2020年4月15日 星期三

自製懷舊格仔餅...

時下的人樣樣都講衛生，很多人都認為以前街頭小食的那種風味，己經找不到了，昔日的街頭小食已經移到舖頭內，感覺就當然截然不同了...

要數數以前的街頭經典小食，相信唔同人有唔同的經典，對森伯來講格仔餅都可算經典，小時不是街童，所以不會掃街樣樣食，可以食到口的，就成為今日的經典小食，通常以前的格仔餅會先搽些牛油，再搽上煉奶再會搽些花生醬，新鮮熱辣的格仔餅，把夾在內的塗料溶掉，肚仔餓真係幾吸引......


雖然呢個格仔餅現成在舖頭買，但家中都有花生醬，煉奶，今個下午茶餐一於來個懷舊格仔餅，可惜個餅身較硬，如果軟熟就比較似樣...

今時今日格仔餅口味多多，但總覺得原味簡單都係最正!!!
張貼者： 於

34 則留言:

  1. 羊羊2020年4月16日 凌晨12:16

    格仔餅好懷舊我都鍾意食﹗

    回覆刪除
    回覆
    1. 森源2020年4月16日 晚上9:47

      就是一些懷舊的食物才會使人喜歡~~~

      刪除
  2. Ohtria2020年4月16日 凌晨3:17

    奶醬好味.

    回覆刪除
  3. 搞一爺2020年4月16日 上午8:27

    兒時印象係污糟•流沙。因為得一張細紙包住，食時牛油溶咗喺下面滴出黎，夾埋沙糖(以前冇煉奶)流到成手成腳成地都係， 黐黐立立、油油膩膩，真正流沙架。

    回覆刪除
    回覆
    1. 森源2020年4月16日 晚上9:52

      係呀，以前街頭小食即叫即整，通常熱辣辣，再用個雞皮紙袋仔入住，通常奶醬就整到成袋都係~~~以前檔主又唔會孤寒，奶醬多多，好多時都食到幾污糟，我買的格仔餅多數用煉奶……

      刪除
    2. 搞一爺2020年4月17日 上午10:54

      反而屋企刻薄得0.01mm，所以，小學雞去旅行會買樽花生醬，超豪華咁搽5mm厚待自己。哈哈！好天真幼稚、又易滿足。去旅行仲會有罐頭菠蘿、香口膠、可樂糖或薄荷糖。森哥又有乜？

      刪除
    3. 森源2020年4月17日 下午2:47

      屋企人想你食得健康啲，煉奶+花生醬都幾高熱量架……你小學雞旅行係要過夜，要帶定食糧?!…通常細個好少去過夜團，過夜家長唔畀…即日來回幾粒鐘，帶個包都得啦!!

      刪除
    4. 搞一爺2020年4月18日 清晨5:55

      即日來回8~5呀！午餐啦！小朋友通山走會易餓又食。我個年代興咁樣野餐架！

      低年級就家姐整定好晒帶去，高年級扮大人獨立，大個仔嘛！能駕馭雙刀一罐頭刀/餐刀就好叻叻。

      刪除
    5. 森源2020年4月18日 晚上10:01

      我諗想當年，一爺兄正值呢個發育期，特別容易餓……學校好少真正的野餐，對於小朋友來講帶些三文治，火腿已經好開心……

      記得以前自己識得開爐煮野食已經好似大人~~~~

      刪除
    6. 搞一爺2020年4月19日 上午8:21

      飲至純潔嘅小學雞水壺白開水，當時好似冇紙包或鋁罐。

      小六有得免費去烏溪沙宿營一周，唯一一次過夜，要家長簽回條批准。係冇路要由馬料水搭船仔去，仲記得有年嘅船仔被大風吹沉，有一班細蚊仔係咁大，都有風險架。

      刪除
    7. 森源2020年4月19日 下午2:31

      你講起水壼，我都忘記以前小學係咩水壼……

      學校旅行都有一周咁長時間，通常學校旅行地方安全，太危險學校唔想揹飛，一般都係安安全全……

      刪除
    8. 搞一爺2020年4月20日 清晨6:27

      紅A懷舊水壺有相睇，插畫師有時都要考究吓歷史。

      低B班帶毛巾仔係放喺番梘盒，森哥又點帶呀？

      有老師、校長照顧，係升小六嘅最後的暑假。雖然係徙置區天台基督教小學，除咗免費書薄、校服、書包、筆袋，都有適當活動畀啲貧苦學生玩，一啲唔馬虎。

      係得果一次出事咋！中文大學去烏溪沙碼頭船程咁短，又係內灣邊會大風，船家應該好熟悉天氣同航道，翻船損失咁大唔會亂黎，意外係預料唔倒，只歎命數無情。正如病毒直捲全球，帶走好多條老命，美國就係窮等有色人種佔大量。

      刪除
    9. 森源2020年4月20日 上午9:58

      咁你又唔借出你的真身照畀森伯畫吓，咁都算考究歷史啦!!!XXD

      手巾仔放在番梘盒係幼稚園學生才會，真係咸豐年前歷史，最記得茶點時間會有餅乾仔…
      有老師校長照顧就好啲，但眾多學生又可唔可以睇得掂呢?!!萬一有個百厭星周圍走，都可能出意外……當然唔係講一爺啦~我諗一爺細個係乖乖豬嗰類，而且深得老師校長寵愛!!唔會周圍走!!聽你講以前的教育良好，真正做到照顧學生所需……

      幾時都係人生變幻無常，人老了，每天活得充實快樂已經好感恩，面對疫情都冇必要太驚恐，要來就來，都冇咩先兆，一出到街就唔知邊個係隱形病人，做好個人防備就心安理得!!

      刪除
    10. 搞一爺2020年4月21日 清晨7:22

      『真身』 留言啫都要賣身。世風日下

      我個年代冇茶點架！窮學生純樸又聽話，懂得珍惜讀書機會。

      我係品學兼優，並指派為風紀正隊長，個醜樣可以嚇吓人。

      教會錢多，當時，英國鬼小小錢，對香港黎講就多多錢。

      刪除
    11. 森源2020年4月21日 上午10:35

      真身照被形容為賣身……真係只有你諗得出，遲吓要去換新智能証，你又要賣身多一次……XXD

      以前的社會純樸，物質沒有太多，有機會讀書都會很珍惜…你做過風紀咁威威，通常做風紀，班長特別受老師重視!!

      教會對以前香港都貢獻唔少，他們真心幫助當時的社會環境，不過香港現在環境好了，也不需要幫助太多…

      刪除
    12. 搞一爺2020年4月22日 清晨6:07

      佢胃口仲大，會賣斷埋你對手同眼，黎收集私人數據，其一用喺快速人臉識別出入境。

      考第一喺畢業禮上台領獎才夠威，好在收尾二年我二奶命都上過台，四年級畫畫得第三，獎支匙羹，五年級唱歌得第二，雖然兒嬉吓，都係美好回憶。風紀只係冇薪工人，小息冇得玩，返學最早，放學最遲，阻住我追電視劇同卡通片。

      鴉片戰爭割讓香港畀英國，為毒害中國人而贖罪。

      刪除
    13. 森源2020年4月22日 晚上9:26

      咩事，乜一爺兄想搞單大茶飯?!!一等公民好少會驚人面識別架喎!!莫非你上年參予過…………XXD

      你都幾多才多藝，在學校拿了很多獎，老師會愛錫，同學仔會羡慕……森伯以前在學校拿過書法獎，仲有禮貌獎......正如你話都係一個回憶~~

      鴉片戰爭真係華人一段悲哀史，最緊要現在明白歷史的教訓，華人要振作，免再受外邦的支配~~~

      刪除
  4. 大夫行傳2020年4月16日 上午8:27

    自製奶醬格仔餅...

    回覆刪除
  5. Stella Luk2020年4月16日 上午8:41

    格仔餅，已經進駐酒店自助餐。

    回覆刪除
    回覆
    1. 森源2020年4月16日 晚上9:54

      不過自助餐的格仔餅的餅料跟以前食的很不同，餅身硬掘掘~~~

      刪除
  6. Amour2020年4月16日 晚上10:15

    街頭小食，通常會買雞蛋仔。格仔餅，容易食到好污糟，所以唔多買！

    回覆刪除
    回覆
    1. 森源2020年4月17日 下午2:34

      雞蛋仔，砵仔糕呢類比較食得乾淨企理，所以多買…格仔餅間中會買，小時通常都係當早餐………

      刪除
  7. Man Man2020年4月17日 下午5:02

    現在諗起都想食番件。

    回覆刪除
    回覆
    1. 森源2020年4月18日 晚上10:02

      相比以前食的格仔餅，呢啲差好遠………

      刪除
    2. Man Man2020年4月21日 晚上9:53

      對上一次食格仔餅都好幾年了，原因個餅輕左好多，同埋味道冇咁好食囉。

      刪除
    3. 森源2020年4月22日 晚上9:28

      就是這些原因，現在街外所做的格仔餅無咁好食，以前比較有重感，餅身又好軟熟餡料又多……諗起想食!!!

      刪除
  8. 狂小子 Time Is Changing2020年4月17日 晚上11:07

    我鍾意雞蛋仔多啲！😋

    回覆刪除
    回覆
    1. 森源2020年4月18日 晚上10:03

      雞蛋仔簡直歷久不衰，到現在都間中會買來吃~~~

      刪除
  9. 基爾2020年4月19日 下午2:31

    放入爐叮軟叮熱少少會唔會好食啲?

    回覆刪除
    回覆
    1. 基爾2020年4月19日 晚上11:05

      咁下次会唔会整砵仔糕^^

      刪除
    2. 森源2020年4月20日 上午8:28

      家中冇爐叮，我諗佢係餅粉問題，點食都係麻麻地……

      刪除
    3. 森源2020年4月20日 上午9:38

      呢個格仔餅唔係我整……買現成!!

      刪除

訂閱： 張貼留言 (Atom)