食過五月粽後…炎炎的夏日終於到喇！！對於森伯呢類老人家來講，又要將啲冬季衫收落櫳底，攞出夏季衫…每年都總有啲舊衫覺得霉霉哋，可能係時候要換換…其實森伯平時出街好少睇衫，除非要買就會刻意去買～～想當年…年少的時候多數去服裝連鎖店買，啲款比較年輕大路而且價錢又大眾化！但人大了，想要的是成熟穩重款…望落比較合襯～～
買衫都唔想周圍去，最好就腳而且多款可以選擇…呢個就係新場，啲衫都OK喎！閒日嚟仲唔係咁多人，呢類款都幾平實，簡約得嚟又幾型仔…但著起森伯身上就打晒折扣…！唉～><
時下好興網上買衫，但始終要親自試過先知好唔好睇，單憑睇相當然唔得，相拍得靚但著上身都可能係兩回事…而且呢度試身都幾自助型式架！試完再試，試幾耐都得，可能係閒日啦！！不過當然森伯快快手喇，好睇與否一著就知喇！
唔同大家講咁多，試身先……
強烈求要真人示範....XXXD
回覆刪除梗係真人示範啦...不過冇影相放上嚟啫~~~哈哈哈
刪除我諗年紀愈大穿的衣著其實已經定形了，就算話去揀，可能來來去去都係自己著開個幾款……
回覆刪除都可以咁講, 人大了揀嚟揀去都係嗰幾款, 尤其男裝衫咁多年來都係差唔多, 唔係恤衫就係T恤...總之著落個身簡單自然就最好!!
刪除以前頸渴先飲水,上咗年紀注意健康日日飲足八杯水, 炎炎夏日一出街就飆好多汗出嚟，成件棉質衫都濕曬， 噏住好辛苦， 早2年先知道有隻 吸濕排汗快乾衫呢樣嘢， 著咗出汗少咗人都爽啲 、 涼快啲， 件衫又冇汗臭味， 洗咗又好快乾，仲好輕又薄身， 便於攜帶行李， 唔重又慳位 ，極力推薦。
回覆刪除「利申：我唔係賣衫，唔係成衣製造。」
襯番繽紛夏日我都會揀啲火紅火綠 鮮豔顏色，不過係淨色，唔係 滾紅滾綠花哩碌， 畀老人家添啲陽光氣息， 變得開朗啲。 當然 返工見客要顧及形象，畀人信心、穩重感，有時都要著得行政look。
又係一篇博文@@
刪除而家好多衫都係呢種質地, 香港天氣濕濕立立如果啲質料難乾就有排晾, 我自己都係揀啲快乾質料, 尤其買的背心佢標明係快乾防臭防菌等,
所以對大眾易乾都係一個賣點~~
現在又有專家話唔需要一日限定飲多少杯水,總之有口渴就去飲水都已經OK...不過天時暑熱飲多啲水都係穩陣啲!!
你哋啲後生著火紅火綠就得啫, 森伯通常著黑,白,藍,灰...呢四大長者色咋~~哈哈哈!!行政裝對森伯嚟講基本上都可以慳番!森伯走型格路線,簡約自然就合適了~~
ykk估計,森兄買了下圖的七間型藍新衫, 慶祝香港回歸20年.
回覆刪除KK真係睇得好仔細…如果慶回歸著到黑沉沉, 咁就真係大吉lu…哈哈哈
刪除博文所講：啲衫望落好型仔，但森伯著起打折扣…冇買呀～買了另外一些款…