全同香港人兩回事...不過都希望疫情可以快些過去，他們可以重見曙光...
會唔會因為長期工作勞損？
回覆刪除照計森兄年輕力壯應不會咁快有風濕痛症吧！
疫情期間還是勸森兄热Ｄ都寧願多穿件外套或帶定一件在袋中，以備有時搭車或公司冷氣凍！咪嫌我老人家長氣囉唆喎^^！
暫時就咪心急著背心騷肌住，第時七八月仲夏暑天仲有大把機會呢XXD
先多謝Gael兄關心~~
刪除唔算係長期勞損，只係長期的痛症問題，就係年紀大有風濕都唔奇~~是長久戰，都習慣了!!
唔敢嫌Gael兄囉唆，除非有必要才會帶備多件衫，一般都會著夠衫才會出門口，都唔想帶太多東西外出。相信呢段時間都幾多人怕有唔舒服，唔敢去診所或醫院等地，所以大家都要保重身體!!
邊有Gael兄咁多肌騷丫...是因太熱的關係唔著背心就會熱到七彩~~~~
天氣潮濕痛症特別犀利，我媽媽都一樣呀>_<家居令好呀，留在家比較安心。
回覆刪除係呀，天氣開始潮濕，風寒濕痺最易這段期間發生...港人知驚，所以自我製造居家令都願~~
刪除我呢邊都開始有要求撤消居家令嘅聲音。
回覆刪除所以話外國人唔知咩心態，好似話佢地驚冇咗份工和影響經濟生計...
刪除風濕發作，真係令人困擾，希望未來醫學幫助到。
回覆刪除14復14，14何其多！！！
冇辦法，其實風濕痛醫學上都係當痛症科醫，有否成效好睇個人~~
刪除疫症當前，14何其多都冇辦法架......
多謝暖男森哥提醒天氣飄忽，加減衣著時裝表演唔好懶，古人五月糭智慧。
回覆刪除聞到呢個牌子好溫馨，我時常幫双老黐背脊，要讚自己係孝順仔。
範圍廣及全球，太大鑊啦！ 呢鋪勁呀！要疫苗面世，人人拮一針。
唔駛森伯提醒都知天氣時冷時熱喇...哈哈~~基本上到五月都已經進入立夏，天氣都漸漸熱起來~~
刪除你聞到呢個牌子好溫馨，森伯聞到呢類膏藥布味好親切喎，好話唔好聽陪住成長XXXXD
都唔希望人人都拮一針才能平息，通常疫症高峰過後會回落......
仲諗住讚森哥係暖男會開心啲，就可以 Pain Relief，平時，森哥讚到我飄飄然，都係森哥把口甜好多，我要向森哥學習吓令人飄飄欲仙嘅口技。
刪除避開咁嘅天氣病，係咪可以去泰國、馬來西亞、星加坡熱辣辣嘅地方住囉！退休好地方。
唉~~一爺兄平時都唔知邊句真，邊句假…讚暖男都係差唔多喇，冇咩特別……講起口技，邊有一爺咁勁，有時講嘅嘢，森伯都唔明，不知幾高深!!!
刪除森伯都習慣了，長期處於熱帶氣候對我來講，都係麻麻……
讚你就係真，踩你就係假。
刪除唔明 一 咁快我腦退化到語無倫次！好驚驚？
逆來順受， 難為了300( 谷歌語音輸入 森伯)。 希望 醫學昌明 未來能解決 300痛楚。
呢句已經好假喇!!你係咪腦退化就真係唔知……哈哈
刪除其實有很多病症，西醫都冇話一定可以根治，能緩和都好好…所以好似一爺咁精靈健康活潑，好需要感恩!!
森哥對我落咗度禁制令，唔準我讚美森哥，我都知世事艱難，不斷受到挫折嘅折磨，要努力迎難而上，繼續讚美森哥直至天荒地老。哈哈！
刪除暗瘡同中央肥胖都困擾咗我好幾拾年才得以解決，只要有耐心，鐵柱磨成針。以前，部電腦成間房咁大，依家單手就拎得起，發展驚人。森哥唔好放棄，不斷留意有關資訊，會有醫學新突破，他朝一定有更好方法出現，因為全球老齡化令市場大咗，會研究多啲。
藥丸即係止痛藥呀？
博友就唔駛成日讚，大家都係傾吓偈啫~~你都唔好講到森伯好似成日刁難你先得架!!!!!!
刪除我都好認同你所講，每一種病症都有可能會碰到它的剋星(解藥)，或者總有一些簡單方法可以治理它，但又未必每個病者在有生之年碰到，隨機緣啦!!新醫藥不斷進步，但同時進步需要金錢去研發，那就要看看市場大唔大，多人需求就有商機，又係錢的問題...
藥丸即係消炎藥~~
中西方對讚賞反應南轅北轍，森哥係中式啫，唔係刁難。
刪除你又知森伯喜愛中式嘢…簡單讚賞又畀你講到複雜晒!!!!
刪除中共對香港人
回覆刪除兩回事...
中共家陣同外國勢力打緊仗，邊鼠得閒理香港人...XXXD
刪除保重，最近啲天氣咁鬼潮濕真係好鬼易病……😷
回覆刪除謝，大家都要多多保重~~可能真係要飲番啲去濕茶先得嘞!!!!
刪除天氣轉變，很多痛症同皮膚病都會影響好多人。
回覆刪除對，每逢潮濕季節，很多病症都會誘發出來，就算情緒都係…所謂春困!!
刪除相信風濕痛是由往日一些跌、扑、扭、閃，或是因為手足濕水過多所引起的後遺症。
回覆刪除通常一些跌倒或無意扭傷時，在痛感過後，會暫時放緩，但是瘀血會向內走，潛藏起來，但是久不久會發出難堪的痛楚來，告訴人們它的存在。
事實是：當跌扑扭閃的傷痛發生後，如無骨折，要盡早用老牌跌打藥擦揉它，直到痛感消失。當然最好是找到一個好的跌打醫生來按壓和敷治，如果是舊患，要吃跌打藥來消炎止痛的。
我的情況跟這些都沒有什麼關連，不過有時舊患都很容易形成今天的風濕痛，又有環境的因素，例如潮濕因為濕氣重就會很容易疼痛，通常瘀血積聚，是曾經有過頗嚴重創傷才會造成，所以身體每一處的傷患都不容忽視，多點注意~~
刪除一個夾自己的醫師或者醫生真不容易找到，通常一些普通傷患才會用上跌打酒，所以家中都有些藥酒，藥油看吓門口，以備不時之需嘛!!!!
小時見到爸爸有個鄉親常常來信，要求我家寄給他一種古老膏藥貼，估計他是常常下田濕腳，所以有風濕病。不過我從沒有見過家人有風濕症。
刪除後來因為我做家務和去旅行時，偶然有跌傷的經驗，也說得上是經驗豐富。
有一次我腳有少少痛不大去理會，竟然一年都未好，因此決定先看西醫，聽取意見，照照X光，沒事，然後吃消炎藥。這些屬於舊患。
跟著去找個好的跌打醫生診治。當中自己開方煮吃跌打止痛藥，這樣努力去調理，想不到第十個月後，所有的痛感完全消失了 ! 這件事已經過去多年了，不說起也忘記了。
一流的跌打醫生或會有很多的男女徒弟，分擔治病。藥很夠份量，會打個雞蛋和藥煮勻，按揉之後熱敷。而一般的跌打醫師藥量較少，是冷敷，但按揉也很到位。
最差的醫師很懶，只是給病人開個按摩器，病人哪裡需要加重力度都不理，藥量也不多，好唔掂。
所謂的風濕病成因都有很多種，很多時候傷患處理不當到最後就會演變成風濕，或者應該講有痛症的人才明白到東痛西痛那種苦處…
刪除但香港的人不需要下田工作，相信大都是舊患所造成，剛剛整傷時冇及時處理，後來不經不覺地變成長期風濕或長期痛症，那你的情況已經很好，可以及時醫治，慢慢調理便可康復過來~~
真係適合自己的中醫師或者西醫都不易搵，而且中醫藥及療法都有很多種，很難做到樣樣都去試試，所以能醫好了病都要靠機緣巧合，尤其是對長期病患的人來講，感覺上現在有很多醫師都是學藝未精就出來掛牌行醫，真的對他們沒有太大信心~~
我的情況只要多休息就問題不大，謝謝你的關心呀!!!
除了一些名符其實的大醫生之外，也見過一些政府醫院門診部的年青醫生，都有很英明的診斷，一點都不遜色。不要盲目相信一些江湖郎中，和與之掛鉤的小型私家X光室，他們可能硬是說你是「生骨刺」，這是一個不能斷尾的病症，這樣可以令到病人長期消耗金錢的方法。
刪除當我腳患痛了一年，跌打骨醫指示我去照X光，說明我是生骨刺。但我深信自己是意外弄傷的舊患。所以我預約看政府的街症門診，想要照X光，看看是不是有骨刺，又恐怕是有痛風症 ?
那位年青的醫生很英明，他看看我的腳就說：並不是痛風症，也不是生骨刺，不需要照X光。只需要穿一些健康鞋。後來證明他說的話完全正確 !
當然那些舊患我仍得找好的跌打醫生去處理，就在10個月後完全不再痛，已經痊癒了很多年，不說起也都忘記了。絕對不是什麼的生骨刺，這些經驗希望你可以作為參考。
在網上找到一個調理風濕骨痛的湯水，可以給你作為參考煮食。
刪除粉葛一斤或斤半； 老桑枝五元(或買二両)
黑豆一両；果皮一塊；排骨頭一斤。
粉葛去皮切細；黑豆要浸一小時。全部材料都要沖洗乾淨。
排骨頭可以汆水，或只沖洗乾淨。全部材料滾後，，收細火煲2個半小時。
飲湯吃料。
我都相信每個人求醫的時候，都會遇到好醫生，不過正式遇到過的醫生大部份都是不過不失，一些私家的醫館或診所都甚少看，始終對當中的醫生沒有多大的信心，隨時遇到個延診醫生，仲可能有排幫襯……
刪除照計生骨刺跟痛風是兩種病症，痛風只要配合飲食就可以舒緩疼痛症狀…你算好，兩樣病症也不是，可以放下心頭大石，只要換對健康鞋便可，我早前都買了一對健康彈力鞋塾，用了都不錯，話可以減少腳部行走時的壓力……有時不要以為這些用品浪費金錢，如適合自己用的確唔錯，而且可以幫自己解決一些疼痛症狀都好~~
不過有時我都相信，去治病都要靠點自己的恆心，因為不會一次見效，要信自己同自己揀的醫生，當然亦要配合有個好醫師有方法，精準用藥，才能藥到病除，謝謝你提供你的經歷~~
多謝秋葉提供的湯水，我現在多飲滾湯為主，少飲老火湯，而且有些中藥材都會小心食用，因為藥性未必適合自己~~
刪除這個湯有粉葛幾好，聽長輩講話粉葛有去骨火作用~~
森兄真是很小心，桑葉是育蠶取絲的食品，整棵桑樹都很有藥用價值。
刪除坊間一味「夏桑菊」即是夏烏草、“桑葉”、菊花三樣合成的清熱去感冒茶。
「桑枝」一向都是用來醫治風濕骨痛，是很平和的藥。
還有「桑白皮」：清肺消腫，止咳平喘。
「桑子」即是桑椹：味甘酸，性寒，滋養補血。
秋葉見笑嘞……食在肚子的東西真是要小心，所以對食材都會選擇一下，尤其現在的化學食品……
刪除原來夏桑菊可以去感冒?!……等我些夏桑菊沖劑看門口，初時以為夏桑菊只是去下熱氣……
桑子的鮮品好少見，通常會買乾品，它稱為桑椹子我網誌都有介紹過~~
並不是見笑，只是讚賞吧了。夏桑菊的沖劑，可能只能作為預防劑。
刪除如果要消除感冒，當然要及早吃藥啦。往日當我有感冒初起，都是去煮一包自擬的草藥，或是以一包夏烏草、桑葉、菊花朵煮來喝。後來都費事煮藥，改喝一包檸檬熱飲就好了。
我也很少煲老火湯，至於我推介的粉葛黑豆老桑枝湯，是民間很著名對付風濕
骨痛的療效湯水，相信都不會飲壞人。
小時我們幾兄妹都是喝母親開方的中藥長大的，我的兄姐到現在都好少病痛，我也不用天天吃藥，可見得中藥也不是那麼神秘可怕。
這就謝謝秋葉讚賞，通常茶療都是作預防用，真正的不適就要靠藥療~~
刪除記得好耐之前，有什麼傷風感冒，會用到盒仔茶，仲記得這盒茶叫欖沖茶，飲完焗汗就會好返，現在好似冇呢隻感冒茶了~~
檸檬有維他命C，有祛感冒的作用，現在的人懶了，甚少煲藥，要飲都係靠沖劑，一沖即飲好方便，但成效唔知有冇影響...
以前的人病了，都係靠一些藥方，湯方去調理身體，現在的人吃西藥多了，可能越吃越弱...反而多飲湯水，人都肥壯些~~
盒仔茶的欖沖茶，我聽過，這個應該都是以前用來作家居備用的中草藥。
刪除中或西式的家居看門口藥品，能夠長久出售的，大都是有療效，信得過。
可是近日一些加強版的西藥，就不是人人都適用。病情較輕的，千萬不要用。
人的體質各有不同，有些司機的太太，會時常煲些羅漢果水，或夏烏草水給先生及孩子飲用，以清熱除煩。但都建議看清楚藥效才可飲用。
以前呢類中草藥茶包好盛行，相信當時有生意，但現代人對中藥未必個個受落，而且又要煲，因為煲過的藥才有功效，試問那個會花時間?!...
刪除大家都喜歡有些成藥放在家，外傷藥一定必備，口服西成藥就沒有，有事就去見醫生~~
係...加強版的藥唔好亂食，可能副作用唔少！！通常每個食療方都會少少試吓，若然適合才會多飲...
羅漢果水好少飲，聽講唔錯！夏枯草以前家中會煲，目的下火清熱，中藥都係一兩味簡單最好，太多的藥材可能會反效果~~
天氣乍暖還寒，小心身體，保重！
回覆刪除這刻大家都要小心身體，尤其在這種轉天氣的時候……
刪除