其實數字在我地的日常生活裡幾乎係有好密切關係,每日都差唔多要接觸多種同數字有關的事情~對於現代人來講,一提起數目字,腦海裡多數都係阿拉伯數字字款...
想當年...數目字可能都係跟返中式數字寫...即是壹、貳、叁、肆、伍、陸...當然喇論到筆劃點都比起阿拉伯數字多,但對森伯來講都有機會用到中式數字,就係開支票的時候,要跟正統模式咁寫!其他的基本上都唔會用~
但對於老一輩的港人來講,原來仲有一種數字係日常會用,就係叫花碼字,現在一些舊式茶餐廳,酒樓的餐牌上都可能仲見到,伙記都可能仲用來落單寫價錢...但係真正會睇會知的又有幾多人呢?!據森媽所講,以前做水草生意的時候,都係用花碼字記帳,所以對花碼字都有認識有深印象...
睇過這些花碼字款,記得細個數學教科書裡都有一個篇幅提過這些花碼數字,不過事隔千年乜都唔記得喇~
所以生活裡很多舊有的東西,不常用就會慢慢被人淡忘了!
細時跟媽媽去街市,見到啲菜檔插住啲價錢牌,都係用花碼字,我識睇呀!因為在數學教科書上學過,去到街市又有實習課。個五字好似8字,好易會錯意的。
回覆刪除有很多中國傳統都漸漸失傳了,譬如打算盤。又曾經興起了珠心算這種技術,好似都幾快速。
你講起街市,我都有印象…記得賣蛋舖會用花碼字去寫價錢,當然細個唔識睇啦………現在的新式街市價錢牌多數打印出來,又少咗一種地道文化…
刪除睇慣寫慣花碼字應該唔會溝亂。現代人樣樣講求方便,用計算機易用過算盤,所以很多舊物都成為歷史…成為過去…
「參伯」,吖,我寫錯了呢…係森兄至啱!
回覆刪除點解我會同你開玩笑,因為你將個「叁」字寫成「參」字呀!
同時花碼的九字也應該是這個「久」。
不過我都唔知有沒有錯?
是關所有中式數字與花碼,都是N年前小時候父親教我的。
我看到一個“夕”一個“久”,睇睇吓兩個都有d唔多似,兩個都爭dd.
刪除係嘞! 以上兩個合成就啱了。
9字應該係呢個「攵」。
刪除這個就似了。 也可能以“久”的同音字來做代表9,但又加長了一些筆劃。咦,我好似喺度“喧賓奪主”咁喎。就此打住了。
刪除阿恕兄識得叫森伯做阿伯,應該冇錯…哈哈哈,因為我部電腦出唔到個叁字,現在手機可以,所以要用個參字代替…相信你哋一睇就知我唔識花碼字,即刻有字寫錯,也要多謝你哋的指教指教……博圖我是靠些網上資料去寫,當中的玖字就睇唔清楚本字點寫…都係寫個類似就算……
刪除秋葉唔需要打住了,我都想聽多點點,集思廣益嘛……
謝謝畀些機會我這些老人家。原來“玖”字是大寫的九字,這個不說也忘記了。開支票若用中文,真係要用這些大寫的。所以有人寧願用英文。 而英文的千百,有些卻不用s,又是錯一個母都唔得的。
刪除更正:「字母」
刪除森兄,我寫完留言就覺得有些不妥,好似我特登去挑剔你。
刪除原來唔係你唔識而係電腦問題,不過若用倉頡輸入法,打戈大一(I k m)就可以打到個叁字,又或速成打戈一都得。
再一次希望你不要介意就好!
秋葉咁年輕,點算老人家呢…只係見多識廣而已…
刪除我哋平常生活冇乜用到的字,慢慢就會遺忘,一生疏就會執筆忘字,寫票給人,無論中或英,我都怕寫錯任何字,所以必定對一對,若有唔確定都會睇字典……
恕兄:你真會顧及人家的感受…
刪除冇呀…我完全一啲都冇覺得你挑剔我,我有錯都好應該提點出來……有很多廣東常用字電腦都沒有顯示,只能在手機打出來,個叁字都係靠速成打,尤其很多口字邊的廣東字……
秋葉年紀不輕了,但心境年輕。如果肯放眼世界,人人都會見多識廣。
刪除常懷謙卑的心, 日子就易過些。
正如你所講,真正的年紀只在乎心態而已…能夠做人處事豁達一點,謙虛一點,包容一點…世界就會很不一樣,自己也自在一些……
刪除好像是佛說的:放下自在。
刪除只是簡單的人生智慧, 人若能放得下, 就樂得逍遙嘛...
刪除森少善哉,善哉!
刪除智慧從歷練中學習……
刪除老師:寫錯字用毛筆罰抄500次,後日交。😜
回覆刪除花嫲逝去已久,仲乜挖番出黎講?
上圖花森碼係用乜中國字體書寫架?
我要學人扮細咋咋蒂話唔識,所以,森兄寫孬。好聰穎!
你個一爺老師都幾嚴厲,用毛筆罰抄500次…而家想搵支毛筆出嚟都唔係咁易,不如用原子筆罰抄50次喇……
刪除請一爺兄見諒,森blog係個舊舊blog多數乜舊嘢都挖出黎講架…
哈哈哈哈~你唔畀森伯真係唔識嘅咩…
唔好意思呀一爺兄,掛住罰抄同扮細~唔記得答你,上面的花碼字係親手寫架…你話森老伯寫blog幾親力親為…
刪除識 = 正直嘅森伯
刪除唔識 = 純真嘅森仔
扮唔識 = 聰慧而又老奸巨猾嘅森伯
無論答案係點都好,我係冇權封伯(爵),都係叫森兄親切啲。
十個錯一個即係玖拾分,森兄咁高分,邊個衰老師要你罰抄,如果我係老師,我會獎1粒星星貼圖🌟。
駛唔駛寫舊嘢都要向人見諒咁嚴重呀?咁我都有幾拾年光景,都算係舊嘢,咪要活在歉疚中,好慘喎!
刪除我本想段文字有啲血肉,添啲温度,加啲情緒,唔想冷冰冰咁直接問什麼勾起森兄寫花碼呢?幻想森兄同情人知己喺舊式餐廳撐枱腳時睇到,充滿愛意嘅花碼有多溫馨美好呀!
森伯又好,森兄,森仔又好...都係一句啫!!
刪除都唔係架...肯叫學生罰抄都唔一定係衰老師,學生咁先學到野!如果一爺係老師相信班學生哥都好幸福,個個當晒K1,K2的學生罰抄貼星星,相當架丫兒...
其實我應該打森blog係懷舊blog,唔知一爺啲後生仔鍾唔鍾睇太多懷舊野,所以咪好客氣咁講請見諒囉!...
同情人知己去舊式茶餐廳睇花碼字就好溫馨?!咁你同你啲情人知己浪漫得來又幾另類~哈哈哈
總之一些舊事物都會係寫森blog的主題~
罰抄未必帮助記憶,據專家話,要將佢同不同事情、事物立體地聯繫在一起,才可牢牢記著,例如:森兄同情人喺餐廳食熱狗示愛,喻意腸腸狗狗(長長攵攵),用咗攵攵蚊買單。咁樣至會刻骨銘心,愛得森,記得森,一次偷情意外分手後恨更森。😜
刪除罰抄都好睇個人,有啲人肯上心的確可以幫到改正錯誤…
刪除你就係咁呃你啲情人同你去食熱狗呢……哈哈!一爺果然係情場聖手~~(欽佩中)
你都好勁喎!創作咁多以森字辭句,幫森Blog起題最啱!可以畀老人森慳番啲腦汁……
小學時有一課有教過,唔知係咪社會科?
回覆刪除依家我諗只有街市菜檔會用吧,好少其他地方見到了
係呀!我都記得小學好似有課講呢種花碼字,以我記得好似係數學科……
刪除現在街市仲用來寫價錢應該唔奇,茶餐廳的點菜牌好似見過……
以前金舖和百子櫃中藥房好似都用
刪除這種數字簡單易睇, 所以以前的店舖做生意的都會用到...
刪除至少唔會混淆視聽斤變両....XXD
刪除乜用花碼字都可以唔駛畀人呃秤咩?!……
刪除咁消委會真係要推廣吓……
小學數學有教花碼子,但近年這課已被剔除。
回覆刪除原來有很多blog友都記得以前曾經教過花碼字...不過隨著時代改變, 呢種字又少人用, 就會被社會漸漸淘汰~~~
刪除森中有數! 花碼字常在心, 好友森.
回覆刪除just a quick question, 請問用花碼字寫100, 點樣寫呢?
其實花碼字唔屬於森伯的年代,只係有個題同各位blog友講吓……
刪除KK兄真係問啱半桶水的森伯…我都想知如果價錢過百又點寫?!
如果有博友知道,不妨教教小森伯……
呢個我識寫,比如六百七十四元,你可以在六字下面寫個佰/百,七字下面寫個十,而四字下面就寫個元…
刪除希望我冇講錯啦!
如果單單是一百元,那就更簡單,直寫一佰元就0k,希望都冇講錯就好!
刪除哦!原來係咁寫…平時見到的花碼字多數都係十位數,又真係冇乜見百位…甚至千位數,初初以為舊時的社會一般的消費冇咁高,食個飯買餸都兩位數就可以了……森伯真係好膚淺~~
刪除多謝恕兄用咁詳細例子講解,現在又識多點點……
明白了, 謝謝, 恕我直言, 兄好叻.
刪除哈哈…如果冇記錯嘅話?因實在太耐冇見喇!
刪除你倆也不用客氣,朋友嘛……
是朋友, 就更加要客氣啲啦~~互相敬重嘛!!!
刪除很讓人懷念呢!現在都很少在街上看到這些數字了!
回覆刪除而家間中都會在一些舊區的商舖食肆見到,可是始終未能普及……
刪除珠算.......
回覆刪除珠算聽過,不過唔知是怎樣計算...
刪除